點解黃埔路線嘅ETA咁廢嘅？
之前試過睇ETA時間喺旺角等30X/212去黃埔，睇埋Google路況由旺角去黃埔沿途暢順，結果等多咗8分鐘先有車到。尋晚喺部西鐵上睇定8P時間去黃埔，1分鐘有部金巴，11分鐘有部白板，計返落車行返地面嘅時間，即係應該等6分鐘左右部白板就到，諗住可以搭到部白板短時間特快直飛黃埔，睇埋Google路況都無問題。點知上到巴士站等咗8分鐘先來部金巴，重要客滿飛站（尖沙咀碼頭一站打爆咁誇張？！），與此同時部白板先重喺對面線，搞到要靠條半個鐘一班嘅269B執客（原來268B 269B改行紅磡繞道係為咗當8P有問題嗰陣用來清走新世界中心同永安廣場兩個站嘅客）。
另外回程嗰陣，我喺黃埔花園等車，部白板嘅ETA一直出咗到達/離開好耐都唔消失，起碼走咗5分鐘以上，出到去尖沙咀先無咗。其實佢個ETA點運作㗎？（題外話：8P去到晚間亦都客量慘淡，重衰過63X，部雙層車喺海逸豪園吉車開來黃埔花園，得我一個包車上繞道出尖沙咀，我喺永安廣場落車轉西鐵，部車就吉住去尖沙咀碼頭啦，即係全程去程開到15分鐘一班極可能得我一個搭）
據問近期 ETA 個系統有 d 問題，壞左幾次，唔知有無關係....
P.S. 佢系統有問題，外人未必睇到，佢可能繼續俾個原定時間....
架白板 ADS 我尋日朝都中左招，話幾分鐘等左三個字都唔見人..
8P 尖碼一站打爆都唔難，尤其係用緊 AVBE, 不過 8P 個 ETA 唔準確我都試過瀨野，話説有晚我尖碼放工想去黃埔搭 30X 車手部車，
計過時間之下，諗住搭 8P 去追 (8A 太慢，我尖碼行路過去黃埔重快過搭 8A)，落船時見到係 4 分鐘到尖碼，點知過左 15 分鐘才有
車， 當堂失預算.
前幾日都試過等車，原本等左幾分鐘都話係幾分鐘內到，好啦，等到佢轉做到達啦，但係都仲未見到有車。結果到達顯示左2-3分鐘到，就無左再等下一理車黎。但係實際上我從來未見過呢班幽靈車
半年至一年前，成日係紅樂道等212 30X，eta話五分鐘有車，結果次次唔夠兩分鐘遠見到架車已經到站，送左幾次車尾，已經無再睇過eta..
KN7229 發表於 2016-9-7 19:59
半年至一年前，成日係紅樂道等212 30X，eta話五分鐘有車，結果次次唔夠兩分鐘遠見到架車已經到站，送左幾次 ...
其實ETA時間只可以用嚟參考,
我會按返上去,搵部車去左邊,
如果我係紅樂道等30X/212,
按返上去黃埔花園總站,
如果部車開左,即係部車宜家係在黃埔花園總站同紅樂道之間
即係部車好快到,唔係5分鐘 有時ETA甚至會無咗班車。之前有次見ETA 212要廿幾分鐘先有車，於是準備去搭火車，點知去到彌敦道口就見到有部212出現喺面前。我啱啱搭63X去新界，去到屯門市中心有部63X吉車喺我前面中途起載，個ETA亦都無嗰班中途起載車。
KN7229 發表於 2016-9-7 19:59
半年至一年前，成日係紅樂道等212 30X，eta話五分鐘有車，結果次次唔夠兩分鐘遠見到架車已經到站，送左幾次 ...
黃埔開到紅樂道最快都要三分零鐘，所以你見到既好可能打大 (尤其係 212).
平田巴總站長 發表於 2016-9-7 18:50
前幾日都試過等車，原本等左幾分鐘都話係幾分鐘內到，好啦，等到佢轉做到達啦，但係都仲未見到有車。結果到 ...
講開幽靈，試過夜晚諗住搭 8:10pm 開果班 30X 往荃灣，我 8:00pm 已經到達黃埔總站，當時 30X 條坑係吉既，一路等到 8:10pm,
一部 30X 都無出現過，再等多 5 分鐘左右（仍未有車到)，我按紅樂道站，竟然話有班車到站，再按之後的站 (e.g. 獲嘉道)，仍
然顯示有一班車 5 分鐘到站，最後按遠少少的碧街，顯示有兩班車, 一班係 7:55pm 開既 (1 分鐘），一班係 8:10pm 開既 (15 分鐘).
真的不知道 8:10pm 果班車o係邊度開出....:L
頁:
[1]
2