hkitalk.net 香港交通資訊網

標題: 楊潤雄林世雄遭免職對巴士及公共交通政策會否有重大改變? [打印本頁]

作者: rheneaschoi 時間: 2024-12-5 10:45
標題: 楊潤雄林世雄遭免職對巴士及公共交通政策會否有重大改變?
本帖最後由 rheneaschoi 於 2024-12-5 11:04 編輯

正所謂「新人事新作風」，楊潤雄林世雄遭免職，未來的巴士及其他公共交通政策會否隨着換人而有重大改變?

楊潤雄林世雄遭免職　羅淑佩接任文體局　陳美寶掌運輸局

新華社報道，依照《中華人民共和國香港特別行政區基本法》有關規定，根據香港特別行政區行政長官李家超的提名和建議，國務院今日（5日）決定任命陳美寶為運輸及物流局局長、羅淑佩為文化體育及旅遊局局長，免去林世雄的運輸及物流局局長、楊潤雄的文化體育及旅遊局局長職務。在香港，李家超早上11時30分見傳媒。

來源: 香港01

https://www.hk01.com/%E6%94%BF%E6%83%85/1082130/%E6%96%B0%E8%8F%AF%E7%A4%BE-%E6%A5%8A%E6%BD%A4%E9%9B%84%E6%9E%97%E4%B8%96%E9%9B%84%E9%81%AD%E5%85%8D%E8%81%B7-%E7%BE%85%E6%B7%91%E4%BD%A9%E6%8E%A5%E4%BB%BB%E6%96%87%E9%AB%94%E5%B1%80-%E9%99%B3%E7%BE%8E%E5%AF%B6%E6%8E%8C%E9%81%8B%E8%BC%B8%E5%B1%80

作者: ryumew 時間: 2024-12-5 10:46
本帖最後由 ryumew 於 2024-12-5 11:12 編輯

炒得遲啦！單係處理郵碼得過且過，要個管理層等政府拍板又唔去做，嚴重影響香港聲譽同埋要等起晒樓有鐵路做法明顯過時

作者: GK9509@39A 時間: 2024-12-5 10:48

ryumew 發表於 2024-12-5 10:46
炒得遲啦！單係處理郵碼總係得過且過

所以搵返上手運輸署署長解決

作者: AVBWU291 時間: 2024-12-5 10:50
炒人同巴士有咩直接關係？

同埋已有討論
https://www.hkitalk.net/HKiTalk2/thread-2205246-1-1.html

作者: KC3555 時間: 2024-12-5 10:52
本帖最後由 KC3555 於 2024-12-5 10:53 編輯

楊腸就遲早被炒，平時衰咁多樣。反而兩個一齊炒，懷疑可能同啟德有關。至於政策，香港無自己的政策，只有國家頒下的政策。

作者: VK4642 時間: 2024-12-5 10:54
終於炒左楊潤雄，但估唔到由鏡粉做文體局局長
唔知新上任既兩位會交啲咩功課出黎

作者: EvilKo 時間: 2024-12-5 11:00

ryumew 發表於 2024-12-5 10:46
炒得遲啦！單係處理郵碼總係得過且過

咁Hellosss又唔洗問責？佢做到2023年8月喎

死因唔係過新曆年得罪班天龍人咩？

作者: ryumew 時間: 2024-12-5 11:13

KC3555 發表於 2024-12-5 10:52
楊腸就遲早被炒，平時衰咁多樣。反而兩個一齊炒，懷疑可能同啟德有關。至於政策，香港無自己的政策，只有國 ...

