八達通OePay 發功﹐吸納更多用戶
本帖最後由 kei_hk 於 2016-11-17 17:00 編輯過去申請 OePay 一直提供個人資料﹐包括身份証﹐及地址証明。
由今天起﹐將會分為3種戶口級別﹐最低級別無需提供個人資料﹐即可使用。
Lite 版 : 無需提供個人資料﹐12歲以上即可申請。需要提供e-mail & 手機number作驗證﹐儲值額上限$3000﹐全年交易額最多用25,000元。
Plus 版 : 需提供個人資料﹐儲值額上限$10,000﹐全年交易額最多用$100,000。
Pro 版 : 與Plus版相同﹐但需要經渣兜銀行開設(戶口連繫)﹐而全年交易總額再無上限。
同時﹐新增網上付款 (即係同現時八達通app 相同)。即係 生果機的朋友﹐可以透過OePay 上網購物(eg. X寶)。
而錢轉出轉入 OePay﹐除由八達通卡轉錢外。由以往獨家的渣兜銀行﹐擴展到多間銀行﹐另外亦可去 7-11 去存款/提款。
不過﹐只有渣兜才可做到即時轉錢。
以往已開戶的人﹐似乎全部轉晒去做 Pro版﹐不論是否有跟渣兜銀行做連繫。
********************************************************************************
早便應該推出 Lite 版﹐無需個人資料﹐一早吸納更多人登記﹐增加潛在的使用量。
雖知八達通係最流通的支付工具﹐幾乎人人手上都有一張﹐透過OePay 朋友之間夾錢﹐真係可帶動整個市場。
生果機一定要買藍芽讀卡嘛。不過一申請左，入埋個優惠碼，唔洗二百幾蚊，88蚊就買到。。。
lsc04d11 發表於 2016-11-18 12:55
生果機一定要買藍芽讀卡嘛。不過一申請左，入埋個優惠碼，唔洗二百幾蚊，88蚊就買到。。。
...
如果你無打算用來為八達通增值/由八達通轉錢入戶口﹐只係作為朋友之間轉錢夾錢﹐網上購物﹐其實係可以唔用(買)個讀卡器的。
原因係多了入錢/提錢的方法﹐例如 7-11﹐亦可在多間銀行做轉賬。
個APP開第一日就申請左既會員
利申
夾錢個concept係好，但5個人食飯，只有4個人裝左，都係做唔到想要既效果……
最慘係，好難「氹」朋友去裝。
在香港，你企o係有齊visa/paywave, master/paypass, 八達通, 會員積分當錢洗, QR讀app 既餐廳/店舖，都見到班友寧願用100找散銀返黎，O係銀包搵好耐錢都唔肯用電子貨幣，就知小額電子貨幣在香港真係好難……
我都覺得個APP夾錢好正，又唔洗「逼」人夾齊頭，(例$580/5=$116 有人會俾120，有衰朋友就會話俾100得啦，咁樣)，又可以追人數(冇錢O係手唔需要話「落去禁機俾你」或者「下次先啦」(就會唔記得)
不過，真係未用到呢個咁正既CONCEPT囉。
希望多D朋友會申請啦。
都好難。得O個10蚊迎新。
lsc04d11 發表於 2016-11-18 20:43
個APP開第一日就申請左既會員
利申
你應該乜都唔駛做﹐已經有$10收(31/12 前入賬):P
我自己登記﹐其實就無打算用來 "夾錢" 之用﹐只係方便為自己張八達通sim(手機) 增值。
由一張有自動增值的八達通卡﹐借 OePay 轉錢去電話sim。
(另一網的人﹐更加用來買某便利店的上網sim﹐再用 "透支35蚊" 去換取額外discount﹐最初都要先增值﹐再去買野﹐預先計劃好入幾多錢再銷費﹐而家只需一日時間便做到﹐屋企門口都唔駛出;P)
講真﹐我都想身邊朋友多點使用。
講流通度﹐點都好過另一對手 T&G。
而家入錢及提錢都容易了﹐亦唔收手續費(大額轉出銀行除外)﹐應該都吸引到一批人用。
我相信最吸引係一班學生哥﹐12歲便用得﹐放假一班同學仔去食飯睇戲唱K﹐用來夾數真係唔錯。
後生仔亦容易接受這些新事物﹐趁而家對手未展開大攻擊﹐應該可爭到一班小朋友去開戶的。:lol
呢個APP要普及會有困難,始終Iphone冇NFC用起上嚟好唔方便,遲D銀行出P2P APP就好易玩完
不過呢個APP仲有個幾方便嘅用法,就係直接登記人地張八達通,人地唔使有Account都可以用實體卡直接過數
本帖最後由 kei_hk 於 2016-11-20 16:54 編輯
nigelE21A 發表於 2016-11-19 23:00
呢個APP要普及會有困難,始終Iphone冇NFC用起上嚟好唔方便,遲D銀行出P2P APP就好易玩完
不過呢個APP仲有個 ...
最大問題係直入錢/轉出錢八達通﹐係要24小時登記﹐唔係見卡即登記即過到錢。
如果可以即時用八達通轉出轉入錢﹐那便真係方便了﹐真係引到好多人用。
個人認為﹐登記八達通卡要24小時才可生效﹐保安方面好低﹐主要係怕小規模商業性使用﹐令到收少商戶交易佣金(手續費)。
註 : 我唔肯定今次改動/改版﹐有沒有更改這個限制。
kei_hk 發表於 2016-11-20 16:52
最大問題係直入錢/轉出錢八達通﹐係要24小時登記﹐唔係見卡即登記即過到錢。
如果可以即時用八達通轉出轉 ...
新版改為可以即登記八逹通即用!
睇嚟可以方便做小生意交易
nigelE21A 發表於 2016-11-20 18:50
新版改為可以即登記八逹通即用!
睇嚟可以方便做小生意交易
如意算盤都唔易打，唔通次次叫個客拿張卡出來入number？;P
撞中個客仲用緊舊卡，我仲好笑，得個睇字。
當你行業係克服到交易時要慢慢登記卡號問題。
(例如網購交收)
都仲有2個問題你要面對，分別係每日/每年的交易限額，爆左額便無得用。
真係交易額高，你要轉番錢出來，都係要比錢八達通公司賺。一個月首$5000唔收你手續費，爆額部分收你0.5%。
當你交易額高，睇你點將大部分的錢轉去八達通卡;P
網上已經有人教點去免費透支信用卡(借自動增值)，江湖救急三幾佰都可行的。
頁:
[1]