上報了~35°C機場巴士冇冷氣 熱到hihi
本帖最後由 UE3240 於 2016-8-8 10:10 編輯日日派D無冷氣的殘舊巴士出街行, 終於見報
http://hk.apple.nextmedia.com/realtime/news/20160808/55464982
呢排熱到人都癲，吓吓過30°C，酷熱天氣警告老是常出現。天文台叫人注意健康，城巴就唱反調，費清就搭到一架熱過熱狗嘅機場巴士。
當日(24日)去亞洲博覽館睇Bigbang演唱會(剩係少女先可以去㗎！)，由於係下午場，所以中午最熱嘅時候就要搭車入去。由將軍澳搭城巴E22A，剛上車乘客唔多，都唔覺有咩，但去到觀塘、九龍灣等，越嚟越多人上車，就開始feel到巴士冇冷氣，摸吓出風口，只有熱風（好後悔冇帶廢青風扇），但呢個時候巴士已經上咗公路。
成車人喃喃自語：「咁熱㗎」，車窗外一滴雲都冇，天文台app話室外溫度34.5°C，嘩，巴士入面隨時40°C或更高。司機就話開咗冷氣喎。全車人個幾兩個鐘熱到hihi咁入到去亞博。費清當時打去城巴熱線反映，問吓會唔會了解吓個冷氣係咪壞咗，但職員話係聯絡唔到嗰司機，「唔知有冇事㗎，要等巴士埋總站先知」。吓？巴士公司聯絡唔到司機？如果嗰司機有事點算？
與此同時，朋友Grace搭另一架龍運巴士E32入亞博，佢話都係冇乜冷氣，成車人焗sauna。查實，經常搭嘅都知道，香港啲巴士好高科技，係恆溫㗎，只不過係當冬天開大冷氣，夏天開到好細啫。
城巴調查咗兩個禮拜，終於回覆話架巴士冷氣係壞咗喎。費清聽到火都嚟，點解城巴唔當時盡快瞭解吓？車程超過個幾兩個鐘，巴士又冇窗，期間有乘客因為太焗唔舒服點算？
費清嬲嬲哋，話架巴士註明係「空調」，而家冇冷氣違反《商品說明條例》喎，係咪要退全數或部分車費呀。不過，城巴職員話：「架車送咗你去目的地，冇得退㗎」。明嘅，財到光棍手嘛。
本帖最後由 HT408 於 2016-8-8 10:42 編輯
我坐親22XX都凍到雪櫃咁
成篇文得個噏字人地城巴話搵唔到車長，又話有意外點算
揸緊車點搵人？聽電話咪又一樣俾人投訴！
司 機 話 開 佐 冷 氣 , 點 解 唔 同 司 機 講 叫 佢 停 埋 安 全 位 置 去 檢 查 有 無 冷 氣 出 ?
個 司 機 係 新 黎 , 唔 知 規 舉 ? 定 係 成 班 客 話 無 冷 氣 都 照 去 目 的 地 ?
全 車 人 熱 個 幾 兩 個 鐘 係 焗 爐 到 ? 成 班 客 中 晒 暑 啦 . 仲 講 到 話 去 到 亞 博 館 .
成 班 客 去 瑪 嘉 烈 就 差 唔 多 . 成 篇 野 都 唔 合 邏 輯 . 奇 奇 怪 怪 講 D 唔 講 D ... :L
bjbus 發表於 2016-8-8 13:23
柴小公司，想佢服務優質乘客第一？算吧啦
柴 小 應 該 係 抵 FF .
不 過 最 縮 骨 就 係 筆 者 自 己 .
唔 當 場 叫 換 車 已 經 係 蝕 張 .
但 又 識 事 後 波 走 去 做 鍵 盤 戰 士 .
個客梗係無搭開E線至大驚小怪
人地後勤區返工客日日咁搭,司機日日咁揸都無得嘈
就算比你叫停過車,可能下一部仲熱過呢部
因為係死症無得搞,又或者係唔肯去搞
車都已經唔足夠,只要部車仲有風出,都唔會咁易比你入廠整,
司機位裝左風扇開左都係吹熱風,仲衰
就算比部65xx/85xx都唔好咁開心,早期果d都已經變左吹冷風,只係比22XX叫好些少
老實講呀 鹹魚唔出聲司機自己都應該駛埋一邊比乘客過車啦我記得幾年前坐671中左架NL262 其實我唔覺得有問題 但係到左銅鑼灣師傅話唔夠冷氣叫去藍田觀塘個D過車 (我仲記得個陣係上左692落藍田;P )
kennethtsoi0715 發表於 2016-8-8 14:37
老實講呀 鹹魚唔出聲司機自己都應該駛埋一邊比乘客過車啦我記得幾年前坐671中左架NL262 其實我唔覺得有問題 ...
陣間啲鹹魚又投訴話做乜無喇喇要過車，又唔係唔行得㗎喇 JX7348 發表於 2016-8-8 14:07
個客梗係無搭開E線至大驚小怪
人地後勤區返工客日日咁搭,司機日日咁揸都無得嘈
就算比你叫停過車,可能下一 ...
65XX 都係咁???行咗幾個月咋喎....
HT408 發表於 2016-8-8 15:32
陣間啲鹹魚又投訴話做乜無喇喇要過車，又唔係唔行得㗎喇
做 乜 要 過 車 ?
因 為 你 要 過 白 車 . ;P
到 時 就 唔 好 投 訴 . :L