hkitalk.net 香港交通資訊網

標題: 大棋盤︱郵輪碼頭混亂議員乘勢促單軌復活 [打印本頁]

作者: chikng2227 時間: 2023-8-9 11:14
標題: 大棋盤︱郵輪碼頭混亂議員乘勢促單軌復活
大棋盤︱郵輪碼頭混亂議員乘勢促單軌復活

啟德郵輪碼頭近日有郵輪訪港，旅客落船後卻要大排長龍等候交通工具，第一印象已大打折扣。當局之後急急商討對策，昨晚宣布新增3條免費穿梭巴士線接駁至熱門景點。啟德郵輪碼混亂有其「必然性」，因整個區域規劃出問題，交通配套未能對接需求，疫情前後亦如是。

啟德郵輪碼頭交通配套不足，遊客大呻出入都要靠的士，巴士站及的士站均大排長龍。

遊客大呻出入都要靠的士，巴士站及的士站均大排長龍。

郵輪碼頭自2013年啟用，設於舊機場跑道區盡頭，但該處亦是著名「交通黑洞」，只得一條承豐道連接，萬一有交通意外，對外交通隨時癱瘓。政府原計劃在區內興建單軌鐵路連接東九龍至啟德，但上屆政府以造價、技術困難等理由擱置。

早在疫情前，該處已出現遊客塞爆碼頭、等足兩小時才能上車出市區的現象，只是過去幾年因疫情影響，郵輪暫停來港。跑道區的新盤亦開始入伙，雖然增加了一條巴士線，但交通配套仍然不足，當局一直堅稱「多元組合」的環保連接系統（包括步行、騎單車）可應付。

立法會九龍中議員楊永杰表示，整個啟德規劃原本很理想，兼顧商業、文娛、住宅等各方面，但交通規劃明顯有問題，特別是政府年前擱置興建單軌列車，失去了連接啟德的「主心骨」。他指啟德跑道區只有一條車路，增加巴士線無助解決問題，「要幾多架巴士先解決到幾千名遊客需求？」，認為欠缺固定集體運輸系統，難以疏導人流至各區或港鐵站。

楊永杰指，現時有雲巴、智軌等新技術，政府應引入以打通啟德交通網絡，帶動東九龍發展。九龍東議員顏汶羽則指，啟德跑道區一向是「孤島」，政府當年擱置單軌因「計唔掂數」，但雲巴等新技術因毋須機電維護，興建單軌的成本便宜得多，希望發展局盡快研究新方案。

郵輪碼頭配套設施欠佳亦遭詬病，議員陳凱欣認為應利用附近地方成為觀光點，如購物商場、特賣場、文創園區等。現時郵輪碼頭亦有一大組方艙單位，曾傳出會改為青年宿舍甚至全運會選手村，財政司副司長仍在檢視隔離設施用途，至今未公布。

有商界中人直言，在郵輪碼頭放置大批隔離設施，對海外旅客觀感不佳，以為香港還未走出疫情，認為政府應盡快交代啟德方艙用途，而非放在黃金地段日日曬太陽。

==========================================================
啟德跑道區的確需要更好的交通接駁。但係如何跨海前往觀塘始終無方案。最後或者只有放棄去觀塘。

不過東九龍線有點眉目時，啟德仍然係無消息…

作者: 巴士的膠 時間: 2023-8-9 22:18
真係咁介意跨海段造價貴，可以先起碼頭-啟德-彩虹-秀茂坪。

作者: JX9097 時間: 2023-8-10 14:05
拆哂啲方艙先啦...
成個公園封哂唔知做乜...

作者: HU6455 時間: 2023-8-11 08:26
本帖最後由 HU6455 於 2023-8-11 08:34 編輯

跟本成件事就係因為香港既鐵路係要「有人搭先去起」！所以所有野都係大落後!新線一開就即係飽和！

作者: MrLau 時間: 2023-8-12 05:20
啟德單軌要復活,仲有個可行性,就係填平九龍灣,反正冇乜保育價值,都係臭水渠,起下樓路,無需跨海,更帶動需求,跑道去九龍灣更方便,無需兜路,填海地可以起單軌

作者: chikng2227 時間: 2023-8-14 09:31
其實規劃中的中九龍線，不以九龍塘為總站而繼續直出至啟德就解決問題。

作者: s20131417 時間: 2023-8-15 20:20
提示: 作者被禁止或刪除內容自動屏蔽

作者: ccchhhuuunnn 時間: 2023-8-15 20:54
本帖最後由 ccchhhuuunnn 於 2023-8-15 20:56 編輯

s20131417 發表於 2023-8-15 20:20
本身規劃嗰陣，就應該要預估客量需求，去plan定走線、用車、設站等。
而你所講嗰種「落後」，正常大家都 ...

