hkitalk.net 香港交通資訊網

標題: [個人建議] 重組 2D 10 21、分拆 9 [打印本頁]

---

作者: S3BL100    時間: 2025-10-11 21:50
標題: [個人建議] 重組 2D 10 21、分拆 9
九巴 2D 線途經地區客量稀少，而 10 號線行車時間太長，導致回程乘客難以預算時間。同時 21 號線客量欠佳，且沿途替代品眾多。為解決問題，同時配合白田重建後人口增長，方便居民往來觀塘及九龍灣商貿區上班，建議重組 2D、10 及 21 號線如下：

(1) 2D 線改為往來觀塘商貿區，逆時針循環途經觀塘繞道、觀塘商貿區及九龍灣商貿區；
(2) 分拆 10 號線為 3（黃大仙 <-> 大角咀）及 10（彩雲 <-> 九龍城）；
(3) 21 號線縮短至土瓜灣並改為循環運作，並來回改經鳳德道。

重組後 10 及 21 號線全程行車時間相若，提供彩雲往來鑽石山及黃大仙大成街街巿每 15 分鐘一班聯合班次，並於非繁忙時間共用車隊。

詳情如下：

2D 澤安邨 <-> 觀塘商貿區（循環線）

行車路線
澤安道、龍悅道、南昌街、白雲街、白田（白雲街）公共運輸交匯處、白雲街、白田街、窩仔街、大坑東道、界限街、太子道西、太子道東、觀塘繞道、偉業街、常怡道、宏照道、啟祥道、偉業街、天橋、觀塘道、太子道東、太子道西、馬頭涌道、太子道西、基堤道、界限街、大坑東道、窩仔街、白田街、白雲街、南昌街、澤安道

服務時間及班次
澤安邨開出
每日
0535-0705 30
0705-0845 25
0845-2345 30

收費
全程 $7.8
采頤花園往澤安邨 $5.8

派車
4 輛單層巴士 (+/- 0)

---

3 黃大仙 <-> 大角咀（循環線）

行車路線
東頭村道、東正道、沙浦道、衙前圍道、蘭開夏道、窩打老道、翱翔道、麗翔道、海泓道、櫻桃街、大角咀道、櫻桃街、櫸樹街、晏架街、槐樹街、福全街、旺角道、西洋菜南街、亞皆老街、窩打老道、界限街、伯爵街、太子道西、喇沙利道、衙前圍道、打鼓嶺道、樂善道、東隆道、東頭村道

服務時間及班次
黃大仙開出
星期一至五
0515-0615 30
0615-0815 20
0815-1245 30
1245-1945 20
1945-2100 25
2100-0000 30
星期六
0515-1045 30
1045-1945 20
1945-2100 25
2100-0000 30
星期日及公眾假期
0515-1245 30
1245-1745 20
1745-1900 25
1900-0000 30

收費
全程 $5.6

派車
5 輛雙層巴士 (+5)

---

10 彩雲 <-> 九龍城（循環線）

行車路線
清水灣道、龍翔道、彩虹道、斧山道、鳳德道、蒲崗村道、彩虹道、沙田㘭道、東頭村道、聯合道、太子道西、喇沙利道、衙前圍道、打鼓嶺道、樂善道、彩虹道、蒲崗村道、鳳德道、斧山道、龍翔道、清水灣道、新清水灣道、豐盛街、清水灣道

服務時間及班次
星期一至五
0600-0630 30
0630-0655 25
0655-0735 20
0735-0005 30
星期六、日及公眾假期
0600-0635 35
0635-0005 30

收費
全程 $5.6

派車
2 輛雙層巴士與 1 輛單層巴士 (-4)

---

21 彩雲 <-> 土瓜灣（循環線）

行車路線
清水灣道、龍翔道、彩虹道、斧山道、鳳德道、蒲崗村道、彩虹道、太子道東、太子道西、馬頭涌道、馬頭圍道、浙江街、土瓜灣道、馬頭角道、馬頭涌道、太子道西、太子道東、彩虹道、蒲崗村道、鳳德道、斧山道、龍翔道、清水灣道、新清水灣道、豐盛街、清水灣道

服務時間及班次
星期一至五
0540-0640 30
0640-0705 25
0705-0825 20
0825-0850 25
0850-0020 30
星期六、日及公眾假期
0540-0720 25
0720-0020 30

收費
全程 $5.6

派車
4 輛雙層巴士 (-1)

===

另外，為縮減三彩往來油尖旺的行車時間，建議分拆九巴 9 號線，新增 9X 線途經牛頭角、太子道東、亞皆老街天橋往來旺角及尖沙咀，而 9 號線則縮短至九龍城，改為循環運作，維持沿途往來九龍醫院及眼科醫院的基本服務，並與重組後的 10 號線提供聯合班次，往來彩虹及九龍塘。

詳情如下：

9 彩福 <-> 九龍城（循環線）

行車路線
彩榮路、彩興路、彩興里、新清水灣道、清水灣道、龍翔道、彩虹迴旋處、彩虹道、沙田㘭道、東頭村道、聯合道、東寶庭道、嘉林邊道、衙前圍道、蘭開夏道、窩打老道、亞皆老街、太子道西、太子道東、彩虹道、大成街、東頭村道、沙田㘭道、彩虹道、彩虹通道、太子道東、觀塘道、彩石里、彩興路、彩榮路

服務時間及班次
彩福開出
每日
0535-0715 25
0715-2345 30

收費
全程 $5.8

派車
3 輛雙層巴士 (-6)

---

9X 彩福 <-> 尖東麼地道

行車路線
彩福開出：彩榮路、天橋、彩霞道、佐敦谷北道、牛頭角道、天橋、觀塘道、太子道東、九龍城天橋、亞皆老街、亞皆老街天橋、亞皆老街、彌敦道、梳士巴利道
尖東麼地道開出：麼地道、漆咸道南、梳士巴利道、彌敦道、亞皆老街、新填地街、旺角道、西洋菜南街、亞皆老街、亞皆老街天橋、亞皆老街、九龍城天橋、太子道東、觀塘道、牛頭角道、佐敦谷北道、彩霞道、天橋、彩榮路

服務時間及班次
彩福開出 | 尖東麼地道開出
星期一至五
0540-0710 30 | 0950-2320 30
0710-0910 20 | 2320-0030 35
0910-1940 30
星期六、日及公眾假期
0540-1940 30 | 0950-2320 30
************ | 2320-0030 35

收費
全程 $7.8
旺角站往尖東麼地道 $6.8
淘大花園往彩福 $5.8

派車
5 輛雙層巴士 (+5)

---

作者: 1181174166    時間: 2025-10-12 02:00


先係搲返個9X太平道起分段
飛晒橋無故upgraded

縮9嘅話有無得擺10喺啟翔苑?

---

作者: 天空之神    時間: 2025-10-12 13:37
10 21 齊齊縮短即係要全部人過馬路搭出主要地方

---

作者: S3BL100    時間: 2025-10-12 21:24

1181174166 發表於 2025-10-12 02:00
先係搲返個9X太平道起分段
飛晒橋無故upgraded

第一點無意見。如果太平道停站，就當然將個分段提前返

如果兩項重組都落實得到，9 同 10 西行會做彩虹到九龍塘學校區一段聯合班次，睇唔到點解要擺 10 喺啟翔苑

---

作者: S3BL100    時間: 2025-10-12 21:29

天空之神 發表於 2025-10-12 13:37
10 21 齊齊縮短即係要全部人過馬路搭出主要地方

但出面就係大馬路，有更多更頻密同直接選擇，10 21 有幾多人坐足全程都係問題。尤其係 10，條線根本唔應該行咁長做循環

反正出面咁多選擇，入面堆線都好難有運行。類似情況其他區都唔少

反而 10 21 縮短後可以強化區內穿梭角色

---

作者: 1181174166    時間: 2025-10-12 21:33

S3BL100 發表於 2025-10-12 21:24
第一點無意見。如果太平道停站，就當然將個分段提前返

如果兩項重組都落實得到，9 同 10 西行會做彩虹到 ...

第二點係因為勝利道一帶唔係好知點來往大有街以東/荷李活一帶
203E或者太子道東都係兩頭唔到崖

如果搞9，我prefer 版友2076嗰隻改法，2X做返旺角特快

---

作者: S3BL100    時間: 2025-10-12 22:22

1181174166 發表於 2025-10-12 21:33
第二點係因為勝利道一帶唔係好知點來往大有街以東/荷李活一帶
203E或者太子道東都係兩頭唔到崖

10 縮短左之後直頭係喇沙利道調頭

呢D一個站去一個細站之間，一日都唔知有無 100 個客，正常 RPP 做法都係唔會有直接同站補償，多數都係會叫人坐 203E 就算

甚至十年前 9 上 RPP 拉直果次都係叫人坐 203E，果次影響仲大唔少，而且最後都唔係因為呢一個站而觸礁

---

作者: 1181174166    時間: 2025-10-12 22:34

S3BL100 發表於 2025-10-12 22:22
10 縮短左之後直頭係喇沙利道調頭

呢D一個站去一個細站之間，一日都唔知有無 100 個客，正常 RPP 做法都 ...