仲要嚴查有無外國勢力阻礙啟德發展，同有無從中貪污

作者: WR309 時間: 2024-12-5 11:14
呢個任命, 對紅公司來講唔係好事, 紅公司高層會好頭痛
之但係事過境遷人事已非, 會否偏重且看未來

作者: Jack2047 時間: 2024-12-5 11:15
新果位運輸局長好似冇乜料

作者: 08x200-201 時間: 2024-12-5 11:15
本帖最後由 08x200-201 於 2024-12-5 12:26 編輯

我覺得唔會，頂多就係按照個人作風去微調，無論麥當奴定KFC定係賽百味，換左局長都一樣想住得過且過

作者: WR309 時間: 2024-12-5 11:18

VK4642 發表於 2024-12-5 10:54
終於炒左楊潤雄，但估唔到由鏡粉做文體局局長
唔知新上任既兩位會交啲咩功課出黎 ...

任何人都可以有個人興趣
只是如果熟書兼做到嘢, 一樣勝任,
起碼PR上做得好先, 資助房屋執法上的確起到阻嚇作用,
搞易通行即使fallback, 叫做挨眼瞓都去落場視察,
畀外界睇到有冇心去做

作者: kay 時間: 2024-12-5 11:20
其實好似北都或明日大嶼都唔會話換人就全部野改/唔要

不過中途換人即係有野做得唔好

反而唔少人似乎想知林世雄衰D咩
可能過幾日有人係政情版會講

當年換走張建宗同劉江華都有大概死因

作者: ryumew 時間: 2024-12-5 11:26

Jack2047 發表於 2024-12-5 11:15
新果位運輸局長好似冇乜料

最好俾田二少做，收回九鐵主導起多幾條線路，政府管理九巴

作者: AVBWU291 時間: 2024-12-5 11:29

ryumew 發表於 2024-12-5 11:26
最好俾田二少做，收回九鐵主導起多幾條線路，政府管理九巴

呢條姓田嘅政棍根本唔識交通，以為自己做過九鐵主席就喺度口嗡嗡發表偉論。

作者: slsso 時間: 2024-12-5 11:38

Jack2047 發表於 2024-12-5 11:15
新果位運輸局長好似冇乜料

常秘升局長，明升實平調咋
點會叫無料

作者: rheneaschoi 時間: 2024-12-5 11:41
開緊記招

傳送門:
https://www.facebook.com/govnews.hk/videos/945020134228291/

作者: kay 時間: 2024-12-5 11:43
https://www.hk01.com/%E5%8D%B3%E ... n%E4%B9%96%E4%BB%94

呢篇有分析點解唔搵副局坐正局長原因

作者: qunow 時間: 2024-12-5 12:02

kay 發表於 2024-12-5 11:20
其實好似北都或明日大嶼都唔會話換人就全部野改/唔要

不過中途換人即係有野做得唔好

唔夠聽中央話？

作者: EX-TL 時間: 2024-12-5 12:14

VK4642 發表於 2024-12-5 10:54
終於炒左楊潤雄，但估唔到由鏡粉做文體局局長
唔知新上任既兩位會交啲咩功課出黎 ...

以後文、體、旅有咩宣傳, 明正言順用Ian代言或出席活動, 可以多多見面, 寓工作於娛樂.

作者: 08x200-201 時間: 2024-12-5 12:29

ryumew 發表於 2024-12-5 11:26
最好俾田二少做，收回九鐵主導起多幾條線路，政府管理九巴

duck不必

政府收起麥當奴叔叔同埋肯德基爺爺，該收車仍然會收車，該減班仍然會減班，該漲價申窮仍然會咁樣，因為庫房大旱

作者: rheneaschoi 時間: 2024-12-5 12:39

kay 發表於 2024-12-5 11:20
其實好似北都或明日大嶼都唔會話換人就全部野改/唔要

不過中途換人即係有野做得唔好

可能衰呢幾樣

運輸及物流局局長林世雄被免去職務。任內他曾推行三隧分流方案及港車北上等措施，其中「易通行」推出前，不少司機不滿安排倉卒、申請繁複，當局曾經押後實施日期。

林世雄任內亦面對工程項目超支，其中興建沙田T4號主幹路最新估價約71億元，遠超過2006年刊憲時提出的11億元，有立法會議員批評超支「離譜」，局方亦於財委會開會前夕，決定暫時撤回撥款申請，並增潤文件，將撥款申請壓縮至68.1億元，財委會最終在今年5月通過撥款。

