搭中"過份負責任"車長o既巴士...
小弟尋日搭ATE@118(邊架就唔好講喇, 不過係冇RS o既, 唔係最新o個批 :P), 有一個小小分享:小弟由旺角登打士街個站上車, o係炮台山城市花園站落車, 短短八個站, 二十分鐘o既路程, 足以令我感受到"過份負責任"o既車長工作態度. 見架巴士冇RS, 即刻上啦, 諗住可以靜靜地咁坐車; 一上車, 就已經聽到廣播叫乘客緊握扶手, 本來以為個車長好熱心, 提醒乘客, 點知沿途每個站開車之後就會噤一次呢個廣播呀! :Q 最好笑o既係, 佢係上客o個陣已經報定下一個站, 而唔係開車o個陣先報站. :L
去到隧道口個站, 佢不斷咁玩廣播, 包括緊握扶手, 保持車廂清潔, 上層及梯間不准站立呢三個廣播. 不過諷刺地, 架車開o左準備入隧道, 有人企o左o係樓梯位同上層樓梯口, 仲有人擲垃圾o添. :lol
o係紅隧呢段旅程(由隧道口個站到維園道), 個車長足足噤o左8次"各位乘客, 請緊握扶手, 多謝合作"(本來都唔會記得呢句對白, 俾個車長洗腦後發夢都記得:'().
去到炮台山, 小弟終於落到車, 亦慶幸自己唔駛坐足全程俾個廣播轟炸. o係呢個短短二十分鐘路程, 小弟聽到以下"數量"之廣播:
緊握扶手: 接近30次
保持車廂清潔: 3次
上層及梯間不准站立: 約5次
若我由深水埔搭車去小西灣, 我諗廣播次數不敢想象, 而且嚴重洗腦呢. ;P;P
小弟從未搭過巴士o的車長咁"負責任"地提醒乘客, 唔知大家有冇遇過o的另類負責任o既車長呢? 歡迎分享. ;P:lol:lol 我係試過有一次
由屯門搭59M出荃灣
架車去到屯門公路突然停響路肩
個個以為係壞車
點知一陣個司機走上上層
問上層乘客：
「你地邊個響度食煙呀？呢度唔俾食煙喎！」:o
不過我有個親戚
就話試過搭著架2F
有人入少左一毫子
個司機都專登走上上層
叫佢落返去入番正確車費:o 我都試過,有次搭43C,上層得個1X人,下層多D,但個車長由長康出發去到長沙灣出左2X次"請緊握扶手,多謝合作",仲有讓座果句都成10之,超煩... 聽你們的感受好似搭緊地鐵........ 我好多年前試過座6a, 有個車長在吾同的站同兩個吾同的人講, (小姐, 你入少左一毫子)~~~~ 我搭過2A都試過兩次(同一個司機)，有一次佢由深水埗去樂華出左12次「請緊握扶手」，另一次就出左多次「照顧小孩老人」。 原帖由 3av234 於 2006-5-15 12:49 發表
最好笑o既係, 佢係上客o個陣已經報定下一個站, 而唔係開車o個陣先報站
好多司機驚唔記得報站都會咁做.
總好過特登有報站都唔開既司機. 原帖由 3av234 於 2006-5-15 12:49 PM 發表
小弟尋日搭ATE@118(邊架就唔好講喇, 不過係冇RS o既, 唔係最新o個批 :P), 有一個小小分享:
小弟由旺角登打士街個站上車, o係炮台山城市花園站落車, 短短八個站, 二十分鐘o既路程, 足以令我感受到"過份負責 ...
我諗我知你講邊個
有次朝早坐 118P 返學
杏花村→理工呢段
緊握左扶手三次
隧道一段幾乎由一至七橫掃
不過我坐果次係歐三躉
所以我覺得呢個係後備/替更車長
可能平時無得玩
有得玩就玩返夠本 ;P
p.s. 好似 118 既 ATE 無論新舊
都無 Roadshow 的 ...
連 LN 牌都無，訓覺一流 :$
可惜我坐黃巴士居多 :(
[ 本帖最後由 prmy3008 於 2006-5-15 18:19 編輯 ] 原帖由 3av234 於 2006-5-15 12:49 發表
小弟尋日搭ATE@118(邊架就唔好講喇, 不過係冇RS o既, 唔係最新o個批 :P), 有一個小小分享:
小弟由旺角登打士街個站上車, o係炮台山城市花園站落車, 短短八個站, 二十分鐘o既路程, 足以令我感受到"過份負責 ...
我諗我都坐過你講既師傅既車,不過我係坐112
同你遭遇一樣,不斷聽到廣播叫乘客緊握扶手,盡量行入車廂等等
不過果日因為摩利臣山道有意外,封左站,跟住佢就由紅隧開始嗌"由於特別事故關係,摩利臣山道分站臨時取消,不便之處敬請原諒":L
佢嗌完又開報站"由於特別事故,需要臨時改道"