hkitalk.net 香港交通資訊網

標題: 智軌的去留 [打印本頁]

---

作者: cx838    時間: 2025-6-10 09:44
標題: 智軌的去留
現在香港政府也常講想用智軌這種電動巴士來處理洪水橋的交通，這是否一個好的選擇呢？
在過去的一年，我去過湖南株州，四川宜賓以及上海的滴水湖去看看各個地方的處理手法。
其中上海滴水湖的那三條智軌，已經是停用狀態，不會有恢復的一天。而內地把智軌定為
中載客量路線，即和掛接巴士，雙層巴士同類。

宜賓和株州我都是路經，所以當時沒有拍照，但可以分享一下乘坐的感覺和與工作人員和居民的
對話。

四川宜賓，居民和工作人員都吐嘈這個智軌系統。對其他道路使用者來說，他們駕車要避開這些
智軌，不會貼近他。外來的車常有和智軌之間的交通意外。有的時候，智軌並不會意識到有其他
道路使用者進入有關行駛的道路，進而發生意外。這個也是智軌的盲點。而工作人員現在在路口，
都會額外小心。只是因為政府投資了太多錢進去，而城市又不能建地鐵，所以硬著頭皮繼續使用。

湖南株州的智軌，其實於一個較郊外的地方行駛，面對外來交通不多，客量就更加少。在經過
路口時，也是需要人工操作，以避免意外發生。

上海的，就分為電動智軌和氫氣智軌。前者所面對的問題，和宜賓，株州相若，而氫的那兩條線，
連營運上安全問題都出現。結果後者行左幾個月就要退役，怕會發生像韓國那樣的重大意外。
上海的已改用圖中的巴士，左方開門的巴士營運。有興趣的版友，想尋找智軌，最容易係宜賓西
高鐵站就有，也是全國唯一一條有一點客的智軌。株州的就要在普鐵站轉巴士前往。株州的離
火車站幾公里路。最遠的是上海那個，離開上海站有80 公里，坐地鐵要1.8小時左右才會到達。

智軌和雲巴較成為功的例子，都是在一些旅遊區的服務，超低客量，超短途才適合。長過5公里
已經開始出現問題了。

香港是否需要因某些原因，要洪水橋於80 年代食輕鐵一樣，去食一些好睇唔好用的智軌/雲巴呢？

---

作者: hellomato    時間: 2025-6-10 10:18


我一直覺得，智軌不過係變種無軌電車+BRT。
國內法例將巴士和“傳統無軌電車”嘅長度限制至單鉸接18米。
假如想玩雙鉸接（25~30米），就只能用“智軌”嘅名義突破限制。
（雖然智軌設計出發點，係想玩有軌電車嘅城市，可能無錢or路面唔適合整路軌）
換句話說，玩智軌嘅參照，應該還要包括瑞士、巴西等玩雙鉸接電車/BRT嘅國家地區；而且睇片國外雙鉸接都真係好靈活，可以穿過大街小巷。
但係香港真係從無玩過鉸接巴士，要專門搵人train點揸。（PS. 我覺得啟德玩智軌好似好過雲巴）

---

作者: superfung500    時間: 2025-6-10 10:27

去食一些好睇唔好用的智軌/雲巴呢？

其實連睇都唔好睇

---

作者: DIH    時間: 2025-6-10 14:24


洪水橋會有專用路面，應可避免一些問題。呢套系統應該可以做到快過巴士、成本低過輕鐵，新發展區試下無妨。
https://www.hk01.com/%E7%A4%BE%E ... 9%E5%AE%9A%E6%A1%88

香港只要不斷起樓，客量我唔太擔心，可能要輔以行政措施，例如限制一般巴士路線。專用路面有個後着係，假如將來系統不太適用，可以開放畀其他車輛行駛，唔使好似輕鐵咁蝕住做。

---

作者: 魔雪巴士頻道    時間: 2025-6-10 17:13

DIH 發表於 2025-6-10 14:24
洪水橋會有專用路面，應可避免一些問題。呢套系統應該可以做到快過巴士、成本低過輕鐵，新發展區試下無妨。 ...

限制一般巴士路線=輕鐵專區2.0?

---

作者: cx838    時間: 2025-6-10 19:16
其實洪水橋個邊，用BRT已經足夠，跟線停站咪得，加埋巴士線便可。智軌/雲巴其實只適用於觀光或者四線縣城用還可，但香港應該借鏡上海，不該用雲巴/智軌這些加長版巴士黎玩市民。正𤴓經經用巴士專線，或者架空輕鐵解決，用第三軌半充電模式，已經解決好多問題

---

作者: lzengalau    時間: 2025-6-10 21:26


株州智軌, 因為佢係溝車行, 即株州公交A2線有巴士版, 兩班智軌之間有兩或三班巴士攝中間玩聯合班次, 所以好難講佢好唔好客.

株州智軌都唔算係郊外線, 高鐵株州西站搭巴士去佢西面終站大約十零廿分鐘, 而且智軌喺株州站上面過, 果頭係株州城區中心.
https://www.instagram.com/reel/D ... sh=MzRlODBiNWFlZA==
https://www.amap.com/search/busl ... n=1&noreplace=1

---

作者: cx838    時間: 2025-6-11 09:39

lzengalau 發表於 2025-6-10 21:26
株州智軌, 因為佢係溝車行, 即株州公交A2線有巴士版, 兩班智軌之間有兩或三班巴士攝中間玩聯合班次, 所以好 ...

我上次坐，成段株州站轉比巴士行，智軌唔經。其實株州人民都唔多鐘意智軌，寧願要普通巴士。

---

作者: lzengalau    時間: 2025-6-11 21:28

cx838 發表於 2025-6-11 09:39
我上次坐，成段株州站轉比巴士行，智軌唔經。其實株州人民都唔多鐘意智軌，寧願要普通巴士。
...

我估你只係喺河東段營運時期搭.
https://baike.baidu.com/item/%E6 ... A%E8%BB%8C/56081504

個人覺得智軌車廂冷氣好過巴士, 車廂闊少少應詃係優點, 亦無採用內地其他輕軌既車內付款以免增加上落車時間兼駐車查票員.

---

歡迎光臨 hkitalk.net 香港交通資訊網 (https://www.hkitalk.net/HKiTalk2/)

Powered by Discuz! X3.4