想向公司爭取更多係人之常情，試問有邊個唔想加人工？但大公司員工多，同工不同酬又好難避免...除非玩合約制，但就算合約制同工同酬都未必係好事
hk20020062 發表於 2016-3-1 11:00
呢條傻人係咪未出過嚟打工?
同工不同酬根本喺好多行業都好普遍
每個人某程度都有「斯德哥爾摩症候群」
認為呢個句世界係咁架啦 點投訴抗議都冇用
沒有獻出我的臉怎拍響 沒有兩巴掌怎制止痕癢
糊塗地軟弱當善良 誰就這樣變善良 你更放肆得漂亮
所以有點樣既奴工就有點樣既僱主
有點樣既做兵男就有點樣既收兵女
有沈默既人民就有極權既政府
每樣野都係相對
當係度諗點解會有D咁既事既時候
可能自己都係幫凶
呢班人絕對唔會係差果一兩舊水走出黎
大佬人地同你做左十年
同你計較少少都走左啦
大家做相同的工作，付出也絕不比其他時間入職的員工少
假如大家曾經有入職九巴
每逢年尾，人事部會有一張簡單的通告向04前入職的員工表示出雙糧的日期
但通告底部會附有一句:04年後入職的員工，你們無資格獲得雙糧
只是「冷冷一句」，配合無資格這三個字 對不少04後入職的同事何其灰心 甚至傷心
其後，04後同事開始獲發獎金，雖然只有3數千，也代表公司有誠意改善同事待遇
直至今年，04後前線車務同事終於苦盡甘來，在新年前獲得公司的肯定，獲發分兩期合共最多12000元
至於04後文職同事，也期望有這張通告出現，可惜，這張通告不但沒有出現，
連對04後入職的員工的「冷冷一句」也沒有，可能公司對這班小眾，完全不在乎
正如一架巴士，這班人可能只是巴士一個齒輪，甚至可能係潤滑劑，沒有他們的存在
巴士一樣可以開動，但當運行一段時間，問題便會漸漸浮現
所以他們現在所爭取，不是無的放矢，假如這班文職員工因這次事件齊心起來
九巴分分鍾可能因小失大 何必呢
本帖最後由 hk20020062 於 2016-3-3 15:38 編輯
kitarolo 發表於 2016-3-1 21:15
點解仲有人會有臉提
「年資」? 唔該睇清楚
連結內文,而家出現近來入職者
似乎閣下係一名八九十後
應該仲要係嗰啲滿腔熱誠、想改變世界嘅年輕人
點解仲有人會有臉提
「年資」? 唔該睇清楚
連結內文,而家出現近來入職者
和做了十年的工資相當接近吧。
文識，點解唔用得「年資」?
唔通你識分影印機碎紙機識寫回郵地址就可以高啲人工? 誇張又好，欺凌又好，呢啲係文職基本要求咋
仲係唔明睇多一則新聞
又減又加 千教師曾上街追增薪點
甚至
威院逾百外判清潔員罷工
外判商，以大欺小一向唔係新聞
起薪點，即係入職人工，同年資冇關係
我諗到啲人點駁架啦
「做咁多年人工仲咁低
點解唔檢討下自己能力先」
「唔鍾意可以唔做」「行行都係咁」
「世界邊有公平架」「怪生不逢時」
或者如#2,唔滿意可辭職再入去。
唔好意思，你呢五句「」又真係事實喎
人工低如果唔關自身能力事，咁即係公司有問題啦
公司咁有問題仲留? 早走早著啦
亞視班人冇糧出仲死守，係因為工種問題，唔做去得邊?
