hkitalk.net 香港交通資訊網

標題: [個人建議] 改善干諾道西及東邊街交界路口 [打印本頁]

---

作者: 2076    時間: 2025-9-27 15:08
標題: [個人建議] 改善干諾道西及東邊街交界路口
建議的背景:
西區海底隧道港島出口經常擠塞，為改善車流速度，建議取消干諾道西 (東行) 與 東邊街、東邊街北 交界的交通燈，及更改介乎 干諾道西 (東行) 及 干諾道西 (西行) 的一段 東邊街 為單向南行，並配合其他交通改善措施。

建議的詳情:

請參閱下圖
[attach]623033[/attach]

另外，配合道路設計更改，城巴 18P 線改經 水街 前往 干諾道西 (東行)，取消 西區警署、正街 分站。過海隧巴 101X 線改經 德輔道西、干諾道西、干諾道中、民吉街、民照街、中環及灣仔繞道、博覽道、博覽道東、會議道、鴻興道，不經 正街、林士街天橋、民寶街、耀星街、龍和道、龍合街、分域碼頭街、夏慤道 及 告士打道，取消 正街 分站，增設 東邊街、修打蘭街 及 港澳碼頭 分站。

---

作者: 樂仔〞    時間: 2025-9-27 15:26
干諾道西中上環入西隧其實係應該要起條路 bypass 東邊街會更好
不過變咗會 keep 住有車隊爆西隧

---

作者: gu9434@24    時間: 2025-9-27 19:03
水街出然後入唔番東邊街

感覺最少都要補單白等堆車可以轉右入東邊街/西隧

---

作者: 2076    時間: 2025-9-27 20:00

樂仔〞 發表於 2025-9-27 15:26
干諾道西中上環入西隧其實係應該要起條路 bypass 東邊街會更好
不過變咗會 keep 住有車隊爆西隧 ...

建議方案純改劃線，短期內易做好多。

中長期的確係起橋更理想。起了橋就唔駛林士街天橋落橋二收一，左線比干諾道西地面新天橋，右線林士街天橋。

---

作者: 2076    時間: 2025-9-27 20:02

gu9434@24 發表於 2025-9-27 19:03
水街出然後入唔番東邊街

感覺最少都要補單白等堆車可以轉右入東邊街/西隧 ...

水街入東邊街的車，其實轉右行德輔道西東行，然後轉左入正街，轉右去干諾道西逆行行車線就可以再轉右上東邊街，影響唔大。

唔比單白線轉右入東邊街，最主要目的係唔想西隧出來的車流受任何影響減慢車速，要 keep 住去上環條線郁動。

---

作者: gu9434@24    時間: 2025-9-30 14:33

2076 發表於 2025-9-27 20:02
水街入東邊街的車，其實轉右行德輔道西東行，然後轉左入正街，轉右去干諾道西逆行行車線就可以再轉右上東 ...

水街出點改係後話
要依照你#1既圖行

最底要求都係干諾道西匯合點整枝紅綠燈
等佢地可以靠去快線轉入東邊街
時間唔需要長 一圈10秒左右就夠


咁去中上環就其他時間繼續行左三線

---

作者: 2076    時間: 2025-9-30 16:47

gu9434@24 發表於 2025-9-30 14:33
水街出點改係後話
要依照你#1既圖行

果個位唔整得燈位，西隧出上環一定要取消燈位等啲車順住行唔可以有任何停頓。

干諾道西東行要入東邊街，就麻煩入電車路兜一兜，或者去西消防街掉頭。

---

作者: 又加價    時間: 2025-10-1 12:01


其實你個建議幾好，只係咁樣干諾道西西行水街橋底轉右長度限制都應該取消，因為正街落山啲大車轉唔出西隧(但咁樣水街/干諾道西西行可能會出現倒塞）

同埋長遠如果反正西行都要起橋，個人認爲其實應該幫埋正街枝路起條隧道去西消防街巴士站附近上返地面，改善正街倒灌； 再改埋中港道做全條東行，減低東消防街口枝燈嘅車流量，從而減低將樽口位由東邊街北枝燈變做東消防街枝燈嘅機會

---

作者: 2076    時間: 2025-10-1 17:39

又加價 發表於 2025-10-1 12:01
其實你個建議幾好，只係咁樣干諾道西西行水街橋底轉右長度限制都應該取消，因為正街落山啲大車轉唔出西隧( ...