有人搭先去起本身問題不大兼頗為現實，新區人口一開始一定少，巴士正常能夠勉強應付，最多話鐵路落成滯後咗幾年要捱一陣
反而係規劃完但最後因造價貴或施工困難，又或本身冇足夠預留空間/位置/結構等原因最後先話唔起
呢個先係最大問題

作者: groom1002 時間: 2023-8-15 23:21

ccchhhuuunnn 發表於 2023-8-15 20:54
有人搭先去起本身問題不大兼頗為現實，新區人口一開始一定少，巴士正常能夠勉強應付，最多話鐵路落成滯後 ...

除非好像東涌線咁, 受惠機場基建發展, 東涌入伙一年後即有鐵路服務,之後其他新區如天水圍,要等成近10年先有鐵路

作者: lrv1092 時間: 2023-8-16 02:24
一日唔改消防條例，一日都做唔到雲巴／單軌

作者: jpoon 時間: 2023-8-16 04:19

ccchhhuuunnn 發表於 2023-8-15 20:54
有人搭先去起本身問題不大兼頗為現實，新區人口一開始一定少，巴士正常能夠勉強應付，最多話鐵路落成滯後 ...

以前將軍澳綫起果陣，將軍澳站、調景嶺站都無乜人啦

作者: kay 時間: 2023-8-16 07:21

groom1002 發表於 2023-8-15 23:21
除非好像東涌線咁, 受惠機場基建發展, 東涌入伙一年後即有鐵路服務,之後其他新區如天水圍,要等成近10年先 ...

所以交椅洲咪依家規劃埋鐵路
同埋如果唔係有中鐵線/經交椅洲呢個概念
西鐵個邊應該要多一條鐵出市區

作者: HU6455 時間: 2023-8-18 03:40

groom1002 發表於 2023-8-15 23:21
除非好像東涌線咁, 受惠機場基建發展, 東涌入伙一年後即有鐵路服務,之後其他新區如天水圍,要等成近10年先 ...

依家多得當年D人鬧西鐵係大白象既人, 鬧到幾有用幾有前景既基建都係一文不值, 攪到依家邊個仲敢基建先行!!

作者: cruisesnet 時間: 2023-8-18 10:56

HU6455 發表於 2023-8-18 03:40
依家多得當年D人鬧西鐵係大白象既人, 鬧到幾有用幾有前景既基建都係一文不值, 攪到依家邊個仲敢基建先行! ...

第一日就飽和既基建姐係唔夠lor

作者: 天空之神 時間: 2023-8-18 11:08

HU6455 發表於 2023-8-18 03:40
依家多得當年D人鬧西鐵係大白象既人, 鬧到幾有用幾有前景既基建都係一文不值, 攪到依家邊個仲敢基建先行! ...

西鐵係咁多年來造價平過預算既鐵路黎.....

如我無記錯

直頭受惠下行周期

作者: sunhoo 時間: 2023-8-18 11:23

lrv1092 發表於 2023-8-16 02:24
一日唔改消防條例，一日都做唔到雲巴／單軌

氫巴亦然

作者: groom1002 時間: 2023-8-19 17:33

HU6455 發表於 2023-8-18 03:40
依家多得當年D人鬧西鐵係大白象既人, 鬧到幾有用幾有前景既基建都係一文不值, 攪到依家邊個仲敢基建先行! ...

