hkitalk.net 香港交通資訊網
標題: （個人建議）建議九巴67A微調走線，更便利54區居民 [打印本頁]
作者: 騎牛返工 時間: 2025-10-27 14:04
標題: （個人建議）建議九巴67A微調走線，更便利54區居民
本帖最後由 騎牛返工 於 2025-10-27 14:42 編輯
（個人建議）為配合屯門第54區發展、回應居民需求、同時平衡九巴及城巴的利益。
建議調整九巴67A（屯門寶田邨 - 葵芳葵翠邨）的路線：
甲：綱要
班次、收費、現有轉乘優惠維持不變。
往屯門方向，於屯門公路轉車站後，改為直駛屯門公路、屯喜路，並於屯門市廣場／屯門大會堂、以及新墟街市設站，經新和里、返回屯門鄉事會路，青山公路新墟段（景峰花園），然後沿原線返回54區、寶田方向。
新增巴士站：屯門市廣場／屯門大會堂、新墟街市、嶺南大學
取消巴士站：屯門官立中學、華都花園、何福堂書院
往葵芳方向，於富泰邨後，先加停嶺南大學，然後改經井財街並設站。其後返回青山公路新墟段（新圍仔），並按原線行駛往葵翠邨。
新增巴士站：嶺南大學、井財街（53同站）
取消巴士站：景峰花園（青山公路 - 新墟段）
選擇改停「井財街」是為了讓54區的居民，能夠享用九巴在「紅橋」的轉乘網絡（比屯門公路轉車站較多的位置、時間上亦應較快）。配合建議，將新增67A與58X（旺角東站方向）、258A及258S（往藍田站）、261X（來回方向）；以及龍運路線的優惠。
乙：詳細停站資料
67A 往葵芳（葵翠邨）方向：
1. 寶田轉車站 - 寶田總站
2. 和田邨
3. NOVO Land
4. 紫田村
5. 欣田邨
6. 富泰邨
7. 嶺南大學（新）
8. 井財街（新；取代景峰花園）
9. 新圍仔
10. 華都花園
11. 屯門官立中學
12. 屯門公路轉車站
13. 荃景圍天橋
14. 愉景新城
15. 荃灣站
16. 荃灣眾安街
17. 大窩口轉車站 - 大窩口站
18. 國瑞路公園
19. 葵俊苑
20. 新葵興花園
21. 葵芳（葵翠邨）總站
67A 往屯門（寶田邨）方向：
1. 葵芳（葵翠邨）總站
葵芳站總站*** 詳情請參閱戊部第二點
2. 葵芳邨
3. 光輝圍
4. 葵涌健全街
5. 大窩口轉車站 - 大窩口站
6. 荃灣眾安街
7. 福來邨永樂樓
8. 荃景圍天橋
9. 屯門公路轉車站
10. 屯門市廣場／屯門大會堂（新，視乎站位空間；取代屯門官立中學及華都花園）
11. 新墟街市 （新）
12. 景峰花園
13. 嶺南大學（新）
14. 富泰邨
15. 兆康路
16. 菁田邨
17. NOVO LAND
18. 和田邨
19. 寶田轉車站 - 寶田總站
丙：建議的好處
- 為兆康、富泰以及54區居民提供更佳的轉乘站位（井財街 à 紅橋）及轉乘優惠。
- 非繁忙時間提速（往葵芳：經井財街避景峰一帶的輕鐵燈陣／往屯門：經屯門公路直達景峰、富泰，更方便更快捷）
- 能為67A 開拓更多客源（來回程新增嶺南大學分站），往屯門方向的分站位置亦更接近市中心、新墟的核心地帶。
丁：建議的壞處
- 54區失去直接往來景峰的交通（井財街應為合理替代分站、同時亦可以新增轉乘67M或261作為賠償方案）
- 晚上繁忙時間，屯門公路經常擠塞，或會使改走屯門公路的優勢消失。
- 67M沿線部分地區資源減少。亦可能鎅走58M部分乘客。
戊：其他需要考慮的點
一：54區現時擁有城巴50、55、950、955直出紅橋及屯門公路轉車站，亦有鐵巴K54往紅橋、屯門市中心及新墟街市。67A是否擁有足夠的吸引力，讓更多54區的居民選用？
二：67A的總站現時設於葵芳（葵翠邨），往屯門方向能否更方便乘客，例如：繞經葵芳站總站並設站（因應67M的站位不足，可考慮使用58M或57M／61M的月台）？
三：67A 應否增加區域性短途收費？方便乘客往來寶田、54區 à 富泰、嶺南大學、景峰、紅橋、華都花園（青山公路）及屯門官立中學？
希望這項個人建議能平衡各方面的利益。歡迎各位討論。
作者: ENS529 時間: 2025-10-27 15:06
嗰頭55先話新墟街市多車而拖住加時，樓主呢頭又隊㗎67A入去...
