迷你倉四級火 一名消防隊長殉職
https://hk.news.yahoo.com/%E8%BF%B7%E4%BD%A0%E5%80%89%E5%9B%9B%E7%B4%9A%E7%81%AB-%E4%B8%80%E5%90%8D%E6%B6%88%E9%98%B2%E9%9A%8A%E9%95%B7%E6%AE%89%E8%81%B7-142926376.html淘大工業村一個迷你倉4級火，導致1名消防隊長殉職，另外4名消防員留院，情況穩定。
消防較早前表示，一名消防隊長獲救時已失去知覺，送往聯合醫院搶救。
消防又指，救援的困難是面積大，通道狹窄，迷你倉內大量雜物燃燒引起高溫和有濃煙，增加救火的難度。
而家新聞講緊座樓已經有好多裂痕，我擔心緊座樓遲早真係會塌 ……
ref: http://hk.apple.nextmedia.com/realtime/news/20160623/55265276 牛頭角4級火 再有一名消防員殉職
https://hk.news.yahoo.com/%E7%89%9B%E9%A0%AD%E8%A7%924%E7%B4%9A%E7%81%AB-%E5%86%8D%E6%9C%89%E4%B8%80%E5%90%8D%E6%B6%88%E9%98%B2%E5%93%A1%E6%AE%89%E8%81%B7-135034458.html
牛頭角迷你倉大火中，再有一名消防員殉職。大火在周二發生，當晚消防隊長張耀升已不幸殉職，遺下太太及年僅4月大的兒子。 其實場火燒咗3日但係現場環境依然非常惡劣
政府係咪要有第二手準備，疏散附近居民呢?
因為長期咁燒法，唔知棟樓幾時頂唔順會冧
本帖最後由 paul2357paul 於 2016-6-24 16:45 編輯
JX9097 發表於 2016-6-24 15:33
其實場火燒咗3日但係現場環境依然非常惡劣
政府係咪要有第二手準備，疏散附近居民呢?
因為長期咁燒法，唔知棟樓幾時頂唔順會冧
冧樓疏散指令確實唔容易發。
因為首先封路範圍必須進一步擴大。
對於今次來說例如觀塘道九龍灣站一帶，牛總圈實走唔甩，對於駕駛者既恐慌程度唔可以睇小。
因為冧樓會產生向外擠壓既連帶瓦礫既氣流。
paul2357paul 發表於 2016-6-24 16:42
冧樓疏散指令確實唔容易發。
因為首先封路範圍必須進一步擴大。
對於今次來說例如觀塘道九龍灣站一帶，牛 ...
唔易發又係唔係代表可以唔發（如果真係有需要 o既時候）？
尋晚新聞就指場火開始受控，不過到而家呢個時候仲未滅哂。
同時間，政府就不斷對外講緊座樓結構性冇問題 ……
當然冇人想座樓塌，
而家附近空氣質素都已經搞成咁，政府某程度上都應該比某部份人去其他地方暫住好過係個頭索廢氣。
但係又真係唔見政府有就過呢個問題去諗下當區居民感受。 AVD1 發表於 2016-6-25 16:16
唔易發又係唔係代表可以唔發（如果真係有需要 o既時候）？
尋晚新聞就指場火開始受控，不過到而家呢個時 ...
