(12 PIX) 歐一鷹DA80 穿梭華富中環的最後生涯
本帖最後由 ctb7k-pc6795 於 2017-1-22 00:11 編輯今次分享的 DA80 係最後一批出牌的歐一鷹,
亦係最後三架退的新巴歐一車之一
當時最後三架歐一神鷹都在三月第二星期到期,
佢地到期都被安排行走華富區路線....
DA80 / 81 就在尾兩日都係 穿梭華富中環
(DA81 另文再分享)
DA80-82 三架車新出牌都係先做過海線熱身,
到970 一開就成為主力, 入新巴後數月被噴上新巴色,
並轉派做耀東特快線 722.
當中 DA80 裝修內籠前返回南區服務, 裝上瑞昌科技座椅,
長駐南區再不久換電牌, 亦都在臨退前換哂前後車牌, 同埋換水箱網
(因為佢噴新巴色時水箱網都係保留電鍍的).....
講番佢兩年前三月頭的最後服務, 佢都一路服務華富,
不過在3月4日 卻重回新出主力線 970, 係佢最後一次過海,
到最後兩日 (3月5日 / 6日) 都係穿梭華富中環.....
我在當日因要清年假就放了下午, 放下午就同友人去坐 DA80,
都為佢做最後留影, 睇住架車由 4X 跳去4號,
可惜架車車尾太平門警告聲長嗚, 車長就 PORT 車,
在中環恆生叫我地兩個落車, 架車就不再載客, 返回車廠,
亦因為架車係 第二日 (3月7 日) 到期, 該程就係終極尾單.....
*除第一張不是在尾日影, 其他載客相都係 3月6日 (最後服務日) 影...
到3月7日, 我朝早路過黃廠橋底, 見到 DA80在入面, 被其他車包圍....
到晚上再去睇, 有門位可以影, 見到佢已貼上封車證, 並換走原來的車輪.....
佢再之後就被油去車牌同埋車頭編號....
數月後我在網上見到有人貼 DA80 在廢車場 待劏的相,
當時歐二鷹都退到得番四架果時, 即係架車都等好耐先被處理.........
新巴鷹轉眼都退左一年多, 但回憶猶在........
頁:
[1]