2015年12月13日萬千星輝頒獎典禮賽果預測：
日前馬來西亞舉行了星光薈萃頒獎典禮，賽果視帝由陳展鵬憑張保仔奪得、最另人估不到的視后既然是雙視后由田蕊妮、胡定欣憑鬼同你OT奪得，而張保仔就奪得最佳劇集。隨著馬來西亞星光薈萃頒獎典禮的完結，踏入12月又到一年一到的無線電視TVB台慶第二個重頭節目萬千星輝頒獎典禮2015，萬千星輝頒獎典禮2015會在2015年12月13日(星期日)晚隆重舉行，當晚除了會頒發最佳資訊節目、最佳主持、最佳綜藝及特備節目外，飛躍進步男女藝員、最佳男女配角與及由全民投票選出的最佳男女主角、最受歡迎電視男女角色、最受歡迎劇集歌曲、最佳劇集及最受歡迎經典劇集都會在當晚頒發，現在先預測下2015年萬千星輝頒獎典禮賽果：最佳劇集：張保仔
最佳男主角：黃秋生（梟雄）
●難得秋生哥放下影帝身份回來拍劇，當然要投票支持下啦，而且黃秋生在梟雄內角色做得好好。
最佳女主角：胡定欣
●始終今年鬼同你OT神同步太深入民深啦，我覺得視后都係田蕊妮及胡定欣之爭。
最受歡迎電視男角色：《張保仔》陳展鵬（十一貝勒／Bowie）
最受歡迎電視女角色：《鬼同你OT》田蕊妮（孫淑梅）
最受歡迎劇集歌曲：《衝線》主題曲：美好的時光（吳若希）
●始終吳若希唱主題曲真係好聽，我估吳若希另一首歌曲眼淚的秘密都可能有機會。
最受歡迎經典劇集：衝上雲霄
●真係好想再睇陳慧珊、吳鎮宇的合作，再加埋胡杏兒、馬國明、吳卓羲、葉璇、陳健峰等。
最佳男配角：李成昌（張保仔）
最佳女配角：姚子羚（張保仔）
飛躍進步男藝員：黃子恆
飛躍進步女藝員：陳凱琳
●陳凱琳我好欣賞她，又做大騷司儀、又拍劇，而且經過第一套四個女仔三個BAR後，在張保仔演得非常好，希望陳凱琳有機會得飛躍進步女藝員獎啦。
最佳節目主持：杜如風《東京攻略》
最佳綜藝及特備節目：超強選擇１分鐘
最佳資訊節目：世界零距離２
:) 歡迎各位版友預測2015年12月13日萬千星輝頒獎典禮賽果 邊個/咩節目得獎, 仲要配合好多因素, 一定冇獎似乎容易啲估.
非最佳劇集：《愛。回家》
- 此劇膺香港電視史上最爛劇集差唔多, 擺明呢半個鐘頭黃金時間電視台用嚟俾台前幕後練習拍攝同演戲, 啲所謂柱躉配角個個唔識做戲, 一味背書, 唸完就算, 考驗觀眾底線, 亦同時將電視劇集的可觀性不斷降低.
非最佳男主角：馬國明《梟雄》
- 好簡單, 成部戲仲有三屆視帝黎耀祥.影帝黃秋生坐鎮, 最敗筆就係演之前學極上海口音都學唔掂, 最後搞到要配音, 雖則佢係男神, 即使係演爛片獲提名的麥長青, 機會都要比他高.
非最佳女主角：薛家燕《倩女喜相逢》
- 如果係上年套《新抱喜相逢》或者有機, 今年玩古裝, 加左個熱捧的蕭公子落去配成一對, 完全唔啱channel兼重口味, 唔識欣賞.
非最佳男配角：翟威廉《華麗轉身》
- 呢班提名有幾個印象都好模糊, 最模糊就係翟威廉, 完全唔記得佢有份做呢套劇, 其他例如王梓軒.安德尊.陳智燊係記得有份拍劇, 但做左乜就冇印象, 如果提名翟威廉, 用《陪著你走》提名應該會好D.
