hkitalk.net 香港交通資訊網

標題: 巴士收費系統可否改設於巴士站上？ [打印本頁]

作者: 757 時間: 2025-10-25 17:50
標題: 巴士收費系統可否改設於巴士站上？
現時每輛巴士只有一部收費機，所有乘客必須在巴士到站後才能輪流使用同一部收費機繳付車資，往往導致巴士須於多人上車的巴士站停留較長時間，未能善用巴士資源，亦容易造成脫班問題。

相比之下，輕鐵乘客抵達輕鐵月台已經可以立即拍卡，無需如巴士般等待巴士到站後才能付款，有效分散乘客拍卡的時間，亦可運用所有車門上落，運作效率較巴士為高，班次亦較巴士為穩定。事實上，在公共交通工具外付款的方式 (off-board fare collection) 在世界各地均有推行。根據世界銀行的論文第100頁，"Off-board fare collection reduces the amount of time per person during theboarding process and can improve the capacity of the stop by reducing stopdwell time. Further, with off-board fare collection, boarding customers canenter through the rear door, further reducing stop dwell time."

為改善巴士運作效率，加快巴士車程同時降低營運成本，我認為巴士可以參考輕鐵票務系統，停用巴士上的收費機，改於巴士站增設出入站機，乘客在起點站上車前須在入站機上拍八達通卡、信用卡或二維碼，收取較高的車資作為按金 (authorization hold)；到達目的地後，在離站時在綠色出站機收費器上再以同一支付方式確認抵站，並扣除剛抵站巴士的應付車資。雖然類似輕鐵的開放式收費系統可能會導致部份乘客選擇逃票，但減少停站時間所能節省的人力及燃料成本應可抵銷逃票所失去的收入，而且巴士公司可指示站務管理員進行查票工作。這個系統在香港是否可行？

作者: kei_hk 時間: 2025-10-25 18:07
你知唔知輕鐵的逃票率係幾高？

作者: lsc04d11 時間: 2025-10-25 18:28
淨係個報站成日報錯站都已經知唔得啦呀嘛。。。。。。。。。。

作者: Ming@5119 時間: 2025-10-25 18:41
不可行，就係咁簡單。

你嘅想法喺車費計算、票務系統運作嘅層面好唔現實
亦都睇唔到到底實際上減少咗停站時間係咪真係慳到人力成本同燃料成本
就算真係慳到，點都比唔上逃票帶來嘅損失

作者: noname617 時間: 2025-10-25 18:51

巴公咁多站！要擺幾多部機先夠?
另外保安上點保證巴公財產不受破壞？根據以前九鐵是阿爺的，被人搏爛唔怕啦！換過部囉！到呢架黨鐵年代，已係輕鐵月台裝左n部老閉！唔會再有黑暴架啦！但要係無電的分站都駁電搞收費機！真係艱巨的任務，師兄不如考入巴公帶領團隊搞呢套系統啦！
仲有雙向分段收費睇巴公裝機都做唔到每個站都有，仲想收費系統擺落巴士站？

作者: 757 時間: 2025-10-25 20:00

noname617 發表於 2025-10-25 18:51
巴公咁多站！要擺幾多部機先夠?
另外保安上點保證巴公財產不受破壞？根據以前九鐵是阿爺的，被人搏爛唔怕 ...

現時中國太陽能板及電池儲能系統技術成熟，巴士站要設置收費系統應該唔需要特登接駁電源，可以透過太陽能系統處理，技術上問題不大。

根據巴典數據，全港共有8753個專營巴士站，5,916輛巴士。因此，把收費機放在巴士站上不會導致收費需求大增。

作者: Peter03145212 時間: 2025-10-25 20:07

757 發表於 2025-10-25 20:00
現時中國太陽能板及電池儲能系統技術成熟，巴士站要設置收費系統應該唔需要特登接駁電源，可以透過太陽能 ...