睇錯3先啱，擺鑽石山亦可

或者BBI應該走唔甩，最低消費27<>5


不過正常RPP呢份嘢係出唔到街

---

作者: S3BL100    時間: 2025-10-12 23:04

1181174166 發表於 2025-10-12 22:34
睇錯3先啱，擺鑽石山亦可

或者BBI應該走唔甩，最低消費275

唔係無諗過擺鑽石山，但睇返 11 例子，鑽石山出站麻煩，一轉車至少多廿分

本身 3 仔我係預左一轉淨行車時間 71 分，五部車做廿分班，下繁同星期六大機會仲要趁 10 21 都各自實際用緊三部車果陣借多部車去支援。如果拉去鑽石山，又要倒多部車落去

況且行咁耐真係唔適合做循環，鑽石山開就同今時今日一轉 10 時間差唔多

今次份建議已經處理左最具爭議最麻煩獨巿位，尤其是搞到 9 要來回兜入黃大仙既亞皆老街沿線醫院，基本上乜都覆蓋晒，果D一日唔知有無一百個客既位最多都係 BBI 算。過唔過到我唔知，但我睇唔到理由點解上唔到 RPP

---

作者: 1181174166    時間: 2025-10-13 01:45

S3BL100 發表於 2025-10-12 23:04
唔係無諗過擺鑽石山，但睇返 11 例子，鑽石山出站麻煩，一轉車至少多廿分

本身 3 仔我係預左一轉淨行車 ...

所以開頭係提議擺啟翔苑

至於上RPP，係，10係超長循環，但縮完之後3都係塞繁忙區域嘅話無意思
亦見為縮線又要做返啲位，班次突顯拆線下車源捉襟見肘問題
結果引起爭議但無乜效果，砌上去RPP搏彈票？

10要落手係難嘅，除咗203E圍住荷里活避開個真空之外，我會諗3沿線有幾多位要出旺角

---

作者: S3BL100    時間: 2025-10-13 07:27

1181174166 發表於 2025-10-13 01:45
所以開頭係提議擺啟翔苑

至於上RPP，係，10係超長循環，但縮完之後3都係塞繁忙區域嘅話無意思

我睇唔出扯埋 203E 落水有咩必要同正當性

71 分對比起今時今日 10 仔既 91 分（我仲試過用九巴數據仲計到 75 分 vs 超過 100 分），行車時間減少超過兩成，我唔認為無意思同無乜效果。反正 71 分都大概係 27 213D 個級數，80 分做巿區繁忙路段循環已經好盡，超過 90 分就更加係唔應該

另一樣野係黃大仙同鳳德道返彩雲用斬短左 10 21 去做，會比起今時今日易等好多

亦唔好忘記今次唔淨係為左解決 10 仔行車時間太長，另一個動機係將條 2D 拉去觀塘，呢個新服務會比起今時今日條 2D 更合乎白田實際需求，亦係今次建議重點之一。將條 2D 由黃大仙拎走，斬開 10 做兩條去順手補埋黃大仙同衙前圍道西行都係理所當然

反正 10 仔今時今日旺角有幾多客過左黃大仙都未落車，又無其他替代品，都係問題。近龍蟠苑果邊有 3C 3X 203E、荷李活喺鐵路站上蓋都唔會有人睬佢，其他細位一律 BBI

為左個個細位都要有直車而無視實際營運效果係相當不智

---

作者: 1181174166    時間: 2025-10-13 07:52

S3BL100 發表於 2025-10-13 07:27
我睇唔出扯埋 203E 落水有咩必要同正當性

71 分對比起今時今日 10 仔既 91 分（我仲試過用九巴數據仲計到 ...

10難搞唔係在於旺角去黃大仙打後，而係每段嘅短途
而「唔應該」，正如啲神奇走線，唔應該但實際會出現
至於2D，睇唔出同10重組嘅關係


不過搞10，唔緊要，我咪搭9，彩虹道行返過去，但係又因為拆線縮短埋
你話彩福係大多數都好啦，要咁多X線仲要個總站唔係大，做乜?

嗱，唔好話要直車阻你重組，我有問27轉密車嘅，當然直車更好

---

作者: S3BL100    時間: 2025-10-13 09:55

1181174166 發表於 2025-10-13 07:52
10難搞唔係在於旺角去黃大仙打後，而係每段嘅短途
而「唔應該」，正如啲神奇走線，唔應該但實際會出現
至 ...

新 3 仔黃大仙到九龍塘會 / 伯爵街一段同 2D 行法一模一樣，你估抽走左 2D 呢段路有無可能完全唔補償？

純粹邏輯題，如果旺角（我計埋大角咀同旺角東）10 仔乘客大多數唔會去遠過黃大仙， 咁彩雲到鑽石山一段本身唔係無客路段，都唔會有幾多去得遠過九龍塘。前者新 3 仔都做得七七八八，後者新 10 仔都做得晒，唔掂就加多條縮短後 9 號仔

如果真係要數，今次將 10 仔斬開兩條，有其他窿比起你呢個窿仔影響更大。不過都係果句，呢堆窿全部都 BBI 補

彩福總站唔係大，但如果你仔細睇個建議，非繁 2X 開 00 30、9X 開 10 40、9 開 15 45 擺明係全部夾過晒（9 都要同縮短後彩雲開 05 35 既 10 仔夾），每小時多一班車咁大把，總站空間依然應付得到

反正 9 號仔個問題遲早都應該搵方法解決，就算你改得慢條 2X 都做唔到油旺，仲要改慢本身就會製造其他爭議，當年第一次改慢都已經嘈過

---

作者: 1181174166    時間: 2025-10-13 10:27

S3BL100 發表於 2025-10-13 09:55
新 3 仔黃大仙到九龍塘會 / 伯爵街一段同 2D 行法一模一樣，你估抽走左 2D 呢段路有無可能完全唔補償？

...

所以你去做我唔特別反對，只係爭少少就做埋空咗個位，咁3拉多少少去啟翔苑

而2D改道，10喺外圍行之下，10爭在去程唔入九龍城，係咪要斬10先做到補償我有疑問

而彩福，所謂夾時間都避免唔到泊車位需求上升
9兜彩虹道就要拆直出都幾優待，不過出旺角仲可以諗下27x

---

作者: S3BL100    時間: 2025-10-13 11:27

1181174166 發表於 2025-10-13 10:27
所以你去做我唔特別反對，只係爭少少就做埋空咗個位，咁3拉多少少去啟翔苑

而2D改道，10喺外圍行之下，1 ...

拉埋去啟翔苑一轉都要多十分鐘，五部車唔夠跑，況且到時 9 10 縮短做緊既一半野就會變左多餘，補位都唔係咁補

為左一日唔知有無一百個客要有直車坐，而額外畀多部車，十分之一成本都收唔返，呢件事係唔會做

你可以話扯條 10 西行入埋九龍城內街就可以補償到抽走 2D。但咁行一來返學班客畀你拖慢 7 分鐘車程，仲有民生書院都行遠左一截，呢個窿首先一定唔會比你捉住果個窿仔細，問題絕對唔會比起你個窿仔少。二來全程行車時間又再進一步增加，繁忙時間隨時兩粒鐘先行完一轉，不了

9 唔止兜彩虹道仲要來回兜入黃大仙。至於 27X 一來做唔到彩福，而且只做單向，三彩入面直頭無位置同 9X 相遇；二來 27 好地地仲要係極少數巿區賺錢能力高既路線，而且係少數呢個價位依然有錢賺路線，就費事搞佢，27X 做返而家服務水平已經好夠，唔需要同密車 27 攬炒

---

作者: 流星☆雨    時間: 2025-10-13 12:07
九巴喺聯合班次方面永遠唔會令人「失望」...

如果 3 9 10 21 能夠喺下一階段再進一步整合，效果就會更好

---

作者: 1181174166    時間: 2025-10-13 13:59

S3BL100 發表於 2025-10-13 11:27
拉埋去啟翔苑一轉都要多十分鐘，五部車唔夠跑，況且到時 9 10 縮短做緊既一半野就會變左多餘，補位都唔係 ...

如果9唔縮就唔需要3擺啟翔苑
彩福所謂20-30嘅2X，得星期一至五朝早列20，得返9日間開20都仲拆線，拎住三條30分鐘一班「聯合班次」，拎住大多数人之名掠奪獨市位，亦未見BBI補償
彩福都新咗一段時間，現有客量又未如理想，睇唔到要拎資源嘅必要

好似樓上所講，應該要再整合，尤其係拆線要喺喇沙附近無人地帶折返，連埋你所講嘅民生做返學時間都夠
呢次拆就一定叫唔上好，只可以講補咗醫院位咁多
如果單純拆10，已經非常足夠

---

作者: S3BL100    時間: 2025-10-13 21:20

流星☆雨 發表於 2025-10-13 12:07
九巴喺聯合班次方面永遠唔會令人「失望」...

如果 3 9 10 21 能夠喺下一階段再進一步整合，效果就會更好 ...

