hkitalk.net 香港交通資訊網

標題: 啟德體育園人群疏散 廖振新：最壞情况需至鑽石山港鐵站 [打印本頁]
作者: rheneaschoi    時間: 2024-10-8 09:57
標題: 啟德體育園人群疏散 廖振新：最壞情况需至鑽石山港鐵站
體育園同鑽石山站距離好遠，有排行

啟德體育園明年第一季開幕，不少人關注大型活動完結後疏散安排，運輸及物流局副局長廖振新表示，倘若港鐵屯馬線啟德站出現問題，最壞情况是人群要帶至鑽石山港鐵站疏散。

立法會鞏固及促進九龍東第二核心商業區的相關政策事宜小組委員會今午(7日)討論檢視九龍東第二核心商業區的水陸交通配套，議員江玉歡關注體育園如何在活動結束後短時間內疏散人群，尤其鐵路系統有問題時有否後備方案，以便有效疏散人群。

廖振新回應指體育園需疏散人流極大，一旦鐵路系統出現問題，難以用巴士完全替代，若屯馬線啟德站一旦出現問題，仍可利用觀塘線協助，而最盡安排是要把人群帶去較遠地方，達至鑽石山港鐵站。

來源：明報

https://news.mingpao.com/ins/%e6 ... 00001/1728314149472

作者: sunhoo    時間: 2024-10-8 10:32
又唔見傳媒質疑維港烟花散場時恰逢荃灣綫或西鐵壞車會點，係唔係要全員改去油麻地站。
根本就係特登拎啓德來打。
作者: Dennis545    時間: 2024-10-8 12:37
有冇可能再把屯馬線開分支新線前往大埔中心？類似荃灣西站模式？😹
作者: Fuk19805    時間: 2024-10-8 13:44
其實預計1小時疏導到5萬人已經好犀利，歐洲大把stadium係遠離車站，為嘅就係特登令啲人唔想去晒同一個站，達到分流嘅效果，姐係個Stadium最近嘅A站可能成邨人散場搞到要行20分鐘嘅，咁點解唔行25分鐘去B站呢？5萬人仲要Coldplay打頭陣，本身已經唔少係外地遊客，就睇呢個炸彈點拆

小弟買咗次場，到時即管紀錄吓散場實況
作者: kay    時間: 2024-10-8 14:30
其實之前講彩虹
但唔知點解會變左個更唔就腳既鑽石山

其實識行晴朗去彩虹站本身唔遠
作者: qunow    時間: 2024-10-8 14:39
kay 發表於 2024-10-8 14:30
其實之前講彩虹
但唔知點解會變左個更唔就腳既鑽石山


你想幾萬人睇完表演各自揾路穿過住宅區
作者: EX-TL    時間: 2024-10-8 15:14
體育園係近宋皇臺站, 點解講成啓德站要有應變呢, 而機場年代富豪東方酒店巴士站能夠應付龐大本地+海外人流, 體育園行去馬頭角唔係遠, 唔同區巴士都有, 點解演唱會散場講到係一個嚴重問題.
作者: hkaiw    時間: 2024-10-8 16:09
EX-TL 發表於 2024-10-8 15:14
體育園係近宋皇臺站, 點解講成啓德站要有應變呢, 而機場年代富豪東方酒店巴士站能夠應付龐大本地+海外人流, ...

因為A出入口附近只有臨時行人通道故難以疏散？
作者: Ricky403    時間: 2024-10-8 18:23
本帖最後由 Ricky403 於 2024-10-8 18:33 編輯
sunhoo 發表於 2024-10-8 10:32
又唔見傳媒質疑維港烟花散場時恰逢荃灣綫或西鐵壞車會點，係唔係要全員改去油麻地站。
根本就係特登拎啓德 ...