另外，去年颱風「小犬」襲港期間，大批旅客滯留機場，不少人通宵等候的士，林世雄承認要優化機場的人流管理。去年除夕跨年煙花倒數後，有內地旅客即晚趕返內地，直通巴士站大排長龍，皇崗口岸迫滿人，當局事後進行檢討，並在農曆新年落實深圳灣口岸24小時通關，疏導人潮。

https://news.rthk.hk/rthk/ch/component/k2/1782191-20241205.htm

作者: leungky0528 時間: 2024-12-5 12:42

kay 發表於 2024-12-5 11:20
其實好似北都或明日大嶼都唔會話換人就全部野改/唔要

不過中途換人即係有野做得唔好

曾經話佢非政務官出身講野唔算叻
按特首說法應該更大問題係唔夠其他人主動吧
畢竟林世雄知名度都確實算偏低

作者: ENS529 時間: 2024-12-5 12:44

ryumew 發表於 2024-12-5 11:26
最好俾田二少做，收回九鐵主導起多幾條線路，政府管理九巴

有啲人好天真以為政府管理就會負社會責任做好交通，其實可以預期就算收回都只會玩外判，而所有嘢亦斬得更加手起刀落~

作者: EX-TL 時間: 2024-12-5 12:46

rheneaschoi 發表於 2024-12-5 12:39
可能衰呢幾樣

與其秋後算帳, 不如話係老嘢冇新意, 現屆政府要嘅係新意同年輕化, 唔要抱殘守缺.

作者: EX-TL 時間: 2024-12-5 12:51

Jack2047 發表於 2024-12-5 11:15
新果位運輸局長好似冇乜料

邊方面?

兩星期後澳門新班子上場, 且看文化體育旅遊交通運輸方面如何同鄰近地區做好接軌, 共同構建繽紛大灣區.

作者: 又加價 時間: 2024-12-5 13:36
文體旅、運輸物流呢啲民生嘢喺呢個時代點睇都係三煞位，我真係恭喜之外都唔知可以講咩去恭喜佢哋啦

作者: 西九小確幸 時間: 2024-12-5 14:17

leungky0528 發表於 2024-12-5 12:42
曾經話佢非政務官出身講野唔算叻
按特首說法應該更大問題係唔夠其他人主動吧
畢竟林世雄知名度都確實算偏 ...

做官主動咪仲死
好似環保條友垃圾徵費出晒名搞到民怨沸騰——對比前任大嘥鬼唔做唔錯
（但都竟然反而冇事

）

作者: kay 時間: 2024-12-5 14:25

西九小確幸發表於 2024-12-5 14:17
做官主動咪仲死
好似環保條友垃圾徵費出晒名搞到民怨沸騰——對比前任大嘥鬼唔做唔錯
（但都竟然反而冇事 ...

咁都要分開
究竟係局長唔掂
定下面D人唔掂

如果學葉劉講只係搵到人更好才能去擔當

但其實依家政策如果有問題
都會搵政務司出手跨部門統籌

作者: KG1428 時間: 2024-12-5 14:33

Jack2047 發表於 2024-12-5 11:15
新果位運輸局長好似冇乜料

新果位又係前運輸署署長

羅淑佩又係前運輸署署長
現在的公務員事務局都係運輸署出身

作者: tommy14D 時間: 2024-12-5 18:30

AVBWU291 發表於 2024-12-5 11:29
呢條姓田嘅政棍根本唔識交通，以為自己做過九鐵主席就喺度口嗡嗡發表偉論。 ...

佢自己係九鐵都搞到自己要辭職

作者: JX9097 時間: 2024-12-5 18:38

EX-TL 發表於 2024-12-5 12:46
與其秋後算帳, 不如話係老嘢冇新意, 現屆政府要嘅係新意同年輕化, 唔要抱殘守缺. ...

