hkitalk.net 香港交通資訊網
標題: 洪水橋新市鎮環保運輸服務首階段研究完成 [打印本頁]
作者: mak5052 時間: 2019-9-5 22:11
標題: 洪水橋新市鎮環保運輸服務首階段研究完成
土木工程拓展署完成了洪水橋新市鎮環保連接系統的首階段研究, 初步定出了建議走線, 及三種建議形式, 有關文件已經上屯門區議會, 下星期五將討論, 簡述內容如下:
建議路線:
路線一: 泥圍 - 西鐵洪水橋站 - 洪水橋新市鎮西部 - 沙江圍 - 流浮山, 在新市鎮西部設車廠
路線二: 頌富 - 沙江圍 - 天影路 - 天水圍站 - 洪福邨 - 唐人新村 - 元朗南新市鎮 - 公庵, 在公庵設置車廠
另研議本系統沿天影路延伸至天逸
建議形式:
形式一: 自動捷運系統, 類似澳門輕軌
形式二: 環保巴士系統, 類似廈門 BRT, 以電動巴士行走
形式三: 現代化電車, 類似深圳龍華電車
另有以下四款形式曾列入比選, 惟落選:
以輕鐵支線興建 (落選原因: 載客容量不足以滿足延伸至新發展區)
吊車 (如昂坪 360) (落選原因: 載客容量不足, 速度太慢)
單軌鐵路 (如沖繩單軌) (落選原因: 不合技術要求)
個人快速運輸系統 (PRT) (落選原因: 載客容量不足)
以下為區議會文件:
https://www.districtcouncils.gov.hk/tm/doc/2016_2019/tc/committee_meetings_doc/ehddc/16210/ehddc_2019_048.pdf
===完, 歡迎討論===
作者: clivetock 時間: 2019-9-5 22:20
唔明輕鐵點解會被指載客容量不足，現有輕鐵除咗唔係低地台之外同所謂現代化電車有咩分別？而且輕鐵載客量應該唔會少過BRT
作者: hoi_him 時間: 2019-9-5 23:35
輕鐵落選好可惜，話佢載客量不足令人充滿黑人問號。入選嗰三種唔見得可以載多好多人
作者: TYChow 時間: 2019-9-5 23:40
其實輕鐵應該延長去大埔
作者: 284 時間: 2019-9-6 00:42
用巴士就得啦，起咩軌又利益輸送畀國企
作者: Lyt_Kondisc 時間: 2019-9-6 00:42
咁我寧願佢將呢一套新嘅系統食埋輕鐵，總之大西北內一定要互通。而家兩邊分家絕對係災難。 ; _ ;
作者: Toz 時間: 2019-9-6 07:00
本帖最後由 Toz 於 2019-9-6 07:03 編輯
BRT 唔好煩
起碼BRT 容易擴展
輕鐵運量不足, 應該係港鐵唔想買車...?
作者: 巴士的膠 時間: 2019-9-6 09:20
Toz 發表於 2019-9-6 07:00
BRT 唔好煩
起碼BRT 容易擴展
有兩個新車廠、新上蓋發展，買車呢啲濕濕碎啦！
路面電車如果轉向、供電同輕鐵兼容到，諗下將現有輕鐵站轉做類似電車站嘅形式，長遠都係可以考慮嘅，但如果新系統入唔到大馬路、屯市，基本上係哂氣。
作者: joesiu27 時間: 2019-9-6 09:21
現代化電車基本上同輕鐵一樣
陰謀論諗：係咪想做低輕鐵？
如果真係要呢三樣揀，我寧願要環保巴士
作者: hippohippohippo 時間: 2019-9-6 10:20
輕鐵運量不足係路軌設計問題,
列車本身載客量唔細
應該加多幾條度線
人流多的車站應該分開月台上落
輕鐵系統未必好
但係屯門元朗天水圍已經形成一個網絡
再加多一套系統
轉來轉去都好麻煩
加上出唔到市區
估計回本都有困難
作者: qunow 時間: 2019-9-6 10:22
輕鐵運量不足跟住去諗載客量仲低啲嘅巴士？
作者: tuen 時間: 2019-9-6 10:29
現代化電車同輕鐵除咗地台高低嘅分別之外
仲可以雙向行, 唔洗起個大圈掉頭呢
作者: Toz 時間: 2019-9-6 11:09
本帖最後由 Toz 於 2019-9-6 11:22 編輯
如果APM 可以兼容輕鐵. 都可取既.