本身荃灣綫屯馬綫就有兩條
仲有企近九龍站嗰邊嘅有東涌綫、尖東近紅磡站嗰邊又有東鐵綫
本身東涌綫東鐵綫都有額外增加班次，加上睇煙花其實人流無坐哂喺場館入面咁集中，所以煙花散場一直都無人驚緊

啟德體育園就真係旨意哂5x公里長同出緊26+?抽車，而只要呢5x公里同26+?抽車是旦一個位有fault 8分鐘內resolve唔到，全線就8分鐘一班起跳嘅屯馬綫，起碼呢一刻龜鐵喺屯馬綫故障應變仲係非常差
有憂慮係正常不過

政府亦開腔講明行去鑽石山上觀塘綫作為後備選項
作者: sancouve    時間: 2024-10-8 19:09
EX-TL 發表於 2024-10-8 15:14
體育園係近宋皇臺站, 點解講成啓德站要有應變呢, 而機場年代富豪東方酒店巴士站能夠應付龐大本地+海外人流, ...

機場嘅客係大致平均咁分散喺全日，體育園係⼀散場就全場同一時間喺同一地方⼀齊走，冇得比較
作者: YellowWorksheet    時間: 2024-10-8 22:05
kay 發表於 2024-10-8 14:30
其實之前講彩虹
但唔知點解會變左個更唔就腳既鑽石山


唔知點解大家鬧得咁勁，
明明人哋係話「而最盡安排是要把人群帶去較遠地方，達至鑽石山港鐵站。 」，
講緊有危急情況下希望疏散到「較遠」地方，咁佢講鑽石山站其實合理㗎喎。
作者: kay    時間: 2024-10-8 22:48
YellowWorksheet 發表於 2024-10-8 22:05
唔知點解大家鬧得咁勁，
明明人哋係話「而最盡安排是要把人群帶去較遠地方，達至鑽石山港鐵站。 」，
講 ...

因為唔MAKE SENSE

雖然人多拉長條路係合理
但體育園本身去最近兩個站都有一定距離
作者: eternalflame    時間: 2024-10-8 22:58
講得出要行到去鑽石山站就證明正苦無信心
定係潛台詞話俾大家知零售館同美食港灣留唔到客
作者: JZ3968    時間: 2024-10-8 23:07
個人覺得, 呢個情況下九巴條5D應該要分擔下人流, 因為起碼可以駁去遠D嘅九龍灣、土瓜灣甚至黃埔站
作者: kay    時間: 2024-10-8 23:10
JZ3968 發表於 2024-10-8 23:07
個人覺得, 呢個情況下九巴條5D應該要分擔下人流, 因為起碼可以駁去遠D嘅九龍灣、土瓜灣甚至黃埔站 ...

搵條早收車線不如開R

不過巴士個邊未有篇幅
可能都要埋門一腳先知有咩線


作者: s3n370    時間: 2024-10-8 23:35
本帖最後由 s3n370 於 2024-10-8 15:45 編輯
eternalflame 發表於 2024-10-8 14:58
講得出要行到去鑽石山站就證明正苦無信心
定係潛台詞話俾大家知零售館同美食港灣留唔到客 ...

唔關事，政府本身有就各條主要橋隧鐵路需較長時間封閉制定佐緊急預案。
自從青馬大橋被躉船撞完需要全封，令機場對外交通完全斷絕後，
呢D緊急方案就再做得詳細D。

香港地訴求係返工嘅黎生最多，段估散場後先去返工嘅唔多，
係緊張都緊大D機會出現嘅八號落三號仲要返下半晝+某條線/橋/隧開唔到啦。
作者: s3n370    時間: 2024-10-8 23:41
本帖最後由 s3n370 於 2024-10-8 15:42 編輯
Fuk19805 發表於 2024-10-8 05:44
其實預計1小時疏導到5萬人已經好犀利，歐洲大把stadium係遠離車站，為嘅就係特登令啲人唔想去晒同一個站， ...

弊在歐洲嘅通勤鐵路運力，無亞洲呢邊咁勁呢。

屯馬已經唔係最強勁，同等企位密度下一抽屯馬載客量已經頂兩抽S8 stock。
當然歐陸都好多loading gauge大過S8，佢哋唔係短編成就係因信號系統/列車唔多班次唔夠屯馬密。
作者: s3n370    時間: 2024-10-9 00:00
Ricky403 發表於 2024-10-8 10:23
本身荃灣綫屯馬綫就有兩條
仲有企近九龍站嗰邊嘅有東涌綫、尖東近紅磡站嗰邊又有東鐵綫
本身東涌綫東鐵綫 ...