如果自覺能力高 (不論文職與否)，真係不妨考慮跳槽，可以知自己係龍游淺水定池中無魚蝦自大
「唔鍾意可以唔做」
我都明，有得做好過冇得做，搵食嘛
但文職嚟計，間間公司都要，真係唔怕跳槽
除非做緊嗰行行頭好窄，走咗係直頭要轉工種
「行行都係咁」
的確，呢個世界真係冇公平呢回事
除非你 CV 好勁，否則你冇本錢要求一個合乎期望嘅待遇，更加唔好講文職呢啲養老屎忽嘅工種
如果講年資少可以高薪過年資高，「家禽業」囉
你幾時生都係生不逢時
你生喺同李生一個年代，你會問「大家都係穿膠花，點解佢穿到間大企業出嚟」
你生喺七十年代小學都未畢業打工廠工，廿年後香港轉型金融，你會問「做咩啲工廠走晒上大陸，我哋唔使做唔使食啦」、「做咩轉型金融? 蝦我哋呢班唔識英文嘅人呀」
你生喺八十年代，中學畢業，甚至有幸大學畢業，就撞正金融風暴，你會問「點解要我呢代去受你哋亞洲各國嘅無能」
你畢業於零零後，三年後沙士，公司炒人倒閉，你會問「點解炒我? 點解執? 點解要我失業?」
原來需求低時入職係錯嘅!
強調「年資」果班人,自己
貢獻超然,無功都有勞,仲話
「入職就想同做咗XX年一樣人工嗎」
而家睇到做咗10年左右同
近兩三年入職嘅差距,唔好再同我
講「你唔會有朝一日都成為舊人嗎?」
的確，新入職就想人工睇齊? 都話除非你 CV 好勁，但 CV 勁就唔會吼文職啦
再的確，我真係想同你講「你唔會有朝一日都成為舊人嗎?」
唔通你人工係咩水位就一世都係咩水位? 到你做舊人嘅時候仲係起薪點? 係嘅就死得啦
正如我頭先講，你覺得自己係淺水蛟龍，咁你咪跳槽證明自己唔使講年資囉
但係事實好多工都係起薪點行先，然後逐年加，自然形成差距
要同工同酬，答咗先：你憑乜?
CV 勁，你有本錢吊高嚟賣，對家亦會用合理嘅起薪點 offer 你
但相反係一個 FG，就唔該你面對經驗唔及得人嘅現實
新入職嘅無資格講貢獻,
份糧包咗嘛,俾人插同屈都
包埋架……諗多啲理由出嚟盲撐丫,
俾我參考點樣反擊網絡以外嘅人。
新入職真係冇資格講貢獻
你要講貢獻，咁唔該你攞啲表現出嚟先
表現點攞出嚟? 咪正正就係靠年資囉
新入職又要冇年資、又未表現出能力、又想要高人工
我自己都廿幾歲，有時我真係唔明同樣都係後生，點解可以相差咁遠，可以遠到係一套好高騖遠、成日話唔公平但原來自己係冇條件講公平嘅思想，「唔通太陽真係圍住地球轉?」
我唔會諗理由盲撐，因為你啲「」正正就係理由，亦都正正係事實
成日講個世界有幾唔公義，對唔住，呢個世界本身就係咁唔公義
佢富二代，唔公義；佢生得靚仔，唔公義；佢溝到女，唔公義。咁你係咪埋怨你老豆冇錢、你阿媽生得你差?
喺職場上點解唔公義? 就係因為家陣你哋係新人，最首當其衝被屈被插嘅就係你哋
到你做舊人，屈返人插返人高人工過人以大欺小嘅時候，你仲會唔會話唔公義?
成日話上唔到位，唔係關你能力事呀，係你上司未轉工未退休未死呀，佢唔走佢唔死點樣騰出空位?
到你上司真係走咗死咗，或者公司開多條 line，要升人上去，升第二個都唔升你嘅時候，咁就真係關能力同表現事啦
本帖最後由 hk20020062 於 2016-3-3 16:12 編輯
petcity 發表於 2016-3-1 22:03
咁講，某程度年資代表住經驗，經驗又係一個員工比其他人其中一個值錢既地方
而現實除左年資，仲有好多野 ...
唔理係咪九巴，要求得同工同酬係因為新
你諗下到佢哋舊咗嘅時候會唔會話同工同酬唔公平?
