hkitalk.net 香港交通資訊網
標題: 【轉載】澳門巴士卡機今日(4/12/2024)起支援交通聯合卡 [打印本頁]
作者: williamwwl1109 時間: 2024-12-4 10:32
標題: 【轉載】澳門巴士卡機今日(4/12/2024)起支援交通聯合卡
本帖最後由 williamwwl1109 於 2024-12-4 12:26 編輯
轉載自澳門特別行政區政府入口網站新聞: https://www.gov.mo/zh-hant/news/1110715/
隨著澳門居民到內地工作及旅遊的需求日益增加，本澳迎接全國旅客數量亦持續上升，兩地人員的往來交流越趨密切，為進一步便利居民往內地及旅客訪澳的交通出行，交通事務局與交通運輸部積極協調，加入“全國交通一卡通互聯互通”。
澳門通股份有限公司即日（12月4日）起發行帶有“交通聯合”標識的“澳門通—全國通”卡，除支持本地乘搭公共交通並享有車資優惠外，可通行全國主要城市乘搭主要公共交通工具。有關“澳門通—全國通”卡的購卡及使用詳情，可瀏覽發卡商澳門通公司網頁 https://www.macaupass.com/ 或致電澳門通客服熱線(853)2872 7688查詢。(https://www.hkitalk.net/HKiTalk2/thread-2205183-1-1.html)
而全澳公共巴士同日起接受由內地及香港發行，帶有“交通聯合”標誌的全國通卡拍卡支付車資(MOP6 = CNY5.7 = HKD6.3)。現階段非澳門發行的全國通卡暫不享有車資優惠。
澳門通全國通銷售版咭詳情: https://www.macaupass.com/news_d ... 6RWQnTegnW8Axze5DCQ
作者: kei_hk 時間: 2024-12-4 12:00
本帖最後由 kei_hk 於 2024-12-4 12:22 編輯
香港張全國通八達通﹐終於.... 可以在澳門用了。
但係匯率+非港幣交易手續費問題﹐會唔會好蝕﹐都係要大家自己計算一下了。
ps. 用港版電子錢包的乘車碼好過﹐反正都係一律$6(巴士)。
作者: williamwwl1109 時間: 2024-12-4 12:25
會，小紅書user實測澳門巴士卡機扣HKD6.3
以家只係等香港嘅八達通卡幾時upgrade上交聯gaza，到時就真係全國通la(除台澎金馬地區)
作者: kei_hk 時間: 2024-12-4 12:32
最終係收HK$6.30 
我用不同的電子錢包的乘車碼好過﹐一定 HK$6.0 有找。
作者: lollipoppop 時間: 2024-12-4 16:16
唔係差太多, 有張實體卡都好既.
特別係老人家用卡會方便好多
作者: kei_hk 時間: 2024-12-4 16:44
本帖最後由 kei_hk 於 2024-12-4 17:04 編輯
唔係話八達通-全國通唔好﹐但係當有比較之下﹐唔見得八達通-全國通有什麼吸引之前。
在未可以用電子錢包的乘車碼之前﹐八達通-全國通本來都有吸引力﹐可惜澳門用唔到。
但係澳門可用之時﹐已經有其他更好的選擇。
真係無比較就無傷害
八達通-全國通 ﹑澳門通-全國通﹑澳門通(普通銷售版)
大家都係銷售版﹐要額外買卡(不包儲值)。
即係你買卡點都有成本。
買香港卡就一定無法回本﹐兼且每次香港以外的地方都會蝕交易手續費(匯率中已經包括在內)﹐所以係最唔抵用。
唯一好處﹐就係在香港可以如常使用﹐同普通八達通無分別。
**但長者無 $2 乘車優惠。
而2款澳門卡﹐坐巴士有折扣﹐每程平 $2-3。
即係﹐你慳到的錢係可以回本﹐之後就 "有賺"。
唔好處就係﹐理論上你要在澳門才可增值﹐同埋3年無用過就會鎖卡收手續費。
真係間中會過大海﹐分開使用2張卡﹐直接買澳門卡好過。
唔開卡﹐就開電子錢包好過。
相信唔少人都有使用2大電子錢包的習慣﹐特別係近年北上銷費暢旺。
真係唔識用電子錢包﹐帶定一堆硬幣好過。
作者: KG1428 時間: 2024-12-4 19:29
咁深圳通+八達通功能卡又點樣計算會扣人仔 定 港元？
作者: clivetock 時間: 2024-12-4 19:39
依家澳門巴士仲收唔收港元硬幣？
作者: rickycheng 時間: 2024-12-4 19:59
本帖最後由 rickycheng 於 2024-12-4 20:14 編輯
深圳通 +八達通交通聯合卡(互通行)澳門用理論上扣人仔
同深圳通普通交通聯合卡一樣
但會否因系統識別問題導致用唔到就不知了
------------
回#6: 深圳通 +八達通交通聯合卡其實都比八達通全國通好用...