年輕化可能係嘅
新意？隨時死快啲

作者: BlackBird 時間: 2024-12-5 20:44
問題係個制度
人點變都無用

作者: 1234567 時間: 2024-12-5 23:23
嗰位鏡粉在位運輸署期間，雖然成功推行易通行政策，但似乎唔太識公共交通，先被調去做房屋局常秘

作者: kay 時間: 2024-12-6 07:01

1234567 發表於 2024-12-5 23:23
嗰位鏡粉在位運輸署期間，雖然成功推行易通行政策，但似乎唔太識公共交通，先被調去做房屋局常秘 ...

執行力/領導力行先

最佳例子
早幾年港台咪整頓
都係搵個門外漢搞
叮走梁家榮

作者: Quanta 時間: 2024-12-6 09:22
唔覺得會有咩分別。不過巴士加價可能會拖耐少少始終交接期新上任唔會上一嚟就被人鬧

作者: toyl 時間: 2024-12-6 09:36

西九小確幸發表於 2024-12-5 14:17
做官主動咪仲死
好似環保條友垃圾徵費出晒名搞到民怨沸騰——對比前任大嘥鬼唔做唔錯
（但都竟然反而冇事 ...

通過法例係前朝？應該話係大星星行得太前真係擺立法案上會，前朝議會內個個都知大把問題，但第一大黨都含淚舉手通過咗法例，到呢一任配套未齊都走去實施而出事……

作者: toyl 時間: 2024-12-6 09:39

KG1428 發表於 2024-12-5 14:33
新果位又係前運輸署署長

羅淑佩又係前運輸署署長

真心記唔起係邊一位將54區比政棍嘈一嘈就肯心軟攪亂檔？定兩位都唔係？

作者: kei_hk 時間: 2024-12-6 09:46

1234567 發表於 2024-12-5 23:23
嗰位鏡粉在位運輸署期間，雖然成功推行易通行政策，但似乎唔太識公共交通，先被調去做房屋局常秘 ...

你唔好理鏡粉是否真係熟悉某一個範疇﹐最少佢真係勤力﹐真係肯去睇資料去了解﹐再去想新方法去執行既有的政策。

正如佢在記者會所講﹐由政務官出身﹐本身就要每隔幾年調部門。

大家亦應該明白﹐每次調去新部門﹐總不會每次都去一個熟悉的範疇。
要成功上位就要靠自己努力﹐自己去搵資料去了解相關部門的範疇﹐再去與團隊合作﹐帶出新火花去執行已有的政策。

你唔去努力﹐一樣可以hea做﹐下屬話乜就乜﹐唔見有大問題的做象皮圖章。
只要你唔會唔好彩﹐撞正一些大鑊野發生就可以。

現在佢去做文體局﹐又睇下追星經驗﹐能否幫到佢接下來的挑戰。

如果佢再一次做到成績出來﹐將來應該仲有得上位。

作者: leefung 時間: 2024-12-6 10:23

kei_hk 發表於 2024-12-6 09:46
你唔好理鏡粉是否真係熟悉某一個範疇﹐最少佢真係勤力﹐真係肯去睇資料去了解﹐再去想新方法去執行既有的 ...

我覺得佢有機做特首...只係會唔會變林鄭2.0咁解...

作者: kei_hk 時間: 2024-12-6 10:39

leefung 發表於 2024-12-6 10:23
我覺得佢有機做特首...只係會唔會變林鄭2.0咁解...