10 同 9 21 要夾已經好容易

至於下一步？如果真係想 9 10 21 三變二，暫時諗到既係 9 改去彩雲，來回改經鳳德道，照跟今次建議九龍醫院調頭，加返上廿分班；然後 21 改去彩福，照跟今次浙江街調頭。理論上擺條土瓜灣線去彩福會比起擺行出去就係大馬路既彩雲有用少少。但咁搞都幾大陣象，而且好似慳唔到車

3 就今次做完之後直接 close file，已經夠長

今次構思果陣真係有諗過直接將條拆完之後 10 號仔咁改，九龍醫院調頭兼且回程兜黃大仙。但將 9 同 2D 10 擺埋一齊重組規模已經好大，無可能再拉多 21 落水。而且雖然係廢線但始終係老牌線，尤其是有成班老人家，黃大仙往來亞皆老街醫院點都應該用返 9 呢個編號去做。另外彩福往來新蒲崗、彩雲往來鳳德同黃大仙、鑽石山往來九龍城學校區，呢幾個組合都無理由要斷開，後兩者亦無強烈理由要用另一個號碼去做

所以最後係 2D 10 21 一組、9 自己搞掂，相對影響比較少，再整合都似乎唔會令效益大增

同埋我今次將 21 扯左上去鳳德道來回，都好明顯之後有兩個後續重組可以做

---

作者: S3BL100    時間: 2025-10-13 21:39

1181174166 發表於 2025-10-13 13:59
如果9唔縮就唔需要3擺啟翔苑
彩福所謂20-30嘅2X，得星期一至五朝早列20，得返9日間開20都仲拆線，拎住三條 ...

2X 客量絕對唔係未如理想。同埋 9 本身咁行就係相當唔理想。到底 30 分一班特快定廿分班慢碌站站停比較好都要睇情況同行車時間差異，呢個情況我係會認為 30 分一班特快好過廿分班兜餐飽

如果今時今日條 10 仔旺角（再講一次，廣義計埋旺角東同大角咀）上車班客唔會坐遠過黃大仙，咁拆線後 10 縮去喇沙折返，慢慢執客返彩雲，本身就唔係唔合理。更何況縮短後 9 同 10 唔使再塞入旺角，學校區同亞皆老街醫院段返屋企班次隨時比起而家 10 仔 0-40 分一班更容易預算

而且再重複一次：10 喇沙折返呢個設計係要同 21 做聯合班次，彩雲、鳳德道同大成街街巿之間來回做到每 15 分鐘就有一班車

同埋睇返你咁執著「勝利道一帶」，但原來 9 10 停完旺角站之後下站已經係亞皆老街中電，去埋九龍醫院（無論窩打老道南行站定亞皆老街東行站都好）都係步行距離，果度已經有拆線後 9 號仔

今次斷開左既窿，客觀咁講，亞皆老街中電一個站比起大角咀根本唔算係咩野。當然後者我相信唔少人都坐緊綠小 70，但你就淨係捉住前者呢個一日唔知有無一百個客既位來講，補償又唔預埋大角咀一份，不分輕重，都見到你眼界同胸襟係邊

---

作者: 1181174166    時間: 2025-10-13 21:54

S3BL100 發表於 2025-10-13 21:39
2X 客量絕對唔係未如理想。同埋 9 本身咁行就係相當唔理想。到底 30 分一班特快定廿分班慢碌站站停比較好 ...

然而，唔入旺角客量必然大跌，一條還好，我唔認為要兩條無人地帶調頭咁多
10+21聯合0-30呢啲我唔理你搞亂彩雲

勝利道一帶同九龍醫院係步行距離，咁衙前圍道行去民生都唔係好遠，甚至東頭已經有10服務緊
衰啲講2X太子行出旺角道都步行距離，三彩又行到落去地鐵站

最後四字謬論不意外，BBI一直問極無畀過，小數就一句唔做你生意，咁下一個小數又會係邊個?
唔預大角咀又識70自相矛盾，啼笑皆非

彩福要彩虹道，又攬兩條特快，直頭厚待，唔理勝利道都好，中間仲有流水走咗

---

作者: S3BL100    時間: 2025-10-13 22:21

1181174166 發表於 2025-10-13 21:54
然而，唔入旺角客量必然大跌，一條還好，我唔認為要兩條咁多
10+21聯合0-30呢啲我唔理你搞亂彩雲

但旺角客都係其他線自己食返，會搭鐵既早就落左鐵。就算你只係睇一條線都好，表面上好似無左一截客但同時行車時間又短一大截，都抵銷返

9X 自己都會有回流客，又唔使計？

10 21 起碼西行去到黃大仙都係同路，然後（我寫呢個建議果陣）一條全程 56.7 分，一條 57.5 分，兩條線沿線都無旺角呢類無啦啦可以塞你幾個字既位，點會搞到 0-30？你話 2X 9X 回程繁忙時間 0-30 都仲講得通，但呢個問題無其他方法解決

依然將勝利道同民生書院去比，你簡直貫徹緊你一貫本末倒置、輕重不分思維，咩位可以唔理、咩位一定要做都搞唔清楚，淨係識得將一個一日一百個客都未必有、RPP 都唔會寫得咁具體既位無限放大。真係擺上 RPP 都係會叫人 203E 就算，又唔係未試過

同埋我呢期建議都唔會寫 BBI 寫得咁仔細，但好多位可以 assume 一定會畀，做返同原有路線同路同價。今次至低限度 3 <-> 9 10 BBI 都肯定會做，另外九龍城轉車站本身都已經有 BBI 同方向任轉

---

作者: 1181174166    時間: 2025-10-13 22:29

S3BL100 發表於 2025-10-13 22:21
但旺角客都係其他線自己食返，會搭鐵既早就落左鐵。就算你只係睇一條線都好，表面上好似無左一截客但同時 ...

其他線食返，但縮短嗰兩條就仆直
回流?2X回流?

班次一定係塞車?

醫院就話一定要做，一講行得嘅距離就話又輕重又剩，路程係步程範圍就係可以行，無得掩飾

3<->9你斬到條條30分鐘一班叫合理轉乘?
車源唔夠你玩拆線，仲可以垃圾轉乘，閣下一貫唔想做就當人臭四嘅態度，都唔係今日嘅事

仲有閣下一唔滿意就玩對立，依家唔係叫你唔拆10而係拆10你畀返9我，或者轉乘都揀返密嘅線吖

即使係拉3個case，資源上係一架，閣下就講到好似要勝利道直達

---

作者: S3BL100    時間: 2025-10-13 23:45

1181174166 發表於 2025-10-13 22:29
其他線食返，但縮短嗰兩條就仆直
回流?2X回流?

再講一次，營收唔係睇一條線，而係睇成組線用幾多資源成本做幾多客、錢箱又有幾多收入

唔係我唔想做就「當人臭四」，而係你不知天高地厚，將自己睇得太重要，甚至以為地球圍住你轉，其他客就可以唔理。但你根本就連咩位重要、咩位唔重要都搞唔清楚。今次大把其他位可以嘈都未輪到你一個亞皆老街中電去嘈，你以為你係邊個

今次 2D 10 21 重組一架車都減唔到，三條都係蝕錢線都唔好期望有車從天而降。真係將 3 拉去啟翔苑應該就要跌落 25 分一班，對比起而家起碼兩繁同半個非繁都仲可以做到 20，又要同 9 10 齊齊攬炒，你覺得好合乎沿線乘客利益？

為左個別小眾口味而將正常方案都要整到奇奇怪怪，牽一髮動全身，先唔會咁做

九龍城轉車站又唔係無其他車可以轉，3C 203E 又本身做到半個鑽石山，大半個采頤花園可以太子道東落車，你一個站真係要 BBI 一日唔知有無幾十個客，但你就以為可以凌駕其他沿線乘客利益，其他人都要行埋一邊

---

作者: 2076    時間: 2025-10-13 23:53


其實唔執著於白田去觀塘，我會擺 2D 去彩雲，10 黃大仙止步。可以令 10 行車時間在合理範圍之內，2D 都有新客去幫補。民生書院返學客後生仔行得走得，2D 衙前圍道行過去都係平路合理距離。21 本身搞唔搞都得，剩係 2D + 10 重組都 at least 唔駛加車，唔需要由 21 縮短 cut 車，雖然 21 改循環呢件事唔搞任何其他路線都可以單獨做。

另外 given that 2A 想改特快，2X 做返亞皆老街 30 分鐘一班，放 9 做更有意義的尖沙咀 <--> 窩打老道 <--> 九龍醫院仲有著數。彩福又唔駛煩聯合班次兼總站唔夠位的問題。

最重要係以上做法可以斬件做，同時仲可以 cut 車，符合九巴作風。搞大重組只係為了比白田石硤尾去觀塘直車，相當唔值得。另外 10 又係咪真係冇客由東面去大角咀同廣華?

---

作者: 1181174166    時間: 2025-10-14 00:01

S3BL100 發表於 2025-10-13 23:45
再講一次，營收唔係睇一條線，而係睇成組線用幾多資源成本做幾多客、錢箱又有幾多收入

唔係我唔想做就「 ...

其他人未嘈唔代表唔嘈，唔好當沉默大多數

「如果9唔縮就唔需要3擺啟翔苑」

9又唔過九龍醫院，10又上咗上面鳳德街，本身20分鐘一班變晒30分鐘你仲要講至愛嘅攬炒?

九龍城轉車站預設減$4.2，舉個例27 $5.6 + 5 $5.8 - $4.2 = $7.2

荷里活廣場邊架車都唔近，講一堆咩小眾，畀個27<>5咪搞掂，好難咩?即使拉3都係基於拆9之下先做，資源一定唔會多

彩福塞唔落四條線，仲有逆向削減，唔出聲唔代表唔係問題

---

作者: S3BL100    時間: 2025-10-14 00:30

2076 發表於 2025-10-13 23:53
其實唔執著於白田去觀塘，我會擺 2D 去彩雲，10 黃大仙止步。可以令 10 行車時間在合理範圍之內，2D 都有新 ...

