電牌白豪公路夜遊記: GZ9930 @ 261 / 68A
本帖最後由 ctb7k-pc6795 於 2016-12-30 01:16 編輯在兩個唔同日子, 唔同年份, 我都有在晚上坐 電牌白豪 GZ9930 做 261 同埋 68A,
不約而同, 都由一位與某出名藝人之女兒同名的師姐操刀......
兩次遊河的走線有大不同, 261 係平路, 68a 要上山下海 (行屯公),
究境兩程車表現如何?
Part 1: 上水去三聖 261 (2011)
當晚在上水站, 見到一架電子牌白豪顯示 三聖 261, 架車入站後先知
係 GZ9930, 上車就係果位師姐 (果陣應該新入職), 開車就隨即上公路,
架車當時起步ok, 加速力也不俗, 就係坐感好似巨龍咁, 同埋平路鎖速略緊,
不過有暗斜位可以畸為加快架車速, 行完全段新田公路....
呢位師姐手車又快又定, 轉眼就返到三聖, 係當晚收工一單,
趁架車停定, 就影佢梯位, 之後師姐就開車, 渣架車返廠收工...轉眼過左三年, 到架車變續命車.....
Part 2: 68a 朗屏 -> 青衣站 (21 Nov 2014)
自從續命車行公路禁令被取消後, 兩架電牌白富豪都不時行走68A......
9930 在2014年最尾兩日都係做68A.....
在台慶後兩日, 有城巴第一城線同埋九巴264M 最後一日服務,
我坐89R 之後, 坐73A 過粉嶺, 再坐76K 過朗屏, 意外地知道後一班車
係用GZ9930, 就決定在總站轉車返元朗等 9930, 等到佢就上車返朗屏,
亦巧合地, GZ9930 之後要跳去68A 做一轉, 亦由女車長接更.....
影相後上車, 再看佢名牌......之前261果位???? 無錯, 就係佢......
架車上到屯門公路, 師姐手車都定, 但因為架車行過錦田果條54號線,
條陣剛度都無咁硬, 加上架車一向避震比同款都差一點,
架車到一定速度果陣都會有左右搖震, 幸好架車加速都無退步,
最後架車順利到達青衣站, 亦要多謝佢令我可以順利到青衣站送別 264M終極尾班....
下車了, 我都影埋佢同264M 用車的合照, 架車可說為264M 謝幕禮助慶,
話哂佢都在9月至11月都間中做264M 替車....
架車不久再到上客點, 趁機再影佢梯位, 場內行家都集中在 264M謝幕,
同架車客量成大對比...........
有時間再貼9930做264M 的相吧!~~~
頁:
[1]