hkitalk.net 香港交通資訊網

標題: 【消息】ktt機車或會被拆毀，部分客車或會被保留 [打印本頁]

作者: tonyng 時間: 2024-6-6 00:19
標題: 【消息】ktt機車或會被拆毀，部分客車或會被保留
本帖最後由 tonyng 於 2024-6-6 16:18 編輯

【今期主角：ktt 九廣通列車，一人一留言爭取保育】

https://www.youtube.com/watch?v=y0488Rz0xZA (攝於2002年及2003年)

ktt 全名為 Kowloon-Canton Railway (KCR) through train，是一列曾在1998至2020年期間於九廣東鐵／港鐵東鐵綫行走廣東線的雙層城際列車。由於港穗城際直通車復辦無期，且港鐵公司已於2022年停止為機車及雙層客車車卡進行保養，因此列車實際上已經退役。

根據可靠的情報，鐵路公司將會保存數個由日本近畿車輛製造的客車車卡（估計會包括特等及頭等車廂），但暫時仍未有計劃保留兩輛由瑞士製造的Lok2000機車，意味機車仍有可能會被拆毀。除了客車之外，大家是否也希望港鐵公司能夠為至少其中一部機車進行保育呢？

作者: HU6455 時間: 2024-6-6 01:17
果頭宣佈直通車正式取消，唔夠2日就要拆Ktt, 呢間公司真係高較率

作者: AtrHenu 時間: 2024-6-6 09:18

HU6455 發表於 2024-6-6 01:17
果頭宣佈直通車正式取消，唔夠2日就要拆Ktt, 呢間公司真係高較率

呢個公司口口聲保留屬對家的舊版2期輕鐵,黃頭和烏蠅頭,柴油車來慶祝45歲生日,但講到尾呢批雙層可否做幾班金鐘開只停會展,紅磡,沙田,大埔墟特急去羅湖車收金鐘過境頭等價好過拆走.

作者: tkglobe 時間: 2024-6-6 09:43

HU6455 發表於 2024-6-6 01:17
果頭宣佈直通車正式取消，唔夠2日就要拆Ktt, 呢間公司真係高較率

係一早已經計劃好，根本上從來都冇打算再開返直通車，只係一直都唔宣佈正式取消，其實都目前為止都冇講過咁大隻

作者: kei_hk 時間: 2024-6-6 10:02

tkglobe 發表於 2024-6-6 09:43
係一早已經計劃好，根本上從來都冇打算再開返直通車，只係一直都唔宣佈正式取消，其實都目前為止都冇講過 ...

或者講﹐係一早計劃好高鐵開通之後﹐直通車就會慢慢減班﹐最終取消。

只不過﹐疫情 + 更換訊號系統﹐兩者令到整個環境有轉變﹐變相提早取消直通車。

當初﹐高鐵打通廣州東﹐就應該會係直通車逐步減少的計劃開始。
疫情令到直通車一直無重開﹐變相skip左這一個step。

我唔排除﹐cut直通車的計劃﹐中港都廢事煩﹐直接跟番原有的計劃的進度去做﹐唔花時間去更改進度時間表。
去到原定取消直通車的日子﹐才會按程序上報申請取消。

之前都有傳聞﹐就係在疫情期間新訊號系統正式運作。
KTT 唔係優先裝新訊號系統﹐國內車更加未來過香港測試。
就算高鐵重開﹐KTT都唔知有無真係裝新訊號系統/測試使用新訊號系統﹐國內車亦無來過香港。

換句話說﹐中港兩邊一早已經唔想再攪直通車﹐疫情只係變相提早左實行。

作者: tonyng 時間: 2024-6-6 10:08

kei_hk 發表於 2024-6-6 10:02
或者講﹐係一早計劃好高鐵開通之後﹐直通車就會慢慢減班﹐最終取消。

只不過﹐疫情 + 更換訊號系統﹐兩 ...

ktt已安裝TGMT。在疫情期間，一直有在深宵測試TGMT，若果沒有發生疫情，ktt是會以TGMT行走東鐵一段時間直至完成歷史任務。
轉載 ktt w/TGMT試車影片：
https://www.youtube.com/watch?v=UWfaGoDou8E

作者: kingkonghi 時間: 2024-6-6 10:39

AtrHenu 發表於 2024-6-6 09:18
呢個公司口口聲保留屬對家的舊版2期輕鐵,黃頭和烏蠅頭,柴油車來慶祝45歲生日,但講到尾呢批雙層可否做幾班 ...

特急停得幾個站又要普通車避讓，有效率過開密啲車咩？唔明點解呢幾日都有KTT做快速車嘅FF

作者: kei_hk 時間: 2024-6-6 12:43

tonyng 發表於 2024-6-6 10:08
ktt已安裝TGMT。在疫情期間，一直有在深宵測試TGMT，若果沒有發生疫情，ktt是會以TGMT行走東鐵一段時間直 ...

想問問﹐國內車又有無因應訊號系統問題﹐需要加裝額外設備? 有無來過香港進行測試?

定係因為疫情問題﹐一直都未開始做野?

