hkitalk.net 香港交通資訊網

標題: 消息指白石角站港鐵成本｢計唔掂數｣ [打印本頁]
作者: AV133-GX7685    時間: 2025-9-26 07:08
標題: 消息指白石角站港鐵成本｢計唔掂數｣


政府消息人士向《香港01》透露，仍與港鐵商討發展細節，並細化工程方案，仍以第三季公布為目標，2033年或之前落成的計劃不變。消息指，政府與港鐵磋商的其中一項「阻滯」，是興建白石角站的成本「未計掂數」。局方說正尋求減低公帑支出下，與港鐵就融資方案達成共識。

過往政府透過向港鐵批出物業發展權，港鐵以物業發展利潤補貼鐵路建造費。白石角站不會發展上蓋物業，5公頃選址視乎情況發展房屋。有政府中人坦言，即使由港鐵負責車站周邊物業項目「都未必維到皮」，或只是僅僅「維到皮」。參考北環線的經驗，政府向港鐵批出10塊用地，作為住宅及商業用途發展，以「鐵路加物業」模式提供財務資助。據了解，曾研究白石角站採用類似安排，抵銷興建車站開支

https://www.hk01.com/article/602 ... utm_medium=referral

作者: 西九小確幸    時間: 2025-9-26 08:37
唔通要好似港島綫西延咁貼錢佢起……
作者: kay    時間: 2025-9-26 09:33
MTR自己都自身難保
不過香港地有咩事最後都係搵政府幫忙

西九又係
市建局又係
唔差在MTR都係

反正政府責任係排除萬難
作者: barking    時間: 2025-9-26 20:45
時移世易，通勤便利成為賣點的鐵路盤無以前咁值。

換句話，需求通勤便利及交通時效性的群體(例如996、返工不可遲到、日日值勤、無WFH)，普遍都不存在中高價樓的市場之中。
作者: nokia    時間: 2025-9-26 23:49
樓都賣咗，起嚟已經生產唔到利潤
作者: ksmbh    時間: 2025-9-26 23:57
前特首開左支票都要做
不過個站起得近白石角新樓行去科學園又唔近
當時白石角用左中密度發展
剩返的地就算起到50層新增到幾多人口?
要搬教大運動場又要用幾多錢開山起個新?
作者: HU6455    時間: 2025-9-27 02:09
事實證明MTR無地無錢賺，就話知你哋香港人
作者: nickk    時間: 2025-9-27 07:23
平平地起個初代大學站咁既簡單郊區站咪得囉
作者: AV133-GX7685    時間: 2025-9-27 08:09
更新


發展局今天晚上回覆《香港01》查詢時，確認規劃發展方案將一再延遲。局方指，政府和港鐵的磋商進展「十分理想」，現已進入最後階段，並敲定發展建議的主要細節，最新的規劃仍是以私營房屋為主。政府會繼續與港鐵緊密協商，待完成內部程序後，會在明年第一季向外公佈，屆時亦會交代住宅用地的發展模式，重申2033年或之前開通車站的目標不變

https://www.hk01.com/%E6%94%BF%E ... 3%E4%BA%A4%E4%BB%A3
作者: Kelvin15190    時間: 2025-9-27 11:49
本帖最後由 Kelvin15190 於 2025-9-27 12:05 編輯

如果正苦堅持要起，將百石角站同大學站合併，係科學園南面對出起個新站，分分鐘仲更加實際，因為新站會同中大嘅main campus 近啲。同時亦可預留條件，拉直馬料水段。
作者: JR5204@26M    時間: 2025-9-27 12:35
0066呢間地產先係主業嘅鐵路公司，見無地起樓又要自己出錢起個站，仲唔同你扭計咩
作者: JX9097    時間: 2025-9-28 20:02
HU6455 發表於 2025-9-27 02:09
事實證明MTR無地無錢賺，就話知你哋香港人

簡單啲嚟講
就係零風險
賺硬嘅咪同你起
作者: Ricky403    時間: 2025-9-28 20:28
白石角站必定排喺東涌綫加站、北環綫同洪水橋站+西部通道後面
隨時預期都要2040甚至2050年後先落成啟用啦
作者: jpoon    時間: 2025-9-28 22:37
本帖最後由 jpoon 於 2025-9-28 22:38 編輯

老實講，而家果區嘅人主要都係巴士小巴駁鐵，少部分會搭小巴或巴士(科學園都有巴士)甚至揸車，起多一個白石角站可能都係將大學站嘅客分流，無乜新增客源，財務上計唔掂數真係唔出奇
要氹佢起站，其實除咗白石角附近搵地畀佢，會唔會考慮埋發展大學站公共交通交匯處呢？
作者: GM    時間: 2025-9-29 00:16
白石角咁低人口
點解一定要起新站?

