九巴重新為茶水站經營權招標
九巴今日下晝 upload 咗份標書....http://www.kmb.hk/chi/pdf/Staff%20Canteen%20Tender%20Document.pdf
九巴竟然重新幫十間茶水站招標，包括琴日收返的五間茶水站
(包括彩虹、觀碼、尖沙咀東、愉翠苑、上水)，但最奇怪係連 d
已經改咗/改緊做休息室的前茶水站（例如荔枝角、如心、長安、
柏景灣、葵盛中）都拎埋黎招標。
經營者需在 2017 年 1 月 20 日或之前提供服務。
招標書入面有新要求，就係九巴會設立約60呎員工休息專區，
經營者需無條件容許九巴員工於茶水站營運時段內使用休息區。
休息區設備(如水機、蒸餾水、雪櫃及微波爐等由九巴提供)，
方便員工享用非經營者提供的食物。
不過份標書有 d 唔係好一致，例如前面寫「投標者可選擇經營
一至十間茶水站」，但後面經營細則就寫「經營者必須負責全部
五間茶水站的營運，不得選擇性地只營運其中一間或數間。」
唔知究竟係見群情洶湧而改變初衷，定係一早計劃好一批咁
俾大財團做...... 咁細面積，大財團相信唔會睇得起呢D……不過乜都肯搞果間，佢仲入埋廠搞優惠站，又有飲食經驗……或者都有可能。
toyl 發表於 2016-11-1 16:27
咁細面積，大財團相信唔會睇得起呢D……不過乜都肯搞果間，佢仲入埋廠搞優惠站，又有飲食經驗……或者都有 ...
但乜都肯搞果間而家都自身難保
toyl 發表於 2016-11-1 16:27
咁細面積，大財團相信唔會睇得起呢D……不過乜都肯搞果間，佢仲入埋廠搞優惠站，又有飲食經驗……或者都有 ...
鴻福堂果 d 都可能 OK..... 或者賣波仔叮飯，自己過側邊休息區叮 ;P
本帖最後由 kei_hk 於 2016-11-1 16:56 編輯
唔知究竟係見群情洶湧而改變初衷，定係一早計劃好一批咁
俾大財團做......
又可以睇成一樣一半。
唔收番茶水站﹐即係無位做員工休息室。
做晒員工休息室﹐即係無茶水間。
而家這個安排 (從理想角度去睇﹐而非實際情況去睇)﹐便可2者共存﹐員工又有地方休息﹐又有地方食野﹐一舉兩得。
但上面都有人講﹐茶水站都唔係好大﹐接規定劃地方出來做休息室﹐仲邊有位做飲食所需的枱椅?
即係變相茶水間照舊﹐但係九巴員工可以無條件在入面hea﹐唔光顧都可以hea﹐茶水站老闆無得出聲話阻住他做生意。
PS. 我又唔相信大財團會有興趣﹐反而一些中小型食店可能有興趣。
不過份標書有 d 唔係好一致，例如前面寫「投標者可選擇經營
一至十間茶水站」，但後面經營細則就寫「經營者必須負責全部
五間茶水站的營運，不得選擇性地只營運其中一間或數間。」我理解會係你可以話想做1-10間﹐但最多會批5間﹐一旦批多於1間的時間﹐中標者便要做晒所有分派的茶水站﹐唔可以只做入面的1間或入面個別的茶水間。
即係派左 5間給你﹐你一定要做晒5間﹐唔可以只做4(或下)間。派了2間給你﹐你一定要做2間﹐唔可以要1捨1。
kei_hk 發表於 2016-11-1 16:48
我理解會係你可以話想做1-10間﹐但最多會批5間﹐一旦批多於1間的時間﹐中標者便要做晒所有分派的茶水站﹐唔可以只做入面的1間或入面個別的茶水間。
即係派左 5間給你﹐你一定要做晒5間﹐唔可以只做4(或下)間。派了2間給你﹐你一定要做2間﹐唔可以要1捨1。
咁就唔會寫明「5間」，而係寫「獲批數量的」....
我都係覺得佢似諗過兩個 option，結果只改了一邊唔記得改第二邊.....
我想話一年前,個體戶做車廠CANTEEN,一份沙嗲牛麵,火腿蛋牛油方包,COT0賣22蚊,一年後今日由飲食集團做,賣31蚊~~
本帖最後由 s3n370 於 2016-11-1 19:55 編輯
053h4 發表於 2016-11-1 18:30
講真，食堂應詃下該係福利一部份，唔應該轉下手就賣貴左
佢賣到同出面同價，都未必吸引到自己友幫襯
仲要做唔到"額外生意"
題外話，港鐵員工飯堂係容許外人光顧，
﹙首先，你要入到港鐵大樓/車廠﹚
係要俾貴D咁解。
九巴茶水站話唔俾非九巴員工光顧，
係咪純粹受九巴茶水站經營規則所限﹙相關條文可參閱標書﹚
定係牌照有額外條款，唔許可咁做？