作者: qualcomm 時間: 2024-6-6 13:08
咁會唔會之前駁返路軌就係為咗ktt入站見舖路？

作者: s3n370 時間: 2024-6-6 16:16
唔保留機車，會唔會有機會賣走，在他鄉延續生命呢？

作者: khcasahiya 時間: 2024-6-6 19:04
傳聞係會留1個機頭，三卡不同等級嘅雙層

作者: tonyng 時間: 2024-6-6 19:21
本帖最後由 tonyng 於 2024-6-7 09:24 編輯

kei_hk 發表於 2024-6-6 12:43
想問問﹐國內車又有無因應訊號系統問題﹐需要加裝額外設備? 有無來過香港進行測試?

定係因為疫情問題﹐ ...

國內車冇嘢搞，落到嚟繼續佔fixed block。
但TGMT行直通車的情況會比TBL更差，內地直通車(e.g. SS8) 及跟住在後面的一班本地車都只能夠行fixed block。

作者: rickywk 時間: 2024-6-6 21:01

s3n370 發表於 2024-6-6 16:16
唔保留機車，會唔會有機會賣走，在他鄉延續生命呢？

SBB應該都唔要佢了，佢本身都慢慢將批電頭由EMU取代

作者: AtrHenu 時間: 2024-6-6 22:15

khcasahiya 發表於 2024-6-6 19:04
傳聞係會留1個機頭，三卡不同等級嘅雙層

係咪打算做"站見"擴充展品兼順手係小蠔灣廠已經退役多時的整列第一代M-TRAIN運埋過嚟做展覽呢?(反正呢個展覽場地原屬城際直通車大堂已經結束服務)

作者: s3n370 時間: 2024-6-7 21:00

rickywk 發表於 2024-6-6 13:01
SBB應該都唔要佢了，佢本身都慢慢將批電頭由EMU取代

載客列車唔要機車啫，但係隨住歐洲各國逐步推長途公路貨運落鐵路度，
貨運一邊其實要更多（電力）機車去達致呢個目標。

而家連英國都用緊退役閒置嘅客運列車運送網購貨件。

作者: rickywk 時間: 2024-6-7 21:39

s3n370 發表於 2024-6-7 21:00
載客列車唔要機車啫，但係隨住歐洲各國逐步推長途公路貨運落鐵路度，
貨運一邊其實要更多（電力）機車去達 ...

SBB手上有超過一百架Re 460電頭，多你3架唔多，少你3架唔少

作者: GD1570 時間: 2024-6-7 23:28

AtrHenu 發表於 2024-6-6 09:18
呢個公司口口聲保留屬對家的舊版2期輕鐵,黃頭和烏蠅頭,柴油車來慶祝45歲生日,但講到尾呢批雙層可否做幾班 ...

東鐵綫嚟緊全綫都有月台幕門，仲可唔可以合適畀KTT停站上落客都已經係一大問題。

作者: s3n370 時間: 2024-6-7 23:37

rickywk 發表於 2024-6-7 13:39
SBB手上有超過一百架Re 460電頭，多你3架唔多，少你3架唔少

好似大部分機車連堆IC2000一併翻新喎？

我唔係話一定有人買。
固然數量上係唔多，但係二手野啱唔啱，幾時到貨都係重點。

作者: s20131417 時間: 2024-6-7 23:39
提示: 作者被禁止或刪除內容自動屏蔽

作者: rickywk 時間: 2024-6-8 09:31

s3n370 發表於 2024-6-7 23:37
好似大部分機車連堆IC2000一併翻新喎？

我唔係話一定有人買。

Re 460喺2017年開始翻新，由GTO轉IGBT，單野應該都完晒
IC2000車卡變IC2020車卡就大約要多dd時間先完到

SBB或者瑞士營運商若果真係要買，一收車後就要翻新GTO去IGBT，甚至連埋轉向架都要大執，信號、供電當然都要執，其實真係買個殼，唔會太化算

作者: GD1570 時間: 2024-6-8 10:41

s20131417 發表於 2024-6-7 23:39
其實做所謂類似廣州地鐵14、21號線嘅「大站快車」，東鐵自身硬件配套上有無可能做到？ ...

東鐵綫都變咗自動駕駛，基本上唔會做唔到。
但你要KTT做依類車，正如我咁講，月台硬件配置已經未必完全配合到，
再加上東鐵綫班次唔係疏，所以更加難做。

作者: HU6455 時間: 2024-6-8 11:37

rickywk 發表於 2024-6-8 09:31
Re 460喺2017年開始翻新，由GTO轉IGBT，單野應該都完晒
IC2000車卡變IC2020車卡就大約要多dd時間先完到

聽番黎當年原廠有主動邀請港鐵去翻新,但港鐵基於錢既問題拒絕同放棄, 之後想做果時, 原廠因為一早已經完成晒全世界百幾部既Re 460成個翻新計劃, 拒絕單單為你兩部車而做

作者: rickywk 時間: 2024-6-8 21:42

HU6455 發表於 2024-6-8 11:37
聽番黎當年原廠有主動邀請港鐵去翻新,但港鐵基於錢既問題拒絕同放棄, 之後想做果時, 原廠因為一早已經完 ...