你話我事後孔明又好﹐車大炮又好﹐純吹水又好﹐我只係講幾句心底話。
座樓會唔會冧﹐在場的人員(包括消防﹐警方﹐屋宇處)仲緊張過大家﹐因為他們係直接影響的﹐真係直接同生命有關。
昨天都已經有資料發放出來﹐燒了幾日﹐不定時都有派人入內影相睇樓宇狀況﹐屋宇處的結構師及消息指揮都唔係傻的﹐唔想做千古罪人﹐真係出問題仲唔指示消息離開大廈放棄救火。
至於大廈外牆有裂痕﹐有水噴出﹐可能唔少人忽略了一件事﹐甚至唔知道。
那個年代的建築方向係同現代唔同﹐係石屎做支柱及樓面﹐所有牆(包括外牆)都係一塊塊紅磚砌出的。
由於唔係同支柱一體﹐本身亦唔夠石屎耐熱﹐好自然好易爆裂。
不過﹐牆唔會係承托結構﹐淨係冧牆係對大廈本身無問題的。
至於是否要派人入火場﹐答案係要的﹐不過要睇時機環境。
當外圍射水降溫去到可進入的水平﹐便要派人入內﹐要睇大廈情況﹐火場情況﹐去決定用什麼方法 "進攻"。
即使你做得幾好的準備及保護﹐火場係變化萬千﹐無人可保證唔會出事的。
第一位英雄﹐好大機會係「閃燃」﹐發現唔對路時已經叫人走﹐可惜都唔夠閃燃快﹐最後..........
第二位英雄﹐個人推斷係突然有搶火﹐係估唔到的地方發生﹐一下子的高溫令到3位一齊出事。而當時溫度已經下降﹐相對閃燃機會低﹐同埋閃燃唔會3位出事﹐而係附近的人全部出事﹐消防係2人一組﹐應該會4人出事﹐而不是3人出事。
任由火燒對於大廈火來講﹐不是沒有問題。除了冧樓外﹐亦怕唔知要燒幾耐﹐以及波及其他附近樓宇。
請相信消防員的專業﹐所有負責指揮的高層﹐都係出入過火海﹐有一定經驗才可以慢慢升上去的﹐他們不是空降無實戰的人。
當消防員﹐除了救火知識﹐經驗﹐技術之外﹐仲要講運氣。
一個真實例子﹐早幾年石峽尾氣體事故﹐一位英雄出事。
當日成班上到樓層﹐已經知道那一個單位﹐做好晒準備﹐正想用安全方法爆門之時﹐未出手已經發生爆炸。
知識﹐經驗﹐技術﹐他們一定有﹐已經做足晒安全措施。可惜係欠缺運氣﹐只要早十幾秒爆﹐英雄未就位便只會傷而不會死。又或者入屋後夠時間疏散氣體﹐便不會出事。
kei_hk 發表於 2016-6-25 18:00
你話我事後孔明又好﹐車大炮又好﹐純吹水又好﹐我只係講幾句心底話。
座樓會唔會冧﹐在場的人員(包括消 ...
終於完了。而家只係希望可以搵返事實真相出黎，究竟單野點解會發生 …… AVD1 發表於 2016-6-26 15:28
終於完了。而家只係希望可以搵返事實真相出黎，究竟單野點解會發生 ……...
如果跟昨天警方所講﹐初步睇CCTV (未睇完)﹐話未有刑事成份﹐又指未見到有疑人出沒﹐此情況下推估﹐有可能係CCTV的電線/其他電線出問題短路﹐之後著火﹐CCTV因此好快跌落地及著火﹐再無法運作。
火由電線引開去﹐繼而全個倉慢慢變成火海。
如果唔係舊式工廠大廈沒有自動灑水系統﹐有機會在CCTV跌落地的時間﹐可以啟動自動灑水系統﹐最少可拖慢漫延速度﹐場火無咁難救。
kei_hk 發表於 2016-6-26 16:02
如果跟昨天警方所講﹐初步睇CCTV (未睇完)﹐話未有刑事成份﹐又指未見到有疑人出沒﹐此情況下推估﹐有可 ...
如果電線短路起火而搞成咁都真係幾誇張。
雖然而家單野係起發生起迷你倉 － 環境複雜，但係而家燒左成五日先滅哂，
就算電線短路係成因，但我覺得應該中間有 d 野先會搞到場火咁難滅，
環境我認為只係其中一個因素，其實我覺得應該要睇下租倉者究竟放左 d 乜入去都好緊要，之後先再去再追究。