hkitalk.net 香港交通資訊網

標題: 建議開辦SP38 啟德體育園→置富花園 [打印本頁]

作者: 757 時間: 2025-1-26 02:30
標題: 建議開辦SP38 啟德體育園→置富花園
現時啟德體育園缺乏任何前往南區的散場服務，現有路線亦未能覆蓋銅鑼灣至北角一帶。

為填補服務漏洞，建議城巴開辦SP38線，由啟德體育園單向開往置富花園，途經東區海底隧道，抵達英皇道後走線及停站位置與38線相同。

途經：宋皇臺道、承啟道、啟成街、啟華街、宏光道、啟祥道、啟福道、觀塘繞道、鯉魚門道、東區海底隧道、東區走廊、民康街、英皇道、高士威道、伊榮街、邊寧頓街、怡和街、軒尼詩道、堅拿道巴士專用綫、堅拿道東、禮頓道、摩理臣山道、黃泥涌道、香港仔隧道、黃竹坑道、香港仔海傍道、石排灣道、華富道、華景街、華林徑、華富道、石排灣道、薄扶林道及置富道

停站：啟德體育園、東區海底隧道巴士轉乘站、琴行街、美麗閣、新時代廣場、清風街、香港中央圖書館、銅鑼灣－希慎廣場、堅拿道巴士專用線、跑馬地馬場、香港仔隧道巴士轉乘站、黃竹坑遊樂場、南朗山道、勝利工廠大廈、逸港居、香港仔海濱公園、香港仔魚類批發市場、田灣街、華富邨華樂樓、華富商場、華富邨華清樓、培英中學、華富（北）、余振強紀念第二中學、置富徑、置富花園1-7座、置富

收費：$45

作者: cky 時間: 2025-1-26 05:04
SP 線都係一出啟德就去指定區域／大型轉車站作為首站
你仲要慢轆英皇道高士威道先入南區去做所謂北銅的「空缺」

去小西灣條SP11收$30已經貴，你仲要收$45，又要標奇立異整乜鬼SP38號
抵啲人寧願去轉幾次車都坐鐵都唔坐你架車啦

不設實際 + 不知所謂的建議

作者: JF6839@88K 時間: 2025-1-26 11:20
樓主，你唔係最鐘意叫人善用港鐵㗎咩？你應該叫佢哋去啟德站呀嘛，仲開多條線嚟做咩

作者: 757 時間: 2025-1-26 11:37

JF6839@88K 發表於 2025-1-26 11:20
樓主，你唔係最鐘意叫人善用港鐵㗎咩？你應該叫佢哋去啟德站呀嘛，仲開多條線嚟做咩 ...

我叫人善用港鐵係講緊一啲同港鐵服務範圍重疊嘅路線，例如沙田89B真係完全可以比港鐵取代，唔係講緊啲冇鐵嘅地方喎。

38係近年新巴城巴客量最高嘅路線之一，放工時間後長期開個位數班次，原因不外乎香港仔、華富、置富都冇地鐵覆蓋，要搭地鐵就要去到黃竹坑接駁巴士或者小巴。咁既然點都要搭路面交通工具，不如一程巴士直達好過。所以38一直有龐大需求，建議嘅SP38都唔難頂閘，同九巴嘅SP3同樣道理。

至於$45嘅收費，係參考城巴車費等級表最高可收取$49.7，亦都平過同樣係城巴過海旅遊路線（仲要車程較短）嘅H1、H2及H2K。

作者: 757 時間: 2025-1-26 11:43

cky 發表於 2025-1-26 05:04
SP 線都係一出啟德就去指定區域／大型轉車站作為首站
你仲要慢轆英皇道高士威道先入南區去做所謂北銅的「空 ...

首先，我建議嘅SP38一出啟德之後的確係以大型轉車站為首站

其次，SP38號碼並非「標奇立異」，而係用最簡單嘅方法向乘客表達條線同38同路，最快讓乘客了解條線嘅服務範圍

SP3嘅頂閘情況已經清楚顯示，無論條路線幾兜都好，只要係服務到地鐵覆蓋範圍以外並且一程直達，一樣大把人搭。如果真係唔夠人搭，可以試下減價到$30-35左右先，真係仍然冇客先至取消條路線。

歡迎光臨 hkitalk.net 香港交通資訊網 (https://www.hkitalk.net/HKiTalk2/)