5架比亞迪電動巴又停駛 被批落雨跣呔難煞車
又唔見倫敦的BYD有事? 定只係新城本身的問題?
http://hk.apple.nextmedia.com/realtime/news/20161018/55792995
由政府是前撥款資助購入，城巴及新巴5輛國產比亞迪單層電動巴士，自去年12月起開始在香港島5條路線進行試驗，被議員批評引入至今出現不少問題，在夏季天雨期間更出現「煞車性能不足，車輪打滑」的情況。新巴及城巴發言人回覆查詢時承認，兩巴於上月中起已暫停行駛5輛比亞迪電巴，並要求製造商進行詳細檢測。
新巴及城巴書面回覆時指，該批曾因車門及車輪問題一度停用的比亞迪電動巴士，近期再因「雨天車輪打滑」問題全線停用。兩巴針對「煞車性能不足，車輪打滑」的質疑在文件解釋指，電動巴的制動系統，在煞車時會啟動回饋充電功能，將動能轉化為電能為巴士充電，天雨期間地面摩擦力會減弱，若巴士煞車回饋充電力度比摩擦力大，或會令輪胎間歇打滑。
兩巴發言人指，電動巴對公司以至整體社會均為新嘗試，強調兩巴會審慎驗收巴士並作定期檢查，若發現電動巴士有事項需要跟進時，會作出即時及適切性的處理，要求廠方全面跟進及檢修，確保其機件性能及運作安全才會讓巴士再次投入服務，巴士製造商已調整制動回饋充電系統，改善車輛雨天防滑表現。
兩巴發言人又指，自去年12月啟用至今年8月，共收到22宗涉比亞迪電巴的投訴，主要關於車廂冷氣問題。期內，比亞迪電巴共出現11宗故障及牽涉6宗交通意外。兩巴強調，所涉交通意外，全屬輕微事故亦非機件故障引致。
至於兩巴引入另外5部由華夏神龍生產的電巴，原訂在9月中投入服務，但在首航前發現落車鐘系統有問題，需要回廠維修。根據兩巴提交區會文件，兩巴稱需要確保其性能及運作安全，才會再投入服務，但未有提供正式投入服務時間，啟航無期。
petcity 發表於 2016-10-18 22:42
如果雨天有事，點解而家先停駛批車
雖然批車真係冇行一排，但睇返舊年大約十一月出牌
睇黎巴士公司都唔係咁鍾意批電動，幾部神龍聲稱要整個落車鐘都整到唔見晒影.... petcity 發表於 2016-10-18 22:42
如果雨天有事，點解而家先停駛批車
雖然批車真係冇行一排，但睇返舊年大約十一月出牌
以我理解係"制動回饋充電系統"加埋"傳統迫力系統"效能太好, 雨天落迫力既時候鎖實咗個轆, 但部車繼續跣住去, 有冇ABS又或者ABS運作如何就要留待有心人解畫
不過想講既係, 就算週街都係既車型, 車轆濕晒去到特定地方落迫力都有機會出現咁既情況, 你會睇到 ABS 運作緊, 個轆鎖下郁下, 不過部車仍然係跣緊, 條軚響到周圍都聽到
咁耐至發現, 唔排除係越來越多司機感覺有問題, 向上層反映先至知
而且有樣單層車普遍現象, 車越輕迫力越勁, 就越易壓唔住個轆做磨擦減速, 結果轆有轆鎖住, 車有車繼續跣住去
bnr34 發表於 2016-10-19 19:10
以我理解係"制動回饋充電系統"加埋"傳統迫力系統"效能太好, 雨天落迫力既時候鎖實咗個轆, 但部車繼續跣住 ...
利申：磚家
電動車個問題係一畀油就一枝箭去（至少大部份係咁）
一係收油時就chock 一下好快慢落嚟剎車都可以唔落
對於揸慣一般柴油巴士嘅司機絕對唔慣
之前坐過一次K9R個司機都係咁講
https://zh.m.wikipedia.org/zh-hk/%E9%98%B2%E9%8E%96%E6%AD%BB%E7%85%9E%E8%BB%8A%E7%B3%BB%E7%B5%B1
ABS防鎖制動系統就係唔想踩死剎車導致打滑
簡單講就係剎車會咬下鬆下防止鎖死
K9本身有配備ABS系統（唔知K9R有冇）
da54 發表於 2016-10-19 15:35
睇黎巴士公司都唔係咁鍾意批電動，幾部神龍聲稱要整個落車鐘都整到唔見晒影.... ...
如果唔係政府出手，根本就唔見得香港堆公司真係會搵錢去買幾架返黎玩 ;P
其實，睇各間巴士公司嘅買新車態度就知乜事
個個都大手入ADL同Volvo，Man同Scania都選擇性咁試下，VDL得一間肯試...
咁始終哩啲係搵食架生，
試新嘢又唔會話賺多啲錢嘅，
仲要養Team人服侍佢地.....
如果唔政府貼錢都唔會走去試新嘢....
(新巴同城巴堆青年係異數)
btw, 電動車個操作同柴油車唔同，輪軚嘅摩擦阻力(附著力)亦唔同，
用柴油車嘅楂法去渣電動車未必適合，仲要條原裝軚附著力會較低(以減少摩擦阻力)，(不過唔知新城有無換過條軚)
咁個brake一踩勁啲就實易跣
peterson 發表於 2016-10-20 15:20
其實，睇各間巴士公司嘅買新車態度就知乜事
個個都大手入ADL同Volvo，Man同Scania都選擇性咁試下，VDL得一 ...
新巴同城巴堆YoungMan行咗兩年都已經好大鑊
成日周街扒，好似仲有兩架成日行76嘅條陣有裂
OT少少:
反而冠忠果批五洲蟲先至正正常常？
好似見佢日日都有出車
唔知實情係點？
反而好似話中大果兩部唔多掂
這些大陸製的爛車應該直接駛去劏車場,大陸車連汽車的基礎都做不好,算了吧:@
頁:
[1]
2