唔得就 BRT 無煩惱. 點解? BRT 可以兼容道路 (廢話)
甚至高架巴士專線就得了. 閘機都慳返.
APM 兼容輕鐵, 即係現有輕鐵列車可以駛入新系統路段, 方便開直達車
將來舊輕鐵路段改建比新車入.
先搞元朗同天水圍, 跟住再諗屯門.
新系統兼容輕鐵列車的話, 睇返係洪水橋果邊既擬定走線
如果天耀路南下既路軌飛上天橋或落地底, 只可向南直去屏厦路
天水圍循環線個圈向西擴展, 包埋河對面
原先輕鐵路軌會擋天福路, 宜家變左擋南邊既屏厦路, 或者做到就隧道過埋屏厦路...
咁的話呢個巴士必經既路口交通情況會大為改善
作者: DC3938 時間: 2019-9-6 12:03
港鐵又唔知點諗?
作者: kay 時間: 2019-9-6 12:27
捷運無人駕駛
巴士點都要有
電車有D無厘頭,除非想香港電車去做
啟德無左個機會
作者: GM 時間: 2019-9-6 16:07
另外整一套 無規模效益
用番輕鐵好過
作者: ArnoldC 時間: 2019-9-6 17:59
我諗輕鐵「載客量不足」係指現有路段應付唔到新增嘅班次/乘客。
作者: Lyt_Kondisc 時間: 2019-9-6 19:02
ArnoldC 發表於 2019-9-6 17:59
我諗輕鐵「載客量不足」係指現有路段應付唔到新增嘅班次/乘客。
咁新系統路線來回都係得兩條路軌姐，架車太長就好容易會造成擠塞，根本佢呢樣解釋唔到。
作者: ArnoldC 時間: 2019-9-6 21:05
Lyt_Kondisc 發表於 2019-9-6 19:02
咁新系統路線來回都係得兩條路軌姐，架車太長就好容易會造成擠塞，根本佢呢樣解釋唔到。
...
你究竟明唔明我講乜?
洪水橋、元朗南對外客，基本上一係去西鐵站，一係去屯元天市中心。
如果用輕鐵支線連接，呢班客就會倒返落現有輕鐵系統。
我係話，佢可能覺得現有輕鐵系統無足夠剩餘容量吸納呢班客，所以建議另外整個新系統。
作者: Lyt_Kondisc 時間: 2019-9-6 21:37
ArnoldC 發表於 2019-9-6 21:05
你究竟明唔明我講乜?
洪水橋、元朗南對外客，基本上一係去西鐵站，一係去屯元天市中心。
如果用輕鐵支線 ...
我覺得唔會多好多。
主要輕鐵係駁屯馬線車站為主，現有路段唔會突然間食埋洪水橋同元朗南乘客，除非該現有路段係洪水橋同元朗南新市鎮居民前往重鐵站嘅必經之路。
連接 屯門/洪水橋/天水圍/元朗/元朗南 嘅跨區路段先多咗人，即承載跨區客服務。
我建議港鐵順便起多條跨區走廊，分流兆康至洪水橋一段客流。
FF only, don’t be serious
作者: clivetock 時間: 2019-9-6 21:55
但係另起爐灶同樣冇增加輕鐵容量，如果啲人要去屯元天市中心，一樣會倒返落現有輕鐵，仲製造更多轉車人流
根本區內進行咁大規模嘅發展，一定會增加屯元天已發展部分嘅人流，所以無論延伸輕鐵網絡定整新系統都會增加現有輕鐵嘅負擔，除非佢覺得新發展區啲人全部只會出市區而唔會去鄰近市鎮
作者: ArnoldC 時間: 2019-9-7 00:09
clivetock 發表於 2019-9-6 21:55
但係另起爐灶同樣冇增加輕鐵容量，如果啲人要去屯元天市中心，一樣會倒返落現有輕鐵，仲製造更多轉車人流 ...