唯一壞處係香港增值唔到人民幣部分(NFC要內地錢包)
當然用返深圳通普通交通聯合卡+本身有既八達通更容易
但如果去澳門多過去深圳,澳門呢張全國通都幾好(澳門通(普通銷售版) MOP$30卡費,呢張MOP$68)
同互通行比只欠缺人仔下增值渠道
作者: Danny.lin 時間: 2024-12-4 20:38
本帖最後由 Danny.lin 於 2024-12-4 20:40 編輯
內地交聯八達通雙標咭去澳門係扣CNY荷包，red度有人用嶺南通·八達通·全國一卡通咭測過，扣嶺南通荷包金額￥5.76，冇扣八達通部分金額
作者: kei_hk 時間: 2024-12-4 21:30
一向都係非官方話接受港幣的。
你正式去問﹐佢地會話唔得。
實際上﹐係無問題的。
作者: kei_hk 時間: 2024-12-4 21:39
睇完澳門一邊的資料﹐答案會係好簡單。就係澳門的系統﹐只會收澳門幣 或 人民幣。
你張卡要有上述2種貨幣的其中一項﹐才可以成功支付。
除了澳門通-全國通卡外﹐唔會有全國通卡有澳門幣的﹐所以全國通卡就一定會扣人民幣。
換句話說﹐用香港的八達通-全國卡﹐於澳門使用都係用人民幣扣數﹐只不過卡內有功能按匯率轉換﹐最終以港幣反映出來。
作者: kei_hk 時間: 2024-12-4 21:54
回#6: 深圳通 +八達通交通聯合卡其實都比八達通全國通好用... 唯一壞處係香港增值唔到人民幣部分(NFC要內地錢包) 當然用返深圳通普通交通聯合卡+本身有既八達通更容易 但如果去澳門多過去深圳,澳門呢張全國通都幾好(澳門通(普通銷售版) MOP$30卡費,呢張MOP$68) 同互通行比只欠缺人仔下增值渠道
我估計﹐這張澳門全國通﹐未必係最終的產品。
因為﹐這張卡同早年的八達通一樣﹐只係 "貼紙卡"﹐即係將2張交通卡貼埋一齊成為一張卡﹐實際上係都係2張獨立卡。
值唔值得買﹐真係睇每個人的不同需要。
以現時來講﹐淨去澳門﹐買張淨澳門通已經足夠。
成日去澳門+國內﹐係可以考慮澳門全國通﹐但都要睇佢澳門幣<>RMB 的匯率 及有沒有其他手續費包含在內。
間中去澳門﹐老實講﹐用QRcode啦。
或者﹐深圳通之類的國內交通卡。
八達通-全國通卡﹐本來都係好產品﹐只不過佢要收RMB交易手續費﹐計算在匯率之內。
這樣﹐令到匯率比所有電子錢包為差。
如果唔係有交易手續費存在﹐我相信我已經買了一張﹐在深圳快樂使用中。
現在可以於澳門使用﹐當係額外功能。
真係好難怪有位youtuber 有為八達通拍廣告片﹐但都照樣xyz 八達通-全國通卡﹐叫大家唔好衝動去買。
作者: KG1428 時間: 2024-12-4 22:13
本帖最後由 KG1428 於 2024-12-4 22:15 編輯
即係香港版八達通可以做到本港增值港元增值，澳門和深圳是扣港元
錢包是兩者互通
深圳通/嶺南通+八達通
只能用人民幣扣錢
即使香港增值左
但人仔錢包負數都係用不到
(因兩者錢包已被分開)