除非佢哋覺得自己唔會變舊人
但就算型到每年轉工，喺經驗值上都已經係一個舊人
本帖最後由 hk20020062 於 2016-3-3 16:11 編輯
busfunfun 發表於 2016-3-2 18:41
每個人某程度都有「斯德哥爾摩症候群」
認為呢個句世界係咁架啦 點投訴抗議都冇用
所以有點樣既奴工 ...
其實你覺得家陣班舊人冇經過你哋新人嘅階段咩?
你覺得佢哋做新人嘅時候冇投訴過抗議過咩?
你覺得佢哋做新人嘅時候冇諗過將來要改變呢種唔公義咩?
咁點解佢哋做到舊人又唔改變呢種唔公義?
係佢哋患咗斯乜乜乜症定係睇野闊咗?
所以有點樣既奴工就有點樣既僱主
有點樣既做兵男就有點樣既收兵女
有沈默既人民就有極權既政府
每樣野都係相對
當係度諗點解會有D咁既事既時候
可能自己都係幫凶
呢班人絕對唔會係差果一兩舊水走出黎
大佬人地同你做左十年
同你計較少少都走左啦
其實你哋成日話奴工，咁你哋就唔好去打工啦
成日講份工點西法，但每日又自動自覺返工
就好似啲地產商，成日起貴價劏房
出面啲人又要嘈但轉個頭又走去買，買完就大大聲話「唔買點上車? 唔買邊有樓住?」
地產商就係睇中呢種「係都要上車」嘅心態先可以咁肆無忌憚猛起貴價劏房
你成村人唔買，睇佢仲起唔起
聽死「餓死油魔」未
呢個起碼有十年，係對付油公司嘅策略
當年寡頭壟斷下，油公司不斷升油價
貨櫃車商會就用「餓死油魔」呢招，集體唔向一間油公司入油，結果最後呢間油公司頂唔順減價
點解會有啲咁嘅事，真係你哋自己攞嚟
份工西又繼續做，「唔做有錢開飯呀?」，啲老闆就係睇中呢啲「又要嘈又冇膽辭職」心態
所以呢個係個三向循環，要錢開飯 -> 忍住份西工 -> 老闆見你忍就得意忘形 -> 要錢開飯繼續忍
你有冇諗過點解可以忍十年? 貪佢九巴個名咩
DK9913-曼聯人 發表於 2016-3-3 00:35
大家做相同的工作，付出也絕不比其他時間入職的員工少
假如大家曾經有入職九巴
每逢年尾，人事部會有一張簡 ...
公道啲講，雙糧制度可以講係人情啦
算係一間公司感謝員工在過去一年對公司嘅付出
不過九巴似乎用人情嘅另一面去對待員工
對員工嚟講，處於一個要人工同要證嘅十字路口
hk20020062 發表於 2016-3-3 16:02
其實你覺得家陣班舊人冇經過你哋新人嘅階段咩?
你覺得佢哋做新人嘅時候冇投訴過抗議過咩?
你覺得佢哋做新 ...
(原文從略)
我自己,三十幾歲啦
2003年沙士前已投身社會,
現雖非管理層或人力資源部,
做親自指導/訓練和寫下屬評語。
「年資和起薪點係兩回事」
恕不認同,回應中亦互相矛盾,而
認為係「應份」嘅嘢,而家新入職
嘅可以咁講有過半數係做唔到囉。
一個簡單嘅事實: 新入職者開工
時間篤手機,原來仍值相對地高嘅
起薪點,咁沙士時智能電話不普及,
咁點樣專心做亦因「市場價」而低
一大截工資,叫做好過無工做咁解。
薪金保密? 現實世界由於網絡
普及等原因,無論公私營,文職或
專業嘅薪酬,好多時都唔難知道。
甚至我講一個實際例子
俾你聽,有一名年資3年同
做咗12年嘅人講「如果我出
你份糧咪做到咁嘅工藝品質」
(事實上舊者僅高3年者10%
工資,但舊者從入職至今每年
加薪10%,問題在於沙士附近時
起薪點出奇地咁低)我要出面調解……
俾心機插「僱員唔走係佢嘅責任」啦。
正常唔會做到「舊人」仍是
起薪點,只係出現新入職者與
做咗幾年者工資接近,甚至高過
(計算其他非現金福利,包括放寬
門檻,恢復04年左右暫停的待遇)
真正口中常掛「貢獻」班人會話
「當時無冷氣、無電腦……」或者
70年代由數百元月薪做起,咁我承認
物質上現時相對豐裕。正如樓主貼出
連結中,不如近年入職者才是問題。
我自己非文職的,但點解總
有人覺得文職係次要或者養
閒人? 尤其私營機構如果認為
某部門不合效益,早就陰乾或取消,
我可以咁講,前線嘅老屎忽絕對唔少。
其實以前文職都要有一定
英文水平,否則只能做車長,
維修員甚至清潔(用影印機/
收發電郵等應份而唔洗教? 我
可以咁講傳真機都唔係個個識用)
新入層者係無資格講貢獻
咁做咗10年呢? 一樣俾「舊制」
指責份糧包咗噃,講到新仔老奉被
欺壓,咁如何解說「迎新獎」之出現?