2D 10 對調總站既問題係到時 2D 6D 服務地區會有明顯重疊

而且到時仲會有爭議，彩雲往來黃大仙一段區內流水，有無理由 30 分一班去做。我個方案 10+21 起碼同路做到每 15 分鐘有車

同埋到時 2D 單程里數會超過 9 公里，加價又唔係、唔加又唔係（雖則 10 里數除以二都係超過 9 公里）

白田畀直車去觀塘係一件值得做既事，至少比起 2D 做老化流水明顯更值得，亦只係得 2D 呢條線既資源可以拎來玩，問題就變左東段應該點補

我又唔覺得 9 來回改經窩打老道係一件優先程度好高既事，尤其是有左屎水 20 之後。反正沿線流水客都係得咁多。反而 2X 拖慢呢件事本身就會有爭議，尤其是本身都做到一定成績，拖慢後唔加返上廿分班係唔合理

反而你話 10 黃大仙以東一段有無客落大角咀同廣華醫院呢件事就真係有得討論，至低限度比起上面有人嘈話咩勝利道去荷李活合理好多（呢件事我係 aware 的，亦係我上面話比起果一個站更有資格嘈既位）。但廣華同彌敦道近唔近本身就有得傾，而 10 仔營運可靠度又真係太差，呢個問題暫時無其他方法解決

---

作者: S3BL100    時間: 2025-10-14 00:34

1181174166 發表於 2025-10-14 00:01
其他人未嘈唔代表唔嘈，唔好當沉默大多數

「如果9唔縮就唔需要3擺啟翔苑」

可靠既 30 分一班（如果淨計黃大仙區內流水變成 15 添）本身就唔差得過唔可靠既 20 分一班

如果 10 斬開兩條唔需要拉 3 去啟翔苑，9 拆開兩條更加唔需要因為果一個站而拉 3 去啟翔苑，受影響人數同程度都好肯定比前者少一截

---

作者: 1181174166    時間: 2025-10-14 00:47

S3BL100 發表於 2025-10-14 00:34
可靠既 30 分一班（如果淨計黃大仙區內流水變成 15 添）本身就唔差得過唔可靠既 20 分一班

如果 10 斬開 ...

本來係諗21拉直畀車10加返密，我唔counter propose啦，一寫就成份嚟
回應嘅係拉3不至於攬炒，除非又嚟區域重疊講緊一個站做方圓一公里咁大

受影響人數唔知你點計，但搬得到地鐵、70等等替代，咁計唔計到無替代嗰班?

---

作者: 2076    時間: 2025-10-14 01:21

S3BL100 發表於 2025-10-14 00:30
2D 10 對調總站既問題係到時 2D 6D 服務地區會有明顯重疊

而且到時仲會有爭議，彩雲往來黃大仙一段區內 ...

2D 問題都係內街流水客，拉去觀塘其實令到九龍城內街返大坑東同石硤尾白田一定要行出大路上車，東行冇問題，問題在於西行九龍城內街客，呢批客本身佔 2D 客量比重係相當高，直接逼佢地橫過太子道仲要落隧道去富豪東方上車觀感好差下。

彩雲來往黃大仙，2D 同 10 對調總站之後都可以玩彩雲開的聯合班次，唔見得有問題。2D 唔加價冇問題，本身都係同同價的 10 重組。

觀塘直車係有價值，但成個方案慳唔到車但斷左一堆就腳位，而且因為車隊資源不足，觀塘又要玩循環亦都冇得入觀塘道，價值就冇想像中咁高。白田行落石硤尾站實際上亦都好多居民咁樣做，$2 客本身就上左 214 去黃大仙轉車海，真係唔方便的座數唔係好多，而且本身石硤尾站 C 出口去白田商場都只係 500 米，居民視角會覺得 500 米唔算太遠但已經見到白田商場，坐鐵觀感唔係咁差。

2X 本身非繁客量其實麻麻地，另外，如果 13 全日 2A 改快，2X 就真係有條件變三彩話晒事唔駛理淘大意見，咁樣的話拖慢做旺角特快係有得傾，亦都冇必要上 20 分鐘一班。

---

作者: S3BL100    時間: 2025-10-14 09:57

2076 發表於 2025-10-14 01:21
2D 問題都係內街流水客，拉去觀塘其實令到九龍城內街返大坑東同石硤尾白田一定要行出大路上車，東行冇問 ...

2D 當然大部分客來自九龍城內街。但石硤尾客到底想要咩野；九龍城內街客又到底想要咩野，換條 3 畀佢地會唔會反而方便到更多人，呢兩個問題都值得問

內街客唔一定行出富豪東方坐車，以前食為先個站都可以

2D 拉去觀塘就唔淨係觀塘，譽港灣都有唔少返工同行街客

至於 2X，如果改慢而唔加班，我就唔敢寫包單一定過到三彩一關啦

---

作者: S3BL100    時間: 2025-10-14 21:46

1181174166 發表於 2025-10-14 00:47
本來係諗21拉直畀車10加返密，我唔counter propose啦，一寫就成份嚟
回應嘅係拉3不至於攬炒，除非又嚟區 ...

其實如果你將彩虹道四美街當左上面鳳德道替代品既話，事實上 3 拉去啟翔苑係同縮短後 10 攬炒。就算唔計上面，彩虹道來回仲有條縮短後 9 號仔，一樣都係攬炒。9 同 10 一來因為前者醫院線，二來因為西行聯合班次非繁各開 30 分一班，先要咁做，但多條 3？不了

受影響人數上面係我講得唔清楚。如果係正常 RPP 做法，純粹計原有路線乘客，例如 9 直接改坐 203E 果班都計，10 多定 9 多，我唔知。但如果係計改完之後要行多超過某個距離先有直接替代品，都大機會係去埋大角咀既 10 斬開兩條影響大過 9

不過好得意一樣野，9 四美街落車果班客唔淨係你亞皆老街中電一個站上車，你就淨係拎亞皆老街中電一個站出來講，成條彌敦道沿線就唔理。雖然彌敦道沿線有鐵，實際上 9 都無乜客真係咁坐，但彌敦道加加埋埋都好肯定多過你一個站，搵替代淨係補一個站而其他咁多個站就唔理，都見到你係一個點樣既人

為左一個站去一個站一日唔好講一百個客，五十個都未必有，而搞到方案奇奇怪怪，又無啦啦用多左資源或者搞到人地陪你減班，正常根本唔會咁做。唔好忘記早在十年前厹已經唔想做四美街落車班客，當年方案呢個站都係無任何補償

又咁講，如果你目的只係想去荷李活廣場行街，3C 203E 富𧙗大廈落車再行過去都係 600 米路程，又唔係咩醫院或者趕返學，無咁多客根本無條件做到條條街有車，你估今時今日巿區仲係三十年前人口密度咩，收手啦

---

作者: 1181174166    時間: 2025-10-14 22:04

S3BL100 發表於 2025-10-14 21:46
其實如果你將彩虹道四美街當左上面鳳德道替代品既話，事實上 3 拉去啟翔苑係同縮短後 10 攬炒。就算唔計上 ...

事實上縮完9同10，九龍醫院上返9，10就直頭唔到
而黃大仙<>啟翔苑一段路原來係9同10嘅主要客源?多條3影響成條線?

彌敦道真係唔理?一早話做10唔做9就夠，陪你癲先縮埋9，預你唔肯拉3先拎埋5<>27
自己嗰part都未爭取到，仲要搞有鐵兼有95，咁一定係擺後

叫人收手講到600米路程好簡單，衙前圍道行去民生書院500米有找就不了，一貫雙重標準、無視乘客需要
好似10#咁提出問題去引起討論去進一步改進，你就一如以往起鋼，咁你不如寫返遊記吧啦

---

作者: S3BL100    時間: 2025-10-14 22:39

1181174166 發表於 2025-10-14 22:04
事實上縮完9同10，九龍醫院上返9，10就直頭唔到
憑100人唔夠就攬炒會唔會太兒戲?

一個站去一個站唔夠一百個客姐，你估 3 號仔真係拉去啟翔苑，多出來果一段淨係得往來亞皆老街中電班客會用？唔會有人係去九龍城同九龍塘學校區，分走埋一部分 9 10 乘客？仲要搞到好地地廿分班都變 25 分班，點樣唔攬炒？

返學本身係有固定同集中需求，唔似一個站去一個站散客，前者係一定會有人睇住。仲要前者今次係兜遠左坐耐左之後仲要行遠左，又全天候無瓦遮頭，呢兩點都同後者呢個 case 無可比性

撇除呢點，上面都講左，諗住 10 唔斬開兩條西行兜入衙前圍道就代 2D 根本唔現實，仲想再增加行車時間嗎？再加多一點：你講荷李活我又講荷李活，美東邨就就重建好，你打算佢地以後去完行街坐 10 仔落衙前圍道再行返上去返屋企？

唔係話我乜野起晒鋼，但對住本末倒置山頭主義歪理我係一定唔會忍手。隔離坑帝就已經畀其他人玩到氹氹轉我就唔使加把口，但你喺隔離版都唔係無試過畀其他人針對，你不如檢討下先。今次好地地討論就畀你一個站去一個站騎劫晒

---

作者: 1181174166    時間: 2025-10-14 22:55

S3BL100 發表於 2025-10-14 22:39
一個站去一個站唔夠一百個客姐，你估 3 號仔真係拉去啟翔苑，多出來果一段淨係得往來亞皆老街中電班客會 ...