呢樣野真係好複雜
作者: rickycheng 時間: 2024-12-4 22:19
同意八達通-全國通卡如果冇個3%的確好好用
不過佢認為有兢爭力咁收3%就冇得講(正如中銀萬事達扣賬卡收內地澳門提款手續費一樣,相比其他銀行唔收)
而家只要唔介意依然都係每個幣種獨立一張卡最方便,至於交通聯合就要揀最常去的城市
作者: kei_hk 時間: 2024-12-4 22:27
先講清楚﹐香港的八達通-全國通﹐係講緊這一張 : https://www.octopus.com.hk/tc/co ... /china-t-union.html
這張卡係有 "特異功能" 的﹐就係張卡入面會記錄匯率﹐當進行人民幣交易時﹐會自動根據卡內記錄的匯率﹐即時轉換成港幣扣數。
而卡內﹐只有港幣一個錢包。
所有增值都係要用港幣﹐所有支出一律自動對兌成港幣進行。
暫時﹐只有這張卡有這個 "特異功能"。
其他卡﹐例如 : 你提及的嶺南通八達通卡﹐以至現時澳門通-全國通。
其實只係用2張卡﹐ "扮" 做一張卡。
入面係2個獨立貨幣錢包﹐卡內唔會有匯率。
所以﹐這些卡係唔會有上面提及的 "特異功能"﹐自動對兌成另一種貨幣。
因此﹐你用人民幣時﹐就會在人民幣錢包進行交易。
人民幣無錢﹐即使你另一錢包有錢(港幣/澳門幣)﹐你都唔可以進行支付﹐反之亦言。
作者: kei_hk 時間: 2024-12-4 22:39
本帖最後由 kei_hk 於 2024-12-4 22:53 編輯
最好笑就係八達通張銀聯卡﹐又係收境外交易手續費﹐但又識得做推廣免手續費(如未有延長﹐推廣去到本月底)。
真係用佢張銀聯卡 綁 云閃付﹐就可以在云閃付直接開乘車碼(無需在云閃付內做實名)﹐就可以免境外手續費。
有陣時﹐真係唔知這間公司想點。
一方面又想有人用﹐但係又做晒D無競爭力的行為。
有其他代用品的情況下﹐真係點叫人會選擇用佢D產品。
或者﹐八達通公司覺得這張卡有競爭力﹐可以收3%的地方﹐就係可以用八達通apps直接在全國任何地方增值囉。
同埋﹐唔需要理人民幣的問題。你唔在大陸用張卡﹐你都可以在香港使用﹐唔會有人民幣結餘的問題。
當然﹐你堅持要拍卡﹐唔用QRcode坐車﹐就乖乖地付手續費 or 買國內的交通卡啦。
**題外話﹐今個月在深圳坐車﹐真係連深圳通卡都唔需要優先使用﹐Alipay HK 國內公交乘車碼﹐本月有8折推廣。
如有需要﹐就自己在apps 內搵/領取優惠券。
呢D就識做生意﹐識得點去吸引人使用﹐令到用家習慣使用﹐從而日後長期使用。
作者: SiuYee 時間: 2024-12-5 08:58
咁都只係差少少, 不過我諗之後再upgrade 上去都真係唔奇
作者: Wing師姐 時間: 2024-12-5 14:27
kei_hk 發表於 2024-12-4 22:39
最好笑就係八達通張銀聯卡﹐又係收境外交易手續費﹐但又識得做推廣免手續費(如未有延長﹐推廣去到本月底) ...
