homanbean 發表於 2015-11-19 01:11
再者 轉乘優惠我地一樣有
你唔識用可以問人
你地習慣坐啲爛車
司機又習慣揸啲幾年就變廢鐵既車
我地香港人唔慣架
先打斷你的怒意
其實呢條友係香港人
佢故意用簡體字貼文
唔知有什麼居心
(唔係幫佢)
本帖最後由 miklcct 於 2015-11-19 17:51 編輯
Phoenix 發表於 2015-11-19 16:10
搞这些门面工夫之前，请先搞好香港公交车的素质。我往来港深两地，深圳的公交车实在比香港的好多了。香港 ...
喺深圳搭巴士，拍卡轉車只要係90分鐘之內都會減0.4，反而香港只有好特定，好少數嘅組合先有得減，再結合香港無分段嘅因素，喺無直達車嘅情況下，可能只係搭幾公里路已經要超過$10，好似由企嶺下搭去大網仔咁已經係天價。喺深圳，只要唔好上錯E車，咁樣拍卡轉法，相若里程夾埋先至￥2.8。睇返2007年以前，深圳嘅巴士的確好貴，就係因為太貴先至用行政手段降價，達至合理水平。而家深圳3間大公司，我無搭過東部唔提，感覺上好似西部好過巴士集團，主要巴士集團啲車比較殘，同埋個報站成日聽唔清楚。恕我無留意N車，因為我無夜生活，我最夜嗰次上深圳都係22:XX就由蓮塘啟程回港，你諗下地鐵23:00都已經由起點站開出尾班車啦，巴士會遲得幾多？係B字頭嘅車早收被批評得多，但係好多時都重有M車可以搭。
如果幾蚊一個站都搭唔起既
你可以選擇行路
我地呢邊物價係貴過大陸
乜都貴
搭車貴過你深圳有乜咁奇？！
你地幾蚊一個快餐
我地食餐飯閒閒地都40-50呀
人工租金乜都貴
幾蚊雞 有歐洲車坐 有舒服既座位
有充足既冷氣
做野有規有矩
幾蚊雞一個站都抵啦
返過來香港，喺街道閒閒地搭一兩個站巴士都要成$4.9以上，我真係搭唔起啦。用英國車咁又點？又唔係可以開得快啲。有座位冷氣又有乜用？搭得巴士，好多時上車未坐暖個位已經落車啦（除非係公路線），整多幾部上層3+2，下層大水塘重實際。新巴都已經有晒樣你睇啦，西環條地鐵一通，以前打晒蛇餅嘅人龍即刻消失。啲人根本唔稀罕你個座位，咪住，係根本巴士又要迫，地鐵又要迫，巴士重要唔知幾多部先有一部可以上到，我不如逼包有得上嘅地鐵好過。只係香港人文明過深圳人，先至未搞到堵路咋（參看2010年龍崗區堵路事件 http://jt.sz.bendibao.com/news/2010720/224375.htm ）。
miklcct 發表於 2015-11-19 17:48
喺深圳搭巴士，拍卡轉車只要係90分鐘之內都會減0.4，反而香港只有好特定，好少數嘅組合先有得減，再結合香 ...
轉乘你攞到咁extreme，我不其然諗起E22藍田北去麗港城個十八蚊獨市位
香港巴士網都叫完善，基本嘅都已經有線做緊
而各區feeder service同區外線已經做緊優惠
鄰近地區減四毫，香港減夠四蚊，差唔多係送咁濟
同埋你話大陸車同祖國車冇咩分別吖
大陸車啲凳咁硬，避震又差，用幾年就好似要打柴咁
英國車？我早兩日坐服役十幾年龍運一代（過檔九巴）躉飛龍翔道
都仲係咁好力水，坐得幾舒服，而且唔會有就散就散嘅吱吱聲
仲有又話有鐵啲人唔坐巴士吖
咁一眾中環以至北角去新界西嘅巴士點解越做越有先
點解有鐵咁多年之後，有條叫290嘅怪物，一開線就客似雲來
老實講香港巴士（特別係九巴）呢幾年都進步緊
由巴士路線到軟硬件都一路改善緊
唔係因為咩獎而去做，而係因為唔似鄰近地方
做就36，唔做又36，香港巴士係冇補貼，要食自己架
唔係話香港咩都好，只不過係睇唔過眼有人話香港咩都比唔上人啫
sq285 發表於 2015-11-19 18:59
轉乘你攞到咁extreme，我不其然諗起E22藍田北去麗港城個十八蚊獨市位
香港巴士網都叫完善，基本嘅都已經 ...