有無條件做特首就言之過早。

不過﹐有些人真係有思維去做最高領導。

亦有些人真係好做得野﹐但只係做執行方面。
去思想新政策就能力有限。

777 就肯定係後者。

作者: cky 時間: 2024-12-6 21:13
就算唔理係咪只有國策沒有港策
香港政府官員體制就係政務官出身+四年換一次位
所以熟唔熟交通唔係首要嘅事
除非有個巴迷做到政務官級數可以玩調部門做決策層
否則只有不斷 FF 有個交通迷會做到運輸局局長

作者: leungky0528 時間: 2024-12-6 21:32

toyl 發表於 2024-12-6 09:36
通過法例係前朝？應該話係大星星行得太前真係擺立法案上會，前朝議會內個個都知大把問題，但第一大黨都含 ...

環保嗰單更大問題在於配套「落實」低估左人力物力需求
唔去掂就無人會主動去理，下次仲會響度俾人抽秤
咁都見到就算法例擱置，個局長都知衰不停追番進度

相對郵輪交通其實暗地裡已經衰左第二三次
仲有堆盛事審批又係衰左兩隻手數唔盡嘅次數
比較起嚟，有啲人下台嘅時機係應該早啲

作者: jpoon 時間: 2024-12-7 00:18

kei_hk 發表於 2024-12-6 10:39
有無條件做特首就言之過早。

不過﹐有些人真係有思維去做最高領導。

777只係肯做嘢，只不過會做到爆鑊，之前發展局都夾硬推行唔少嘢啦，唔代表佢做到嘢

作者: tonyng 時間: 2024-12-7 00:36
呀蔡生，其實你除咗 quote content farm，同埋你自己做埋 content farm 之外，仲有啲咩 contribution?
唔想淨係轉載篇新聞，你就求其整個萬能key命題出嚟：
楊潤雄林世雄遭免職對巴士及公共交通政策會否有重大改變?
楊潤雄林世雄遭免職對鐵路及公共交通政策會否有重大改變?
楊潤雄林世雄遭免職對小巴及公共交通政策會否有重大改變?
楊潤雄林世雄遭免職對渡輪及公共交通政策會否有重大改變?
:
:

作者: eternalflame 時間: 2024-12-7 07:05

tonyng 發表於 2024-12-7 00:36
呀蔡生，其實你除咗 quote content farm，同埋你自己做埋 content farm 之外，仲有啲咩 contribution?
唔想 ...

有，因為可以賺iPower

作者: samuelho668 時間: 2024-12-7 10:41

kei_hk 發表於 2024-12-6 09:46
你唔好理鏡粉是否真係熟悉某一個範疇﹐最少佢真係勤力﹐真係肯去睇資料去了解﹐再去想新方法去執行既有的 ...

有追星經驗好事黎, 我估佢起碼有去過睇演唱會, 日後管好場地安全, 起碼唔好再跌螢幕
以前D官分分鐘整個人生一場演唱會都從未去過

作者: VOLVO‧MV6593 時間: 2024-12-7 12:02
本帖最後由 VOLVO‧MV6593 於 2024-12-7 12:04 編輯

tonyng 發表於 2024-12-7 00:36
呀蔡生，其實你除咗 quote content farm，同埋你自己做埋 content farm 之外，仲有啲咩 contribution?
唔想 ...

呢位人兄除左影首航,做行記同做農場農夫之外
都無咩作為架啦

contribution咩野黎,食得架?

作者: leungky0528 時間: 2024-12-7 14:53

samuelho668 發表於 2024-12-7 10:41
有追星經驗好事黎, 我估佢起碼有去過睇演唱會, 日後管好場地安全, 起碼唔好再跌螢幕
以前D官分分鐘整個人 ...

