hkitalk.net 香港交通資訊網

標題: 新界居民同市區居民對地名認識嘅分別 [打印本頁]

作者: fukuhoku817 時間: 2025-6-18 02:37
標題: 新界居民同市區居民對地名認識嘅分別
（頭盔：以下內容純屬本人極度主觀之意見，毫無數據、論文等作為資料來源）

傾得新界各區嘅話題多，發覺新界居民同市區居民喺地名呢方面可能會有唔同嘅諗法：就係：
市區居民好多時候會將地名同地鐵站名完全掛鈎；但新界居民好少會咁做

即係將一個地名局限喺同名鐵路站附近嘅範圍，例如旺角就只係旺角站周圍，太子站都唔算旺角…等等。

事關我發覺好多時有人，尤其是係市區居民會咁做。例如喺大多數沙田居民眼中，「沙田」呢個地名係包含南至顯徑，北至馬場／石門嘅範圍，但有啲市區居民可能會將「沙田」呢個地名局限於沙田站一帶，其餘火炭／大圍／城河東全部唔算沙田。又或者屯門居民會覺得「屯門」呢個地名肯定包括南至屯門碼頭，北至兆康（甚至係藍地／泥圍）一帶，但我亦都見過住市區嘅淨係覺得屯門站一帶先算係屯門，兆康／屯門碼頭都唔係。更甚嘅係見過有人問「點解大埔泳池明明喺太和，但係叫大埔？」呢個大埔居民肯定問唔出兼答唔到嘅問題。

純屬本人9up

作者: kay 時間: 2025-6-18 07:02
唔係認識問題
而係最基本廣義同狹義問題

作者: chowchi 時間: 2025-6-18 09:21
的確 in general 住巿區既人個地區概念上係被地鐵站名 bound 咗
住新巿鎮既, "巿鎮" 意識係強好多

作者: GW5878 時間: 2025-6-18 09:33
天水圍先係經典，成個站都唔係天水圍範圍內, 有d人仲以為屏山/廈村果堆棕地都係屬於天水圍

作者: MP7697 時間: 2025-6-18 11:05
因爲龜龜係市區地鐵站命名夾硬扭曲咗大衆對地名認知

eg 荔枝角長沙灣九龍灣牛頭角等等

久而久之市區一啲認識地名傳統的人發現同 "龜龜地名派" 人士溝通不能，但"龜龜地名派" 人士越來越多，咁咪唯有跟咗龜龜派

作者: kei_hk 時間: 2025-6-18 12:36
本帖最後由 kei_hk 於 2025-6-18 12:37 編輯

或者可以用發展歷史因素去講的。

就係以前市區化/人口發展低﹐於是每一個分區都係好大。
其後市區先有MTR﹐而MTR的車站又比較密﹐加上MTR車站會成為一個地標﹐於是分區就會變得仔細。

給大家一個例子﹐廿多年前才會見到這個完整的例子﹐今天只看到一半的情況。

大家去太子地鐵站A出口﹐你就會發覺背後就係旺角警署﹐出口會對正一家中資銀行(那些年尚未併入中銀﹐現時此位置仍然係中銀)﹐銀行大大隻字寫住深水埗分行。你究竟在那一區?

這個怪現象﹐可以解釋係運動場道就係最初的深水埗及旺角的分界線。
於是警署就係旺角區﹐銀行就係深水埗區﹐未有地鐵之前﹐根本唔會有人講太子這個分區。
地鐵站開通後﹐車站慢慢成為地標﹐大家就會慢慢改口講係太子區﹐就出現上述的例子。

作者: s3n370 時間: 2025-6-18 19:34

kei_hk 發表於 2025-6-18 04:36
或者可以用發展歷史因素去講的。

就係以前市區化/人口發展低﹐於是每一個分區都係好大。

呢區大部分嘅商戶都叫自己做旺角/太子，同官方區界貼近。
有無其他民間/官方舊日嘅說法，係可以說明條界响運動場道呢？

當年銀行會以分行網做賣點，
個人懷疑叫呢間分行要叫深水埗分行，係呢十幾間中資行合併前，
各自嘅分行網都唔大。
所以要有策略咁命名造到“區區有分行”。

反而荔枝角道/大南街一帶，官方條界雖然係界限街。
但建築、規劃都係近番深水埗一邊，變佐界限界以南，
入佐油尖旺區嘅商住戶，除咗官方嘅旺角、地鐵站嘅太子外，
稱自己係深水埗或者再近海邊嘅大角咀都有。

作者: s3n370 時間: 2025-6-18 19:40
本帖最後由 s3n370 於 2025-6-18 11:58 編輯

一D較另類嘅認知：
位處黃大仙一帶嘅教會，無論命名還是正式地址，
一般會用番“竹園”呢個舊稱。

唔知有無例外，或者類似嘅例子呢？

又例如以前嘅教科書，仲會教“九龍”同“新九龍”之別。而家除佐售樓說明書同地契外，仲有無人用呢？

作者: s3n370 時間: 2025-6-18 19:46

kay 發表於 2025-6-17 23:02
唔係認識問題
而係最基本廣義同狹義問題

唔止廣義同狹義啦，剩係呢個帖對於點理解一個地方都幾種睇法，
個個理解略有出入有乜奇？

作者: kay 時間: 2025-6-18 20:54

s3n370 發表於 2025-6-18 19:46
唔止廣義同狹義啦，剩係呢個帖對於點理解一個地方都幾種睇法，
個個理解略有出入有乜奇？ ...

咁#1 D例子的確係
如果係你地引伸出去
SORRY只係你地離左題

作者: SSBT 時間: 2025-6-20 14:29

s3n370 發表於 2025-6-18 19:40
一D較另類嘅認知：
位處黃大仙一帶嘅教會，無論命名還是正式地址，
一般會用番“竹園”呢個舊稱。

哩個似乎係宗教原因

參考
https://evchk.fandom.com/zh/wiki ... D%E4%BA%8B%E4%BB%B6

歡迎光臨 hkitalk.net 香港交通資訊網 (https://www.hkitalk.net/HKiTalk2/)