唔好用巴士站同輕鐵站嚟比，冇任何可比性，再講全港咁多個巴士站，你擺得幾多部，仲未計有啲巴士站有成十幾廿條巴士線設站，咁係咪要擺廿部機喺巴士站度呀，咁搞法只會更加混亂，總括嚟講呢個方案唔可行

作者: 757 時間: 2025-10-25 20:34

Peter03145212 發表於 2025-10-25 20:07
唔好用巴士站同輕鐵站嚟比，冇任何可比性，再講全港咁多個巴士站，你擺得幾多部，仲未計有啲巴士站有成十 ...

學輕鐵咁，大站可以擺多幾部，細站就出入站各擺一部就夠

作者: noname617 時間: 2025-10-25 20:35

757 發表於 2025-10-25 20:00
現時中國太陽能板及電池儲能系統技術成熟，巴士站要設置收費系統應該唔需要特登接駁電源，可以透過太陽能 ...

現時中國太陽能板及電池儲能系統技術成熟 (香港高樓大廈咁密集，你用中國城市比？人地有香港高樓大廈密度密得過香港？)

巴士站要設置收費系統應該唔需要特登接駁電源，可以透過太陽能系統處理，技術上問題不大。(得的話，九巴做左啦！洗你教？你解答下點解最有生意做的新界西雙向分段回贈機仲未每個站都做到有電到，點解唔係好似你所講簡單解決到先？)

建議師兄有咁多時間ff，入巴公實踐你套計劃啦！

作者: noname617 時間: 2025-10-25 20:37
本帖最後由 noname617 於 2025-10-25 20:39 編輯

757 發表於 2025-10-25 20:00
現時中國太陽能板及電池儲能系統技術成熟，巴士站要設置收費系統應該唔需要特登接駁電源，可以透過太陽能 ...

師兄你未答到我點解決巴公的財產保安問題？呢架你要求係每個站都擺機！新界西雙向分段機都有時死左機，靠各位師兄打電話上中心報先有人整！仲有大專優惠站果d，都靠人主動回報先有人去搞

壞機逃票問題又點解決呢，呢架人地收費機擺上車都唔洗日曬雨淋會壞機囉！日後日曬雨淋！壞機機會都會偏高喎！

作者: ccchhhuuunnn 時間: 2025-10-25 20:40
咁安全嘅社會梗係人臉辨識直行直過最快喇

作者: Peter03145212 時間: 2025-10-25 20:42

757 發表於 2025-10-25 20:34
學輕鐵咁，大站可以擺多幾部，細站就出入站各擺一部就夠

每一條巴士線收費都唔同，咁點搞，仲有部機壞咗又要其他人call先至嚟整，再講點樣防止逃票，你依家不斷喺度迴避問題，冇用架，總之就係唔可行

作者: 757 時間: 2025-10-25 20:45

noname617 發表於 2025-10-25 20:37
師兄你未答到我點解決巴公的財產保安問題？呢架你要求係每個站都擺機！新界西雙向分段機都有時死左機， ...

其實假如個收費機有用到物聯網技術嘅話，部機斷咗網或者收唔到錢，導致巴士公司唔能夠遙距控制部機，已經代表部機有問題，需要派人維修

即使係一啲冇連到互聯網嘅巴士公司財產，亦可以透過無人機巡查發現有冇損害，配合政府喺街燈設置嘅閉路電視系統偵測到疑犯

作者: 757 時間: 2025-10-25 20:49

Peter03145212 發表於 2025-10-25 20:42
每一條巴士線收費都唔同，咁點搞，仲有部機壞咗又要其他人call先至嚟整，再講點樣防止逃票，你依家不斷喺 ...

乘客需要喺入站出閘各拍卡一次，同輕鐵收費原理一樣，可以辨別到乘客由邊一笪地方去另一笪地方，需要繳付嘅車資
從拍卡嘅時間，亦都可以辨別到乘客究竟係搭咗邊架巴士，以區分特快線同流水線之間嘅價錢分別

防止逃票可以透過增加罰款處理

作者: Peter03145212 時間: 2025-10-25 20:53

757 發表於 2025-10-25 20:49
乘客需要喺入站出閘各拍卡一次，同輕鐵收費原理一樣，可以辨別到乘客由邊一笪地方去另一笪地方，需要繳付 ...