世代問題
前十年真係有人會放過成日去睇演唱會或表演嘅官員？
以至外遊放假，依家都唔多想放過

康民/食環/環保都係拆左十年先有專科人才幫手做番啲貼地野
文化體育同有啲關係嘅智慧運輸，要再等下

作者: kay 時間: 2024-12-7 15:25
其實睇返其他人評價
羅淑佩係執行力領導力OK先可以不斷向上爬
人地比任務佢做
以前可能做唔到但佢做到咪有分加

其實出黎打工都係
隨時做下屬知道既野多過D ger
但人地做得ger就係management角度睇成條TEAM
管好條TEAM未必需要某D範疇好叻
而且可以學得返
但好多時就係要帶領條TEAM去符合top management要求
或者按top management要求去做野

作者: eternalflame 時間: 2024-12-7 18:05

kay 發表於 2024-12-7 15:25
其實睇返其他人評價
羅淑佩係執行力領導力OK先可以不斷向上爬
人地比任務佢做

Ian嫂係成個cabinet入面算係交到KPI
佢係海庭個陣似乎唔係特別標青
但轉左過去房屋局，打撃housing abuse個度真係有數返到
我係老細就緊係data speaks itself啦

作者: jpoon 時間: 2024-12-7 21:42

samuelho668 發表於 2024-12-7 10:41
有追星經驗好事黎, 我估佢起碼有去過睇演唱會, 日後管好場地安全, 起碼唔好再跌螢幕
以前D官分分鐘整個人 ...

以前都有唔少官員去聽音樂會嘅唔識嘅google下蕭烱柱、徐英偉啦

作者: kay 時間: 2024-12-7 22:08

eternalflame 發表於 2024-12-7 18:05
Ian嫂係成個cabinet入面算係交到KPI
佢係海庭個陣似乎唔係特別標青
但轉左過去房屋局，打撃housing abuse ...

5000個單位=一條駿洋前無古人

咁抵佢升

不過人又好得意
有D野岩你做但有D野都可以唔岩你做
有時升左先發現唔岩

世雄本身係運輸工程
不過你叫佢去做解說就好似勉強佢
偏偏佢下面又甩過轆而且都交代得唔好

潤雄直頭有人話佢唔抵
比人話佢愛國先可以跳上去(教育局個D)
然後話佢做唔到野叮走佢就唔係幾公平

不過用人明顯要求高左
但亦有人話羅淑佩呢類人才其實唔多

作者: EX-TL 時間: 2024-12-9 12:17
本帖最後由 EX-TL 於 2024-12-9 12:18 編輯

jpoon 發表於 2024-12-7 21:42
以前都有唔少官員去聽音樂會嘅唔識嘅google下蕭烱柱、徐英偉啦

不過, 單純入場聽音樂會同追星係兩回事.

某台新聞播番楊前局長任內曾大大聲在電台話「唔知點樣搵到佢(某外國星)」, 而羅新任局長有追星, 至少在明星行蹤上知道有門路, 單單在盛事經濟方面, 羅局長的經驗已足以令政府中人有更大FF空間.

作者: jpoon 時間: 2024-12-9 23:42

EX-TL 發表於 2024-12-9 12:17
不過, 單純入場聽音樂會同追星係兩回事.

某台新聞播番楊前局長任內曾大大聲在電台話「唔知點樣搵到佢(某 ...

局長係做統籌、監察，如果搵明星都要佢出面，咁下面啲人請嚟做乜

作者: Toz 時間: 2024-12-10 01:06

cky 發表於 2024-12-6 21:13
就算唔理係咪只有國策沒有港策
香港政府官員體制就係政務官出身+四年換一次位
所以熟唔熟交通唔係首要嘅事

交通迷做局長管交通分分鐘一年比人媽落台

作者: Toz 時間: 2024-12-10 01:12

kay 發表於 2024-12-7 22:08
5000個單位=一條駿洋前無古人

咁抵佢升

收公屋係D得罪人既野，推得郁下屬去做到咁多成績，內部外部都無爆大鑊，點睇都比其他D8標青

作者: ma212223 時間: 2024-12-10 04:23
同交通無關
但比較有興趣知咁免職
仲有冇長俸攞

無嘅話
起碼仍然受惠60歲兩蚊😂

歡迎光臨 hkitalk.net 香港交通資訊網 (https://www.hkitalk.net/HKiTalk2/)