hkitalk.net 香港交通資訊網

標題: 協調道行車天橋係咪拆錯咗？ [打印本頁]

作者: li1872903 時間: 2023-12-17 15:51
標題: 協調道行車天橋係咪拆錯咗？
本來由德朗總站坐5M可以好快去到坪石邨，但而家要兜到去新蒲崗仲要停多好多支燈先過到坪石邨，行過去仲快過坐車去，到底邊個咁醒設計呢條路？

作者: noname617 時間: 2023-12-17 19:10

唔拆橋又點樣擴闊行車綫或行人路空間呢？你都識講行仲快過搭車，好明顯5m唔係想服務你去坪石，係接駁去九龍灣站，果邊有淘大,德福商場同市政大廈有體育館同圖書館！呢樣啟晴一帶無的配套

作者: tkglobe 時間: 2023-12-19 09:06
道路設計唔係淨係為咗條巴士線，巴士要兜路唔代表有問題，既然新嘅道路已經唔適合嗰條天橋，拆咗佢好合理

作者: s3n370 時間: 2023-12-19 20:47

tkglobe 發表於 2023-12-19 01:06
道路設計唔係淨係為咗條巴士線，巴士要兜路唔代表有問題，既然新嘅道路已經唔適合嗰條天橋，拆咗佢好合理 ...

有D巴迷覺得條路同D燈號應該為巴士服務；
去到車版有D駕駛人士會認為路權友、巴士線、交通燈、速度限制...阻頭阻勢；
商用車DC9版就話搵食啫犯法呀？

條路個個有份用，咁當然點樣共用、幾時要排優次係幾考功夫。
甚至側埋一邊，令到supposed受惠嘅都受罪唔係少見。

作者: Toz 時間: 2024-2-14 15:57
本帖最後由 Toz 於 2024-2-14 16:02 編輯

通常唔會預D車咁行法
因為行觀塘道去會快D

九龍城過去, 如果唔係搭巴士，可以係富豪東方酒店上橋
巴士都可以改行果條橋

作者: Ohm 時間: 2024-2-14 16:14

s3n370 發表於 2023-12-19 20:47
有D巴迷覺得條路同D燈號應該為巴士服務；
去到車版有D駕駛人士會認為路權友、巴士線、交通燈、速度限制.. ...

優次一定係巴士(公共交通)行先，呢個唔使講，人口密集嘅大城市一定要係咁，只不過唔會去到為咗巴士路線而要留低條天橋咁嘅地步

作者: JX9097 時間: 2024-2-14 19:08
反正依家朗晴可以去啟德站上鐵
不如將條5M改一改，變成直接來往牛頭角德朗》啟晴》啟麗》牛頭角》淘大》輔警》宏天》德朗
啟晴唔介意去程都行埋去德朗上車的話，直頭總站一開車就右轉入啟麗都得

改完之後隨時15分鐘一個單
早繁12/ 15分鐘好似依家咁2架車搞掂（28B order照舊）
夜晚20-25分鐘就1車走天涯算數

作者: li1872903 時間: 2024-2-15 17:15

JX9097 發表於 2024-2-14 19:08
反正依家朗晴可以去啟德站上鐵
不如將條5M改一改，變成直接來往牛頭角德朗》啟晴》啟麗》牛頭角》淘大》輔 ...

其實兜到去airside真係唔知為乜，工業貿易大樓長期冇人上車，仲要有時塞埋新蒲崗內街，不過咁行又駁唔到觀塘道啲新界車

作者: JX9097 時間: 2024-2-15 20:25

li1872903 發表於 2024-2-15 17:15
其實兜到去airside真係唔知為乜，工業貿易大樓長期冇人上車，仲要有時塞埋新蒲崗內街，不過咁行又駁唔到 ...