增加罰錢，都防止唔到逃票嘅問題，輕鐵同巴士嘅收費根本就唔同，好心你啦唔好成日將啲嘢格硬去比較

作者: 757 時間: 2025-10-25 21:00

Peter03145212 發表於 2025-10-25 20:53
增加罰錢，都防止唔到逃票嘅問題，輕鐵同巴士嘅收費根本就唔同，好心你啦唔好成日將啲嘢格硬去比較
...

冇比較冇傷害，唔去攞其他系統作參考就永遠做唔到改善。輕鐵同巴士嘅收費唔同，唔代表巴士唔可以坐輕鐵嘅收費系統。起碼輕鐵同巴士都係有按距離收費，唔似電車咁樣搭幾遠都係同一個價錢。

作者: Peter03145212 時間: 2025-10-25 21:04

757 發表於 2025-10-25 21:00
冇比較冇傷害，唔去攞其他系統作參考就永遠做唔到改善。輕鐵同巴士嘅收費唔同，唔代表巴士唔可以坐輕鐵嘅 ...

做唔到就係做唔到，參乜嘢考，記住唔係所有嘢都可以copy落去第二個地方

作者: YouTime 時間: 2025-10-25 21:11

757 發表於 2025-10-25 20:49
乘客需要喺入站出閘各拍卡一次，同輕鐵收費原理一樣，可以辨別到乘客由邊一笪地方去另一笪地方，需要繳付 ...

如果我係北拱街上5C,泰東樓落,咁後面有架3B跟尾
系統點分辨我係坐3B定5C?

作者: siupy 時間: 2025-10-25 21:21

kei_hk 發表於 2025-10-25 18:07
你知唔知輕鐵的逃票率係幾高？

其實我認為輕鐵大站
例如天水圍/屯門
甚至只要空間夠的車站
能夠裝到傳統閘機就裝傳統
現金購票就改為QRCODE
售票機設於閘機之外

作者: 山陽岡山 時間: 2025-10-25 21:29
咁似某輕鐵哥十幾年前講啲嘢咁嘅...

作者: GK3258 時間: 2025-10-25 21:58

757 發表於 2025-10-25 20:49
乘客需要喺入站出閘各拍卡一次，同輕鐵收費原理一樣，可以辨別到乘客由邊一笪地方去另一笪地方，需要繳付 ...

捉逃票需要額外人手，而且外國一向都係會用一個model去預計捉逃票用嘅人手vs逃票率，而實際個罰款係追唔到lost嘅收入。
簡單而言，假設依家巴士公司用緊1億嘅人工去帶來2億收入，改左你個方法就要額外10%人手捉逃票，逃票率20%，即係收入得翻1.6億，人工就1.1億，即刻賺少一倍錢。
如果呢個方法係得，外國就會有巴士用，但實際上所有外國巴士都唔會咁做你就知咩原因啦，根本無着數。

作者: kitarolo 時間: 2025-10-25 22:36
本帖最後由 kitarolo 於 2025-10-26 00:00 編輯

757 發表於 2025-10-25 20:00
根據巴典數據，全港共有8753個專營巴士站，5,916輛巴士。因此，把收費機放在巴士站上不會導致收費需求大增。

大站可以擺多幾部，細站就出入站各擺一部就夠

鄉郊車站都話要兩部
使用率高嘅站仲話幾部
第一段引文車站已經多過車輛
咁即係要逾萬部收費器

收費器原本喺車上
壞咗嘅車長都會向公司報告
臨時搬位或非每日服務/散場路線
例如275R新娘潭路整嚟多餘
BBI點處理? 聯營路線
營運商點知個客搭佢部車?

輕鐵單一營辦商固定車站
咁嘅資本實力都未有二維碼付款
陸客搭巴士現時較常用支付寶/微信
即係話巴士嘅中途站都要有
我係巴士公司就唔敢僱用閣下
有時間研究埋附圖呢個位點整出入設施

作者: noname617 時間: 2025-10-25 22:57

757 發表於 2025-10-25 20:45
其實假如個收費機有用到物聯網技術嘅話，部機斷咗網或者收唔到錢，導致巴士公司唔能夠遙距控制部機，已經 ...