正街落山轉左去大道西，然後轉右落水街就出到西隧，唔需要出干諾道西。不過水街交通流量就可能要計一計，暫時就見到仲有唔少剩餘容車量。以西隧入口設計，將西區的車全部推晒比水街入口好過繼續比佢地同一堆巴士爭東邊街交界加林士街天橋入口，干諾道西加林士街天橋入西隧 4 收 2 改唔到。

長遠起橋取消東邊街呢支燈的話，正街都未需要起隧道，除非你話水街車流超負荷。

至於樽頸位會唔會變東消防街，我諗又未必，反正車流要排隊塞燈都多左一大段距離緩衝，仲要係 2-3 線而唔係現時情況全部車單線一出就要等東邊街支燈，中環摩天輪都未係好塞，上環就更加唔會。

---

作者: 又加價    時間: 2025-10-1 19:47


我睇漏咗眼，我認為西隧上環方向唔應該一線變二線，而係keep返一線，比返條線干諾道西東行（keep住比兩條線干諾道西）

而家干諾道西東行都係只係僅僅夠，你個計劃都叫而家已經喺干諾道西東行橋上面嘅車繼續行橋，但再加埋正街車流，二線（三線）變一肯定塞返入港島內街，到時打咗個死結的話只會比西隧而家情況更差

同埋點解我冇提過正街大馬路轉左，就係而家水街電車路大馬路嗰兩組燈淨係應付薄扶林道第三街車流已經好炆，一轉燈都未必清到，加埋正街車流，會令情況百上加斤（橋底認同有多餘容量）
但咁會等於拎走埋而家隧巴北行嘅後備走線

仲有就係始終你嘅設計呢個位會keep住出三條lane嘅車流，但呢三條lane去到東消防街燈口都係得四條lane，可以預見樽頸位都係會出現（但應會有改善），只係轉移到東消防街燈口（你諗下而家西隧咁長都唔夠緩衝呢枝東邊街北燈）

最後就係就嚟變月經嘅西隧巴士線都應該要上馬，同埋比隧巴行中線，都係啲現成可行嘅方案又唔會令更多私家車有incentive改行西隧

---

作者: 2076    時間: 2025-10-1 20:02

又加價 發表於 2025-10-1 19:47
我睇漏咗眼，我認為西隧上環方向唔應該一線變二線，而係keep返一線，比返條線干諾道西西行（keep住比兩條線 ...

你講干諾道西西行係指由上環入西隧？本身係一線轉右返去上環方向，一線入西隧，中間三線直行去薄扶林，左二入東邊街上山。

因為取消了轉右，所以就雙線入西隧，會減少車流塞住燈位前面，等啲車過左燈位先慢慢匯入。

水街同電車路交界需要延長綠燈配合，或者可以考慮取消水街 courtyard Marriott 對出的班馬線，過路請行前少少去干諾道西交界。

---

作者: 又加價    時間: 2025-10-1 20:03

2076 發表於 2025-10-1 20:02
你講干諾道西西行係指由上環入西隧？本身係一線轉右返去上環方向，一線入西隧，中間三線直行去薄扶林，左 ...

sorry，打錯字，嗰個post全部討論都係干諾道西東行

edit：已更正

---

作者: 2076    時間: 2025-10-1 22:55

又加價 發表於 2025-10-1 20:03
sorry，打錯字，嗰個post全部討論都係干諾道西東行

edit：已更正

其實我會預左係轉右上薄扶林的車倒塞多過東消防街支燈，不過改完會多左一堆位比去上環的車排隊。呢個亦都解釋左點解我一定要一出西隧就分兩條行車線，寧願西環經干諾道西上橋或者去上環 2 收 1，就係想再多少少位比轉上薄扶林的車排隊等燈。另外，早上時間干諾道西西行東邊街交界呢支燈，唔駛諗正街出上環的話，可以放多一段綠燈時間比西隧支路。以西隧車流特性，係有必要分時段管理交通燈 cycle。

西環經干諾道西東行 2 收 1 冇辦法，但因為取消左交通燈，又唔會真係倒塞到返水街咁誇張，點都係以減少西隧倒塞為優先目標，至少西隧唔可以塞到頂住入中九幹。


另外，西隧出口去中上環方向即將三線行車，其實政府應該要左線剩係比車去堅尼地城同巴士去上環，右線只准去中區。

---

作者: gu9434@24    時間: 2025-10-2 13:21

2076 發表於 2025-10-1 17:39
正街落山轉左去大道西，然後轉右落水街就出到西隧，唔需要出干諾道西。不過水街交通流量就可能要計一計， ...

山道天橋落山既車全部行西消房街? 本身要食中山公園出來既車
西消防街枝燈邊到頂得順


薄扶林道唔想兜就要第三街落山
內街塞多幾錢重
真係好咩

---

作者: 2076    時間: 2025-10-2 14:55

gu9434@24 發表於 2025-10-2 13:21
山道天橋落山既車全部行西消房街? 本身要食中山公園出來既車
西消防街枝燈邊到頂得順

山道天橋落上環可以中山紀念公園 cut 返去上環方向，唔駛入西消防街。

基本上最大影響係正街去上環同西隧，前者要行電車路，後者行水街。

---

作者: gu9434@24    時間: 2025-10-2 17:35

2076 發表於 2025-10-2 14:55
山道天橋落上環可以中山紀念公園 cut 返去上環方向，唔駛入西消防街。

基本上最大影響係正街去上環同西 ...