可能佢覺得，分流咗西鐵客就夠載呢？
可能佢覺得，啲客會轉西鐵去屯門呢？
可能佢覺得，屏山一段會逼爆，但係天水圍市內就夠載，將啲客分流到西鐵站就得呢？
作者: yahomo 時間: 2019-9-7 11:23
如果真係擔心輕鐵容量唔夠，咁假設我要由洪水橋去屯門，要先坐新系統去轉西鐵，然後再轉返輕鐵去目的地，咁做法好似好冇效率。
作者: yahomo 時間: 2019-9-7 11:33
再者低地台電車其實唔適合用係屯元天使用，本人去個深圳觀摩超級電容低地台電車，發覺車廂空間不足，中間位置會升高，但係屯元天使用輕鐵你會發現有很多輪椅嬰兒手推車及老人購物車的使用者，所以車廂內要平坦的空間很重要
作者: ArnoldC 時間: 2019-9-7 21:43
yahomo 發表於 2019-9-7 11:33
再者低地台電車其實唔適合用係屯元天使用，本人去個深圳觀摩超級電容低地台電車，發覺車廂空間不足，中間位 ...
低地台電車唔係得深圳先有，而且大部分都行架空電纜。
歐洲近年嘅低地台電車，車廂佈局同低地台巴士差唔多： 近車門嘅低地台區做輪椅位、優先座、大水塘； 轉向架上嘅座位就要上多級，不過通道依然係平坦低地台。
作者: qunow 時間: 2019-9-7 21:50
系統南面與其起到泥圍，點解唔伸延到兆康，方便轉乘屯門區內輕鐵服務
作者: JF1261 時間: 2019-9-7 22:04
一係就起APM
一係就用返現有輕鐵
其餘BRT 同有軌電車跟本就晒錢
BRT 其實唔一定要全線獨立運作呀, 用返普通道路再配掛接巴士, 跟本唔需要200-300億
有軌電車同現有輕鐵差唔多咁慢, 載客量又唔見得好高
作者: 巴士的膠 時間: 2019-9-8 00:02
Lyt_Kondisc 發表於 2019-9-6 21:37
我覺得唔會多好多。
主要輕鐵係駁屯馬線車站為主，現有路段唔會突然間食埋洪水橋同元朗南乘客，除非該現 ...
即使駁鐵唔使用現有路段，行街買餸都要掛，等如當年顧問唔開觀塘巴士線俾安達臣，咁安達臣客就唔使去觀塘個邏輯。
而輕鐵最繁忙路段應該係大馬路，而且果段亦非常影響區內交通。與其用額外錢起同搞新系統，不如將輕鐵繁忙路段高架/地下化。
作者: Lyt_Kondisc 時間: 2019-9-8 00:19
巴士的膠 發表於 2019-9-8 00:02
即使駁鐵唔使用現有路段，行街買餸都要掛，等如當年顧問唔開觀塘巴士線俾安達臣，咁安達臣客就唔使去觀塘 ...
行街買餸係短程。
洪水橋同元朗南居民應該主要喺區內買，走太遠（跨區）唔方便。
我唔介意佢upgrade輕鐵，但輕鐵站亦勝在易達性，高架或地底站唔太方便，車站位置亦限制附近路段是否（高架/地面/地底）。upgrade時要考慮此。
作者: CRH5 時間: 2019-9-8 00:44
本帖最後由 CRH5 於 2019-9-8 00:47 編輯
咨詢文件及擇要
(, 下載次數: 54)