九巴73K 78K 79K應否加強星期六及假日服務?
今日行完山, 下晝五點二到達流水响巴士站(前九巴G36對面), 等78K 79K出聯和墟, 抵站時見站上堆滿人, 剛好一部綠小吉車接走呢班人, 站上只剩下三人, 以為部小巴係嚟截糊, 點知等左差唔多二十分鐘先有部企到黃線的AVW@78K到站, 而下一站軍地非常多人等車, 下層走廊企左六七人, 樓梯又企四個, 迫爆部車之後仲有差唔多十人上唔到車, 新圍軍營仲飛埋站.在車上有些熟客指出蓮麻坑開放, 今日條路(指沙頭角公路)多左好多車行, 而在軍地上車的熟客, 上車前不停咁話唔怪得等咁耐啦, 而我由流水响水塘沿路行出沙頭角公路期間, 連續三班52K小巴都一早滿座, 在巴士站等巴士時, 亦沒有任何小巴停站, 全部滿座飛站.
當我到達聯和墟後, 在商場行左10分鐘先返總站等277X出九龍, 行到總站口, 先見到17:10打鼓嶺開的79K離站(當時是17:55), 該ATS仍有人要企, 而計番時間, 打鼓嶺到流水响要用差唔多30分鐘時間, 到聯和墟要45分鐘, 非常之慢.
今日係禁區開放第三階段兼兩條巴士路線乘客無需再出示禁區紙可搭全程的首個周末, 雖則可能係新屎坑三日香, 但今次解禁的範圍相當大, 而且吸引力大, 相信到該處的遊人仍會絡繹不絕, 周末及假日仍只提供解禁前的小巴和巴士服務及班次, 假以時日定必惹來日常通勤乘客不滿.
巴士服務方面, 78K 79K如可轉用高載車, 增加每班車載客量, 同時於客量最高峯時稍為加密班次, 相信問題即可解決, 至於增設R線吸客和加快車程, 也是可考慮之列. 73K今天的服務又如何呢?
歡迎討論. 如果到時做到好似西貢大尾篤甘多人，我諗九巴實會加強
不過我諗都係新屎坑多d
jocosben 發表於 2016-1-9 22:39
如果到時做到好似西貢大尾篤甘多人，我諗九巴實會加強
不過我諗都係新屎坑多d
...
D咩野區域性減車削服務計畫先減車減到有限度服務, 已經叫做冇削到一個鐘一班/八點幾九點就尾班車收工, 邊會咁易加番車比73K/78K/79K, 望就望小巴點樣做得黎, 如果唔係乘客自便
jocosben 發表於 2016-1-9 22:39
如果到時做到好似西貢大尾篤甘多人，我諗九巴實會加強
不過我諗都係新屎坑多d
...
大多數香港人都係咁架啦，禁區解禁個個都想去睇下乃係人之常情，
但老實講個邊配套又唔係多，除非政府要起北區發展生態旅遊，否則過多排人流好大機會都返返去解禁前咁樣 …… AVD1 發表於 2016-1-10 15:59
大多數香港人都係咁架啦，禁區解禁個個都想去睇下乃係人之常情，
但老實講個邊配套又唔係多，除非政府要 ...
其實沙頭角沿路未解禁前都一向有唔少地方可以供郊遊行山，但對比其他地區算少人好多
我諗之後都唔會話多人
頁:
[1]