衰D講句屯馬爆鑊開到8分一班，頂多咪散得慢D。

打風三上八，全港打工仔學校同時返歸，仲要萬一有線爆鑊，
成村人遲佐上車再遇上必然嘅天氣會轉壞，風險咪仲大。
作者: eternalflame    時間: 2024-10-9 00:03
s3n370 發表於 2024-10-8 23:35
唔關事，政府本身有就各條主要橋隧鐵路需較長時間封閉制定佐緊急預案。
自從青馬大橋被躉船撞完需要全封， ...

個預案要去到幾極端先會用到鑽石山站先
或者用另一個角度睇，佢連正常散場個動線同交通安排都未公佈
又點樣證明到要人行老鏈咁遠去鑽石山站係合理


作者: Fuk19805    時間: 2024-10-9 00:17
s3n370 發表於 2024-10-8 23:41
弊在歐洲嘅通勤鐵路運力，無亞洲呢邊咁勁呢。

屯馬已經唔係最強勁，同等企位密度下一抽屯馬載客量已經頂 ...

同埋香港嚟講，我就唔信佢唔開巴士做散場，如果係着緊旅客嘅簡直叫城巴攞非專，九巴攞陽光，加埋自家車開車鏈咁車晒啲客過去旺角銅鑼灣嗰啲清場，隨時都可以清到5000人，仲有拖啲跑狗落嚟做24小時皇崗/深圳灣，又隨時成1000人，咁樣已經散到20%嘅人流
作者: jpoon    時間: 2024-10-9 00:23
sunhoo 發表於 2024-10-8 10:32
又唔見傳媒質疑維港烟花散場時恰逢荃灣綫或西鐵壞車會點，係唔係要全員改去油麻地站。
根本就係特登拎啓德 ...

老實講，有大型設施落成，梗係要準備唔同情況啦
就算港鐵自己，都有為唔同站／路綫故障嘅應急方案啦
作者: jpoon    時間: 2024-10-9 00:24
eternalflame 發表於 2024-10-8 22:58
講得出要行到去鑽石山站就證明正苦無信心
定係潛台詞話俾大家知零售館同美食港灣留唔到客 ...

夜場完咗散場呢？仲會有神心同你行零售館美食港灣？
作者: jpoon    時間: 2024-10-9 00:28
JZ3968 發表於 2024-10-8 23:07
個人覺得, 呢個情況下九巴條5D應該要分擔下人流, 因為起碼可以駁去遠D嘅九龍灣、土瓜灣甚至黃埔站 ...

睇返紅館散場安排，要開都開散場搵銀綫啦整啲36S 41S R76S出嚟掠水好過啦
作者: s3n370    時間: 2024-10-9 00:39
eternalflame 發表於 2024-10-8 16:03
個預案要去到幾極端先會用到鑽石山站先
或者用另一個角度睇，佢連正常散場個動線同交通安排都未公佈
又點 ...

屯馬一期通到去啟德站，而當局講明啟德站有應變方案。
由此推斷散場又咁啱加埋冧檔，可以開單邊都會照開。
鑽石山照計真係全冧嘅最壞打算。

甚至唔少外地場館，鑽石山係最近嘅車站。條路直接過去彩虹。
作者: s3n370    時間: 2024-10-9 03:33
jpoon 發表於 2024-10-8 16:28
睇返紅館散場安排，要開都開散場搵銀綫啦整啲36S 41S R76S出嚟掠水好過啦
...