當年呢單翻新project，正正係香港膠鐵起得如火如柴嘅時間，龜仔根本知一地兩檢一地過硬，ktt/直通車唔會玩好耐，當然唔想翻新啦
但之後高鐵工程不停延誤，然後GTO電氣設備真係用到盡晒，想搵返原廠翻新，天價啦

作者: Toz 時間: 2024-6-9 22:46
本帖最後由 Toz 於 2024-6-9 22:50 編輯

大站快車一樣可以用R Train，係限速下用乜野事無分別

問題係東鐵本身有無咁既條件？尤其係繁忙時間

理想情況下大埔墟可以踩一班車，火炭／沙田可以踩一班車，都係踩兩班車
落馬洲 — 古洞 — 上水 — 粉嶺 — 大圍 — 九龍塘...
仲有就係信號系統支唔支援?

作者: s20131417 時間: 2024-6-10 01:37
提示: 作者被禁止或刪除內容自動屏蔽

作者: LAK2 時間: 2024-6-10 13:37
係保留黎比人坐
都唔會係咩繁時快車
一來無快過，二來塞爆後車

係玩都只適合假日遊覽班次
例如紅磡-大埔墟不停站

作者: s3n370 時間: 2024-6-10 17:43

rickywk 發表於 2024-6-8 13:42
當年呢單翻新project，正正係香港膠鐵起得如火如柴嘅時間，龜仔根本知一地兩檢一地過硬，ktt/直通車唔會 ...

高鐵延誤極都係講緊延遲三年，而翻新點都用到廿年。就算原價都計唔掂數吧。

作者: rickywk 時間: 2024-6-10 18:32

s3n370 發表於 2024-6-10 17:43
高鐵延誤極都係講緊延遲三年，而翻新點都用到廿年。就算原價都計唔掂數吧。 ...

當年SBB批deal翻新係2014年，即係大約12-13年左右原廠ABB就問大家做唔做翻新。

最終高鐵要18年先通車，而通車頭一年ktt/直通車客量都未叫大插，因為始終埋唔到廣州東市中心。而去到2024年頭先有西九龍開出高鐵埋到廣州東，但比ktt停運前實際慳到時間唔係話多好多。

若果唔計武漢肺炎單野，假切龜仔跟SBB一齊落單翻新，16年頭左右開工，每一個頭要用9個月翻新，17年年中翻新完，即係ktt車頭翻新後都跑到大約7-8年

ABB翻新Re 460一d技術資料，入面有講SBB幾時批翻新

https://library.e.abb.com/public ... 2RFMCmG94YZ6PDJII6i

作者: HU6455 時間: 2024-6-10 19:09

rickywk 發表於 2024-6-10 18:32
當年SBB批deal翻新係2014年，即係大約12-13年左右原廠ABB就問大家做唔做翻新。

最終高鐵要18年先通車， ...

講真,龜仔緊係想Ktt死,好似似家甘,西九龍開出高鐵埋到廣州東,雖然比ktt慳唔到幾多時間,但係慳左好多錢(唔駛自己出車,唔駛出人,唔駛去保養維修部車), 大陸自己派車, 啲錢就入自己個袋, 龜仔都不知幾高興

作者: s3n370 時間: 2024-6-10 19:25
本帖最後由 s3n370 於 2024-6-10 11:33 編輯

rickywk 發表於 2024-6-10 10:32
當年SBB批deal翻新係2014年，即係大約12-13年左右原廠ABB就問大家做唔做翻新。

最終高鐵要18年先通車， ...

2014年揭露高鐵不能於2015通車。
但常理應該更早就已經知道問題，只係幾時先至自爆公諸於世咁解。
期後公開嘅文件亦指出，最遲响2013已經預計得到。

若果當年真係有心去用多批車3年，用夠7-8年的話，
按理就算2014先至落柯打，係夾到SBB翻新嘅期。

而別忘記當年東鐵過海+縮做九卡已成定局，若果有心延續直通車，
翻新車輛縱使係天價都好（但睇番個timeline應該唔太可能），
但仍然只係碎銀---剩係東鐵都應該要額外訂車，
去應付遠期因為直通車打亂東鐵班次所需嘅列車。

甚至國策都係推D客去高鐵，直通車嘅前景實在渺茫。

題外話，當直通車打亂東鐵線班次係連普通搭客都知道嘅時候，
九鐵/港鐵更加知道問題所在。
反而係唔明點解唔少鐵迷仍然熱衷玩大站快線。

作者: s3n370 時間: 2024-6-10 20:16

HU6455 發表於 2024-6-10 11:09
講真,龜仔緊係想Ktt死,好似似家甘,西九龍開出高鐵埋到廣州東,雖然比ktt慳唔到幾多時間,但係慳左好多錢(唔 ...

若果真係咁正，又點解會有你聽到嘅說法，想翻新直通車呢？

作者: rickywk 時間: 2024-6-10 20:37

s3n370 發表於 2024-6-10 19:25
2014年揭露高鐵不能於2015通車。
但常理應該更早就已經知道問題，只係幾時先至自爆公諸於世咁解。
期後公 ...

