hkitalk.net 香港交通資訊網

標題: 巴士停站位置意見 [打印本頁]

作者: cruisesnet    時間: 2025-8-19 00:01
標題: 巴士停站位置意見
本帖最後由 cruisesnet 於 2025-8-19 00:07 編輯

想問下大家意見,
如果一個不熟路既乘客,在一個繁忙車站(有多個站牌既長型巴士站),打算坐一條非熱門路線,
原來有畫排隊線但因離站牌近15米以外而未有為意,
當該線巴士到站時,因前面有另一架巴士停站阻擋視線,
該路線巴士在後方位置(事後得知剛好是該排隊線位置)落客後,
當前方巴士離開時,在該線巴士準備離站但仍未離開巴士站劃線範圍時,
乘客在站牌位置清楚舉手示意上車,
司機應否在再次停站讓該乘客上車?



作者: Ricky403    時間: 2025-8-19 00:06
唔好話停唔停正畀客上,
某啲線隨時見無人落車而有其他巴士埋緊站/頂住埋站就索性中線/快線飛站,
九巴城巴都領教過
作者: cruisesnet    時間: 2025-8-19 00:07
Ricky403 發表於 2025-8-19 00:06
唔好話停唔停正畀客上,
某啲線隨時見無人落車而有其他巴士埋緊站/頂住埋站就索性中線/快線飛站,
九巴城巴 ...

因為有人落車無飛站

作者: EX-TL    時間: 2025-8-19 07:30
彩虹至觀塘沿線東行方向大把呢種情況, 就好似2#所講, 冇人落車隨時飛站, 遞手都冇用.

就算有人落車, 我行到去架X42C上車門都可以唔理, 分兩次敲門, 佢畀油再急煞畀我上車都有, X42C明明已經係全日線, 仲唔肯改番站位去全日線度.

另外啲例子就如樓主, 有人落車但車停在後一至兩個車位, 比如距離原站位12米後或24米後, 乘客見到落緊客唔行過去當然係遞手等架車埋嚟先上車, 面試唔係就咁走過去上車, 除非離遠見到司機已經打開上車門, 觀塘泳池東隧線早繁經常因為太多新界路線落客, 未停正排隊線(大約距離6米左右)就要落客甚至連埋上客, 呢啲時間乘客自己醒水啦, 但有啲司機寧願唔上客住, 再停正排隊線先上客, 其實後者會正確教導到乘客唔會盲中中見車就衝過去上車, 係好習慣, 當然有人會覺得咁係浪費時間, 尤其我眼中嘅新界路線司機同乘客.

見過多次, 有人係會專登喺觀塘泳池截例如258A 258S 277A 277P 6P 89P X42P呢類特別線去藍田站, 好多時落完客司機諗住走人, 唔覺意飛咗站, 唔知東九係咪特別容易有呢種情況, 自己都試過, 新界車出到嚟九龍個價錢牌同市區車差唔多  但速度多數快得多, 冇唔搭嘅理由.

試過牛頭角下邨由40轉42C返觀塘泳池, 架42C冇人落中線飛站, 投訴上去猛問我有冇遞手有冇遞手, 我大聲認我冇遞手, 因為幾架巴士成幅牆停緊站, 架車中線飛走咗, 遞嚟畀邊個睇呢, 我寸番佢!

作者: Quanta    時間: 2025-8-19 09:22
EX-TL 發表於 2025-8-19 07:30
彩虹至觀塘沿線東行方向大把呢種情況, 就好似2#所講, 冇人落車隨時飛站, 遞手都冇用.

就算有人落車, 我行 ...

然後狗巴投訴組就會賴乘客冇遞手close file。總之司機永遠唔會錯




歡迎光臨 hkitalk.net 香港交通資訊網 (https://www.hkitalk.net/HKiTalk2/) Powered by Discuz! X3.4