有得必有失慳到時間就靠啲客對腳「補數」
反正依家西行/ 北行都要過天橋，都唔算好就腳
東行就冇計喇...部份線真係明顯遠咗嘅

作者: tamabaron 時間: 2024-2-16 14:01

Toz 發表於 2024-2-14 15:57
通常唔會預D車咁行法
因為行觀塘道去會快D

未開返條橋真係耐左好多，但開新橋無巴士行 (mikiki 站成5條去晴朗區巴士) 小浪費。

隧道係比新蒲崗用多過比啟德用，留舊橋又開唔到新路。

PS 啟德區路網根本就垃圾唔係比巴士行

作者: Toz 時間: 2024-2-16 14:27

tamabaron 發表於 2024-2-16 14:01
未開返條橋真係耐左好多，但開新橋無巴士行 (mikiki 站成5條去晴朗區巴士) 小浪費。

隧道係比新蒲崗用多 ...

當初畫圖果個覺得啟德只需要私家車同鐵路掛。

啟德Ｄ掘頭路多到離晒譜。

作者: JX9097 時間: 2024-2-16 17:56

Toz 發表於 2024-2-16 14:27
當初畫圖果個覺得啟德只需要私家車同鐵路掛。

啟德Ｄ掘頭路多到離晒譜。

唔關事
基本上近十年嘅新發展區全部都係咁設計
市中心大馬路有車站，然後全部都係井字形分流去支路
去到支路就100%掘頭路

目的好簡單，就係「引導」居民行去坐鐵

作者: 腦夫子 時間: 2024-2-24 09:46

JX9097 發表於 2024-2-16 17:56
唔關事
基本上近十年嘅新發展區全部都係咁設計
市中心大馬路有車站，然後全部都係井字形分流去支路

但最荒謬係沐寧街同沐泰街中間隔住條啟德河, 連一條行人天橋都冇, Henley Park/ Monaco 果班來回對岸/啟情邨要兜大圈先得

作者: Toz 時間: 2024-2-25 18:00

JX9097 發表於 2024-2-16 17:56
唔關事
基本上近十年嘅新發展區全部都係咁設計
市中心大馬路有車站，然後全部都係井字形分流去支路

起碼將南正正常常無將至善街斬開兩截，水泉澳多石街通博泉街。安泰安茵街亦無變成兩條掘頭路。

作者: DIH 時間: 2024-3-1 09:54
本帖最後由 DIH 於 2024-3-1 09:58 編輯

tamabaron 發表於 2024-2-16 14:01
未開返條橋真係耐左好多，但開新橋無巴士行 (mikiki 站成5條去晴朗區巴士) 小浪費。

隧道係比新蒲崗用多 ...

我都奇怪點解條橋開返咁耐巴士都唔改線，任何轉車客應已在富豪東方搞掂，新蒲崗可以經行人天橋過去。

作者: XF206 時間: 2024-4-19 13:38
第一眼見到呢個標題，以為係講自己每次見條新行人天橋都有嘅疑問：點解條舊橋要拆??

唔講行車路線改道以配合新行人天橋系統是否需要，要有條行人天橋係咪代表一定要花錢花工夫拆舊行車天橋再起新行人天橋? 橫跨太子道東一段新橋同舊橋嘅走線同闊度分別不大，太子道東兩旁落腳點又唔見有咩特別限制，而建新橋橫跨太子道東亦需要一番工夫，點解唔可以好似"首爾路7017"咁改建舊行車天橋為行人天橋？慳錢慳時間又慳工夫。睇嚟睇去，呢個改動(包括另建橫跨太子道東嘅行車隧道以配合行車路線改道)唔覺得有咩大意義，恐怕係顧問夾硬整啲建議搵嘢嚟攪製造生意居多

作者: JX9097 時間: 2024-4-20 19:30

XF206 發表於 2024-4-19 13:38
第一眼見到呢個標題，以為係講自己每次見條新行人天橋都有嘅疑問：點解條舊橋要拆??

唔講行車路線改道以配 ...