去上環當然沒影響 但山道天橋+中山公園去東邊街既車就要全部入西消防街調頭


而家就係講緊入面食唔起突然間多出來既車流
連帶968都有可能受影響

---

作者: 又加價    時間: 2025-10-2 19:28


所以我先建議中港道改做全線東行，舒緩東消防街枝燈嘅壓力

不過講真，以咸魚欄西行支路嘅路況，仲要干諾道西東行三線車流合一，我應該會第三街，水街，電車路，正街，支路，東邊街咁行

喺而家東行基本上8/9成時間綠燈，都只係僅僅好嘅情況下，正街支路加原本兩線車流合一，我個人相當唔睇好。。。
因為干諾道西東行燈口前，開多咗一條左線而家專門專左用（使用率極低），我覺得應該嗰個位啲行車線可以移左一條線，嗰4條線變成1.  直行或轉左入東邊街北；2. 直行； 3. 西隧出直行；4. 西隧出轉右入橋底

燈口後嗰三條線就比返干諾道西兩條，同埋西隧專用1條

始終覺得減少西隧倒塞係冇錯，但唔應該犧牲港島內街車流，因為塞公路最多大家一齊慢慢塞，但塞內街你一打咗個圈，成為咗個死結，就會攬炒（例如銅鑼灣以前百德新街告士打道個圈）

---

作者: 又加價    時間: 2025-10-2 19:44


路口如圖

---

作者: gu9434@24    時間: 2025-10-2 20:05

又加價 發表於 2025-10-2 19:28
所以我先建議中港道改做全線東行，舒緩東消防街枝燈嘅壓力

不過講真，以咸魚欄西行支路嘅路況，仲要干諾道 ...

你的建議隨時比#1的更有效果
最少水街出既車唔會變樽頸

而且行車線多左 右線更客易整短燈 保留右轉東邊街既選項
雖然西隧朝早係多車 但真係沒理由全日封殺右轉東邊街..

---

作者: 又加價    時間: 2025-10-2 20:20


唔計長遠大改呢個路口嘅前提下，我又同意佢封殺右轉東邊街嘅諗法嘅

始終而家干諾道西東行車流要右轉嘅話，因為由匯合位到燈口之間得個50米左右可以cut線，車速會減慢好多，所以係會對西隧主要車流有好大影響，但其實呢啲車又唔係冇其他路可以行嘅，例如上面提過嘅電車路等等

當然，長遠計係應該起多兩條隧道比西隧同正街支路嘅車直出去到西消防街附近嘅

---

作者: 2076    時間: 2025-10-3 00:33

又加價 發表於 2025-10-2 19:44
路口如圖

如果要咁劃線，轉上東邊街同西邊街的燈位的排隊位會短左幾部車的車位。本身設計係盡可能令多啲車等燈的時候可以比西隧去上環的車唔駛停車。

堅持要維持雙線比西區去上環的話，我會劃單虛線比西隧出來的車去左二線，咁到時燈位的車塞返去三線位的時候都仲有得比西隧去上環的車流動性。

---

作者: 又加價    時間: 2025-10-3 11:18
其實咁劃線橋底加彎位前應該都夠位比8架巴士停（橋底1-2x4, 再加轉彎前x2)，早繁西隧上半山從來唔覺有咁多車。。。

---

作者: gu9434@24    時間: 2025-10-3 14:08

又加價 發表於 2025-10-2 20:20
唔計長遠大改呢個路口嘅前提下，我又同意佢封殺右轉東邊街嘅諗法嘅

始終而家干諾道西東行車流要右轉嘅話， ...

匯合位到燈口之間得個50米左右可以cut線，車速會減慢好多

所以我一路都講緊匯合點這個位用紅綠燈解決
繁時一圈150秒 俾10秒需要右轉東邊街既車移動到快線右轉
其他時間西隧出來既車仍然可以直行/右轉  


其他時段可以改番90-120秒
平衡番唔同使用者既需要

---

作者: KU_7002    時間: 2025-10-3 20:26


干西同東邊街北交界最右線上繁轉做巴士線（可直行同轉右），變相朝早只准巴士轉右，正街全日無得出干西（跟番樓主方案）又會唔會好d呢？

除此之外，西隧其他位好應該要再執下。暫時諗到有：

1. 西港城對出的干西西行巴士線改為巴士站，取代皇后街巴士站

2. 干西地面入西隧入口下繁改為巴士線

3. 西營盤入西隧既車只可以行慢線

4. 容許巴士同重型車行西隧中線

5. 西隧九龍出口提速至70

6. 西九龍公路南行慢線由君匯港開始至尖沙咀出口改畫半實線，只准由慢線轉出快線。近出口加設打尖位，俾巴士係中線打尖入去

7. 下繁中港道只准左轉出干西西行，無得左轉去干西東行

---

歡迎光臨 hkitalk.net 香港交通資訊網 (https://www.hkitalk.net/HKiTalk2/)

Powered by Discuz! X3.4