可能想機會多d人用吧。
不過我覺得有優惠好過無，雖然車費都係細數目，無咩所謂
作者: violet 時間: 2024-12-5 22:12
即係深圳巴士折上折？本身巴士用易乘碼都有深圳通優惠，地鐵就冇
作者: violet 時間: 2024-12-5 22:14
啱啱發現，今個月用支付寶香港搭澳門巴士八五折
作者: kei_hk 時間: 2024-12-5 22:21
有人講係﹐巴士真係折上折。
alipay 以正常價(即扣除巴士折扣後)﹐再計8折扣你錢。
作者: kei_hk 時間: 2024-12-5 22:29
呢D咪識做生意囉﹐引左你用左先﹐等你成為習慣﹐日後無優惠都會繼續用。
八達通?
仲係用食老本心態﹐遲早再少一個市場。
ps. 到現在﹐八達通公司仲好似遊云中﹐好似仲未知澳門已經用到全國通卡﹐仲未去sell自己張全國通卡可以在澳門使用。
作者: rickycheng 時間: 2024-12-5 22:29
本帖最後由 rickycheng 於 2024-12-5 22:36 編輯
因為巴士折扣本身係屬於實收二維碼價*. alipay hk 當然基於呢個價優惠
同樣道理中山一樣半價再優惠
* 留意部分路線冇折...其中一條最多香港人搭係深圳灣口岸去海岸城既H516..我自已就會搭較平的M474
作者: violet 時間: 2024-12-5 22:33
港鐵（深圳）13號綫深圳灣口岸站就快通車，大部分香港人應該會保鐵
作者: kei_hk 時間: 2024-12-5 22:43
你講深圳市內保鐵?
你覺得八達通-全國通真係具競爭力﹐真係引到大家使用
3%交易手續費(已經包含在匯率之內)﹐單是這一點都唔夠其他對手爭市場。
再講埋其他額外優惠﹐真係點解仲要選擇八達通-全國通。
alipay hk 的8折乘車推廣﹐唔單只係深圳巴士適用﹐連深圳地鐵亦適用。
只要有適合使用的國內乘車碼﹐一律都有8折。
*前題﹐要先在app內取相關的優惠券。
作者: rickycheng 時間: 2024-12-5 22:53
本帖最後由 rickycheng 於 2024-12-5 22:57 編輯
佢應該回應緊我最後一句,不過13號線通車H516好大機會收檔
-----------------
用返實體深圳通都好過八達通-全國通,
另外目前深圳地鐵客務中心係支援用電子支付"人工"增值深圳通的
甚至最近連Visa/Mastercard 直接支付都得(MTR(SZ) 唔知, 深圳通客務中心應該都得但純增值唔會去排深圳通客務中心)
香港錢包當然冇問題(售卡增值機同APP反而係唔得)
這點同香港澳門"線下"必須用現金增值有所分別
作者: violet 時間: 2024-12-5 22:58
係，我講深圳市內保鐵，一嚟大部分人習慣去其他城市（國內外都係）盡量保鐵，二嚟參考某地圖app，深圳巴士多數快地鐵唔少，雖然平啲
唔知廣東省，上海公共交通都係今個月八折
澳門八五折都係要自己攞，未必個個知
八XX全國通、微XXX、云XX暫時未見有優惠
另外，深圳地鐵全線車客服中心站已經接受Visa,Master,JCB,AE,Discover買綠色coin
作者: violet 時間: 2024-12-5 23:01
Visa/Master可以增值咩？唔係剩係可以買綠色coin?
