hkitalk.net 香港交通資訊網

標題: [多圖]CX ZRH->HKG [打印本頁]

作者: rickywk 時間: 2025-2-16 22:19
標題: [多圖]CX ZRH->HKG
事隔差唔多五年再次踏上因航長途航班，表現令人非常失望。

ZRH lounge係好多間airlines share，而且連廁所都無，要用公家廁所，所以我去觀景台打飛機算。

中午由ZRH起飛，日間長途航班，算係因航歐洲回程好常見時間。
有好有唔好，先講唔好處，返到香港係較為難適應jet lag，我足足lag咗一星期。
好處，就係由歐洲去機場時間安排方便

日頭飛，加上天氣好，由ZRH起飛，風景非常靚

Meal Menu

Inflight meal係成班機表現最差一個部份之一，pre-boarding已經無放樽裝水，飛到半路真係頂唔順要問先有。

第一餐正餐口味尚可，份量非常非常不足。
第一餐正餐後，好似無食過野落肚咁，想試小食burger或者麵，竟然唔夠派！

Ok，咁杯麵呢？都無！Y PY全滿，應該無餐剩，連食Y PY剩餐嘅機會都無埋。

咁唯有食餅同蛋糕仔

無錯，呢到就係正餐，唔計甜品嘅全部(唔知點解無影到甜品)

個cabin又set到只有20度，我已經著住件長袖衫，加厚身風褸加冚晒佢套bedding+被都好叉凍，叫幾次set高少少溫度，我睇住FP篤，但佢竟然篤高galley個溫度。
講開cabin crew，呢班機cabin crew又係表現非常失望，又凍又餓去Door 2 galley搵食，我有先講"Hello~"當值位cabin crew招呼都唔打，你有你搵食，佢有佢篤iPad，之後仲走埋，完全當客透明。

四年半前又係長途歐洲機，來回喺galley搵野食，cabin crew都有傾有講，起碼唔係當你透明。
2019年加埋武漢肺炎大裁員，因航呢個招牌真係無言。

之後我走返去Door 1再搵野食，FP同IM反應先係正常，起碼有interactions先。

香港IM話已經落咗report話正餐份量唔夠，但我覺得呢個係因航系統性問題，因為我之後坐香港出發中程航班又係份餐非常差。
因航係換晒靚靚嘅餐具杯碟，但換湯不換藥，解決唔到問題。

應該係土耳其上空

中亞夜景星空

到香港前兩個鐘嘅早餐，西式早餐終於似d樣

日出，但歐洲時間係半夜，其實係好眼訓

經過今次比較，若果唔係Qatar鎖位鎖得誇張，如果唔係我應該唔會再坐因航來往歐洲

作者: slsso 時間: 2025-2-17 10:50
long haul 任何熱食snack 都提供唔到？

寫信投訴啦，攞返miles compensation 都好

作者: rickywk 時間: 2025-2-17 21:39

slsso 發表於 2025-2-17 10:50
long haul 任何熱食snack 都提供唔到？

寫信投訴啦，攞返miles compensation 都好

9000 miles，即係900蚊

商務位嘅小食，其實會同正餐mix，例如正餐有嘅麵，若果有剩就會當埋小食serve。
然後相信其他pax唔夠飽，一早reserve晒小食、burger。

杯麵呢，我全程都聞唔到杯麵味，真係派晒定根本無派過只有班crew先知。

作者: S3BL100 時間: 2025-2-17 23:11
之前見師兄話 ZRH 上餐唔掂，我仲以為係 LX 唔掂，原來係 CX，睇完之後覺得係 CX 問題多過 ZRH 供應商本身問題

上網見過 LX trip reports 普遍評價好好多

作者: ~誰@359~ 時間: 2025-2-18 21:39
歐洲返香港除左LHR之外應該全部都係中午出發返？我自己真係點都情願LHR回頭可以坐夜D既機返香港適應

作者: rickywk 時間: 2025-2-19 21:52

~誰@359~ 發表於 2025-2-18 21:39
歐洲返香港除左LHR之外應該全部都係中午出發返？我自己真係點都情願LHR回頭可以坐夜D既機返香港適應 ...

係，因為可以用盡機隊做生意時間，清晨到歐洲，3-4個鐘後飛返香港，再清晨到香港，然後可以做轉亞洲中短程，然後又loop一次

作者: rickywk 時間: 2025-2-19 22:01
本帖最後由 rickywk 於 2025-2-19 22:03 編輯

S3BL100 發表於 2025-2-17 23:11
之前見師兄話 ZRH 上餐唔掂，我仲以為係 LX 唔掂，原來係 CX，睇完之後覺得係 CX 問題多過 ZRH 供應商本身 ...

返到香港一段時間後，我同一位ex-crew吹水傾開，佢話無pre-set樽裝水同唔夠餐好大機會係當地catering甩漏/偷懶，機場唔太夠橋或者泊橋費貴，隻機落客後就會推去outer bay做整理，呢個時候就會上埋餐。

整理完畢後先會再推埋橋，而呢個時候cabin crew先做pre-flight check，即使即時發覺唔夠餐、無set水，你叫catering補，因為無catering車喺附近，補到你要走都無影，咁就焗住飛十幾個鐘。

呢樣真係經常發生，所以佢話做客嘅一定要落機再投訴

作者: Ricky403 時間: 2025-2-22 20:30
CX近期啲餐又真係份量偏少，無喺lounge打底真係會餓半程🤣冷氣又開得凍有啲crew又唔啋你變咗真係各方面嘅飢寒交迫🤣
不過J餐已經多咗份湯同芝士拼盤頂下肚，無杯麵似乎係Y嗰邊災情太嚴重，隨時你J餐食完，Y嗰邊已經派哂有嘅杯麵

作者: Waiyin12 時間: 2025-3-1 17:31

rickywk 發表於 2025-2-19 21:52
係，因為可以用盡機隊做生意時間，清晨到歐洲，3-4個鐘後飛返香港，再清晨到香港，然後可以做轉亞洲中短 ...

因航歐洲線計，得 LHR 係有夜機返香港，同時係佢有 2/3 班機日間飛去 LHR
其他航點 red-eye 飛去歐洲，中午飛返香港，基本上係將外站停留時間縮短

印象中日頭機香港飛歐洲，並唔係太受歡迎（之前 OS / KL 的時間）
反而鄰近嘅大陸、日本，比較多機係日頭飛歐洲，夜晚回程

作者: DIH 時間: 2025-3-3 12:54

Waiyin12 發表於 2025-3-1 17:31
因航歐洲線計，得 LHR 係有夜機返香港，同時係佢有 2/3 班機日間飛去 LHR
其他航點 red-eye 飛去歐洲， ...

香港日間過歐洲，出發蝕一日假、去到當地又已經黃昏；
歐洲夜機走，午間到香港又係蝕一日假，香港人計到盡，梗係唔受歡迎。

但如時間充足的話，呢種時間比較容易調校 jet lag 同埋可以睇到中途景色。

歡迎光臨 hkitalk.net 香港交通資訊網 (https://www.hkitalk.net/HKiTalk2/)