究竟龜鐵內部點樣盤算ktt/直通車真係黑人問號，2018年果時仲肯幫客車車卡換皮

作者: Danny.lin 時間: 2024-6-10 21:09
本帖最後由 Danny.lin 於 2024-6-10 21:13 編輯

s20131417 發表於 2024-6-10 01:37
雖然話R車可以做到自動駕駛（聽講），但係到目前為止應該仲未做到全自動駕駛（即類似GoA4）？至少目前紅 ...

最新普通版Trainguard MT CBTC訊號系統係有GoA4㗎，但唔知道宜家東鐵用乜version，睇下MTR有冇換咯。隔籬市區四綫都換返嘅普通版advanced seltrac CBTC，唔用定制C302喇

作者: Danny.lin 時間: 2024-6-10 21:34
本帖最後由 Danny.lin 於 2024-6-10 22:18 編輯

kei_hk 發表於 2024-6-6 12:43
想問問﹐國內車又有無因應訊號系統問題﹐需要加裝額外設備? 有無來過香港進行測試?

定係因為疫情問題﹐ ...

冇，國鐵車繼續用LKJ2000+A.W.S，按照一啲相關資料講法，國鐵直通車入本港時採用兼容A.W.S的ramp設備嘅ITC模式保證列車安全抵達紅磡，計軸確認列車位置，LKJ技術圖中嘅綫路、接觸網、車站配綫情況，停車位置等運行數據作為輔助，港鐵工作人員喺羅湖上車帶路領航。但係冇見到具體實行嘅情形，就唔知具體如何安排喇

作者: HU6455 時間: 2024-6-10 22:15

rickywk 發表於 2024-6-10 20:37
究竟龜鐵內部點樣盤算ktt/直通車真係黑人問號，2018年果時仲肯幫客車車卡換皮
...

就正如疫情期間, Ktt無打算再開, 但仍然裝新信號, 仍然會去試車既情況一樣, 龜仔班高層只會係諗到咩就做咩, 冇咩邏輯各自為政

作者: kei_hk 時間: 2024-6-10 22:19

rickywk 發表於 2024-6-10 20:37
究竟龜鐵內部點樣盤算ktt/直通車真係黑人問號，2018年果時仲肯幫客車車卡換皮
...

直通車要死﹐基本係大家都預見到﹐MTR 無可能預計唔到有這一天發生。

佢地亦會有更深入的資訊﹐就係預計幾時會cut直通車。

2018年去為批車卡做小翻新﹐因為當時佢地預計都有4-5年以上去用。

如果唔係疫情問題﹐我估今天仲仍然有直通車服務﹐只係班次可能已經減班。

至於機頭問題﹐是否車卡一定要配合指定機頭?
假設﹐KTT車頭去到整無可整的地步﹐直通車又未去到真正可以取消。
會唔會出現一個景況﹐就係MTR租國內車頭﹐拉KTT車卡提供服務?

作者: tonyng 時間: 2024-6-10 22:19

HU6455 發表於 2024-6-10 22:15
就正如疫情期間, Ktt無打算再開, 但仍然裝新信號, 仍然會去試車既情況一樣, 龜仔班高層只會係諗到咩就做 ...

裝TGMT同試車時，都仲未去到「冇打算再開」的時期，2020年頭都冇人估到封關會三年咁耐呱？

作者: kei_hk 時間: 2024-6-10 22:22

HU6455 發表於 2024-6-10 22:15
就正如疫情期間, Ktt無打算再開, 但仍然裝新信號, 仍然會去試車既情況一樣, 龜仔班高層只會係諗到咩就做 ...

應該只係2手準備﹐因為唔知疫情幾時完﹐同埋幾時會再重啟直通車。

所以﹐KTT 點都要準備新訊號系統及相關測試。

如果唔做定這些野﹐兩地政府突然間話要開車﹐根本無時間給MTR處理KTT的訊號系統問題。

作者: HU6455 時間: 2024-6-10 22:37

tonyng 發表於 2024-6-10 22:19
裝TGMT同試車時，都仲未去到「冇打算再開」的時期，2020年頭都冇人估到封關會三年咁耐呱？
...

又係一個雞先定蛋先既問題:

你唔肯去翻新個機車頭, 就一定知就算冇疫情Ktt都唔玩得太耐, 咁有點解仲要翻新車廂同裝新信號?
你裝得新信號同翻新車廂, 就係想打算Ktt繼續玩, 咁點解又唔肯去翻新兩個機車?

除咗用「各自為政」去形容之外, 真係諗唔到原因

作者: 魔雪巴士頻道 時間: 2024-6-11 06:25

s3n370 發表於 2024-6-10 19:25
2014年揭露高鐵不能於2015通車。
但常理應該更早就已經知道問題，只係幾時先至自爆公諸於世咁解。
期後公 ...

始終香港鐵路站使用率比較平均, 唔似廣州咁一堆農田站
開大站快車冇咁著數

作者: s3n370 時間: 2024-6-11 15:37

rickywk 發表於 2024-6-10 12:37
究竟龜鐵內部點樣盤算ktt/直通車真係黑人問號，2018年果時仲肯幫客車車卡換皮
...