紅館响正東鐵同屯馬上蓋，D巴士都撈到客，啟德應該點都有架啦。

不過假若屯馬真係爆鑊，估計應該會全面變做去鑽石山/紅磡嘅穿梭車儘快清客。
作者: eternalflame    時間: 2024-10-9 03:46
jpoon 發表於 2024-10-9 00:24
夜場完咗散場呢？仲會有神心同你行零售館美食港灣？

有個咁嘅場地就唔只局限得夜場
完左散場仲有地方消遣都叫幫到解決人潮


作者: eternalflame    時間: 2024-10-9 04:09
s3n370 發表於 2024-10-9 00:39
屯馬一期通到去啟德站，而當局講明啟德站有應變方案。
由此推斷散場又咁啱加埋冧檔，可以開單邊都會照開 ...

屯馬全死，反而應該引導離場觀眾出返去太子道東或者九碼
叫巴士公司加強服務好過開臨時接駁去鑽石山
啟德本身個車路設計，接駁車出去都係要兜大圈
而鑽石山個邊係咪一時間容許咁多接駁車落客駁鐵都成疑問

行去鑽石山同彩虹站最大問題係個last mile唔夠闊
例如經東啟德公園落到四美街之後，要經啟鑽／啟祥中間條通道先落到地鐵站
而彩虹個邊一係行入村，一係就兜彩虹交匯處外圍行返入龍翔道落行人隧道
全部都唔係設計黎承受散場人流


作者: s3n370    時間: 2024-10-9 07:33
eternalflame 發表於 2024-10-8 20:09
屯馬全死，反而應該引導離場觀眾出返去太子道東或者九碼
叫巴士公司加強服務好過開臨時接駁去鑽石山
啟德 ...

五萬觀眾假定用12.8，架架都上到歡樂滿乜乜載到150客計，
一分鐘開一班，都要五個半鐘先至清得哂D客。
太子道東仲有冇咁多巴士都成問題。
就算加強服務，點解唔係直接送客去最近有鐵路嘅車站，咁同一部車可以跑最多轉清到最多嘅客，
反而係加落一堆長一截嘅線度呢？
甚至我都只係話無事無幹咪做散場R線，有時就即時改哂做短途接駁？

另一例子係以往幾十萬人嘅遊行，維園出口同記利佐治街都唔係設計俾塞滿人嘅維園行出去，
多人起上黎幾個鐘後都仲未走哂。
拎呢個例子係想講，條路夠闊嘅咪由得人free flow，唔夠嘅咪安排糾察人潮控制。

散場預佐係鐵路做主力，當佢出事而其他選項嘅理論運力，
各自要幾個鐘先清到散場觀眾，一係更遠嘅車站（如何文田），
以及你講嘅渡輪、太子道東都會成為合理嘅選擇，
去到呢度都會自然形式多管齊下嘅格局。
作者: clivetock    時間: 2024-10-9 09:27
eternalflame 發表於 2024-10-9 00:03
個預案要去到幾極端先會用到鑽石山站先
或者用另一個角度睇，佢連正常散場個動線同交通安排都未公佈
又點 ...

副局長講明係 worst case scenario 先行去鑽石山站，到時真係去到呢步之前應該都預備咗唔同方案

我覺得唔太需要過份解讀呢個特定方案，反正衰起上嚟你都冇得揀點都要慢慢行過去
作者: Ricky403    時間: 2024-10-9 09:52
s3n370 發表於 2024-10-9 00:00
衰D講句屯馬爆鑊開到8分一班，頂多咪散得慢D。

打風三上八，全港打工仔學校同時返歸，仲要萬一有線爆鑊 ...

平日返工時間掛八號本身一年都未必有一次
而真係令全港普遍吹強風至烈風嘅颱風，更加係幾年先有一個
天文台而家仲要好保守咁提早掛八號，真係有線爆鑊，仲有班人未走到咪遲啲先暫停巴士小巴尤其啲M線

啟德體育園散場有五萬人點都期望緊一年起碼有一兩次
假如要靠哂屯馬綫就要諗點樣減少出現牽一髮動全身嘅情況
不過政府講得出鑽石山，即係都唔指望龜做到/會去做🤭
作者: kei_hk    時間: 2024-10-9 10:03
eternalflame 發表於 2024-10-9 04:09
屯馬全死，反而應該引導離場觀眾出返去太子道東或者九碼
叫巴士公司加強服務好過開臨時接駁去鑽石山
啟德 ...