我上次喺自助服務機，Alipayhk增值唔到，要Alipay內地先得
作者: kei_hk 時間: 2024-12-5 23:05
用開alipay HK 在國內銷費﹐就自然會知在apps內點取這些優惠券。
坐車有折扣推廣﹐就基本上佢所有國內乘車碼都適用。
除了坐車﹐仲有國內十單消費有隨機立減﹐這個就睇你好唔好彩。
有人一單立減幾十蚊﹐我就多數兩蚊之內。
作者: rickycheng 時間: 2024-12-5 23:45
本帖最後由 rickycheng 於 2024-12-5 23:48 編輯
根據深圳地鐵微信之前收Visa/Master的介紹似乎係得
搵唔返深圳地鐵微信清楚提及
但搵到深圳通清楚介紹Visa/Mastercard增值深圳通係可以
https://mp.weixin.qq.com/s/LavvD5EwlKv2tSLr-KTLbQ
佢係特登拎部POS機
(雖然深圳通呢篇只說自已客服, 但深圳地鐡同一時期開始用同一款Visa/Mastercard POS機應該都得)
我最近試過用Alipay內地綁HSBC Mastercard 可以人工增值,一般"第三方售票增值機"同APP係唔得,舊站深圳地鐵自助客服機試過似乎有問題要客服退款
自已未試過Visa/Mastercard增值
作者: 圓頂 時間: 2024-12-6 09:49
我就唔會啦, 我都試過因為優惠試用, 試過掃code 真係又慢又麻煩, 始終都係八達通拍卡比較岩自己爽快
作者: kei_hk 時間: 2024-12-6 10:37
你唔用﹐大把人用。
每次過完關坐地鐵﹐3/4 人都係掃碼入閘的。
明明用深圳通本身有折扣﹐但係都係大量人用qr code入閘。
一個全新的市場﹐爭到一半市場﹐你都唔好話回報唔理想。
我唔會講用QR code坐車係最好的方法﹐但係以一個香港人去到大陸/澳門坐車﹐用乘車碼的確係一個簡單方便的方法。
一來唔需要去購單程票﹐二來亦唔需要處理外幣問題。
在選擇乘車時的支付方法﹐都會取一個方量的。
八達通-全國通﹐本身真係好的產品﹐但推出得太遲﹐已經被2大港版電子錢包捷足先機。
本身就應該想一些吸引性去吸客﹐但係佢又無這樣做。
使用上﹐都唔期望會有額外優惠﹐但唔好比其他對手更蝕才可。
居然這張卡要收 3%交易手續費﹐分明趕客。
真心講﹐今年年頭我都試過北上﹐過完關後手機漫遊極慢﹐一直load唔到數據﹐要等好耐才load到乘車票入閘。
那時我真係有考慮過買張深圳通 or 搵一些可以offline交易的方法。
之後﹐八達通推出這張全國通﹐本來我都想買。
反正﹐就算我不在國內使用﹐我都可以在香港當普通八達通使用﹐唔需要怕有RMB的餘額清唔到。
但一睇到要 3% 手續費﹐我真係無野好講﹐連唔少youtuber 都唔推介使用。
如果﹐八達通-全國通 肯取消這 3% 手續費﹐我會短期內去買番張﹐北上唔再用乘車碼。
講多樣野﹐香港人北上深圳坐車﹐(理論上)其實仲有一個快捷方法的。
只要大家有銀聯信用卡﹐係可以直接拍卡入閘/坐車的。
既可以offline的快捷交易﹐亦不用理會有人仔餘額問題﹐更加唔會有交易手續費*﹐只需計算標準的匯率。
*唔少銀行﹐對於銀聯信用卡於中港澳都免收跨境交易手續費。
所以﹐八達通-全國通﹐根本係好多競爭對手。
只要靠自己的品牌價格去吸引人使用﹐睇怕佢都唔慌多人會使用。
註 : 銀聯信用卡於深圳坐車﹐此乃銀聯的官網提及的。
事實係有youtuber 係拍片示範過。
但實際上﹐有部份人(包括我自己在內)係唔知什麼原因﹐係唔成功的。
作者: Danny.lin 時間: 2024-12-6 11:30
本帖最後由 Danny.lin 於 2024-12-6 11:56 編輯
今日交通聯合官方WeChat小程序「新互聯心互通」更新澳門交通聯合訊息，提及綫路適用為澳門「全部公交綫路」，並提及「無異地優惠」
(, 下載次數: 191)
R3已經提過喇，澳門輕軌啲閘機仲係用Windows系統，係好鬼耐之前嘅老系統「好像比XP仲老」，沒辦法增加QR core 同交通聯合模塊，最主要係放飛機太耐，原本考慮09年左右啟用嘅設備拖到19-20年先用，點跟得上時代的變遷啊！