個人對翻新嘅認知係，一般都係趁每隔幾年，要全拆全面檢查維修果陣，
裝過全新嘅件落去。

咁飾面野唔係貴，要快回本唔難。張櫈用佐廿年，唔換過哂鑊氣可能仲大。

作者: s3n370 時間: 2024-6-11 15:43
本帖最後由 s3n370 於 2024-6-11 07:51 編輯

HU6455 發表於 2024-6-10 14:37
又係一個雞先定蛋先既問題:

你唔肯去翻新個機車頭, 就一定知就算冇疫情Ktt都唔玩得太耐, 咁有點解仲要翻 ...

當然各自為政可以係原因。

但除佐想做定唔想做咁二分之外，仲有“預計做多幾耐”、“睇定D”等等。
龜龜算到盡嘅格，就梗係去到最必要先至換。
咁又似乎解到點解做D唔做D。

連必定退嘅MLR都裝新信號，裝埋Ktt多佢一抽唔多啫。
無謂因為一抽Ktt阻慢東鐵換新信號嘅大業啦。

作者: s3n370 時間: 2024-6-11 15:47

魔雪巴士頻道發表於 2024-6-10 22:25
始終香港鐵路站使用率比較平均, 唔似廣州咁一堆農田站
開大站快車冇咁著數
...

仲有以東鐵嘅軌道配置同班次，要玩大站快車只係快少少不特止，
仲會拖累站站停，拉勻仲衰。

不如趁起北環線，起多條支線駁埋落高鐵嘅羅湖支線預留位做真•快車好過

作者: 2076 時間: 2024-6-18 17:41
本帖最後由 2076 於 2024-6-18 17:43 編輯

s3n370 發表於 2024-6-11 15:47
仲有以東鐵嘅軌道配置同班次，要玩大站快車只係快少少不特止，
仲會拖累站站停，拉勻仲衰。

東鐵軌道配置其實比起唔少路線有相當充足的條件開快車，旺角東、沙田、火炭 (馬場)、大埔墟都有得避車。

現時東鐵由金鐘坐到上水要 41 分鐘左右，計埋未來開白石角站，其實都要 43 分鐘。

粗略計過一計，如果快車係金鐘 - 會展 - 紅磡 - 九龍塘 - 大圍 - 大埔墟 - 上水，車程會係 33 分鐘，慳到 10 分鐘，已經係 25% 車程，都相當可觀。而且因為大埔墟可以緩急接續，大站快車轉返各站停車去太和同粉嶺，而旺角東以及沙田亦都可以開短棍，變相只係火炭、大學、白石角站會較為受影響。呢三個站都本身係較為少客的車站，個人認為開快車都有一定好處。

如果唔想飛咁多個站，開部快速車，沙田下一站大埔墟，其實都已經幫到大埔區以及北區加快 5 分鐘車程。

作者: s3n370 時間: 2024-6-18 19:18
本帖最後由 s3n370 於 2024-6-18 12:24 編輯

2076 發表於 2024-6-18 09:41
東鐵軌道配置其實比起唔少路線有相當充足的條件開快車，旺角東、沙田、火炭 (馬場)、大埔墟都有得避車。
...

你不如講下你列嘅行車時間係點計出嚟。
唔見你考慮埋東鐵實際行緊嘅班次。

以東鐵嘅班次，快車爬佐慢車頭，去到下個站係會俾再早一班頂住。點計都好難快到10分鐘。

每爬一班，慢車要等多至少兩倍嘅最低安全間距先至走到。考慮埋快車爬頭前面會塞住，實際上嘅延誤唔止呢個數。
再加上D車咁穿穿插插，兩車之間要預更多走盞位，連最密做到嘅班次都要拉疏。

你話東鐵全線開緊10分一班，大站快就有機會真係跑到咁快。問題係非繁都無咁疏車。
調轉講，如果想開得密又有快車，咁東鐵要接近全線四軌分哂快慢車先至得

作者: HU6455 時間: 2024-6-18 21:20

2076 發表於 2024-6-18 17:41
東鐵軌道配置其實比起唔少路線有相當充足的條件開快車，旺角東、沙田、火炭 (馬場)、大埔墟都有得避車。
...

或者港鐵會問你,甘樣做有冇錢賺? 港鐵表示冇錢賺做嚟冇意思

作者: 腦夫子 時間: 2024-6-18 22:50

HU6455 發表於 2024-6-18 21:20
或者港鐵會問你,甘樣做有冇錢賺? 港鐵表示冇錢賺做嚟冇意思

說出左重點, 大站快車係東鐵線除左省卻埋站上落客嘅時間外, 其實幫助分流不大
東鐵線除左會展, 旺角東, 火炭, 大學, 太和, 其餘客觀來講都係大站, 即係唔停唔得
仲要上面果d"細站"又唔係全部有越行線, 即係做唔到爬頭樫時間