其實假如個收費機有用到物聯網技術嘅話，部機斷咗網或者收唔到錢，導致巴士公司唔能夠遙距控制部機，已經代表部機有問題，需要派人維修

答:你知唔知道巴公在假日同辦公日子留幾多人應付壞車之類？連人手唔清楚，乜都賣物聯網，無人機處理，無人機處理唔洗人遙控部機？咁勁架？

即使係一啲冇連到互聯網嘅巴士公司財產，亦可以透過無人機巡查發現有冇損害，配合政府喺街燈設置嘅閉路電視系統偵測到疑犯

答:請問一間巴公憑乜要求政府保安用途的老閉俾巴公聯網？一陣有d嘢巴公唔應該睇到的？隨時國安上身喎？你孭飛？

作者: noname617 時間: 2025-10-25 23:00

757 發表於 2025-10-25 21:00
冇比較冇傷害，唔去攞其他系統作參考就永遠做唔到改善。輕鐵同巴士嘅收費唔同，唔代表巴士唔可以坐輕鐵嘅 ...

你知唔知輕鐵逃票上翻其他交通工具會追收返個最高收費上限架！根本就無得逃票一定會收翻票價上限架！所以巴士逃票你點解答架？

作者: cky 時間: 2025-10-26 00:30
香港咁多廢佬亞嬋同埋少部份姐姐專登搭輕鐵唔拍卡
取消巴士上的拍卡機而裝晌巴士站咪好大獲？

同埋咁唱好乜鬼天龍國太陽能技術
點解新界啲短程收費機仲唔做到個個站都有？
點解我短程去華都花園仲要行番去對面個站拍回水？

作者: cky 時間: 2025-10-26 00:33

kitarolo 發表於 2025-10-25 22:36
鄉郊車站都話要兩部
使用率高嘅站仲話幾部
第一段引文車站已經多過車輛

灰啲咁講
山旮旯地方都整
多幾個白卡仔走去專登整壞部機點算？
然後就每個站都裝 CCTV
幫政府實現祖國無處不監控定玩內需求？

作者: GA6072 時間: 2025-10-26 10:55
以前紅隧口/大站咪有流動錢箱/八仔機

作者: cardreadermp3 時間: 2025-10-26 10:56
不如講全港公共交通工具免費
仲高效率

作者: cky 時間: 2025-10-26 21:54
本帖最後由 cky 於 2025-10-26 21:56 編輯

GK3258 發表於 2025-10-25 21:58
捉逃票需要額外人手，而且外國一向都係會用一個model去預計捉逃票用嘅人手vs逃票率，而實際個罰款係追唔 ...

所謂「但減少停站時間所能節省的人力及燃料成本應可抵銷逃票所失去的收入」根本係偽命題。
偉大的天龍國都未做，要南深圳市先行？

作者: 石頭 時間: 2025-10-27 01:02

757 發表於 2025-10-25 20:49
乘客需要喺入站出閘各拍卡一次，同輕鐵收費原理一樣，可以辨別到乘客由邊一笪地方去另一笪地方，需要繳付 ...

咁我搭完特快線，等到慢車埋站先拍卡，咪可以俾少D車錢！
寶達等車，上左11X去創紀之城落車，但我特登行去雅麗道總站，

仲要等到有95M埋站先拍卡，就慳返3蚊！

咁到時點樣避免呢個問題？

作者: GeorgeL 時間: 2025-10-27 03:15
你不如研究下落車門拍卡回水好過

作者: Vittorio 時間: 2025-10-27 08:41

757 發表於 2025-10-25 20:49
乘客需要喺入站出閘各拍卡一次，同輕鐵收費原理一樣，可以辨別到乘客由邊一笪地方去另一笪地方，需要繳付 ...