作者: Peter03145212 時間: 2025-10-27 20:12
本帖最後由 Peter03145212 於 2025-10-27 20:14 編輯
葵芳站已經有四條線去屯轉，67A入去有咩用，另外你咁改冇咩用，一係就改由虎地入屯公
作者: 騎牛返工 時間: 2025-10-27 21:16
本帖最後由 騎牛返工 於 2025-10-27 21:27 編輯
收到大家的意見。新墟方面的確無考慮到，可以再諗諗點處理（可能初代A33P咁？），或者睇吓九巴肯唔肯放棄新墟堆客。
點解入去葵芳站，主要係人流的考量同想便利乘客，始終而家葵翠邨站位未算太方便，停一停入去葵芳站都算順路。
至於點解唔虎地出入屯公。就係考慮到原有服務範圍（54區來往青山公路），希望將影響降到最低，同時幫到佢地提速。
同埋，上面都有講到要平衡各利益者，城巴已經做緊直出，K54都有一班區內客支持。我覺得新和里上去，係算一個合理的取捨，對中間的景峰、富泰都係吸引既。
都好多謝大家的睇法。希望拋棄引玉，大家一齊討論點樣可以做好啲。
作者: ATENU135 時間: 2025-10-28 17:37
紅橋轉車站呢個idea個人認為唔錯，我上年都有類近建議但對象係富泰，都有版友指出吸引力欠奉，但係在少修少補嘅概念下我覺得係幾好
作者: skibidiot 時間: 2025-10-28 18:09
本帖最後由 skibidiot 於 2025-10-28 23:14 編輯
67A同67M、58M都有重疊嘅話，不如諗下荃葵嘅走線點改，例如改祁德尊落橋/改為服務石圍角至梨木樹一帶等
屯門嘅M線其實過多，不如分下工，擴大下服務範圍
但我自己好buy回程新墟先出屯門公路，既做返67M客，又加快車程，同埋做多一水短途客
(至於新墟多車嚟講，我覺得都係吹水為主，有成堆比佢更塞嘅站都未抽車走)
作者: ATENU135 時間: 2025-10-28 21:56
最多咪表列減58M/68A交功課
作者: DC3938 時間: 2025-10-29 13:45
同cut 67M無乜分別！要諗下67M行左好多年井財街，點解要改番青公？
作者: 2076 時間: 2025-10-29 18:00
如果 67A 同 67M 要同時存在，咁紅橋轉車站的確係好建議。
回程新墟街市反而可以飛站，停屯市已經夠比人轉車兼吸到 K54 客源，又唔駛比城巴投訴搶新墟街市買餸客。
作者: andy92 時間: 2025-10-30 11:04
如果行井財街就用唔到 12.8
而家 K51 行 12 米係尾段彎位都踩雙白線
作者: deal5354 時間: 2025-10-30 14:13
點解入去葵芳站，主要係人流的考量同想便利乘客，始終而家葵翠邨站位未算太方便，停一停入去葵芳站都算順路。
依加葵芳站無論人流定車流都好爆, 暫時都唔好再有新線入去。葵芳站行去葵翠邨其實好近, 已經比起265/269M要行番去葵芳邨/葵涌運動場近好多。
| 歡迎光臨 hkitalk.net 香港交通資訊網 (https://www.hkitalk.net/HKiTalk2/) |
Powered by Discuz! X3.4 |