警察坐巴士洗唔洗比錢?
想問交通督導員，軍裝警察,便衣警察，郵差洗唔洗拍卡或者入錢？郵差要俾錢
全部都要比錢
全部都要付車費﹐並且可以向所屬部門申領支出。
不過﹐唔知而家仲有無一個公開的秘密仍然使用中﹐便是警察軍裝人員(包括交通督導員)﹐好多時都係會入錢﹐不過唔會入足﹐但求有聲比其他人聲到﹐而司機好多都好識做﹐睇都唔睇做按制開錢箱。於是﹐除了司機及這位軍裝人員外﹐基本上無人知是否入夠錢。
這樣做的原因﹐係這些軍裝人員原則上係唔需要用公共交通工具的(MTR警區有專用八達通卡自由出入閘)﹐所以這些人員回到警署claim車錢﹐基本上係好難。
而坐車的最大原因﹐係唔想行一段天下大平的路段﹐或是趕返去收工。
N年前我成日見到成班交通督導員於家維村等巴士返何文田警署﹐他都成班都好識做﹐唔會坐8號小巴的﹐同埋成班人入面會有一個人象徵性入錢﹐個個上車都好有禮貌﹐大家應該明點解啦。;P
反而軍裝警察我又真係未見過坐巴士或其他交通工具。
kei_hk 發表於 2016-7-9 20:50
全部都要付車費﹐並且可以向所屬部門申領支出。
點解原則上唔洗俾錢？ kei_hk 發表於 2016-7-9 20:50
全部都要付車費﹐並且可以向所屬部門申領支出。
以前細個 o既時候成日見軍裝警察起荃灣上 39M 返荃灣警署（其實我相信而家都有），
不過我記得真係一時時 － 一時班差佬就有拍卡，一時就 say 個 hello 就算數 …… 下？乜原來有「象徵性入錢」嫁？
我一係就見佢SAY個HI，一係就八達通搞掂哂啦……
當然如果要捉賊時上巴士，咁又冇理由仲要佢O徒O個少少時間俾錢/八達通。
\原則上唔洗俾錢係O岩既。正如如果你係做神秘顧客，去試一間餐廳，梗係「原則上」唔洗俾錢，因為你都會拎番張單返公司claim番錢，同樣道理啦。
你只要唔介意墊支，及等多少少時間「財政部/行政部」俾番錢你既時候，你咪「原則上」唔洗俾錢囉！
lsc04d11 發表於 2016-7-10 10:24
下？乜原來有「象徵性入錢」嫁？
我一係就見佢SAY個HI，一係就八達通搞掂哂啦……
其實好多年前真係say個HI 唔係次次work﹐原因係巴士司機本身都驚投訴﹐警員自己都驚﹐事實亦有發生過有人投訴警員坐霸王巴士。
於是﹐成班想坐巴士的警員便用到幾招﹐便是象徵性入錢(即係入唔足)﹐say HI 並且扮入錢(淨係將隻手放在錢箱上面)。
一兩個人多數會用第一招﹐三四個以上便會混合使用。
象徵性入錢﹐原因上面講了﹐即使司機唔受出聲﹐亦可話數錯錢補回車資。扮入錢﹐擺明做戲﹐因為無入錢聲﹐容易被其他人發現。
真係會去投訴警察唔會係司機﹐而係附近的乘客﹐點解要做戲? 都係應酬一下周邊觀眾。
其實﹐司機及警員都知道坐巴士係要支付車費的﹐只係大家比面當無事發生﹐正如以前員工証坐對家公司﹐家屬証一拖幾的情況相同。
司機絕對可以叫番班警員支付足夠車費 或 請他們下車(如唔肯支付足夠車費)﹐但係作為同工作最密切關係的執法者﹐咪大家比面囉。
不過時代唔同﹐所以我上面都講唔知仲有無這支歌仔唱﹐如果無便拍卡入足錢囉。
而以他們識務﹐真係要坐巴士機會真係極微。
例如去離警署較遠的地區巡邏﹐有警車接送。
你話捉賊﹐一係個賊上了巴士﹐警員跟埋上去﹐當然唔駛比錢啦﹐因為會叫司機唔好開車。
如果係去其他地區﹐近的會跑﹐遠的根本唔會叫其他較近的警員去﹐而且日常工作係會有EU隊做日常支援﹐突發野會由EU車趕去﹐一般軍裝隨後抵達跟進。
所以﹐坐巴士真係大多數係方便自己﹐而不是真係工作需要﹐好難claim到工費坐車﹐於是咪索性唔claim工費﹐用自己方法支付車費。
當然﹐有少數係認可係工作上係坐巴士由A點去B點的﹐這些係claim到車錢的﹐這些咪唔需要做戲入錢囉。
以上﹐係針對警員及交通督導員。
至於樓主問郵差﹐他們一定係正常支付車費的﹐唔係司機需唔需要比面問題﹐而係他們的工作已經有晒固定路線﹐真係有需要坐車(無公司車接載)﹐一早已經計(預)埋車錢在他們的派遞路線之上﹐郵差便可以直接claim番工作時的車資﹐自己根本唔需要支出(極其量係預支)﹐實質係政府支出﹐所以唔需要玩這些動作。
kei_hk 發表於 2016-7-10 11:13
其實好多年前真係say個HI 唔係次次work﹐原因係巴士司機本身都驚投訴﹐警員自己都驚﹐事實亦有發生過有人 ...
講咁多咪又係公職人員行為失當
除左巴士員工同家屬
搭車嗰下點都要俾錢
根本無需要「針對」某個職業去講
頁:
[1]
2