你9嗰架車拎返嚟用咪廿分班，81分鐘6架車乜都夠

行車時間再長又如何?營運角度行得走得，正如反智逆走唔好睇但唔會唔做得，反而塞車上彩福超越物理就一定唔得
全天候無瓦遮頭又點，你覺得勝利道行到去九龍醫院有幾多瓦遮頭?講埋中九龍門診行去醫院管理局都仲得

如果行到600米都叫合理步程，10仔衙前圍道再行返去都不外如是，更何況美東邨有1、11D等(咪住前，依家10東行點行)

你話山頭主意，問題係一個替代路線都無，assume BBI搵九龍城轉車站減$4.2貴咗，或者3<>9本身疏嘅線嚟轉
我嘅要求一早低到27<>5，有3就更好，一啲都唔難做

如果拎埋黃大仙20變30去醫院、2X被攬炒，真係要數我唔知要幾多頁先傾得晒，咁我拎到我要嘅嘢咪算囉

---

作者: S3BL100    時間: 2025-10-14 23:17

1181174166 發表於 2025-10-14 22:55
你9嗰架車拎返嚟用咪廿分班，81分鐘6架車乜都夠

行車時間再長又如何?營運角度行得走得，正如反智逆走唔好 ...

為左全日唔知有無一百個客而倒多部車落去，每日成本多 $5000 就算畀你開廿分班一樣都係分走緊 9 10 客源，一樣都係攬炒緊

600 米都要睇下係咩類型需求、步行環境，同埋有幾多客。再講多一次：返學係有高度集中需求，唔可以同散客兼且大半路段全天候無障礙去比

夾硬增加行車時間都改變唔到唔適合同埋會進一步影響運作可靠性呢個事實，做到唔代表合理，明白嗎？仲有好多年前就已經聽過佢地好多時路線改動都要車長唔反對先得，都要顧及佢地實際工作環境同需要，唔係你諗得咁簡單

你爭到個 27<->5 免費轉乘返來，唔影響 big picture，我無意見喎。（我長遠想要 5 仔回程飛九龍城天橋就係另一個問題了，不贅。）不過如果你真係有心做戲做足全套，點解唔係 203E 轉 5 6D 21？有無人或者幾多人到時真係會用轉乘係另一件事，反正十年前果次 9 拉直觸礁都唔係呢個原因。但你拎 27 而唔係 203E，都睇得出你份人有幾自我中心

---

作者: 1181174166    時間: 2025-10-14 23:27

S3BL100 發表於 2025-10-14 23:17
為左全日唔知有無一百個客而倒多部車落去，每日成本多 $5000 就算畀你開廿分班一樣都係分走緊 9 10 客源 ...

問題係現有服務唔係新增服務，你又明唔明?

返學高度集中唔代表唔行得，唔係成間學校都係搭10，仲要集中到一班車搞得掂嘅需求
唔合理但做到已經唔充分否決，拆10一定會好但唔充分一定要做，咁大問題一早拆線啦，係咪?
換人不換車已經做到唔改線但解決車程長問題

203E?我拎都拎1A啦下話，貪203E夠疏?你唔好話我益埋彩虹道去太子?
人不為己天誅地滅，自己都未搞掂我要咁大愛?你畀到27<>5我再搞1A<>5都未遲啦，仲要人哋成條鐵喺地底
要諗埋人哋，得，富榮花園去鑽石山，70唔到

---

作者: S3BL100    時間: 2025-10-14 23:44

1181174166 發表於 2025-10-14 23:27
問題係現有服務唔係新增服務，你又明唔明?

返學高度集中唔代表唔行得，唔係成間學校都係搭10，仲要集中到 ...

咁事實係你為左呢一百個客而每日成本比起原方案多 $5000 喎，正常根本都唔會咁做，有得順手上繳點解唔上繳？

我標準已經比起近年 RPP 鬆好多，好多時慳唔到車我都覺得值得做，但一定唔會係為左唔夠一百個客而用多每日 $5000 成本、慳少部車咁囉

仲有今次將 10 斬開兩條，行車時間太長影響可靠度固然係原因之一。但再提多你一次：另一個原因係 2D 改去觀塘。咁 2D 本身擺黃大仙總站，3 號仔我當然擺返黃大仙

返學呢類需求唔似你呢類散客，係睇得到、tangible 同一定有人睇住，你以為咁容易改

咁正常做法如果真係寫落 RPP，203E 同 9 重疊同相似程度咁高，真係要文件入面交代加咩轉乘落去，係一定寫 203E 落去架喎，你估得亞皆老街中電一個站有客坐去四美街，文件入面只會補償你一個人而唔補償其他人？你爭唔爭到其他 BBI 返來就另一件事，但文件一定唔會 27<->5 交功課囉

---

作者: 1181174166    時間: 2025-10-14 23:51

S3BL100 發表於 2025-10-14 23:44
咁事實係你為左呢一百個客而每日成本比起原方案多 $5000 喎，正常根本都唔會咁做，有得順手上繳點解唔上 ...

講多一次:原有服務
拆10本身係應該需要更多資源，21已經畀你拉落水，彩雲唔同意10縮完減班兼21縮短已經無得玩

3我無反對要入黃大仙呀

返學有需求又如何，步行範圍內已經可行，頂多特班
小數論而言彩雲+白田對比之下民生只屬小數
而且放學呢?

203E唔意外，但有埋啟翔苑，加27<>5係合理替代多於203E
而且9都唔太可能拆9X之下，成件事係拆10就止步，唔加都得
至於再加其他轉乘大家受益嘅無咩需要特別討論，提議即可

---

作者: S3BL100    時間: 2025-10-15 01:50

1181174166 發表於 2025-10-14 23:51
講多一次:原有服務
拆10本身係應該需要更多資源，21已經畀你拉落水，彩雲唔同意10縮完減班兼21縮短已經無 ...

原有服務就大晒？就係一定要有直達車理由？歷史上 RPP 唔好講一百個客，千幾甚至幾千個客兼且唔係行多 10 分鐘就有替代路線同車站都塞個 BBI 例子比比皆是，當中亦有唔少最後過到

呢個例子根本補 203E 轉 5 6D 9 21 係正常做法，BBI 只包括 27 無 203E 份擺明大細超亦補唔晒先唔係正常做法。再講多一次：真係要補，會淨係補亞皆老街中電往四美街，唔會補彌敦道沿線至旺角往四美街？你以為你係邊個？

為左一日唔知有無一百個客而每個月蝕多十五萬銀出去更加唔係正常做法。又唔係社會責任線，巴士公司而家開善堂？定係你課金？

今次個建議當然有闖關成份，彩雲會有咩反應我的確唔知。但正常 RPP 建議唔少都有闖關成份，今次彩雲換來更可靠區內穿梭服務亦唔係完全無好處。另一方面土瓜灣下路又真係唔需要咁多條流水疊住晒，今次個建議比起先前其他版友建議，例如 3M 21 合併擺九龍城碼頭，已經溫和好多。但可以肯定既係，彩雲話語權一定比起你中間一個細站大唔少

民生書院表面上好似係少數，但再睇返佢地係邊度上車、咩區會睇實，到時你估你仲講唔講得出佢地係少數丫。明明 10 而家返學需求就佔左相當大比重。放學就本來無，但唔代表返學都 可以畀你搞囉

---

作者: 1181174166    時間: 2025-10-15 07:57

S3BL100 發表於 2025-10-15 01:50
原有服務就大晒？就係一定要有直達車理由？歷史上 RPP 唔好講一百個客，千幾甚至幾千個客兼且唔係行多 10 ...

原有服務係講緊資源運用並無新增到

補亞皆老街同補彌敦道無衝突，係你製造二元對立

你唔肯畀線去做，畀個BBI，兜咁大個圈畀BBI好難?
依家唔係淨係9，仲有10縮短嘅影響，爭取返個BBI唔見得唔合理
而且203E本身咩班次，揀都揀架密啦

彩雲話就話聯合班次落黃大仙，但紅磡一定無咗
話語權大小唔代表可唔可以去爭取，唔好混為一談

放學可以行點解返學唔行得?比起你講600米衙前圍道已經叫近好多啦
依家郁2D，白田唔會係少數囉


再講一次9拆線已經困難到不可行地步，真係做到試爭取拉3，你唔肯我亦接受27<>5密車轉乘作替代
最搞笑係你講咗唔影響big picture但係執住拉3嚟拗，又話乜嘢唔幫彌敦道，件事無衝突兼且彌敦道唔係無選擇，你估亞皆老街多線就一定有替代咩，上次抽2A可見一斑

---

作者: S3BL100    時間: 2025-10-15 10:00

1181174166 發表於 2025-10-15 07:57
原有服務係講緊資源運用並無新增到

補亞皆老街同補彌敦道無衝突，係你製造二元對立

但都改變唔到拆 9 就要延長 3 呢件事係為左唔知有無一百個客令到整個方案成本比起原方案無端每月多左十五萬銀，兼且令幾條線攬炒。明明有方法唔使咁樣燒錢，無論邊間巴士公司都肯定唔會咁做，係你先以為唔使增加成本就唔使理會成本效益

