討論梁營於張德江訪港時之表現與態度
近日張德江訪港，作為共產黨領導人之一，梁振英呢個人當然要做足功夫係無可厚非，始終北京係佢大老闆。問題在於張德江來到香港，特區政府保安真係前無古人咁嚴，究竟係張德江驚香港人，還是梁振英驚左自己人而周圍派差佬阻止市民去接觸國家領導人？
回顧一下自習李上台之後，習近平第一站就係南下廣東。當年習近平南巡 o既態度就係表現親民，甚至只不過係有幾架警車護送，比起之前 o既國家主席相對下已經係親民得多。當年習近平南巡確實為共產黨帶來新氣氛。雖然我個人觀感都認為共產黨係信唔過，但做下門面功夫交下戲。某程度上都可以叫拉回些小面子甚至係民望，呢樣野最小共產黨會肯做。
但係今次梁振英集團處理張德江訪港時，明顯與習近平南巡時係站在對立面上。望下灣仔搞成咩樣已經心照。差佬仲要走去圍住獅子山就係因為怕左條 banner。記者入機場時連黃色毛巾都要沒收。簡單黎講，梁振英根本就係帶頭搞緊白色恐怖。
事實上，假如差佬冇封山 o既情況下，相信根本冇人無啦啦會諗返起去獅子山掛 banner，甚至走到去北大嶼山公路、畢架山掛。換句話講梁營即係冇個樣整個樣，呢點又可以見到梁振英 o既無能。其次，灣仔大搞封鎖區。明顯地係擾民。你共產黨咁驚香港人不如唔好出訪。不過我相信共產黨連六四都可以拎架坦克出黎又何需要怕你香港人。就算睇返當年李克強訪港都冇今次咁誇張。明顯地又係梁振英自以為是，封左條路以為反對派支持者，甚至本土派或者港獨 o既可以避免興張德江接觸。老實講，雖然話阿爺起北京比左個香港你梁振英管，但係呢個世界已經唔係幾百年前要飛鴿傳書 o既年代。何況北京咁多支針又真係唔知香港人搞緊乜？梁振英而家想玩鴕鳥政策已經係冇可能。近排有傳政圈某人士嘗試阻止張德江與泛民會面。究竟呢個人係邊個其實大家已經心照。講黎講去，點解梁振英咁怕張德江見到香港政府 o既負面消息？說穿了未就係佢想連任。
向來共產黨都會好支持香港特首。就算當年董建華落之前一樣。到曾蔭權年代中共一樣力挺佢。但係到梁振英，近年佢上京之時會面已經開始降格。雖然話共產黨開始想思想解放香港，目的係怕港獨勢力蔓延。但其實提倡本土甚至港獨都係近年先開始復興。連香港親共勢力入面都開始帶頭反梁振英，明眼人一睇就知梁振英已經玩完。假如中共仲要死保梁振英，未來五年香港會唔會成為反共基地呢點我相信中共政府都係計算當中。既然死保梁振英都唔會帶來幾多著數之下，倒不如盡快立棄梁或者先係新出路。某程度上今次張德江來港，更證明梁振英連任野心，但佢心知自己連任機會渺茫於是就盡博一次，連委員長想要 o既「看、聽、講」期望都阻止埋。共產黨個功力始終都係高於梁振英好多。梁振英要同自己個大佬玩，真的不自量力。我個人就認為梁振英理應就係咁先，只不過係有冇人敢行出黎同佢爭個行政長官呢個位而已，始終梁振英最愛就是黑材料。
上文為小弟個人意見。
你覺得「港獨之父」個名流架 ????:)
可能唔知邊一日，689 起電視機前宣佈「香港已經獨立」:funk:
LF5502 發表於 2016-5-19 22:17
你覺得「港獨之父」個名流架 ????
可能唔知邊一日，689 起電視機前宣佈「香港已經獨立」
假如而家共產黨內戰或者佢真係搞膽死咁做。
不過講返轉頭，而家無啦啦有人走出黎放風話財爺比張招呼，
無啦啦傳 d 咁 o既野出黎，明眼人都估到邊個玩野了吧。 本帖最後由 SE7378 於 2016-5-21 13:32 編輯
利申 : 將軍澳某間上過蘋果 A1 的中學學生
前日張德江大駕光臨到學校隔離間安老院視察，
個人所見早上 8 時左右，警方已經在行人隧道附近放著一堆鐵馬，
有警察已經在學校門口監察一群師生，又用緊對講機同同僚通訊，
回校後從窗口望一望，隨即見到一大隊警車及疑似張德江的車隊，何其誇張...
其實今次張德江來港，就有種如滿清皇帝出巡時的境況，只差在沒有跪拜之禮而已，
上中文課的時候，老師同我地講原來在前一日傍晚 6 時左右，警方已經開始驅趕後面道路的車輛，
佢仲感嘆洋蒽圈及屬下政府只是選墿性讓張德江視察一個表面十分安祥的香港民生境況，
而事實亦的確如此，全班在通識課的時候衝去窗口一望，眼見安老院所有窗口已垂下簾 ...
至於樓主所講的白色恐佈，小弟亦十分同意，
皆因通識老師同我地講，原來警方已安排狙擊手於安老院天台埋下佈局 ...
總結而言，當張德江自以為今次出巡已滿足看、聽、講這三個欲望之時，
只能借用 viuTV 宣傳實況娛樂的一句話 : 可能只係你睇得未夠真。
P.S.《大公》社評：張德江訪港好評如潮 《蘋果》也找不出骨頭
http://hk.apple.nextmedia.com/realtime/news/20160521/55128949
SE7378 發表於 2016-5-21 13:05
利申 : 將軍澳某間上過蘋果 A1 的中學學生
前日張德江大駕光臨到學校隔離間安老院視察，
最尾個到，共產黨向來最鐘意自 high 未又佢。
其實今次連部份中立 o既香港人都反感就已經知梁振英搞左 d 乜出黎。
E21A 發表於 2016-5-21 14:07
委員長
今有綠黨起台灣制衡中共，某程度上都係一事好事，
我反而觀望緊下屆美帝總統究竟係邊個上位，假如比 Donald Trump 上台就真係好玩。
頁:
[1]