619專綫小巴
有無人知道呢條619小巴近期出車情況點？我呢排搭完西鐵通常都要靠619專綫小巴返屋企（因為港鐵巴士要半個鐘先一班），不過頭先衰咗，我由22:53等咗24分鐘一部小巴都唔見，打去站牌個電話又係空號，等到尾班港鐵巴士到站先至走到。已向TCU投訴。同埋我有好幾次見過呢條線啲小巴喺我落車之後（我喺洪屋村個路口落車，過馬路返洪福邨）直接喺巴士廠嘅路口掉頭，但車上明明有客，乜唔係應該直行出輕鐵站咩？會唔會係啲司機唔熟路？我叫巴士廠對面有落司機唔係太知喺邊，話係洪屋村個路口都唔明。
其實條線做唔做得住架?!
ksmbh 發表於 2016-9-23 19:40
其實條線做唔做得住架?!
我未見呢條小巴多過半車客搭，最多嗰次都係得6個客，絕大部分時間都係0至2個客行洪天路。
ksmbh 發表於 2016-9-23 19:40
其實條線做唔做得住架?!
當初開呢條線可能想好似 46 咁輔助 K 巴去西鐵站
可惜洪福居民唔多 Buy，話改去元朗好過 ;P;P
andy92 發表於 2016-9-24 10:56
當初開呢條線可能想好似 46 咁輔助 K 巴去西鐵站
可惜洪福居民唔多 Buy，話改去元朗好過
講真，搭西鐵又點會唔揀鐵巴呢
條小巴真係去元朗好過啦
頁:
[1]