我無話唔畀你加 27 <-> 5 轉乘啊，係無理由未加 203E 轉乘之前就先加 27 啊，呢個係原則問題

你又有無諗過 203E 今日開咁疏，非繁要收起幾部車開逆向 25 分班，好大原因係因為同條 9 攬炒？9 拆開條彩虹道果條唔入旺角咪唔攬炒囉，到時 203E 至低限度應該都要大部分 25 變返做 20 先掂

甚至乎如果 9 拆開兩條之後突左部車出來，厹皇恩浩蕩唔上繳既話，係都會加畀 203E 或者 3X 繁忙時間加班，起碼真係做緊有意義既事情，而唔係拉長條 3 攬炒囉

同埋岩岩睇返原來 9 彩虹道東行四美街停到咁前，同彩虹總站只係差 350 米，五分鐘行到；四美街落車行返去啟鑽苑根本同 203E 黃大仙警署落車再行過去差唔多，係過多條馬路咁解，但啟鑽苑穿過去已經係荷李活廣場。停到咁前，唔怪得十年前厹夠膽成條 9 由彩虹道同黃大仙抽走啦。今次就算畀你補 BBI 都只係為左滿足要求，實際應該唔會有人用

放學唔趕時間當然可以行，但返學點同？而且係而家有 vs 而家無

2D 當然係石硤尾有話事權，咪睇下佢地想去九龍城內街定係去新蒲崗同觀塘返工囉，佢地自己揀。但白田重建後人口上升係事實，除左 2D 以外無其他資源可以用來做呢個巿場都係事實

講到尾 9 最棘手一直都只係得醫院區，只要解決得到，就無唔可以加快三彩往來油尖旺車程既理由。你真係以為你一個站去一個站小眾需求就足以將成個重組拉倒嗎

---

作者: 1181174166    時間: 2025-10-15 10:15

S3BL100 發表於 2025-10-15 10:00
但都改變唔到拆 9 就要延長 3 呢件事係為左唔知有無一百個客令到整個方案成本比起原方案無端每月多左十五 ...

到彩虹總站之前你覺得行車時間多幾多？一個站距離替代方案寫行車時間增加到十分鐘甚至更多，合理嗎？拆9嘅話彩福對比黃大仙又係咪少數？
一架車，3X啱啱先減完，點會加畀你？203E就直頭杯水車薪

203E轉乘得啖笑，真係講起上嚟點解要轉乘之後無得起彌敦道落車？唔係一啲衝突問題搬到原則出嚟講，我唔覺得無得傾囉，講到尾加個27轉5唔係大問題，咁咪去做

返學趕時間所以唔行得？使唔使入埋去校園範圍？

---

作者: S3BL100    時間: 2025-10-15 11:09

1181174166 發表於 2025-10-15 10:15
到彩虹總站之前你覺得行車時間多幾多？一個站距離替代方案寫行車時間增加到十分鐘甚至更多，合理嗎？拆9嘅 ...

厹網站數據，9 龍慧樓到四美街啟翔苑出面 6.0 分鐘，來回加埋你話呢？我計到出來 3 仔擺黃大仙淨行車時間 71 分起跳，加埋長左果截，結果咪係拉長後五部車做唔到廿分班，一係加多部車，一係跌落 25 分班囉

半條彩虹道得返 203E 經亞皆老街往來旺角打後，有車剩確保大家上到車、唔使下下 25 分班，重要過為左你果唔知有無一百個客而咁樣拉線囉

而家好似只係講緊東行往彩虹道方向，西行就仲簡單，仲有大大條 95 一樣可以出到彌敦道，BBI 都唔使加（係咪好似我早前另一個建議將 95 反轉行上返大角咀就後話，但彌敦道沿途一樣有站）。至於東行，真係寫上 RPP，你估替代轉乘一欄會寫「亞皆老街中電往四美街」定係「油尖旺往四美街」丫嗱？如果係後者，真係寫 27 唔寫 203E，都好難交代，仲衰過唔畀 BBI，因為有位畀人入

當然都係啦，原來 9 四美街個站擺到咁前，BBI 做出來都只係為補償而補償，實際應該唔會有人用

返學趕時間，但亦唔好忘記你係叫人地兜遠左路之後仲要行多一截，加埋加埋係咪要早幾個字出門口？你覺得民意代表無其他強烈誘因下會同意咁做？

次次有你喺度，成個討論必然變成業餘、不認真、和像馬戲團。下下淨係捉住一個細位無限放大，真係有討論空間既其他問題就唔理，搞到其他版友都 follow 唔到真正重點然後無意參與討論。除左話你本末倒置同山頭主義之外，真係諗唔到其他形容詞。不過去到現實世界，民意代表真係諗住自己憑一己之力拉倒既話，結果係必然畀人大力聲討，又唔係無發生過

---

作者: 1181174166    時間: 2025-10-15 11:38

S3BL100 發表於 2025-10-15 11:09
厹網站數據，9 龍慧樓到四美街啟翔苑出面 6.0 分鐘，來回加埋你話呢？我計到出來 3 仔擺黃大仙淨行車時間  ...

結果你自己講埋彩虹道點出彌敦道，我唔講你自己都識講，咁係咪必要講替代？你話我自我中心，實情又唔係無選擇，諗唔到要補咩畀佢

業餘、不專業、像馬戲團？好過你講完唔理想但實際唔係嗰回事，寫開遊記唔代表落地實際搭車嘅諗法
我提27代表唔可以加203E咩？你咪又係刺稻草人，甚至諗齊補償係建議者嘅責任而唔係我，我提出降低轉乘時間嘅方法啫，加多條1A又點話

拉3或27<>5二揀一皆可，拉3唔係唯一解決方法，你加埋27<>5大功告成，彩福日日塞飽佢

講民意，寫去程更方便前往九龍城，唔一定係輸
甚至講到學生集中需求，分分鐘一班特班已經解決，反而全日去九龍城方便咗喎，最少星期六日唔可能有「大」需求去民生啩

學生亦唔係必須要短距離步行，執着行車時間延長，不如關心下黃大仙去九龍醫院候車時間更長

拆10我自己無乜意見，最多謂唔做亦無問題，反而郁9搵3補位，唔中意就再簡單啲加個27<>5啫，都可以扭擰幾版，真係執呢份建議有排都收唔到工
你又有無諗過我講多你駁得仲多，唔係我自我中心唔講埋其他位?

---

作者: LAK2    時間: 2025-10-15 15:02
利申：
作為偶而10/21遊河乘客
唔想縮線但未有意見

不過見討論10仔回程替代好似好有分歧
想問下條113幫唔幫到大家？

---

作者: 1181174166    時間: 2025-10-15 19:01

LAK2 發表於 2025-10-15 15:02
利申：
作為偶而10/21遊河乘客
唔想縮線但未有意見

113最大問題係過海方向

題外話試過去界限街嗰邊，太子道頂死，結果頂唔順聖佐治落車行算

---

作者: S3BL100    時間: 2025-10-15 22:33

1181174166 發表於 2025-10-15 11:38
結果你自己講埋彩虹道點出彌敦道，我唔講你自己都識講，咁係咪必要講替代？你話我自我中心，實情又唔係無 ...

係你上面講乜野 203E 彌敦道無得落車，我先拎出來講咋。咁事實係本來就有 95 做替代

你自己亦唔好以為你一個人代表到大多數乘客訴求，甚至代表到你樓下一個站其他乘客訴求。大多數乘客其實都只係想要可靠同速度合理服務，唔係成日要去既主流目的地接受到合理步行距離，唔好下下炸開幾條 25 分一班一齊到站玩客。你就調轉，為左小眾需求而連可靠度同其他乘客需要都唔理，係都要大家齊齊攬炒先安樂

再講多一次，補轉乘就補足全套係原則問題。同一組受影響乘客入面你有乜理由只補償其中一部分而唔理其餘受影響車站？大細超？正常會咁做？寫落 RPP 就一定唔會只有 27 無 203E，你拗唔拗到多幾條線可以揀就睇自己造化，畀你係人情。但你諗住叫油麻地佐敦客行上去旺角道坐 27 轉車？

嫌 203E 疏，但疏轉密一定好過密轉疏，反正 5 仔絕對有條件回程飛橋，我畀你 203E 轉齊 5 6D 9 10 21 幾飛（5 10 入到彩虹道先轉）實際過 27 轉 5 啦

當然都係果句，呢個轉乘加上去都只係交功課，實際上唔會有人用。再強調一次，做就做足全套、唔好大細超，係基本原則問題

使唔使我再浪費時間 loop 多一次點解 10 仔唔適宜亦唔可能再加長行車時間？至於你話去九龍城，你望下縮短左之後 10 仔點行，西邊果一半九龍城內街都做到掛。甚至乎循環個圈細左咁多，到時真係有人懶行兜完一個圈再落車都唔係完全唔可能

至於醫院線，本版共識好似係呢類社會責任只要做到半粒鐘一班已經交到功課

---

作者: S3BL100    時間: 2025-10-15 22:37

LAK2 發表於 2025-10-15 15:02
利申：
作為偶而10/21遊河乘客
唔想縮線但未有意見

113 當然係替代

但我提出來肯定會有人鬧。咁事實係我仲未放棄過 103 113 合併做竹園往來堅尼地城、104 改上半山呢個念頭，部分細節仲有空間商議，但到時呢段流水會無左。但 103 113 唔夠客然後攬炒呢個問題同樣有需要解決，合併成既話絕對有條件做到上繁順向 12-15、非繁大部分 20、下繁大部分 15，慳到車之餘又對大部分原有乘客都有好處

---

作者: 1181174166    時間: 2025-10-15 22:55

S3BL100 發表於 2025-10-15 22:33
係你上面講乜野 203E 彌敦道無得落車，我先拎出來講咋。咁事實係本來就有 95 做替代

你自己亦唔好以為你 ...

