大嶼山發展聯盟倡建輕鐵接駁區內交通
http://hd.stheadline.com/news/realtime/hk/1060973/呢條鐵會唔會係大白象呢？
不過咁樣講，再起基建喺大嶼山郊野公園入面影響生態實在有啲大，大到搏唔過…
又起輕鐵？新界西北既經驗仲未蝕夠？
如果軌道等基建由路政署 / 運輸署 出錢興建及維修，鐵路公司只負責車輛購置、車務（包括輕鐵車輛牌照費用支出）、及營運等。咁樣又會否蝕？
咁樣對輕鐵較為公平，皆因汽車所行駛的各種公共道路皆由政府畀錢建造維修（唔好再講啲錢係源於納稅人；並非想探討呢樣）
雖然個人絕對反對任何改變南大嶼山現狀的發展,
但睇佢個款應該只係講緊機場島+東涌, 最多加埋大小濠灣一帶發展區
(至於之前講果D甚麼昂平纜車延長至大澳之類, 算吧啦)
睇番現S1/S64等線, 以通勤需求計效益未必太差,
不過如果條輕鐵係港鐵起, 變相係搶機場快線D客, 等於自己郁手斬自己對腳
所以就算概念可行, 港鐵都應該唔會咁戇居 東涌綫只要有加站（東涌西、小蠔灣等），已可應付需求，其他巴士做得啦。
除非條輕鐵係由屯門碼頭拉過去，否則一條孤立的輕鐵沒有存在價值。 DIH 發表於 2016-4-13 12:37
東涌綫只要有加站（東涌西、小蠔灣等），已可應付需求，其他巴士做得啦。
除非條輕鐵係由屯門碼頭拉過去， ...
純粹講將來好遠的事
當東涌一帶不斷發展﹐有了東涌東站 (我假設西站逸東村受其他原因無法興建)﹐再加小蠔灣發展為住宅。
到時會有唔少客量來回小蠔灣及東涌﹐同一時間又要應付對外的交通需求﹐即使東涌線已經買車加班﹐這一段都可能出現太多客。
同一時間來回人工島的客都唔少﹐另建一條新的通勤鐵路線﹐以便分流及主力處理區內交通﹐都算係一個好的處理方案。
不過﹐入唔入機場島﹐真係要睇將來的發展。
即係﹐走線係逸東 (或對面潛在發展新樓的區域)開始﹐經東涌市中心﹐碼頭﹐東涌東站一帶發展區﹐小蠔灣﹐人工島﹐有需要才去機場島商業區。
去到有此需要的時間﹐都應該係一段非常長的發展時間﹐短期內都沒有太大需要。
用車﹐唔好再用要建月台的輕鐵了﹐用超低地台電車吧。
去屯門﹐用中型重型鐵路形式會好一點﹐主要係長距離﹐需求理應較高﹐輕型鐵道未必適用。
香港鐵路專才基本上就係外勞同埋得港鐵入面
政府就算起，都要委託港鐵，甚至中/外資公司
如果政府資助，一係就用BOT模式
不過由政府負擔維修費用似乎唔係好化算
再者，政府一定唔想維修費上身
另外，輕鐵服務除左廣告同車費收入
基本上要撈埋地產先有商機
至於有冇需要，如果淨係for北大嶼既話
其實批多D巴士都解決到，
仲要唔洗佔用咁多路面空間
所以呢個似係面子工程多D
頁:
[1]