3ASV174 發表於 2016-5-23 22:51
今晚睇過，
似乎九巴時段頭車開出前都老屈係對家時段，
我諗緊如果塞車塞到過鐘，轉左時段對家車先返到總 ...
到左依家8月, 對於港島總站開出既班次, 九巴時段頭車開出前, ETA依然老屈係對家時段.
例如904, 最後一班往荔枝角既新巴於16:00開出.
16:20, 16:40 同尾班車17:00係九巴負責.
但係16:00新巴開出之後, ETA依然顯示 "新巴時段班次".
直至16:20, 港島總站變左做 "安排中", 之後幾個分站都會順序由 "新巴時段班次" 轉做 "安排中",
直至若干分鐘後九巴班次預報到站時間出現為止.
更離譜既係, 307中環碼頭總站長期顯示 "城巴時段班次".
呢條線係兩間公司梅花間竹出車, 每一班城巴開出之後就到一班九巴, 之後輪到城巴, 如此類推.
無理由明明開左一班城巴之後都繼續顯示 "城巴時段班次".
至於由九龍新界總站 (有九巴預定班次) 開出既班次又點呢,
答案係, "新巴/城巴時段班次" 字眼會喺九巴時段頭車開出前10分鐘消失.
咁又有另一個問題:
307線大埔開出既班次夜晚係20分鐘一班, 但係就算城巴班次開左, "城巴時段班次" 都唔會消失.
直至九巴班次開出前10分鐘先會消失.
相反, S1線8分鐘一班既時段, 就算城巴尾車尚未開出, "城巴時段班次" 喺龍運頭車開出前10分鐘就消失.
所以, 有關字眼係唔能夠作準.
andy1010 發表於 2016-5-29 20:56
其實唔係好明安排中...
明明110而家呢個時間南行都過哂尾班車..但仲係寫安排中
北行又會寫尾班車已過本站
如果某一個行車方向並非由九巴負責, 通常係過海線往港島方向, 九巴時段結束到左新城時段之後就會出安排中,
七月或之前, 就算新城尾班車開出之後都會出安排中, 可能有人以為重有車搭而中伏;
七月之後, 九巴修改電腦程式, 新城尾班車開出之後就全部分站同時由 "安排中" 轉做 "暫時沒有資料", 除左將有九巴到達既分站.
所以就算你見到 "暫時沒有資料" 都唔代表無車可以搭.
至於110線南行, 係幾奇怪既.
往筲箕灣尾班車係由九巴負責.
但係唔知點解九巴ETA系統好似假設有班新巴跟住呢班九巴尾班車, 實際上根本沒有新巴班次跟住九巴尾班車之後.
點解咁講呢, 因為九巴尾班車駛過左加連威老道及以後既站之後,
該分站就會顯示 "新巴時段班次",
過左若干分鐘後就會變做 "安排中" (七月或之前), 依家就會變做 "暫時沒有資料".
又或者可能九巴ETA無將呢班南行尾班車為 "尾班車",
所以就算呢班尾班車駛過左分站之後都唔會顯示 "尾班車已過本站".