師兄
香港巴士營運商都三間
Pricing model加埋分分鐘十個你點分邊個
e.g.
坑口上康盛
巴膠A上893
客B上296M
客C上98C特登行返入去先拍卡
佢後面長者D都係上98C,不過翠林落車轉後面架黃鬼690
客E上E22A
上述五個客係現行制度下係收五個價錢
你打算點搞

巴士行輕鐵個款跟Zone計錢恐怕要TD收返全部路線主導權先有得搞
例如新加坡(LTA) ,奧克蘭(AT)

作者: 757 時間: 2025-10-27 11:03

Vittorio 發表於 2025-10-27 08:41
巴士行輕鐵個款跟Zone計錢恐怕要TD收返全部路線主導權先有得搞例如新加坡(LTA) ,奧克蘭(AT)

其實我個人係認為香港應該採用呢個做法
麻煩在點樣同巴士公司傾掂數

作者: DIH 時間: 2025-10-27 11:38
本帖最後由 DIH 於 2025-10-27 11:44 編輯

757 發表於 2025-10-27 11:03
其實我個人係認為香港應該採用呢個做法
麻煩在點樣同巴士公司傾掂數

乜都政府，政府收返主導權大概只會feed晒人落鐵，無鐵地方開條大流水就算，非繁都要迫沙甸魚閣下自理。

政府官員隔幾年就調位，如何確保主事官員識得經營巴士？而家巴士公司自己上身就梗係會着緊啲。

再者，真係畀錢呢個環節最花時間咩？就算全部預先付款，道門就係得咁大，乘客上落都係要時間，爭得幾多？

作者: Man@MFHK 時間: 2025-10-27 13:04
1.巴士門都係得咁多咁大，快得幾多？輕鐵一卡三道門上落又闊好多先體現到的效率提升。
2.要額外成本去管理逃票問題，巴士由最初一個司機加一個票務員進化到依家由司機一手包辦，點會走返轉頭去要搵人捉逃票嘅年代？

作者: kei_hk 時間: 2025-10-27 14:18

DIH 發表於 2025-10-27 11:38
乜都政府，政府收返主導權大概只會feed晒人落鐵，無鐵地方開條大流水就算，非繁都要迫沙甸魚閣下自理。

...

政府肯做﹐係唔係大改埋個收費架構先?
普通路線 & 特快路線﹐已經有2個唔同收費標準。

舉個例﹐由美孚去荃灣海濱。
238X & 38A﹐已經係2個不同的收費。

呢D大改﹐政府 & 巴士公司邊會有心去坐低慢慢研究。

最大問題﹐一旦改到相同收費標準﹐到時真係出現長車短坐﹐長程路線的行車時間會進一步增加。

作者: 757 時間: 2025-10-27 14:34

kei_hk 發表於 2025-10-27 14:18
政府肯做﹐係唔係大改埋個收費架構先?
普通路線 & 特快路線﹐已經有2個唔同收費標準。

其實改收費架構，有心做嘅話唔算大問題
舉例我搭JR由大阪去京都，無論我坐普通車定係新快速，都係一樣票價

長車短坐，其實屯元天、北區同將軍澳都已經有實施
甚至安達搭11X落apm都係長車短坐，只不過係焗乘客俾長途車費咁解

作者: ate214 時間: 2025-10-27 15:04
本帖最後由 ate214 於 2025-10-27 15:07 編輯

757 發表於 2025-10-27 14:34
其實改收費架構，有心做嘅話唔算大問題
舉例我搭JR由大阪去京都，無論我坐普通車定係新快速，都係一樣票價 ...

一樣票價
請問特急券、指定席特急券同新幹線特急券係咩?
甚至鐵路自己都有特定路線既加算運費

套返落巴士個D特快附加費etc.再講係咪一樣票價

作者: 757 時間: 2025-10-27 16:55

ate214 發表於 2025-10-27 15:04
一樣票價
請問特急券、指定席特急券同新幹線特急券係咩?
甚至鐵路自己都有特定路線既加算運費

特急券除咗速度外，亦貴在有座位

至於新快速採用嘅列車同普通班次一樣，收費又真係冇分別

歡迎光臨 hkitalk.net 香港交通資訊網 (https://www.hkitalk.net/HKiTalk2/)