相比其他巴士迷, 我算係影得多巴士相果一羣。
雖然宜家比較多巴士迷會做出瘋狂、危險o既行為,
但自己仍想繼續到香港各地拍下各條路線o既蹤跡,
所以我暫時都唔會大大減產, 甚至停產。當然, 影
巴士只係空閒活動, 唔應該影響到日常生活。
反思自己影巴士o既行為, 亦可以話曾經瘋狂過。
最初影巴士o既時候 (2000 年尾), 對派車可以
話全無認識, 眼中沒有特別所見, 影巴士只志在
陪伴下身邊o既同學。不過, 當自己開始頻密瀏覽
互動討論區之後, 開始留意到派車資料, 於是更加
重視影唔影到一部車。有段時間幾乎見車就影,
入到框就算, 毫無注重質素, 結果影影埋埋就係
一堆又一堆o既垃圾相; 更有數次走出石壆影相;
有時影唔到一部車更加會細細聲罵人。雖然自己
唔會胡亂衝出馬路, 爆粗罵人, 但我當時o既行為
已經失去理智。
從自己o既往事去思考現今巴士迷o既問題, 我不難
理解佢地當中部分危險o既行為。回想過去, 自己
發生問題o既根源係個人心智未成熟; 再加上互聯網
資訊發達, 催化自己麻木地影車、影車、影車...
影車究竟為乜? 車究竟甚樣去影? 究竟自己喜愛巴士
甚麼? 係咪要影巴士先表達到自己喜愛巴士? 一大堆
問題卻沒有認真思考過...
原帖由 ATE24 於 2006-5-27 21:00 發表
剩係友愛(南)都咁多人……
難以想像出面 62x 沿線有幾多人……
特見一個o者……使唔使放學特登o黎捕？
我不覺得放學後捕車是很不要得的一回事...始終時間是掌握在自己手中,只要有充足時間做好正事,餘暇怎麼運用,本屬個人事宜.
說起來,有時搭車途中,會見一些身穿校服的人影車,不禁聯想:為何在上課時段,卻現身在該處-他們是提早放學,抑或做了逃學威龍?
荒廢正業,只顧興趣的人,無異於要結果不理後果.最少在學業上,付出與回報,大致是人人平等的.
[ 本帖最後由 chrisappear 於 2006-5-27 22:27 編輯 ]
個人意見：
如果一個人連自己都唔尊重自己既身份同言行舉止既話，
哪怕你響呢個圈子裡面既資歷有幾深或者幾淺，都好難響度活得開心，玩得自在。
原帖由 chrisappear 於 2006-5-27 22:21 發表
我不覺得放學後捕車是很不要得的一回事...始終時間是掌握在自己手中,只要有充足時間做好正事,餘暇怎麼運用,本屬個人事宜.
說起來,有時搭車途中,會見一些身穿校服的人影車,不禁聯想:為何在上課時段,卻現身在該處 ...
講起上黎,Yr2既某一日,AL1行66既時候,我影既時候真係見到
有幾個著校服既人影緊相,個陣時心諗,AL都考完,CE又未到,
咁佢地到底係F幾呢??
不過講起上黎,以前中學冇能力買相機可能係一件好事,因為
以前真係冇乜機會俾我影巴士.所以見到特見都冇得影.雖然
都幾揼心口啦.但回望返,可能當時有相機既話,我就唔會努力
讀書.所以都唔會話後悔既
岩岩返到屋企,見到B3有幾篇關於B9既文.
同我晌呢篇文講既第四個回應完全相同.
雖然我今次冇去到美孚了解實況啦,不過
個情況同上年AL1行6既情況一樣.當日因
為我自己冇影過行6號,所以先去下影.
不過當日巴士站真係有過40位巴士迷影
相,而佢地既行為同我晌B3同到相中既情
況係完全一樣.行出馬路影啦,跑住黎影啦,
鬧一d短鏡既人啦....真係乜都有.當日有
幸上到呢架車,不過上左車之後真係好後
悔,因為架車真係好嘈.唔止係一般乘客晌
度傾計,而係巴士迷不斷叫囂.我不嬲都幾
鐘意一架巴士既環境係靜既,而我搭咁多
次AL1都好好彩成車都好靜好舒服.所以我
個真係覺得有少少失望.而當我返到美孚
既時候,見到成幾十個手持相機既人,係咁
影相,當時我真係驚架.所以我以後冇必要
都唔會晌多人影緊既地方影巴士.
唔知係唔係人老左,發覺要自己花咁多精力
落等車上,覺得唔係太值得.所以呢一年我
真係極少影巴士相.
原帖由 n281 於 2006-5-27 15:46 發表
以前在巴士公司工作,有一些經常來信或來電的巴士迷,
都會另行處理
不過,不論專利還是非專利公司,
最受巴士公司管理層重用的,
升職最快的,加薪最快的
都係巴士迷
點解巴士公司會重用巴迷？
其實半年多前都有類似呢篇文~
但我不記得點回覆了
我只記得不需理會身邊的人的閒言閒語
如果你真的有這份熱情的話
又何感到羞恥呢?
唉~!現在D巴士迷(部份)以為自己影相大曬，人地阻一阻就爆粗，司機泊個唔靚位/唔合作又嘈亂巴閉...
俾佢影左張再靚GE巴士相又點?只暴露出其人格低劣而已
現在自己都好少去影車，原因都係巴迷影像日益下降，免得被人歧視
我自己平時坐車都發現某些司機開始對巴迷覺得討厭
原帖由 kay 於 2006-5-28 08:59 發表
其實半年多前都有類似呢篇文~
但我不記得點回覆了
我只記得不需理會身邊的人的閒言閒語
如果你真的有這份熱情的話
又何感到羞恥呢?
係囉,
行文者又寫呢個題材,普通左d喎,
不過開車去跟都可以好瘋狂..
我現在得閒都會出影下相,
不過通常自己一人,
做好自己,無事既..
不過太多巴士迷係周圍就麻煩d.
試過有一次,
佐匯高球場影出站門位,
一大班係旅遊巴站先影完樓梯位的人跑過來,
見到呢d,除左影完自己快d走,可以點做?
唔通影佢地相貼出來?
其他路人眼中,巴士迷就係架喇.