轉乘我求其舉個郊區去郊區嘅例啫。你知郊區好多時得一條線服務，重要無乜轉乘優惠，食唔中直達位已經係天價啦，好似嘉道理農場去雷公田、牛潭尾去錦田市、淺水灣去石澳呢啲咁全部兩/三程車加埋已經過$10。至於有鐵唔搭巴士當然係講緊搭鐵唔使轉車嘅情況啦，呢啲位鐵貴過巴，巴一樣生存唔到，有時甚至鐵轉一次車都KO到直達巴士，如果好似將軍澳去荃灣、屯門去北角咁，鐵路根本唔能夠直達嘅，巴士自然有生存空間。你諗下除咗城巴堆3.4流水之外，有邊啲同鐵完全重疊嘅路線唔係吉車遊街（完全重疊所指真係條線畫出來都係同條鐵差唔多樣嘅先算）？西鐵通紅磡，完全重疊嘅268B就自動收皮；港島綫通西環，重疊得最勁嘅18X你睇下而家咩樣？我真係想放長雙眼睇下以而家咁差劣嘅巴士服務，2016年通南港島綫之後條590(A)會變咩死樣，2018年通東西線條5/11又死成點。
miklcct 發表於 2015-11-19 19:19
轉乘我求其舉個郊區去郊區嘅例啫。你知郊區好多時得一條線服務，重要無乜轉乘優惠，食唔中直達位已經係天 ...
［離題］你要攞哂啲extreme case就冇得講
不過至少牛潭尾去錦田市有小巴78做緊
其他嗰啲好話唔好聽，一日都唔知有冇一個人要咁坐
咁至於鐵路平行線
有條叫930嘅物體
無論價錢同時間都輸畀鐵架
點解佢可以捱到十幾年先
咪就係直達唔洗行總有班客仔企都要搭
要計仲有一大堆彌敦道過海線
點解三十幾年可以同地鐵平行先?
巴士唔一定唔夠地鐵鬥嘅［／離題］
離完題，講返香港應唔應該學深圳搞咩最佳路線
講過成個system係唔同
深圳係用線去做單位
而香港係成間公司係一個整體
香港好難用一條線去評服務
同埋要改善服務
唔一定要用到呢啲咁浮雲嘅方法
而各公司都一路用本地方式做緊
我睇唔到有咩需要借鏡咩嘢鄰近地方囉
sq285 發表於 2015-11-19 19:45
［離題］你要攞哂啲extreme case就冇得講
不過至少牛潭尾去錦田市有小巴78做緊
其他嗰啲好話唔好聽，一日 ...
有關巴士服務評鑑方式，我亦有一以專營權為單位的建議，可到此討論：http://www.hkitalk.net/HKiTalk2/forum.php?mod=viewthread&tid=934414&extra=
主要是評分結果會影響巴士公司能否接新線及加價
miklcct 發表於 2015-11-18 15:07
搞这些门面工夫之前，请先搞好香港公交车的素质。我往来港深两地，深圳的公交车实在比香港的好多了。香港的 ...
部份的確係可以借鏡
例如用卡轉車折上折不限路線仲可以不斷駁落去
職員對負責路線既認知
但缺點都唔少
同一條線搭過三部車，三部車入面都唔同時間表既，而我當時搭個班車既開車時間，三份時間表都唔中
部份路線行車時間仲長過直通巴，但個轉車優惠時間都係得1.5小時
101呢類多人搭既線就當然好等，你試下等無乜人搭既B816，同埋個班次係視乎客流轉變話改就改
$1車太遲開太早收，N車仲衰，九點幾開兩三班，跟住就等比的士劏啦，十點鐘深圳灣條等的士人龍長到...
回#25，有架，車頭車尾擺塊牌寫支援___路
bjbus 發表於 2015-11-18 15:18
今日搭獲文明獎的深圳101，看到車頭有水牌好得意，就上車了。的確係車海，走咗車不久就有車，好似地鐵咁密 ...
香港人先冇咁無聊, 為有個獎而上車~~
bjbus 發表於 2015-11-19 23:02
深圳巴士唔算差，
東公有很多新比亞迪，
快線仲有新金旅，
根本就係一件無聊事, 有咩好討論~
只有D自卑都極點既人先鍾意自己整呢整路黎滿足自己, 填補返自己既內心~
等自己感覺良好者~
做好本份咪得LA~唔通渣條有獎線有得加人工咩~~
BTW上面唔知邊位, 塞車就塞車啦, 堵甚麼路。