本帖最後由 Mueller 於 2016-8-21 22:45 編輯
kei_hk 發表於 2016-8-21 20:30
理論上可以，不過過海線的塞車問題........你懂的。
想準確，只可以在對面海總站放番部電腦供對家站長/ ...
無錯喇, 如果可以擺部電腦喺港島總站叫對家站長/九巴車長入返開車時間就可以解決個問題...不過對家站長肯唔肯幫九巴做多d功夫就係另一回事....
其實呢個問題抵銷左ETA帶黎既好處.
試過104九巴尾班車由西環尾開出, 15分鐘後架巴士去到中環先出ETA.
又試過904九巴尾班車由西環尾開出, 半個鐘都未有ETA, 架車就黎到荔枝角, ETA先顯示呢班車.
雖然乘客可以粗略預計班車幾時黎, 但九巴整ETA既目的正正係令乘客能更加準確掌握行程.
希望九巴可以盡快解決呢個問題....
Mueller 發表於 2016-8-21 22:39
無錯喇, 如果可以擺部電腦喺港島總站叫對家站長/九巴車長入返開車時間就可以解決個問題...不過對家站長肯 ...
其實ETA 幾家公司都要做﹐面對聯營線問題﹐大家遲早都會想出方法去解決。
簡單的方法﹐便是放部電腦在對家地方﹐叫對家幫手輸入﹐正所謂家家有求﹐公司出面﹐站長都會聽自己公司指示﹐幫對家輸入資料。
但係﹐又會面對其他問題。當中包括自家系統保安問題﹐如果避免對家去 "研究" 自己套系統﹐點去確定對家即時輸入﹐輸入資料係無誤....... 都有好多問題的。
我估最終的處理方案﹐便是大家幾間公司﹐共同商議一個標準格式的電腦檔案﹐由自己公司直接export聯營線的實際即時班次及使用車輛的資料﹐直接送去對家公司手中﹐再由對家公司自己import番入自己系統。
好處係站長都唔需要把相同的資料輸入2次﹐亦唔怕遺留/拖延在對家系統輸入﹐整個過程都係公司的server 對server 去交換data﹐全自動化處理﹐時差可控制在合理水平﹐亦解決保安問題。
但係﹐做前期功夫真係有排等﹐起碼要等新城攪好ETA的第一步。
而家的做法﹐我相信係站長定時向對家匯報番開車資料﹐站長收到對家提供這些資料後﹐輸入番自己的系統。
始終﹐巴士公司都要keep開車資料﹐問題只是即時輸入電腦﹐定係儲埋一堆才一口氣輸入。
以九巴而言﹐越快收到料﹐越快入到電腦﹐越快可以正確提供ETA。但2個步驟入面﹐對家遲比料﹐自己心要處理其他事﹐都會令到有「空窗期」﹐ETA便無資料可顯示。
kei_hk 發表於 2016-8-21 20:11
這一層當然啦，唔通彌敦道巴士線，中間塞車同你講塞在彌敦道咩
所以，一定係出之前的一個車站。
我QUOTE個位就係咁講嘛
而且理論上根本做到, 架巴士一路有keep住send GPS返去架嘛
九巴個ETA根本有好多要改善既地方
andy1010 發表於 2016-8-21 23:48
我QUOTE個位就係咁講嘛
而且理論上根本做到, 架巴士一路有keep住send GPS返去架嘛
九巴個ETA根本有好多要 ...
雖然已經全面提供所有路線給大家查詢班次﹐不過學你所講﹐係仲有野要 "執" 的﹐所以我只會用「公測」去形容現時九巴ETA的運作狀況。
(如果大家有留意﹐車站的電視機都有貼紙話系統測試中的)
上面我的例子係流水線﹐塞車時出上一車站的地方﹐無問題﹐因為車站距離短。
你的例子係跨區高速公路﹐想提供多一些塞車資訊﹐其實都有方法的﹐但係要改動程式﹐唔知短時間內做唔做到。
方法係加一些隱形車站﹐平時大家查看車站/班次係見唔到的﹐不過系統內部靠這些隱形車站去了解車輛位置﹐修正及提升長距離路段之後的預報到站時間﹐塞車時亦可列出較接近的塞車位置。
九巴0個套站務系統可以remote 由第二個站控制?
人家外國係由政府提供系統, 就根本無呢個問題
nwfb23 發表於 2016-8-22 14:15
九巴0個套站務系統可以remote 由第二個站控制?
人家外國係由政府提供系統, 就根本無呢個問題
一些沒有站長的總站﹐便是由其他總站的站長負責管理的。
同時﹐有新聞提及九巴打算中央管理﹐由office一個團隊去管理不同區域的巴士線(總站)。
由此可見﹐係可以在其他地方輸入的。
這亦是聯營線﹐如何把對面海開出的班次資料輸入電腦的方法。