假設屯馬線真係爆鑊﹐自然會打觀塘線主意。

巴士負責晒所有散場人流?
好明顯係無可能﹐上面已經有人計了數﹐要用幾多車幾多時間。


真係衰到要用鑽石山站﹐只要暫時封閉四美街+彩頤里﹐派人管理彩虹道的燈位(大有街至彩頤里之間的路口位)﹐已經幫到唔少。

於四美街做人群管理﹐分流部份人左轉去啟鑽苑的A2出入口﹐部份人用龍翔道的B出入口進站。

將來﹐四美街舊巴士總站會有車站出入口﹐介時就更理想﹐可以直接使用這個新出入口+B出入口。


真心講﹐鐵路線爆鑊機會唔係太高﹐要用到鑽石山站這個方案的機會真係好低。
但一旦爆鑊﹐其實政府定係觀眾﹐其實都係無選擇﹐都係要慢慢行去鑽石山。

真係靠巴士﹐平時鐵路爆鑊已經反映到﹐巴士根本應付唔到大量人流﹐都係要慢慢塞。
所需的時間﹐可以仲差過你行去鑽石山站。
作者: s3n370    時間: 2024-10-9 17:00
Ricky403 發表於 2024-10-9 01:52
平日返工時間掛八號本身一年都未必有一次
而真係令全港普遍吹強風至烈風嘅颱風，更加係幾年先有一個
天文 ...

車，打風遲D返到屋企都唔大問題的話，散場遲佐返到屋企就更加唔係問題啦

正如壞𨋢搞到排長龍甚至焗住行樓梯大鑊D，定係壞𨋢搞到有人被困甚至受傷大鑊D
作者: s3n370    時間: 2024-10-9 19:15
clivetock 發表於 2024-10-9 01:27
副局長講明係 worst case scenario 先行去鑽石山站，到時真係去到呢步之前應該都預備咗唔同方案

我覺得 ...

應變方案不嬲都唔會好過正選。
係萬一爆鑊果下，大家知個大方向，
唔會企佐响度唔知點/唔會一個點完你去南下一個點番你去北原地踏步

如果後備方案係好理想，咁點解會拎黎做後備而唔係正選？
甚至進一步點解唔係應該擺更多功夫，去確保正選九成九九九時間都用得著。
後備一定要有，但係儘量做到最理想地得個擺字唔會真係用得著？
作者: Ricky403    時間: 2024-10-9 21:44
s3n370 發表於 2024-10-9 17:00
車，打風遲D返到屋企都唔大問題的話，散場遲佐返到屋企就更加唔係問題啦

正如壞𨋢搞到排長龍甚至焗住行 ...

而家天文台返工時間上八都預到好鬆，基本上個風唔太強勁，都有6個鐘走盞，夠哂時間做應變
強如蘇拉，直頭早掛10個鐘，直接變相宣佈停工 (八號應唔應該咁用就後話)

啟德體育園危險在佢將會成為恒常要處理嘅事
慣咗用屯馬綫搞，類似国庆煙花咁預先插咗十班車，無錯平時唔會有乜問題，但條線咁長咁多point of failure，龜鐵又會首選保住各站有車開而切割不能或不徹底，爆鑊除咗要人喺站外面打蛇餅排到唔知幾點開得番應有班次 (搞一搞都未必趕到尾車了)，觀塘綫有冇餘力接客，有幾多指示提班客可以考慮用鑽石山站，就會見到高下
作者: siupy    時間: 2024-10-10 01:39
根本屯馬線太長
有咩事就攬炒
反而當年馬鐵改10卡過海，但班次要密，可以開短棍鑽石山<>金鐘
西鐵9卡，東鐵12卡，繼續紅磡做總站最好
當年顧問話紅磡三線轉頭會有人流問題
根本整轉車層多餘，沙中線月台夠闊咪無問題囉
(, 下載次數: 40)