作者: 2076 時間: 2024-6-18 23:41

s3n370 發表於 2024-6-18 19:18
你不如講下你列嘅行車時間係點計出嚟。
唔見你考慮埋東鐵實際行緊嘅班次。

我自己用 oudia 排了圖，當然，要利申返我唔擔保係可行，始終都唔係內部人士冇確實技術數據，純粹只係出於興趣睇下有冇可能。

我就 design 非繁 18 tph，比現時的 15 tph 會多左少少，考慮了古洞站同白石角站新增客流。
6 tph 各停，6 tph 快速 (飛火炭-白石角)，6 tph 特快 (飛旺角東、沙田-白石角、太和、粉嶺)，10 分鐘一個 cycle。
各停沙田待避下一班特快，火炭待避下一班快速 (上行)，大埔墟同再下一班特快做緩急接續。下行就係各停在火炭 4 台等，快速同特快行馬場，減少上下行之間的衝突。只要上下行錯開各停同特快在大埔墟的緩急接續時間就冇問題。

非繁標準時間
XX:02:00 (各停) 金鐘7台 --> XX:21:30/XX:24:30 沙田1台 --> XX:26:30/XX:30:00 火炭2台 --> XX:41:00/XX:44:00 大埔墟 1 台 --> XX:52:00 上水1台 --> 羅湖 (金鐘-上水 50 分鐘)
XX:05:00 (特快) 金鐘7台 --> XX:23:00 沙田2台通過 --> XX:24:30 火炭1台通過 --> XX:32:00/XX:32:30 大埔墟 2 台 --> XX:38:00 上水1台 --> 古洞落馬洲 (金鐘-上水 33 分鐘)
XX:07:00 (快速) 金鐘7台 --> XX:26:30/XX:27:00 沙田2台 --> XX:29:00 火炭1台通過 --> XX:36:00/XX:36:30 大埔墟 1 台 --> XX:44:30 上水1台 --> 古洞落馬洲 (金鐘-上水 37.5 分鐘)
-----
10 mins cycle

作者: s3n370 時間: 2024-6-18 23:47

腦夫子發表於 2024-6-18 14:50
說出左重點, 大站快車係東鐵線除左省卻埋站上落客嘅時間外, 其實幫助分流不大
東鐵線除左會展, 旺角東, ...

如果真慳到時間，即係慳到車，相信無額外收入都會做。
問題係以東鐵嘅軌道，快車爬頭慳到幾多，待避嘅慢車會蝕番兩倍，拉勻會倒蝕。

當日直通車完全唔駛沿路停站上落客，
計待避嘅時間唔駛考慮快車中途停站嘅dwell time，再加上早繁過後先至有，
同埋一個鐘先至一班，站站停嘅東鐵唔會蝕好多。

睇番同樣有快慢車嘅東涌線，各自有月台+青衣至九龍全面四軌先至開得咁密。
個人認知，世界上有快慢車又要開得密嘅鐵路，如倫敦嘅Metropolitan Line，
直頭要快慢各自有軌道同月台，唔係齋靠車站嘅待避處，
先至開到有快有慢，兼且慢車唔會點蝕。

如果有爬頭配置唔多，開得密兼且慢車唔會太蝕嘅鐵路系統，不妨分享一下。

作者: s20131417 時間: 2024-6-19 00:15
提示: 作者被禁止或刪除內容自動屏蔽

作者: s3n370 時間: 2024-6-19 05:14
本帖最後由 s3n370 於 2024-6-18 21:19 編輯

2076 發表於 2024-6-18 15:41
我自己用 oudia 排了圖，當然，要利申返我唔擔保係可行，始終都唔係內部人士冇確實技術數據，純粹只係出 ...

排到出嚟點都應該先俾個like。
甚至我估你預佐走盞連delay recovery都諗埋，靠拉遲慢車+壓縮待避時間去執番正。
我一路假定有路軌嘅先至會待避，其餘站站停。再飛多D站的確可以再慳。

首先有個問題，你假定停埋上水至金鐘停埋白石角要43分鐘。
用你計站站停嘅時間，上水至金鐘50分鐘，當中包佐9分半待避時間。
當每站停30秒，唔駛待避應該42分就跑完。

返正題，非繁忙時間行順佐的確可以好靚仔，
不過由繁忙時間pattern過渡到非繁忙時間嘅pattern應該會相當複雜。
若果去到D深夜再拉疏D，就多個轉折。
現時架架車都係站站停，只需要抽走D車再直接拉疏就搞掂。
甚至一般快慢車嘅做法，都係繁忙時間照行非繁忙pattern，
只係繁忙時間再攝車落去行咁解。

三款車拉勻40分鐘多D，就算當43分鐘，無錯係比全部全停慳佐兩分幾。
剩係計上水至金鐘，咁理論上係可以慳到一抽車多D。如果係42分鐘，啱啱慳一抽。不過有乜叉池就跌到落小數位。
但係就幫唔到最密車嘅繁忙時間。
如果再响XX00開沙田短棍去補番數，其實車仲用多佐。

而對個客黎講，本來3分20秒一班，人人都係平均等1分40秒就有車，
變佐最耐10分一班平均等5分鐘。抵銷佐部分快車嘅優勢。
搭慢車甚至要轉車嘅就更慢。（雖然我見大埔墟可以俾XX02慢車同XX15快車互轉）

唔太肯定呢個pattern會唔會搞到一班多人一班少人，甚至有車太爆而留後。
但肯定嘅係過往除咗羅湖/落馬洲車要等之外，
呢個pattern會搞到更多客會响月台等車之餘，南行會多佐班客要响上水轉慢車，呢D都會拉長停站時間。

作者: 2076 時間: 2024-6-19 14:04

s3n370 發表於 2024-6-19 05:14
排到出嚟點都應該先俾個like。
甚至我估你預佐走盞連delay recovery都諗埋，靠拉遲慢車+壓縮待避時間去執 ...

