論燈位對班次準確度的影響
本帖最後由 rusf101001 於 2016-1-21 23:08 編輯近排搭得多馬鞍山d車
覺得d燈真係嚴重影響班次
10分鐘一班既車可以因為一枝燈搞到慢到比10分鐘開既後車追到
變相有班次=冇班次
而馬鞍山既車好多線又係個位數班次衰多兩錢重
就算疏到十幾分鐘一班既車都唔好la
無神神慢咁多，行得慢又食多兩個客都客量不均
平時搭車最衰就係馬鞍山路北行左轉西沙路個枝燈
停完新港城個站基本上係有一定機率過唔到
而過唔到得來而後面個部又過,拖卡既機率又大左
枝燈索性不如唔好綠燈綠咁內,強逼d車一定要食呢枝燈未準時lo
跟住西沙路左轉恆康街個枝燈
唔停福安花園既車就一定過到
停左個D線又係賭大細，過唔到就高機率d
不過呢枝燈就係停站加燈位雙重問題,難搞好多
而耀安邨個分站就食正兩枝順燈既燈既中間
一停又係奶硬野,不過得87D同86K停都冇咁大影響
不過以87D呢條大線來講，停福安食燈，停耀安邨又食一次
根本嚴重影響行車時間同班次準確度
如果拖起卡上來後車隨時上幾個就走，變相過到燈就追到前車拖卡
而最著數就係停曾壁山同耀謙樓既車
馬市之後直剷曾壁山，而前面盞咁岩又冇咁快轉燈，上埋客岩岩好
跟住過晒前面兩盞燈，停耀謙樓之後，都冇燈既，直落富安花園
仲有馬鞍山海旁個d燈仲地獄級，近乎枝枝食，食到入富安花園，終於完la救命
最恐怖係寧泰路直去恆泰路個度個盞起碼搞你幾分鐘(呢枝最攞命,長到呢……
跟住一d碌車一d車手，跟住非常自然，拖卡！
歡迎板友討論，及分享其他因為燈位而導致行車時間／班次不穩定既其他例子
屏夏路天西下面右轉嗰盞燈…如果繁忙時間多輕鐵的話，盞燈起碼要等成個字，K76上下繁亦經過常因為咁而返唔切去總站…
楊屋道街市 + 沙咀道遊樂場 / 大河道交界 + 青山公路交界燈陣
49X 食起燈上黎 10 分鐘都去唔到一個站
當年300都有燈號優先
其實運輸署可唔可以諗下揀一堆主要嘅特快線用車俾佢哋有燈號優先
當然我覺得最需要嘅係鐵巴
有時鐵巴班次亂嘅原因就係輕鐵嗰啲燈號優先實在太離譜
K68體育路右轉青山公路，喺元朗廣場站見到架車等緊燈，企左成幾分鐘，架車仲係喺原地
日日塞，冇影響班次；撞車冇得講。但天水圍有D輕鐵燈位今日可能半分鐘過到，聽日遇啱兩三架輕鐵就4分鐘。
所以以前264M完全冇班次可言，呢個係一大原因。
講燈位問題，唔少新市鎮都好嚴重。
天水圍西鐵站出面盞燈，簡直係人間災難。另外，成個天水圍啲燈其實都係會搞到人燥底。
另外，將軍澳又係燈位搞到連我呢個「巴膠」坐巴士嘅意欲都無。
大埔係咪算好啲？
**************
至於市區，鯉景灣圈（即2A、77、99等線）、荔枝角道、欽州街，都係大伏。
相反，彌敦道、英皇道西行（至於東行就……），其實算係咁，以巴士黎講，順燈嘅機會唔細。
有時有D(行人)紅綠燈(冇制按o個隻)壞左，就五分鐘都唔轉綠，人就話可以睇車過馬路。
車燈會唔會有呢個情況？
我淨係知屯門站PTI出黎盞燈正常次序係
全部紅-->PTI出-->杯渡路來回-->杯渡路只右轉河傍街-->全部紅
然後就一個cycle。
全部紅-->PTI出-->杯渡路來回-->杯渡路只右轉河傍街-->全部紅-->杯渡路來回-->杯渡路只右轉河傍街
(有消防車時我就明，因為當局會配合燈俾消防車過，但有時冇消防車都係咁)等5分鐘都未出到PTI
個人試過
K53兆康站(南)開出，8分鐘便到置樂(順燈，少客上落)
但屯門站開出的K53，正常都要9分鐘去到置樂，唔順燈？多客上？仲慘……
順燈及燈位好重要！
neoplan720p 發表於 2016-1-21 14:53
講燈位問題，唔少新市鎮都好嚴重。
天水圍西鐵站出面盞燈，簡直係人間災難。另外，成個天水圍啲燈其實都係 ...
其實最差係大西北輕鐵燈，經常性要等好耐，仲要永遠估唔到佢幾時會轉
將南/寶林堆燈都惡等，但你搭得多就知幾支燈係有規律可言
無計，政府規劃flexibility>efficiency
四面車路，每邊個車流三個方向都轉得，係就係少咗限制，但就真係等好耐
英皇道的確算係比較順
但同屬港島，灣仔菲林明道支燈就真係玩死人
頁:
[1]