追巴士
最近我Facebook上有朋友貼出話佢追巴士嗰啲post，但係我近年真係未試過可以好似下面咁走咗部巴士可以追得返：呢個係我一個跑得好快嘅朋友出嘅：
而呢篇就係我一個唔係平時操開運動嘅同學出：
但係我近年基本上未試過可以直接追巴士追去下站（除非係某啲特別迂迴嘅路線，例如以前51喺錦上路站嘅年代，出車要兜出錦河路嘅，走咗車可以直接追去錦上路頭站，或者75K喺大埔墟站走咗車，直接追去富亨邨等我先追到），好似我之前想喺美孚對上嘅青山道搭286X，點知送車尾我都無晒辦法，睇住部車上埋高速，部巴士已經到咗我想落車個站下班車都未到。於是我就認為追巴士呢家嘢係匪夷所思，尤其是係我下下要夾條半個鐘一班，得一部車行嘅K75A班次返屋企，一走咗班車之後就要等半個鐘（如果搭其它免費交通工具等得來都要成半個鐘先返到去，下班K巴都已經到啦，即使你俾得起錢搭其它收費交通工具都經常無影），如果我有辦法追到班車我梗係追啦，但係我根本唔認為我有能力可以喺下站追得返部巴士啦。咪住先，如果追去下站追得返部車嘅話我都唔使再依靠條半個鐘一班，而且每班車通常唔夠5個人嘅巴士返屋企啦，因為我只係搭一個站。咁我就喺Facebook出post，睇下有無人真係追到部巴士，追到我俾$1000佢：
我真係想有個辦法唔使下下要就時間趕啲半個鐘一班嘅特快巴士（呢條K巴就如同的士咁快），尤其是係23:15尾班車，下下去到約會中途，一夠鐘就如同灰姑娘，要即刻返去趕尾班車，否則就無晒交通工具由港鐵站轉返洪天路返屋企（部小巴夜晚經常無影，之前試過走咗班車等小巴，結果等部K75A行完一圈都無小巴出現）。請問有無人可以教我好似上面嗰兩個咁追到走咗嘅巴士？
頁:
[1]