西鐵初期唔係直達九龍市區,被人鬧正常,九龍南線起好令西鐵起死回生

作者: siupy 時間: 2023-8-19 22:34

groom1002 發表於 2023-8-19 17:33
西鐵初期唔係直達九龍市區,被人鬧正常,九龍南線起好令西鐵起死回生

如果唔起九龍南線
票價仲係當年咁貴，一樣都係大白象

https://www.flickr.com/photos/in ... 1076/in/dateposted/

作者: LN9267 時間: 2023-8-29 11:04
https://www.districtcouncils.gov ... 690/KCDC23_48cp.pdf

九龍城區議員繼續推動雲巴，其實也是等政府公佈的報告，相信區議會大會也不會有新資料。

作者: LN9267 時間: 2023-9-11 13:29
https://www.scmp.com/news/hong-k ... ions-transport-woes

有報章跟進，看來消息近了。

作者: chikng2227 時間: 2023-9-11 15:00
議員倡九東雲巴由啟德至油塘　建7公里跨灣大橋連接麗港城

「九東雲巴」整體走線從啟德車站廣場起步，沿沐泰街和承豐道延伸至啟德跑道區盡頭，之後橫跨觀塘避風塘至茶果嶺海濱長廊，再沿茶果嶺道至油塘港鐵站，全程約7公里，設置8個車站，包括車站廣場站、體育園站、都會公園站、跑道站，郵輪碼頭站、麗港城站、茶果嶺站及油塘站，總路程約7公里，耗時約19分鐘，中間包含連結啟德跑道區和麗港城的跨灣大橋。

===========================================================

跨灣大橋 <- 要填海可能有排煩。

作者: DIH 時間: 2023-9-11 16:00
本帖最後由 DIH 於 2023-9-11 16:13 編輯

chikng2227 發表於 2023-9-11 15:00
議員倡九東雲巴由啟德至油塘　建7公里跨灣大橋連接麗港城

報紙佬真係呢，係全長7公里，有一段跨灣大橋，唔係建7公里跨灣大橋。

橫掂茶果嶺會起樓，駁油塘亦好過去觀塘挑戰母親，若乘客要去觀塘，搭回頭都唔算太兜。

作者: LN9267 時間: 2023-9-11 18:39

DIH 發表於 2023-9-11 16:00
報紙佬真係呢，係全長7公里，有一段跨灣大橋，唔係建7公里跨灣大橋。

橫掂茶果嶺會起樓，駁油塘亦好過 ...

今次這個建議有新意，開源道交通問題太複雜，經海旁去茶果嶺、油塘幫到多個區份的乘客，同時可帶動鯉魚門吃海鮮的旅遊。

作者: Toz 時間: 2023-9-12 07:29
本帖最後由 Toz 於 2023-9-12 07:37 編輯

DIH 發表於 2023-9-11 16:00
報紙佬真係呢，係全長7公里，有一段跨灣大橋，唔係建7公里跨灣大橋。

橫掂茶果嶺會起樓，駁油塘亦好過 ...

之前顧問公司已經將啟德APM接駁油塘既研究做埋
就係現時既結論
除非新系統成本可以顯著降低，唔係結論應該唔會有任何改變

爭取下就咁起條行車行人兩用天橋接駁碼頭／觀繞，應該比較簡單，到時搭的士又好搭巴士又好乘客自己揀，小型鐵路系統對比香港既巴士網絡，完全無優勢

作者: chikng2227 時間: 2023-9-12 11:10

連接啟德跑道區和麗港城的跨灣大橋模擬圖。

===========================================

填海的話會否比人JR? 最好做好咨詢先。

作者: 2076 時間: 2023-9-12 20:03
本帖最後由 2076 於 2023-9-12 20:13 編輯

其實跑道區比塊地 (最好當然係方艙果塊) 港鐵去起車廠+商場+上蓋，起條全地底的 6 卡重鐵好過，學東京的規劃，起條港版臨海綫。

至少全地底係可以插去觀塘市中心，分流觀塘綫乘客。
走線可以係
1. 九龍塘 (預留接駁中鐵綫)
2. 東頭邨 (東隆道地底)
3. 啟德
4. 啟德醫院 (宏光道地底)
5. 郵輪碼頭 (車廠及上蓋發展項目)
6. 觀塘 (開源道地底)

預留觀塘向北延長至秀茂坪，地面出口設於翠屏南邨，秀明道出口用高速升降機。

作者: chikng2227 時間: 2023-9-13 09:20
其實中鐵線由九龍塘延長，接駁宋皇台站，再直出啟德碼頭，然後由海底入觀塘，在觀塘地底建站就最理想。

如果入觀塘有困難，按議員建議去油塘都OK。

歡迎光臨 hkitalk.net 香港交通資訊網 (https://www.hkitalk.net/HKiTalk2/)