「不過如果你真係有心做戲做足全套，點解唔係 203E 轉 5 6D 21？」
你確定係我問彌敦道而講203E?

唔好下下炸25，依家炸到30嘅你做咗

油麻地歡迎加入爭取，有啲唔係我去爭取例如1A咁，留返畀人哋爭取
轉乘你畀多啲我唔拘

做全套仲有得數，你作為建議者留畀你
仲有係有27無其他先叫大細超，我提27唔代表無其他，呢點我係不滿你大細超指控，講多次你呢個係搞二元對立

10仔加長時間搵柏景灣定時換人唔係無人提過，我唔認為做唔到
聯合道去內街當一半，咁經東頭邨係多另一半喎

醫院線一個鐘都得，問題係點解要本身由20跌落30?

---

作者: S3BL100    時間: 2025-10-15 23:36

1181174166 發表於 2025-10-15 22:55
「不過如果你真係有心做戲做足全套，點解唔係 203E 轉 5 6D 21？」
你確定係我問彌敦道而講203E?

你望下你 #42 第二段講左咩先

咁講啦，如果你一開始唔將一個站去一個站既問題無限放大，一開始就明白唔係得你一個人受影響，正正經經提出加 203E 轉乘，唔好多口去提咩 3 拉去啟翔道呢類損人不利己兼技術上脫離現實大細超建議，又或者提咩 27 轉 5，唔好將自己小眾利益凌駕其他人，成個討論都唔會失焦，我都唔會咁大反應

老實今次建議有明顯闖關成份，但真係有爭議亦值得爭議既位，有排都輪唔到你一個站去一個站囉，仲要睇返原來最近替代落車站位都係五分鐘步行距離之內

至於我炸開幾條 30 分一班？有D位本身已經做緊既，或者道路網唔容許既，本身無其他解決方法，但同一時間 30 又好過 25。作為乘客，無論我今日朝早十點出門口，定聽日朝早十一點出門，又或者下星期三下晝兩點出門口，都能夠知道或者好容易計到大概幾時有車，呢個係好合理要求吧

況且又正正係因為想核心路段提供更穩定可靠服務，先要將條油麻地大角咀循環斬短去黃大仙，然後將 9 縮短，畀 203E 揸大旗，谷佢 25 時段都夠客上返 20；同時又將 10 21 彩雲往來黃大仙核心路段加到聯合 15 分一班，仲要專登夾好班次；如果兩項重組都做得到，又可以夾好 9 同 10 彩虹西行

至低限度你應該唔可以否認呢幾個位重組後會好過今日現狀

---

作者: 1181174166    時間: 2025-10-15 23:56

S3BL100 發表於 2025-10-15 23:36
你望下你 #42 第二段講左咩先

咁講啦，如果你一開始唔將一個站去一個站既問題無限放大，一開始就明白唔 ...

咁41#你都係提203E先

3唔預你拉25分鐘，計83分鐘一轉5架車夠用，當你要多啲休息時間拆9本身可用多一架

你話大反應係因為五分鐘步程，不如你諗下我有無拎志蓮淨苑出嚟講，有啲嘢我唔會攞盡，你放心
講啟翔苑而唔係鑽石山，明明後者更就腳，我爭取之前考量過嘅
27轉5將自己小眾利益凌駕其他人?邊個會少咗忽肉呢?

炸開30你又唔係唔知19-33收起變40都夠膽，仲要旨意你聯合班次

本來做10呢part還好，拆9做多咗，你肯暫停9嗰part再諗又無妨，起碼呢四頁嘅嘢唔使諗
反正彩福地理限制，本身亦有2X

---

作者: S3BL100    時間: 2025-10-16 00:19

1181174166 發表於 2025-10-15 23:56
咁41#你都係提203E先

3唔預你拉25分鐘，計83分鐘一轉5架車夠用，當你要多啲休息時間拆9本身可用多一架

83 分鐘一轉 5 架車開廿分班就唔合乎休息時間指引，你再過幾日㩒多次厹網站數據，10 一轉過百分果陣 3 仔一轉都要 75-80，加埋果段仔就唔使抖？額外加多部車同收少部車無分別，為左一日唔夠一百個客而要一日使多五千銀，或者慳少五千銀，要我 loop 多幾多次？發完夢未？再講一次：真係多部車唔收起，都會係用來滿足 203E 呢類大眾需求，而唔係你呢類小眾要求

9 號仔我依然維持原判，本身爭議應該仲少過 10 斬開兩條，反正醫院已經做左，你夾硬將一個站去一個站小眾需求無限放大就另計。但去到執行層面，係唔會有人 entertain 你呢一個又唔係醫院社會責任，兼且 350 米以內有替代車站既要求，最多都係會加個最後無人用既 BBI 就算。講多一次：十年前方案觸礁都唔係因為呢一個站

起碼你一個細站去一個站係一定凌駕唔到三彩，佢地就算有 2X 畀你西行拖慢都做唔到油麻地到尖沙咀一段。相比之下你一個站去一個站算係咩野，仲想多數遷就少數真係唔要面。真係一個站去一個站作為拉倒重組理由，你都只會成為社會公敵

---

作者: 1181174166    時間: 2025-10-16 00:25

S3BL100 發表於 2025-10-16 00:19
83 分鐘一轉 5 架車開廿分班就唔合乎休息時間指引，你再過幾日㩒多次厹網站數據，10 一轉過百分果陣 3 仔 ...

小眾要求但無替代，巴士公司唔係善堂但都係要做
明明可以順路做，結果有兩條線要中九龍無人地帶調頭做運櫈保證，咁中意計數10改做學校線或東頭邨至聯合道折返再慳車吖不如
況且你未答我你assume其他轉乘又好無又好，加27<>5邊個少咗忽肉?


9十年前觸礁我記得彩福要去彩虹道
多數遷就少數就預你會講，2X去唔到油麻地尖沙咀又如何?本身擺唔落你講幾多理由，甚至大多數到上百萬人，一個物理限制可以安心擱置

成為公敵?今次去到27<>5都夠過，已經唔理你彩福塞爆，又唔理彩福逆向幾早無車出旺角

---

作者: S3BL100    時間: 2025-10-16 00:43

1181174166 發表於 2025-10-16 00:25
小眾要求但無替代，巴士公司唔係善堂但都係要做
況且你未答我你assume其他轉乘又好無又好，加275邊個少咗 ...

係你先仲咁厚面皮懶得戚想阻止人地服務提升

就算唔計轉乘，坐 203E 彩虹總站落車距離四美街 9 站位只係 5 分鐘 350 米路程，唔係替代？唔想兜山咪行前一個站坐縮短後 9 號仔，又唔係替代？計埋轉乘，203E 轉車又唔係替代？

無話唔畀你爭其他轉乘返來，但都係果句，你一開始就公平少少，唔好淨係無限放大你一個站，做咁多厚此薄彼既野，我地可以嘈少五版

講返歷史，當時初版方案係 9 號仔來回直行太子道東，觀塘支持但黃大仙反對；然後厹讓步 9 行彩虹道但唔入黃大仙總站，黃大仙繼續反對。之後有一年因為數到 9 特別班唔少人新蒲崗落車，彈個方案 9 號仔爆條分支線 9A 只做彩福往來黃大仙，就輪到觀塘反對

最後變左直接拉條 9 上山，觀塘班區佬想要政績，含淚硬食。但硬食唔代表方案對用家理想

去到今日 9 真係唔少客坐落新蒲崗，甩唔走，但今次我個方案已經 take care 左呢樣野。彩福總站一小時三班車變四班車，有乜問題？我減逆向服務，當係必須付出代價咪算，整體都係有明顯好處

係你因為一個站去一個站先要不斷搵藉口想拉倒成件事

---

作者: 1181174166    時間: 2025-10-16 00:57

S3BL100 發表於 2025-10-16 00:43
係你先仲咁厚面皮懶得戚想阻止人地服務提升

就算唔計轉乘，坐 203E 彩虹總站落車距離四美街 9 站位只係  ...

203E行車時間長十分鐘，9又唔到，203E轉車嚟講叫得密?畀你加嗰一架之後會唔會10分鐘一架?


乜嘢叫公平少少?大家都可以爭取㗎，唔係要講晒所有問題先可以走爭取囉
阻止人地服務提升?加多個轉乘就做到係你唔做咋

三班車變四班車問題係四條線營作唔同，三變四唔止係班次而係包埋擺車時間，你塞爆咪塞爆，然而呢點運輸署容唔容許咁做就閣下自理
必須付出代價?出油尖旺快咗唔代表要服務時間短咗，依家改特快你無加價？但你屈彩福就隨便

不斷搵藉口? 得戚想阻止人地服務提升?你不如好似小紅書咁話我有優越感，反正你都刺唔少稻草人
加個27<>5就已經理得你_，係你唔做埋佢啫，你都係講唔出加完邊個少忽肉，一味話大細超，實際無人蝕過

拉3唔做就罷就，係無直車咁解，一早畀埋27<>5個方案取代，你就放大到拉晒嚟講大多數定少眾玩對立，失焦你唔會無份
根本上9同10都唔知要幾耐先會改晒，你大把時間講唔理想但我呢啲小眾繼續有車搭，你唔暴跳如雷我點得戚;p

你要理想世界，一個密車轉密車已經解決，究竟邊個大放厥詞偷換概念亂扣帽子，然後被害妄想覺得人哋拉倒計畫呢?