大學站又未飽和

反而大圍站上落時間過長 應該改善
作者: cx838    時間: 2025-9-29 09:59
GM 發表於 2025-9-29 00:16
白石角咁低人口
點解一定要起新站?

以經濟效益計，白石角唔需要起鐵路站。大學站都有唔少馬鞍山和白石角轉車客，和大學的客先維持到。白石角有車站的話，
連錦上路站客一半都冇，點維到皮。亂講英文的那位尊貴議員，要起就自己比錢起，叫埋你個政治團體一起比錢起，而唔係
搵其他區納稅的市民笨去起一個冇用的車站。

作者: dennis28a    時間: 2025-9-29 10:40
cx838 發表於 2025-9-29 09:59
以經濟效益計，白石角唔需要起鐵路站。大學站都有唔少馬鞍山和白石角轉車客，和大學的客先維持到。白石角 ...

白石角起唔到站只係政府計錯數，當批地都賣晒先決定起，
而唔係當年起科學園果陣諗清楚點搞。
作者: chowchi    時間: 2025-9-29 13:51
非繁白石角/科學園, 淨係養得起 15 分鐘一班 272A 去大學站, 同埋 7-10 分鐘一兩班 27/27A 去沙田站, 叫做坐得滿D, 就算成個教大運動場起晒樓, 都唔知要個白石角站來做咩

大學站公共交通交匯處 / 澤祥街 / 果兩個迴旋處繁時飽和係真, 但有 budget 想去改善, 其實係咪幫大學站巴總起多幾層, 地面比晒巴士, 一樓係小巴/的士, 二三四樓做商場 for 日後維修開支, 錶位放上五樓打上做多層停車場? 然後 drop off 引晒上一層, 澤祥街就唔駛咁塞
作者: Kelvin15190    時間: 2025-9-29 14:31
等睇白石角站同明日大愚嘅相同結局。畢竟馬料水本身就唔夠支撐好似日本快速鐵路嘅火車站。要起就要同大學站合併，順便將原有大學站改建列車停放處，叫CUHK買上蓋地方，叫做補貼下建站同拉直路軌嘅開支，反正火車車廠唔夠位，咁樣嘅成本效益會好啲，否則免談。
作者: 腦夫子    時間: 2025-9-30 02:43
chowchi 發表於 2025-9-29 13:51
非繁白石角/科學園, 淨係養得起 15 分鐘一班 272A 去大學站, 同埋 7-10 分鐘一兩班 27/27A 去沙田站, 叫做 ...

就算唔起白石角站都一定要擴建大學站, 唔好忘記附近將來有沙田污水處理廠重置後的住宅發展

同埋現時澤洋街繁忙時間已經超負荷, 雙線雙程仲要欠缺人車分隔, 同去中大醫院嘅人爭路, 只怪當年運吉發緊夢, 冇預留土地順道拉直大學站同埋擴建公共運輸交匯處
作者: kay    時間: 2025-9-30 08:40
起多一個站都扭計應該只係缺錢

不過咁睇就算南港島線西段有最後定案
叫人入標都可能比人集體唔入標
又要搵塊地做交換條件
作者: HU6455    時間: 2025-9-30 20:56
kay 發表於 2025-9-30 08:40
起多一個站都扭計應該只係缺錢

不過咁睇就算南港島線西段有最後定案

唔係缺錢，而係賺唔到錢！

MTR一向係見地開眼！
作者: Toz    時間: 2025-9-30 22:16
本帖最後由 Toz 於 2025-9-30 22:20 編輯

如果廿幾年前搬前大學站去到今日科技園對面，再順手拉直大學站原有路軌，就一天都光晒
尤其九鐵比較肯蝕做

果時中大真係有人收風睇大學各方意向係點

當年如果搬前大學站，到將來污水廠發展，又可以係交通部停車場對出補返個站




作者: MK01    時間: 2025-9-30 23:44
本帖最後由 MK01 於 2025-10-1 01:54 編輯
Toz 發表於 2025-9-30 22:16
如果廿幾年前搬前大學站去到今日科技園對面，再順手拉直大學站原有路軌，就一天都光晒
尤其九鐵比較肯蝕做
...

拉直有啲難，雖然廿年前未有中大醫學院同沙田凱悅酒店，但大學站巴總已經存在，大學範圍內亦已經有嶺南運動場同幾座教學樓，走綫點都要避開個呢堆建築物

同埋，科學園又有咩位置可以加站呢？從Google map可以見到，路軌貼住吐露港公路，除非好似東涌東站咁起新路軌喺而家研究生宿舍位置起新月台，如果唔係冇辦法起到站（但當時塊地已經計劃其研究生宿舍同羅桂祥綜合生物醫學大樓）
(, 下載次數: 5)