的士經營範圍問題
最近本人到過西貢遠足，除左巴士小巴提供交通服務，快捷方法只有新界的士。本人想由西貢北潭涌搭巿區的士返將軍澳，等好耐都冇車，最終要搭巴士出西貢巿中心再轉巿區的士回將軍澳。到底香港地係唔係有新界的士經營地方，巿區的士卻不願踏足服務? 原因何在?巿區的士願唔願意係有新界的士經營地方做非出巿區既生意?
另外，新界的士多年前曾爭取開放將軍澳工業村，彩虹港鐵站，東涌纜車站設立經營範圍，而家得到結論係點?
清水灣半島前身係氧氣廠，係唔係新界的士禁區?
蓬萊路同蓬萊徑都有禁止綠的既牌
出面條環保大道就唔係
新界地區是否紅的唔願意去接生意﹐應該係的。
從供求去睇﹐新界車收費平些少﹐在新界區(的士服務分區)的人﹐除非要出市區﹐否則都唔會優先選用新界車。
即係﹐市區車(紅的)去到新界區﹐根本好難搵到生意﹐這是基於乘客需求問題﹐所以一定係較少市區車在新界區活動。
當然﹐你在新界區要搵市區車﹐一定搵到(總會有市區客入去新界區的﹐亦有市區車的司機/車主在新界區居住交更的)﹐但唔好寄望在非熱鬧地區市中心搵到。
至於新界的士的經營範圍﹐可參考下面2條link。
http://www.td.gov.hk/tc/transport_in_hong_kong/public_transport/taxi/details_of_taxi_operating_areas_/index.html
http://www.td.gov.hk/filemanager/en/content_449/2007_c.pdf
PS. 我懷疑運輸處提供的地圖(即上面第2條link)係無update過﹐最少位於青衣的 "指定路線" 係可以採用青衣北岸公路﹐由北橋直去青馬橋。
kei_hk 發表於 2016-5-16 15:25
新界地區是否紅的唔願意去接生意﹐應該係的。
從供求去睇﹐新界車收費平些少﹐在新界區(的士服務分區)的人 ...
香港法例第374E章《道路交通(車輛登記及領牌)規例》附表7
http://www.legislation.gov.hk/blis_pdf.nsf/01790b2805f0cb5c4825755c00352e34/B3A826D868F028DF482575EE00777D13/$FILE/CAP_374E_c_b5.pdf
Page 49
《區議會條例》(第547章)附表1第II部所劃定的葵青區之內的以下道路— (i) 德士古道；
(ii)
荃青交匯處；
(iii) 青荃路；
(iv)
担杆山交匯處；
(v) 担杆山交匯處與青衣西路之間的一段楓樹窩路；
(vi)
楓樹窩路與長青公路之間的一段青衣西路；
(vii) 將青衣西路與長青公路連接起來的連接路；
(viii)
將長青公路及青衣西路連接起來的連接路與青
衣西北交匯處之間的一段長青公
路；
(ix)
青衣西北交匯處；
(x) 青嶼幹線；
(xi)
汀九橋；
(xii) 担杆山交匯處與機場鐵路青衣站之間的一段青敬路；及
(xiii) 青衣北岸公路。(2005年第58號法律公告)
老生常談
如果遇到吉車綠的可先截車，你話去TKO 司機會識做，車咗你去坑口 / 順利邨 先。總好過呆等。
barking 發表於 2016-5-16 23:38
老生常談
如果遇到吉車綠的可先截車，你話去TKO 司機會識做，車咗你去坑口 / 順利邨 先。總好過呆等。
試過屯門蝴蝶灣趕出尖沙咀，等極乜的都無架，又不幸地手機無電
見到架綠的唯有照上，我同司機講要趕去尖咀，問佢去荃灣站定青衣站轉車快。
司機二話不說call台，叫定架紅的在青衣西北交匯處等
本帖最後由 s3n370 於 2016-5-17 01:14 編輯
simon12 發表於 2016-5-16 13:44
到底香港地係唔係有新界的士經營地方，巿區的士卻不願踏足服務? 原因何在?
巿區的士願唔願意係有新界的士經營地方做非出巿區既生意?
在鄉郊地區，搭客通常唔係去大路兩旁而係入埋村小路
除非你在市區上車兼帶埋路，否則紅的司機大多無能為力。
亦除非有柯打出市區，紅的司機未必知道邊度多D機會有客
入到去都係快快手出番市中心，始終多D旗出市區
綠的始終熟路D，知道鄉郊邊D位會有客（例如各農莊，村口甚至小巴站頭）
下次有需要，都係上佐車先算
西貢想搭車出番市區 如果係閒日就應該除左西貢市中心會有紅的之外 其他郊區地方唔好話紅的,就算本身西貢區既綠的都好少...所以閒日都係等巴士好D
至於假期 係交更高峰時間 紅,綠的都缺車,想搭的士,請善用CALL 的士的APP,如HK TAXI,快的...(其他果D 乜鬼截的,飛的果D 就唔好用啦~)
到底香港地係唔係有新界的士經營地方，巿區的士卻不願踏足服務?
老老實實,.因為紅的去到新界果D 地方,又唔一定有客走;仲有住係新界地方既居民(除了東涌,沙田) 要搭的士都會揀左平幾蚊既綠的先,因此紅的願意踏足有新界的士經營地方相對地減低,老一輩既紅的司機甚至寧願唔去
至於巿區的士願唔願意係有新界的士經營地方做非出巿區既生意...其實都好睇果一刻既供求問題 不過正常情況下,紅的好少做綠的生意 以免大家有衝突
頁:
[1]