以九巴車長(非文職)為例,迎新獎
計算落工資的話,平均月薪係可以
多過2004年入職嘅車長,呢個數字
我亦是在網上討論區得知。
熱誠呢我就無咩啦,亞視
若干年前我都面試過,仲話
即請添(當時係擴充緊業務)不過
好在我拒絕了,想「改變社會」就
唔會鍵盤上打字嘞……
人係要接受現實,但「亞視而家擺明
等死,點解員工仲要堅持……」或者今次
九巴文職人員書面表達不滿,竟然換來批評。
無公義,我知係必然。但與落井
下石「多踏兩腳」係兩回事,正如
我#5回覆,的確有人未有辭職條件,
但無義務在無做錯/工作能力唔低嘅
情況下,去聽風涼話或唔啱聽嘅說話。
本帖最後由 kitarolo 於 2016-3-4 09:59 編輯
#16 疑似使用粗口近音字...
無公平先係現實世界嘛
為什麼沙田不學大埔開東鐵接駁巴士
爭取「人有我有」或者好奇一問
就梗有人出嚟話無資格平起平坐
如果要求一同取消就更加係死罪
至少會搬「魚蛋論」出嚟批鬥一番
咁落去真係好難有和諧,起碼假和諧都無.
講返正題,把口喺人哋度,硬要屈我生不逢時
之言論,套用落我無提及嘅情況,又可以點樣?
枉稱廿幾歲,學埋建制派啲衰嘢,好就學
唔到,搶先站在公義高地上去講世界無公平先.
kitarolo 發表於 2016-3-3 16:20
(原文從略)
我自己,三十幾歲啦
以你首個實際例子「開工玩手機」都有高起薪點
咁呢個真係要感恩現時整體經濟環境
相比你第二個例子，沙士因為經濟差，起薪點低所以先加得勁等佢哋拉近差距
迎新獎金，呢個用錢去吸引求職者嘅目的都係因為份工唔吸引
唔係行行所有工種都有迎新獎金
你都可以睇到有迎獎嘅工本身就係唔吸引年輕人入行嘅工，有青黃不接嘅潛在危機，正正就係車長、保安等等
所以先要搞迎獎嚟吸引求職
一樣用九巴車長
以你所言，要計晒周邊啲獎金先可以高過舊有車長
但基本底薪呢? (我就唔清楚，還望解答)
至於九巴呢班文職
想爭取返 10 年嚟嘅條件可以理解
但係咁喎，你諗多樣野
如果佢真係做咗 10 年先到今時今日書面投訴，咁過往咁多年佢就唔覺制度有問題? (當然佢可能有同過公司反映，不過呢個唔知啦)
但如果有反映過又肯繼續死死地氣做咁多年，你覺得佢都冇責任?
即係用返家陣高登文化嗰啲詞語，乜鬼「圈養」、乜鬼「港豬」
咁佢都一樣被圈養足十年
如果真係肯圈養足十年，你又覺得咩原因?