九巴過海線車務一問
近日留意到九巴唔少紅隧線都有加車而無加班，最瘋狂的是 111 兩個月之內掛牌由 15 部加到 20 部，其次 116 都加左兩部車，連 112 同埋受西港島線影響的 104 都各加一部
我當然知道呢幾條線都好受過鐘問題影響，例如 111 一個時段得 60 分鐘，一單 60 分係遠遠唔夠跑，
但起初仲諗住 104 一個時段 100 分鐘，問題可能已經比起其他紅隧線無咁嚴重…
其實以上呢幾條線，加左車後，九巴而家實際俾幾多時間行一單連休息？
今次加車，幾條線車務運作模式有無改變？定係純粹外來柯打變成用返自己字軌做？繁忙時間其實到底出緊幾多部車、開幾多班車？
謝高人解答。
有部分所謂嘅加車係由於原先存在係時間表入面嘅 P80 字軌變咗做 S80 字軌
改咗時間表之後係多咗字軌係港島小休或者用膳，
例如 111 平日下晝，三點幾嗰轉係會有 6 架車到港澳碼頭之後私去林士街，之後私返港澳碼頭做頭車諸如此類，所以就造成加車無加班嘅情況
以 111 嚟睇，過鐘嘅情況係大幅改善咗
不過另一邊嘅 116 就依然有唔少車係私嘉亨灣小休或者用膳過時，但係相比以前嚟講，過鐘情況係有改善嘅
頁:
[1]