mak5052 發表於 2016-9-13 20:44
在正線擺車過夜, 是否可行? (觀塘線, 東鐵都有車在外過夜), 啟德可以擺三抽 (兩月台加一留置線), 烏溪沙 ...
問題精結唔係擺車問題，係維修檢查的處理能力，大圍廠是否可照顧一倍有多的車卡數目的能力？
有位擺車，但車廠中處理能力不足(如人手，維修設備等)，都係無用。
車廠處理能力足夠，但無足夠位擺車，可以踢已經完成例行日常檢的車在車廠外過夜，只係運作上麻煩一點，同埋可能影響其他方面的維修(如整路軌，電纜，阻工程車之類)。
kei_hk 發表於 2016-9-14 00:17
問題精結唔係擺車問題，係維修檢查的處理能力，大圍廠是否可照顧一倍有多的車卡數目的能力？
似乎你同我地之間有分歧既地方提早通車，但全綫係未駁好晒隧道，
所以你先質疑大圍車廠能唔能夠照顧咁多車姐:o
情況又未去到差到咁，而家MTR Facebook都話左全綫隧道通晒等著鋪路軌同埋電綫
係土瓜灣馬頭圍被古績影響先至再延遲姐
如果係有安全隱患甚至全綫通車但局部不載客？
先通左最緊要既鑽石山同埋何文田先都好呀
OT: 我想問大圍車廠第時係唔係負責所有翻版千九既維修？
見之前話翻版千九黎到都會編佢地去馬鞍山綫先
mak5052 發表於 2016-9-13 20:44
在正線擺車過夜, 是否可行? (觀塘線, 東鐵都有車在外過夜), 啟德可以擺三抽 (兩月台加一留置線), 烏溪沙 ...
其實 MOL 間唔中都會有車擺正線過夜..
本帖最後由 s3n370 於 2016-9-15 18:54 編輯
kei_hk 發表於 2016-9-13 10:18
都要睇大圍車廠是否能夠處理馬鐵 4變8 的車卡增加﹐路線廷長所增加所增加的8卡列車﹐有無條件做到日常及 ...
理論上，東西線通車前，馬鐵要完成4轉8。
大圍車廠一係要應付到馬鐵全線8卡，
唔係就本身都要預D車過八鄉整。
假使要臨時延長去鑽石山，新加車數唔會多。
以上方案點都唔會因為多少少車爆掛？
你話車廠應付唔到，唯一可能係車廠擴建工程延誤，
先至會有呢個問題。
根本同沿線隧道車站工程無關
本帖最後由 腦夫子 於 2016-9-15 21:58 編輯
s3n370 發表於 2016-9-15 18:29
理論上，東西線通車前，馬鐵要完成4轉8。
大圍車廠一係要應付到馬鐵全線8卡，
唔係就本身都要預D車過八鄉 ...
其實你有冇唸過大圍車廠有幾細?若果通去鑽石山，繁忙時間需要出幾多部八卡？
若果短期用過八鄉的方法做檢查／維修，靠大圍站南行果條渡線可以應付到幾多流量（你唔係唔知夜晚收車大部份日子路軌都有工程做緊）？
＃真係＿都費事俾
其實樓主呢個係有深度既問題，但要確實回應，必須要衡量以下關鍵因素，簡單概述，有錯不吝賜教：
1. 土木/機電完成程度
必要的是消防及屋宇署的檢收已合格, 若果牽涉軌道及信號部份, 更要機電署RB檢收
2. 列車數目
是否有足夠列車行駛延伸的路段?
3. 足夠列車停放設施
是否有足夠車廠軌道應付日檢?以及是否有足夠停泊處供夜間收車停泊？
4. 信號糸統 (***最關鍵)
這牽涉到行車的安全及穏定性, 所以牽涉系統軟硬件以及列車的反覆調試直至一定時數穏定性, 而有關系統是不能隨意修改, 須得多方同意以及相關調試
5. 折舊及維護
這就是從樓主的角度以經濟方向分析, 除非改變會計原則, 一旦設施落成移交俾龟鐵, 折舊就會開始起錶, 而且若果唔盡快營運, 龟鐵就冇車費和相關商業收益, 但又要承擔日常維護開支
而按現時進度及龟鐵謹慎作風, 我相信寧願背負"封塵"罪名也不願分段通車, 我見解如下:
1. 以現時進度來看, 雖然顯徑及啟德可以如期完工, 但關鍵的紅磡站及鑽石山站完工進度仍未明確
2. 現時大圍車廠不能應付馬鞍山線南延而增加的列車數量, 必須要依靠紅磡停放處
3. 至今4改8的列車仍未上線營運, 1輛長春車仍在測試, 以西鐵7改8一個月一列的進度, 2017年底能有幾多架8卡車成謎
4. 若果分段通車, 即係之後達致全線通車要(最少)再多修改一次信號軟件系統, 再多一次試車, 以及路線圖及車站指示更新, 這牽涉不少的人力物力
龟鐵以信號及安全為首要考慮, 基於第4點重要性, 而且這次東西鐵工程更牽涉兩線合一, 分段會有事倍功半的結果
我反而認為如果港鐵進取的話, 2018年底通車, 但以"西營盤模式" 於土瓜灣飛站, 實行上是可行的, 關鍵是土瓜灣站軌道及信號是否能通過驗收,
因為其他路段/站/停放處屆時應該已完工, 並且有足夠8卡車載客
本帖最後由 s3n370 於 2016-9-16 00:44 編輯
腦夫子 發表於 2016-9-15 21:56
其實你有冇唸過大圍車廠有幾細?若果通去鑽石山，繁忙時間需要出幾多部八卡？
若果短期用過八鄉的方法做檢 ...
都係果句，東西線未全面通車，馬鐵己經要行17抽8卡車
假定南延至鑽石山，按現有繁時3分一班，大圍去鑽石山行6分，咪頂多多4抽？
根本晚繁過後己陸續收緊車，多出要處理果4抽車根本係分時段做，而唔係一次過
更重要一點係車廠除佐做日常檢測，根本其中一個用途係放車，
如果係車廠容量問題，早做完檢測果批，咪掟出去正線擺囉
如果係車廠每個時段加多一兩抽都處理唔切，咁就更大件事。
一到節日加班，好多車都要延遲返廠，你無spare capacity點搞得切呀？
講緊以前東鐵就算過八鄉，都係heavy maintenance先過去，邊駛日日過架？
[戴頭盔]小弟純綷從車廠容量去睇延長可行性，當然如你所講，鑽石山站未搞好，剩係呢點就講乜都無用[/戴頭盔]
s3n370 發表於 2016-9-16 00:41
都係果句，東西線未全面通車，馬鐵己經要行17抽8卡車
假定南延至鑽石山，按現有繁時3分一班，大圍去鑽石山 ...
＂早做完檢測果批，咪掟出去正線擺囉＂
仲係行車時段，點掟出去正線擺？你當列車係巴士，隨時爬頭呀？
腦夫子 發表於 2016-9-15 22:51
其實樓主呢個係有深度既問題，但要確實回應，必須要衡量以下關鍵因素，簡單概述，有錯不吝賜教：
1. 土木/ ...
如果只係通顯徑至大圍一段
理論上4卡都夠載
又會唔會比較易少少?
ma212223 發表於 2016-9-16 12:51
如果只係通顯徑至大圍一段
理論上4卡都夠載
又會唔會比較易少少?
視乎龟鐵對顯徑站客流的預測
個人認為, 開左反而會加重左東鐵往返九龍的客量(尤其繁時, 睇噚晚中秋放工時段就知)
唔開好過開