正確來講，慢車我係排 50.5 分，所以唔駛待避就係 42.5 分，比起現時唔駛停白石角 41 分，用多 1.5 分，係計左白石角站 30 秒 dwell time + 由全速減速至 0 再加速的時間損失。另外，我亦都有排深夜超慢表時段，因為大埔墟 1 台 23:00 打後要停用，所以呢個時段係開唔到特快車，只可以各停 + 快速梅花間竹開車，各停在火炭待避快速。

快車慳得最多係九龍塘來往上水，特快車 21 分鐘，係相當有競爭力，就算大埔墟轉各停去太和同粉嶺，都分別只係 18 分鐘同 22 分鐘。

繁忙時間，我會諗要開多種早晨快速，停多個大學站，另加火炭特車，補返大學同火炭兩個站的班次。其實我自己本身係排包括全車頭等的 30 分鐘一班邊境快綫，增加港鐵誘因，所以未答到你繁忙時間點排最好。

至於班次計，除了火炭、大學、白石角三個只有各停停站的較少客站之外，去沙田站，靠各停+快速仍然 keep 到 5 分鐘一班，至於大埔墟打後，因為快速唔駛待避，所以有效列車係快速/特快，快速-7分鐘-特快-3分鐘-快速，(九龍塘站計)，都相當有吸引力。

南行轉慢車，例如係落馬洲去粉嶺，我設計係各停去羅湖，快速/特快去落馬洲，換言之，大埔墟站緩急接續係同時比羅湖客轉去特快車出市區，亦都比落馬洲特快車客去轉各停去白石角至火炭，至於其他站仍然有快速車可以直達，亦都分流了上水站的壓力。不過月台壓力方面，始終會比現時多左，呢個係全球開快慢車路線都避開唔到的問題，要乘客有適當秩序或者要請多啲小黃人幫手。

作者: s3n370 時間: 2024-6-20 20:26
本帖最後由 s3n370 於 2024-6-20 12:29 編輯

2076 發表於 2024-6-19 06:04
正確來講，慢車我係排 50.5 分，所以唔駛待避就係 42.5 分，比起現時唔駛停白石角 41 分，用多 1.5 分， ...

無理解錯的話，你之前講各停要50分，同呢篇文章講嘅50.5分，
差佐果30秒係上水站停站嘅時間？

仲有少少挑剔。
若所有車嘅stopping pattern係一致，又或者有足夠軌道/月台，
理論上只需reversing完就可以隨時走人。
而要就特定開車pattern就要額外再等夠鐘，每轉連休嘅時間就會長佐。

今朝借用你嘅時間表粗略計計，假定
- 唔需要有額外車長候命縮短調頭時間；同埋
- 北行去到終點站咁啱就得番南行嘅pattern。

平均返到金鐘點都要額外再等兩分鐘，先至就得番北行嘅pattern。
試佐列車行死一種車次、返到金鐘改跑唔同車次、或者响落馬洲快速特快交替都好。
（戴頭盔，只係搵佐大路嘅組合砌，可能諗漏野）

而呢兩分鐘就足以近乎蠶食哂小弟純計來回程時間慳到果一抽車。
考慮埋實際開車時間，應該要出多抽車先至搞得掂。

同意行得快慢車係會有排隊轉車問題，但係快慢車極少會大幅拖慢全停嘅時間。
而响東鐵本身客量驚人、班次頻密、基建唔預太多快慢車亦係未見過。

所以各停慢佐8分鐘+額外reversing time都抵銷哂哂跑快佐嘅好處。
甚至個人懷疑一有臨時限速，都要花多D功夫排過。
樓上提過港鐵曾經考慮過用Ktt整快車，最終唔整應該係計唔掂數。

個人近年留意交通嘅營運，無內幕都係睇公開資訊推算番點解會有唔同嘅設置同改動。
好多看似不合理甚至白痴嘅改動，其實唔係對營運有益處，就係法規改動非改不可。

我估你做緊嘅野就算唔係百分百，都相當接近實際運作做緊嘅野。
無論點都好，响咁多限制下都砌到呢份時間表，小弟相當佩服。

作者: 2076 時間: 2024-6-20 22:02

s3n370 發表於 2024-6-20 20:26
無理解錯的話，你之前講各停要50分，同呢篇文章講嘅50.5分，
差佐果30秒係上水站停站嘅時間？

先感謝 ching 的意見，擺上來交流都學到好多野，同埋可以睇返自己有冇諗漏左。之前講 50 分係粗略數字，拎返份表出來睇係 50.5 分未計上水停站。不過咁講，最大受限位其實係大埔墟站要上下行錯開待避時刻。
金鐘掉頭係最少要預 3.5 分鐘的話，快速去到落馬洲用 2 分鐘 turn 做返快速，特快就要等 5.5 分鐘，而羅湖各停就等 6 分鐘 (不過本身羅湖 turn 時間係要耐過落馬洲的)。