---

作者: S3BL100    時間: 2025-10-16 21:20

1181174166 發表於 2025-10-16 00:57
203E行車時間長十分鐘，9又唔到，203E轉車嚟講叫得密?畀你加嗰一架之後會唔會10分鐘一架?

真係突部車出來加畀 203E 你以為係為左呢個 BBI？不如你又估下 9 號斬開兩條之後直接過檔 203E 既乘客比較多，定係四美街一個站落車既客比較多？答案都好明顯係前者吧。就算係可以坐第二條線原站上落，根據定義都係受影響乘客，RPP 都要交代。我手上就無 203E 載客率數據，但如果計到出來係 203E 接收左呢班客之後載客率超過某個指標，凱婷一樣會要求 203E 加班先可以批准重組

十年前果次咪係 9 要減部車畀 203E 加班，今次 9 拆線後減部車都係預留左呢個可能性，係你先覺得多部車出來唔係確保多數乘客可以上到車，而係用來滿足一小撮人一個站去一個站需求

再講多一次，唔係唔畀你爭其他轉乘返來，但一定唔會係未有 203E 轉乘之前就整 27<->5。四美街落車唔係得你一個，明明沿線咁多個站受影響程度都係一樣，根本就係同一個問題，亦有方法可以同時補償晒。喺原有網絡唔係本身有條線唔使改都可以直接補償佢地一小撮人前提下，你咁玩厚此薄彼，講得直接少少，文件真係咁寫走去告廉署都仲得

當然，如果最後係要再加埋 27 轉乘先通過到呢個重組，厹都係會跪。但根據平時 RPP 諮詢方式同埋凱婷慣常處理意見做法，更大可能係佢地官腔話其他轉乘或者 350 米以外既彩虹總站已經可以補償，就咁加左個 203E 轉乘就做，之後再算。至低限度 9 拆兩條真係拉倒都一定唔會係因為一個站去一個站，你太高估你既話事權。淨係將一個站去一個站無限放大然後騎劫成件事，你可以唔要面但係人都知你係一個點樣既人，弊在你連自己喺 food chain 入面排咩位都唔知

同埋 5 先係無必要停富豪東方，你係加轉乘都加 6D 9 甚至 10 21

---

作者: 1181174166    時間: 2025-10-16 21:38

S3BL100 發表於 2025-10-16 21:20
真係突部車出來加畀 203E 你以為係為左呢個 BBI？不如你又估下 9 號斬開兩條之後直接過檔 203E 既乘客比 ...

9本身走咗批人去9X，203E又唔入黃大仙，斬9係咪對203E有幫助成疑

再講多次提出27<>5唔係獨家權利，其他人舉手一樣可以講，唔通人哋中意食屎我又要跟住食?你可唔可以搞返清楚先?
我發現問題而人哋覺得佢自己嗰邊無問題唔出聲，我又要禁聲?

拆9我講嘅困難係彩福因素，你就拎住荷李活借題發揮，做咁多次刺稻草人你唔面紅都算有料到
依家睇返203E黃大仙警署去彩虹要12~13分鐘，民生書院你話多7分鐘已經呱呱嘈，我唔認同203E以3~4倍車程加行路係合理替代

27轉5係基於兩條線之間接駁更快，你畀返條30分鐘一班嘅9同21我買大細?又唔保證到唔會一齊到
6D係密，但9本身$5.8，拎5唔係無考量埋價錢，6D<>27合供$5.8我無所謂，但我認為你會咁做

---

作者: S3BL100    時間: 2025-10-16 22:36

1181174166 發表於 2025-10-16 21:38
9本身走咗批人去9X，203E又唔入黃大仙，斬9係咪對203E有幫助成疑

再講多次提出275唔係獨家權利，其他人舉 ...

9 而家西面果半截彩虹道完全無客？唔會有人直接過檔 203E？

203E 黃大仙警署往彩虹要 12-13 分，但同時 9 而家要兜黃大仙，去到彩虹總站差距無你想像中咁大，乜野差 3-4 倍？差 7-8 分就差唔多。重點係而家唔係九十年代，巿區無咁多客無客觀條件條條街都有車，反正而家就算返彩虹總站都一定有人 9 203E 叫兩飛，邊架先到上邊架。又唔係趕返工，呢個差別係可以接受。而家唔係本來無 203E 然後我強行將 9 改做兜上山再落山然後叫人行返過去，點同？

況且都係啦，9 四美街停到咁前，去啟鑽苑果班隨時係黃大仙警署已經落車再行過去

同埋提提你，9 東行分段收 $6.3

---

作者: SE7378    時間: 2025-10-16 22:45
整體嚟講係好建議，個人唯一嘅 concern 係延長 2D 個度，
做白田 <> 觀塘係 OK，但行九商、觀商，非繁角度始終差啲，
至少 cover 唔到德福同 APM 呢啲大商場，個人有所保留。

另外，個人都想知 21 改行鳳德道之後會有啲咩後續重組。

---

作者: 1181174166    時間: 2025-10-16 22:59

S3BL100 發表於 2025-10-16 22:36
9 而家西面果半截彩虹道完全無客？唔會有人直接過檔 203E？

203E 黃大仙警署往彩虹要 12-13 分，但同時 9 ...

「有人」嘅話，呢種非黑即白嘅講法，你所講嘅100人都係「有人」，過檔又唔等於夠人加班

7-8分你計淨車程，得，咁計埋步行時間
真係要你街街有車我都係嗰句啦，拎埋鳳德街嚟講囉

你要整合，我咪睇下整合得嚟無咁差，背底去荷李活，你想搞10重組，本身四美街做代替行過去還好，203E近四美街都唔近荷李活，唔係街街有車年代都唔係改埋指引

9東行收$6.3，noted，但6D $6.7

---

作者: S3BL100    時間: 2025-10-17 10:13

SE7378 發表於 2025-10-16 22:45
整體嚟講係好建議，個人唯一嘅 concern 係延長 2D 個度，
做白田  觀塘係 OK，但行九商、觀商，非繁角度始 ...

行晒觀塘同九龍灣商貿區當然係因為觀塘道流量問題，如果有剩餘流量當然可以出返去。但流量矜貴，2D 唔會係我優先擺觀塘道路線之一

但九龍城轉車站有齊咁多條線行晒成條觀塘道，界限街本身又有 1A，2D 行商貿區做唔同既野未必係一個差既選擇。另外 2D 咁樣做循環，其中一個盤算係作為 11X 長遠拉返直行觀塘道既部署

21 改行鳳德道，下一步當然係殺左條 3B，用 3B 資源換線，同時 5C 應該都要加返班。另外 11 縮返落黃大仙應該都仲得

---

作者: S3BL100    時間: 2025-10-17 10:26

1181174166 發表於 2025-10-16 22:59
「有人」嘅話，呢種非黑即白嘅講法，你所講嘅100人都係「有人」，過檔又唔等於夠人加班

7-8分你計淨車程 ...

至少一定唔係無。如果真係數人頭，彩虹道西段坐緊 9 而本身又可以坐 203E 人數，都無乜可能少得過四美街一個站。夠唔夠 203E 要加返班我唔知，但兩個可能性都唔可以排除，同埋得返 203E 一條大部分 25 上返 20 都係相當合理期望

十年前 9 擺上 RPP 拉直果陣仲未有啟鑽同啟翔苑，步行環境差過今日，當時彩虹道同鳳德道亦好難互作替代，今時今日反而仲容易左就真。啟鑽苑穿過去就係鑽石山 A2 出口，穿返出去就係龍蟠苑同荷李活廣場，而黃大仙警署同四美街個擺到咁前既站行去啟鑽苑距離均等

當然，你一個站覆蓋範圍居民有幾多人需要恆常跨區去呢個半紅不黑商場行街都係問題，老實講地區人士都未必 care，啟翔苑居民真係出聲都未輪到你

同埋一直講緊東行，原來你唔知幾時無啦啦轉左話題去西行

---

作者: 1181174166    時間: 2025-10-17 13:23

S3BL100 發表於 2025-10-17 10:26
至少一定唔係無。如果真係數人頭，彩虹道西段坐緊 9 而本身又可以坐 203E 人數，都無乜可能少得過四美街 ...

合理，但未必理你
不過如果話25上20，9縮完之後20變30似乎更唔符合期望，呢度嘅共識同出面諗法唔同

你咁滑坡式推到警署都係合理範圍仲衰過拎富佑大廈嚟講，A行過去就係B，B行過去就係C，咁推法直接由中電行過去⋯⋯不過跟返指引，就算超都唔好咁過分

咁有去有回，東西行是旦啦，只係覺得加多個27<>5有得揀行少啲而無咁嘥時間咁，兩條線換個BBI都好碎料啫
你搞咁多嘢彩福嘅問題我唔係好想理

---

歡迎光臨 hkitalk.net 香港交通資訊網 (https://www.hkitalk.net/HKiTalk2/)

Powered by Discuz! X3.4