其實ETA的運作有幾多實時定位成份？
本帖最後由 KC3555 於 2015-12-26 21:32 編輯1. 話說有次坐270A由尖沙咀返上水，
明明ETA話仲有5分鐘有車，然後我發現站頭有部車嚟到。
我經驗話俾我知呢班車係N73柯打，有GPS的。
但係咪柯打車唔落？又好似唔係。
結果我發現沿路都消失咗呢班車嘅報時。
2. 不久前上261由屯門返上水，發現部車早咗4分鐘到站，
而部車一定有配置GPS。
結果一到走到上水，呢班車嘅到各站時間都早3-6分鐘。
而我好肯定中間無攝多部車，配合呢個ETA時間。
3. 一塞車時，大家用過ETA都知道，
ETA會出現幾部車JAM埋一齊到達既壯觀又華麗的場面，
而其實嗰幾部到達的車，其實都係一部車。
4. 有一個更奇怪現象，啱啱坐到一部279x去聯和墟，喺個車站列表顯示分鐘出現咗部車係到達，
但按入巴士站看到站時間詳情又無咗班車，
到前往下一個站欣翠花園時，車站列表上又消失了這班車。
有無人可以解釋到以上ETA的運作原理出現那麼多bug？
其實它確實的定位成分有幾多？即是GPS幾耐先tune up個定位？
煩請高手解答。謝謝。
仲有一個情況
平時馬頭角道坐 61X 返屯門
佢富豪東方酒店、王仲銘中學、黃大仙警署、大有街幾個站，似乎只係根據架車GPS 到時馬頭角道既時間推算出黎，應該唔係做緊實時GPS跟住架車於於馬頭角道至大有街一段既實際移動位置同實際速度倒數
因為試過無數次上車後九龍城迴旋處塞車郁都唔郁
手癢開 ETA 睇下之後 D 站既到站時間
竟然係照一路倒數
呢個情況唔止出現過一次,
有次塞左半個鐘,
我坐果班車、後車、後後車同時於王仲銘中學站顯示「到達」
但其實三班車先岩岩過左亞皆老街球場
但奇就奇在
只要班巴士一日未到
佢個「到達」字眼唔會消失
即係系統其實有辦法知悉巴士於馬頭角道至大有街之間的確實位置
但唔知點解又唔跟住確實位置倒數
然後去到黃大仙中心又會正常返 =.=
有晚睇住 26 尖東總站，由 0050 開始都無車出現，但係個 ETA 係照出預計幾分鐘到 → 到達 → 尾班車已過本站
kks 發表於 2015-12-26 22:44
仲有一個情況
平時馬頭角道坐 61X 返屯門
佢富豪東方酒店、王仲銘中學、黃大仙警署、大有街幾個站，似乎只 ...
我都留意左呢樣野好耐
好多時我係中環利源東街等978, 都會見到個ETA 慢慢倒數去到到達, 但部車可以成5分鐘都未出現
而個到達就一直都係到達.
上左車之後, 個ETA 就識轉到達/離開
我懷疑係部車到站之後, 先會send signal 上去server. :L
JF1261 發表於 2015-12-27 00:22
我都留意左呢樣野好耐
好多時我係中環利源東街等978, 都會見到個ETA 慢慢倒數去到到達, 但部車可以成5分 ...
我認為唔係，
因為我試過旺角鐵路站等 95 返將軍澳，ETA 顯示仲有 5 分鐘，
但眾所周知奶路臣街同呢個站中間塞到反艇，結果 ETA 個時間係好似港鐵月台顯示咁，真實時間 2-3 分鐘先跳落一分鐘。
3ASV174 發表於 2015-12-27 00:57
我認為唔係，
因為我試過旺角鐵路站等 95 返將軍澳，ETA 顯示仲有 5 分鐘，
但眾所周知奶路臣街同呢個站 ...
正常情況下個運作的確係好似你咁講的唯獨61X 馬頭角道果幾個站好怪, 如果係其他位塞車又會變番正常, 好似你咁講咁顯示................
首先要總站有入呢班車既資料,之後開車先會有實時定位+預測成份
如果總站冇入/入錯左資料,預測時間就會亂晒/消失左
kks 發表於 2015-12-27 01:12
正常情況下個運作的確係好似你咁講的唯獨61X 馬頭角道果幾個站好怪, 如果係其他位塞車又會變番正常, 好似 ...
佐敦道都係好例子
試過幾次係寧波街等8號
由5分鐘開始等等左十幾分鐘
打後去到廣華都寫到達
睇多陣寧波街就突然跳左落下班車再等多8分鐘
之後就有架8號轉入彌敦道...
同樣係8號係理大上何文田方向
有次漆咸道南
由4分鐘等到1分鐘
再跳去5分鐘等到2分鐘又再跳返轉頭
咁先正常返少少
磚家mode
我覺得係個programe 寫得唔夠好
除非老九買果批GPS好差好差
如果唔係GPS收發唔係真係差得咁緊要
起碼定位應該唔成問題
係旺區先可能難做到預計車速
知道架車係邊就已經唔會出現幾個站都寫到達既問題
今日想係映月台轉281M，九巴App話19:45九龍塘開出，19:48到映月台，實情係19:46架車已經過咗，我坐架車19:46-47到映月台，前面有架271，睇唔到再前面D車，個App一路顯示281M 19:48到映月台，我望極後面都唔見281M，最後好在無落車，唔係就白等，最後係世界花園落車，轉其他車。
5504-NK3640 發表於 2015-12-26 23:01
有晚睇住 26 尖東總站，由 0050 開始都無車出現，但係個 ETA 係照出預計幾分鐘到 → 到達 → 尾班車已過本 ...
我都試過係青沙轉車站等272X尾班車
預計5分鐘到 → 到達 → 尾班車已過本站
結果咪遲大到囉
頁:
[1]
2