來回慳唔到車，但其實呢個表係比現時做密左班次，而且本身古洞同白石角站要開，呢度本身已經係要用多至少兩抽車，而且亦都要考慮羅湖:落馬洲本身要對調班次所產生的額外行車時間。KTT 整快車當然冇可能，加速度同上落客太慢，但係以 R 車性能，並非不可能。而且，繁忙時間砌到金鐘全列車 4 分鐘 turn 的話，東鐵綫的運力係會大過全開各停 (當然我未諗好)，配合北區發展人口增加，減少市民出行時間，改善市民生活都算係一種 hidden benefit。TSR 反而影響唔大，只係全部列車拖慢，當然，做唔做得返 10 分鐘 cycle 就好難講......

以下係 FF:
個人幻想都有砌過 30 分鐘 cycle 各停:快速:特快:特急 3:3:2:1，逢 00 / 30 金鐘開會係特急去落馬洲，全車頭等掠水，只停金鐘、紅磡、九龍塘、上水、落馬洲，上下繁順向加停古洞、粉嶺、太和。咁樣可以分開過境客同本地客，另外創造額外收入補貼本地車費，亦都令 MTR 多少少誘因做快車，不過咁樣做過唔過到市民果關就係另一回事了。

作者: clivetock 時間: 2024-6-20 22:15

s3n370 發表於 2024-6-20 20:26
無理解錯的話，你之前講各停要50分，同呢篇文章講嘅50.5分，
差佐果30秒係上水站停站嘅時間？

如果玩到日本嗰種 level，其實已經唔需要考慮各停慢咗幾多，因為基本上各停只係比人駁腳去最近快車停車站轉車用，唔預會有人搭長過呢個範圍

之但係東鐵其實唔係真係咁長，短途客又唔少；等耐咗車／搭耐咗車／要轉車嘅人相信唔會少得去邊，政治上未必 justify 到

作者: noname617 時間: 2024-6-20 22:17

s20131417 發表於 2024-6-10 01:37
雖然話R車可以做到自動駕駛（聽講），但係到目前為止應該仲未做到全自動駕駛（即類似GoA4）？至少目前紅 ...

硬件上做到，法例上配合唔到呢！唔係自動駕駛一早俾左南港島綫啦

作者: s3n370 時間: 2024-6-20 23:52
本帖最後由 s3n370 於 2024-6-20 15:57 編輯

2076 發表於 2024-6-20 14:02
先感謝 ching 的意見，擺上來交流都學到好多野，同埋可以睇返自己有冇諗漏左。之前講 50 分係粗略數字， ...

小弟用多佐車嘅計算，係基於18tphpd全部各停，
42/42.5跑完金鐘至上水計。
若果加多一抽，可以開到18.5tphpd。

講到呢度先講掃興野，眾所周知港鐵係地產公司。
用地產角度去諗，閘機由一字排開改為錯開，車站動線調整，
十之八九都係想整多間舖。
若總客量不變，兩個鐘多一班車，每班車載少2%客未必夠整窄條通道開多間舖頭。
但係由18班車縮到12班甚至6班，D客聚埋一齊多佐50%甚至係多200%，
通道同閘機就未必頂得順，即使非繁都係。到時要拆舖擴闊番通道加閘機，响地產角度就...
甚至D維持18班車嘅車站，一樣會因為D客聚埋一齊，都要度一度。
當然可以乜都唔做，咪落車後响大堂迫D等多一陣先出到閘囉，
反正下班車黎之前一定清得哂。

返去正題，既然用現有基建砌得掂唔錯嘅班次同行車時間，
咁又唔駛要全線四軌先至開到快慢車，好有可能做track remodeling，
又或者搵樽頸位又唔駛大興土木嘅位整多條軌，都足以減少對各停嘅延誤，
咁就快得黎又慳到車。

作者: tonyng 時間: 2024-6-21 13:28
其實宜家東鐵的平均車速已經去到55km/h，同差唔多行車距離（20至40公里) 嘅東京大手私鐵的特急／快速急行差唔多水平。加上沿線人口密度高，繁忙時間基本上個個都可以算係大站，根本冇足夠的理據再去開快速列車。

作者: x3100 時間: 2024-6-21 20:04

tonyng 發表於 2024-6-21 13:28
其實宜家東鐵的平均車速已經去到55km/h，同差唔多行車距離（20至40公里) 嘅東京大手私鐵的特急／快速急行差 ...

如果第日北區同大埔區人口爆炸，加再進一步「拆關」開放過境客，沙田區人口增長又唔夠佢地快，上面成幾百萬人客都唔肯起新鐵路，咁咪要迫住「遠近分離」囉

作者: s20131417 時間: 2024-6-21 21:32
提示: 作者被禁止或刪除內容自動屏蔽

歡迎光臨 hkitalk.net 香港交通資訊網 (https://www.hkitalk.net/HKiTalk2/)