唔拆完再起又點搵錢

作者: Toz 時間: 2024-5-1 21:03

XF206 發表於 2024-4-19 13:38
第一眼見到呢個標題，以為係講自己每次見條新行人天橋都有嘅疑問：點解條舊橋要拆??

唔講行車路線改道以配 ...

如果要改行人天橋要大幅改建，成本不一定比拆左佢再重建低。

作者: sp16142 時間: 2024-5-14 23:43

JX9097 發表於 2024-2-14 19:08
反正依家朗晴可以去啟德站上鐵
不如將條5M改一改，變成直接來往牛頭角德朗》啟晴》啟麗》牛頭角》淘大》輔 ...

28B特班／或者28系
但應該唔會再用5M依個路線名
（我個人咁睇）

作者: s3n370 時間: 2024-5-15 16:32
本帖最後由 s3n370 於 2024-5-15 11:24 編輯

XF206 發表於 2024-4-19 05:38
第一眼見到呢個標題，以為係講自己每次見條新行人天橋都有嘅疑問：點解條舊橋要拆??

唔講行車路線改道以配 ...

三個字：土地問題

舊日巴士站同太子道東之間有兩條橋柱。
而家少佐呢兩條條柱，巴士站可以移出D，騰空番行人路一邊嘅地。
你可能會話面積唔大啫，好多行人天橋斜道變升降機，
其中一個目的都係想慳番斜路嘅土地。

而舊日嘅巴士站成條車坑咁，巴士只能一架架跟住行。
而家變番普通layby，後車上落完都可以唔駛等前車早D走。

仲有舊日嘅啟德有兩條橋落太子道東，
往日一條去客運大樓，一條去後勤貨運區，就話有咁嘅需要分家。
而家變番普通用地，兩條咁近嘅橋嘅作用就會重疊。
斬咁其中一條，變直入新蒲崗隧道。
而去新蒲崗就多佐個入口可用，加埋其實利大於弊。

作者: s3n370 時間: 2024-5-15 16:35

JX9097 發表於 2024-4-20 11:30
唔拆完再起又點搵錢

係搵錢嘅，就連舊日往返客運大樓嘅行車天橋都拆鬼埋佢，重新起過啦。
而家無拆重用番喎

作者: s3n370 時間: 2024-5-15 16:56
本帖最後由 s3n370 於 2024-5-15 12:39 編輯

Toz 發表於 2024-5-1 13:03
如果要改行人天橋要大幅改建，成本不一定比拆左佢再重建低。

就算用某经济強国嘅起起拆拆谷大支啲屁，
去到利字行頭嘅私營承建商就唔會同你咁諗。

若果條橋可以重用，慳到大錢嘅，承建商實會諗計同你重用。
皆因慳到錢一定有得分，仲會大舊過按住原有方案去起。
呢個亦係國際慣例。

（响度要強調，雖然近年香港建築行業嘅負面新聞頻密佐，
但整體仍然唔能夠犧牲質素去慳錢。
你見出佐事都仲要搵人頭問責兼補救就知。更何況呢個項目响多年前完成）

離題講講，無論做官少做少錯唔做唔錯，定係乜都想揸旗都好，
點都有D硬膠事發生。基本上係國際定劣。

响萬惡嘅資本主義、多黨相爭蟻民當災不值得為師嘅西方社會下，
利字當頭嘅商家佬，定係為佐撈取選票嘅政棍都好，
先至唔會咁得閒硬膠埋一份，而係即刻諗計從中取利，吸引大眾用荷包投票、
又或協助大眾以撈取選票，確保下次獲選最終繼續𢭃到份糧。

今日爱国者治港由治及兴，讓我們走得更遠，yeah！

作者: Togepi 時間: 2024-5-22 12:04

s3n370 發表於 2024-5-15 16:32
三個字：土地問題

舊日巴士站同太子道東之間有兩條橋柱。

認同你講嘅嘢

但係ching, 土地問題係四個字

歡迎光臨 hkitalk.net 香港交通資訊網 (https://www.hkitalk.net/HKiTalk2/)