非最佳女配角：唐詩詠《四個女仔三個BAR》
- 佢喺呢套劇入面全程行行企企, 角色完全唔搶戲, 等我以為無綫唔再捧佢, 點知咁都有提名, 犀利!
非最受歡迎電視男角色：麥行直（袁偉豪）《拆局專家》
- 要得到角色獎, 角色的人物性格好緊要, 縱觀所有提名, 性格冇咁鮮明, 兼且係乖乖仔的麥行直應該冇運行, 入圍當攞獎啦!
非最受歡迎電視女角色：梁芯（楊怡）《收規華》
- 將良心由人扮演真係第一次見, 現今社會講良心的通常比較沉默, 良心這話題亦較為沉悶, 劇中梁芯的設定純屬襯托其他角色帶出故事, 好難令觀眾投入角色, 好難投票俾佢. 另外, 若此劇由「香港良心」電視台播映, 或許會得到不少掌聲, 「是旦台」做呢啲冇人睇架!
非飛躍進步男藝員：袁偉豪
- 唔好意思, 又係袁偉豪. 全年得兩套劇, 冇其他節目, 劇集角色唔出眾, 楊明.洪永城假假地做到第二男主角, 坤哥.黃子恆的確有fans支持, 翟威廉亦演戲.主持雙線發展多年, 比較下, 袁偉豪的進步空間仲有好多好多.
非飛躍進步女藝員：朱晨麗
- 要飛躍進步, 請先擺脫濃郁的leung味, 講完.
非最佳主持：金剛、小儀《街坊廚神舌戰新台韓》
- 剔除所有哥級姐級人馬, 再剔除埋早年從畸寶過檔的主持, 包尾的顯而易見. 另外, 如果有個獎叫做「最KAI主持」, 非《至尊街頭魔法王》吳若希的囊中物.
非最佳綜藝及特備節目：《食平3D》
- 台慶同港姐用嚟充數, 不提也罷! 再揀落去應該係《食平3D》, 老實講, 有獎都唔會第三輯先有, 何況一早已經話左拍落去.
非最佳資訊節目：《你健康嗎》
- 雖則一年內拍左三輯, 但成本實在低得可憐, 觀眾群竟然搵藝訓班全班同學來參觀導師鄭丹瑞的主持技巧, 滲入班婆婆中間, 順道充撐場面, 咁慳, 應該攞「最慳資訊節目」!
非最受歡迎劇集歌曲：是你嗎（主唱：吳卓羲 胡杏兒）《醋娘子》主題曲
- 有自家唱片公司, 簽約歌手定當睇高N線, 剔去歌手同埋猛人如汪阿姐, Mr. Lun Lun, 蓋鳴暉等等, 剩低一些有份參演的藝員, 是你嗎顯然係零得獎機會, 皆因吳.胡二人已經離巢鳥.
非最受歡迎經典劇集：《巨輪》
- （真心）好想見到2013年劇集可以（憑質素）撼低二.三十年前的劇集, 攞到呢個獎, 尤其呢個獎係100%全民投選, 《巨輪》撼贏《大時代》.《他來自江湖》.《誓不低頭》等超經典老舊劇集唔係冇可能. 三套超經典, 唔駛俾獎都有人識, 會有人買嚟睇, 班五.六十後唔興玩網上投票, 輸俾《巨輪》可以預期, 或者我要改一改選擇, 《巨輪》先係最有資格攞呢個獎.
後記：
年年都預測賽果實在太悶, 加埋而家事前又新加坡又馬來西亞, 大概都知係咩人/節目攞獎, 劇集同節目質素都令人提唔起興趣, 邊個得獎根本係who cares! EX-TL 發表於 2015-12-1 23:58
邊個/咩節目得獎, 仲要配合好多因素, 一定冇獎似乎容易啲估.
非最佳劇集：《愛。回家》
好多年冇睇 TVB 的節目
認同樓上師兄所言
Who cares? 反正聽話就有獎
洪永城過多一兩年拎甚麼男主角獎也不是夢吧
頁:
[1]