城巴退車潮和南港島線的影響
本帖最後由 atenu 於 2016-3-1 15:14 編輯想問下城巴6XX 9XX 22XX 係咪今年到期？
南港島線又幾時通車
而家係仲有幾多訂單未到
MTR通車後、肯定要cut車、但又要換車、城巴真係要好好計晝
大家點睇？
南港線幾時通車就無人知
不過公司車數就唔使擔心
http://www.hkitalk.net/HKiTalk2/forum.php?mod=viewthread&tid=948745&extra=page%3D1
大概應該係話如果通車前唔夠車就比佢續命
GK3258 發表於 2016-3-1 17:02
南港線幾時通車就無人知
不過公司車數就唔使擔心
即是可以比佢地行多一年？
咁原本6xx 同22xx 係咪今年就到18年？
atenu 發表於 2016-3-3 00:31
即是可以比佢地行多一年？
咁原本6xx 同22xx 係咪今年就到18年？
只可以講﹐專利巴士18年限制﹐只係用行政措施去執行﹐有合理原則係可以按個別情況調整。
例如 :
新鐵路開通要減車﹐巴士公司預好晒退車換新車安排。
但係鐵路有大延誤﹐令到有一年出現舊車要退﹐新車唔夠(但鐵路通車後係足夠)﹐無理由要巴士公司用高成本去搵一批車去攝這一個真空期。
強行要巴士公司搵一批車去運作﹐成本一定增加(仲要唔知有無方法搵到車)﹐對社會大眾都唔會有好處。
這情況下﹐可以同政府商議﹐安排部份車可以用多於18年﹐以填補這個真空期的用車﹐最符合大眾利益。
衰D講句﹐巴士公司真係同政府講﹐你而家鐵路延誤﹐超出舊車退役的走盏期 (例如: 原本17年退車﹐鐵路延誤多於1年﹐令車超出18年大限)﹐如果一定要退車便唔夠車用。
政府點都會妥協去為少量車做續期的。
但講真，當唔分客俾海洋公園站。3卡車，坐位都係百零個，分俾利東，海怡，黃竹坑(細份啲)都唔知夠幾多人坐。
仲要去中環，灣仔，銅鑼灣，筲箕灣，九龍，新界都係嗰三卡。如果真係通車後兩個月先檢討先cut巴士，我諗會好似屯門咁。。。。cut唔到。
宜家都係靠九龍南線同屯公轉車站先叫cut到。
靠沙中過海及發唔大既香隧收費廣場，南區cut線應該仲有一大段路
(除非當局真係極漠視民意及需求)
lsc04d11 發表於 2016-3-3 12:48
但講真，當唔分客俾海洋公園站。3卡車，坐位都係百零個，分俾利東，海怡，黃竹坑(細份啲)都唔知夠幾多人坐 ...
一卡車載250人，三卡車如果開3分鐘一班，最繁忙一小時可以載15000人，如果以一部巴士載130人，已經可以cut100部以上巴士一次cut100部巴士絕對係災難，不過可以預料地區一定拼死反對，最後一定cut唔到甘多車
本帖最後由 ky927 於 2016-3-3 13:22 編輯
lsc04d11 發表於 2016-3-3 12:48
但講真，當唔分客俾海洋公園站。3卡車，坐位都係百零個，分俾利東，海怡，黃竹坑(細份啲)都唔知夠幾多人坐 ...
根本就唔應該得單一交通工具模式, 包括巴士或地鐵
個人覺得南港島線通車未必會有西港島線咁大影響.
1) 西港島線係加係頭站,港島線不用轉車,吸引力較大; 南港島線要係金鐘轉, 其實金鐘本身繁忙時間已經可以用飽和形容, 所以加埋行上行落轉車時間, 搭巴士去中環打後,或灣仔東行地區都尚有吸引力;
2) 南港島線得3卡,無論出港島或去南區,好大機會要等多於一班先上到,(可能俾海洋公園客/海怡客打爆),所以利東、黃竹坑0既巴士線都可能尚有生存空間.
**我意思係南港島線對巴士影響係大,但未至於西港島線對巴士影響咁直接.但真係好睇新城點執堆線.如果死諗縮數譬如海怡/西村+利東穿均咁行法就死梗,反而可以諗鴨島線大部分來回行黃竹坑天橋.縮短同地鐵個車程差距,咁都可能有得同地鐵較勁一下. 同埋要盡快有到站報時囉 :curse: 本帖最後由 kei_hk 於 2016-3-3 14:21 編輯
ky927 發表於 2016-3-3 13:13
根本就唔應該得單一交通工具模式, 包括巴士或地鐵
個人覺得南港島線通車未必會有西港島線咁大影響.
如果計數係CUT 100部車﹐最初通車只會CUT 少部份﹐例如50部﹐之後再睇實際情況去調節。
即係﹐都係睇成班客人點選擇囉。
越少人改用MTR﹐巴士改動越少。越多人改用MTR﹐巴士影響越多。
在早前爆出MTR「一平方米6人」去計算載運量﹐我估政府都知道可能有鑊氣﹐會盡量留多一點巴士﹐寧可要巴士在初期 "運空氣"﹐好過真係MTR頂唔順又無巴士支援。
PS. MTR的海洋公園的客量﹐其實唔需要太擔心﹐因為主要係早上入南區黃昏出市區﹐係同主要的返工返學的客流動方向係倒轉﹐只係正常的回程車載這班客源。
kei_hk 發表於 2016-3-3 14:18
如果計數係CUT 100部車﹐最初通車只會CUT 少部份﹐例如50部﹐之後再睇實際情況去調節。
即係﹐都係睇成班 ...
都係果句啦，黃竹坑係有工業區同寫字樓架，唔係齋住宅架。。
所以話，南線通車對於佢地黎講，可以係福氣，亦可以係水深火熱既開始，而呢一切，全因南線係地鐵自己project所以要慳皮用三卡車引起。。
本帖最後由 kei_hk 於 2016-3-3 17:47 編輯
wingho_cwh 發表於 2016-3-3 17:21
都係果句啦，黃竹坑係有工業區同寫字樓架，唔係齋住宅架。。
所以話，南線通車對於佢地黎講，可以係福氣 ...
3卡車及4卡車﹐對於總成本而言﹐相差唔大。
不過﹐規劃時一直用「一平方米6人」﹐會唔會因為這個原因令到決定3卡車便足夠?
至於工業區及寫字樓﹐一般係返9:30之前﹐而公園的一般開場時間10:00﹐時間上有少少差別的﹐未必撞到正﹐情況未必咁差。
當一卡200人﹐一班車便600人﹐當3分鐘一班車﹐半小時已經可以單向6000人﹐唔好睇少這個數字。
PS. 傳聞基建上係4卡車設計﹐只係買車時用買3卡車﹐如果屬實﹐日後係可以加做4卡車的。
至於這條鐵路係好係壞﹐會唔會令到比較單一的交通模式﹐真係要乘客們自己日後決定。
巴士仲有一定需求﹐自然無得減少巴士服務。
頁:
[1]