hkitalk.net 香港交通資訊網

標題: 深入昂坪360的心臟地帶 [打印本頁]

作者: 前KMB員工家屬 時間: 2011-8-29 02:51
標題: 深入昂坪360的心臟地帶
上月中獲安排到昂坪360位於東涌的車庫及控制中心參觀, 由於時間有限, 是次參觀並無安排乘坐, 只是由導賞員的安排下, 帶領我們參觀者到車庫及控制中心參觀. 當日導賞員的講解重點如下:

1. 平日及假日有多少個廂行駛?
平日有84個車廂行駛, 假日或其他高峰日子有109個車廂行駛. 當車廂由車庫駛出正線時, 電腦會自動計算兩個車廂之間的距離, 所以無論是84架, 還是109架車廂行駛, 所有車廂之間的間距都會非常平均的. 另外, 在行駛期間, 車廂間距也會稍有偏差, 系統也會在兩端的總站作自動調節, 確保車廂之間的間距保持在一個平均水平.

2. 車廂每天都會返回車庫嗎?
由於車廂進出車庫需要幾個小時及行車系統需要倒行, 所以車廂不會每天返回車庫, 在營業時間之後, 就這樣掛在半空, 需要增加或減少車廂數量時, 才會安排車廂返回車庫. 另外, 車廂在平日的非高峰日子, 也會輪留作息, 所以大約每星期才會安排一次車廂返會車庫及按排車廂由車庫出來行駛.

3. 車廂及行車系統是那裏製造的?
車廂及行車系統分別由法國及意大利製造.

4. 昂坪纜車的控制室及電力控制在那裏?
位於東涌的控制中心, 只是可以監察整個運作系統, 例如風速, 負重及負責對傳媒發放行駛訊息, 實際控制行車快慢, 開車, 停車及電力等運作, 都是由機場島上的控制樓控制.

5. 職員如何前往位於機場島上的控制樓?
如要前往機場島上的控制樓, 控制中心會安排一個只載職員的車廂, 當車廂到達控制樓時, 控制中心會把行車系統暫停, 所有行駛中的車廂都會停下來, 再由職員在車外把車門打開, 讓職員下車及關好門後, 行車系統會再次啟動. 如無安排纜車, 職員也可以步行前往.

6. 車廂上的燈光, 廣播及音樂, 電力來自那裏?
車廂頂部有太陽能板, 把光能化作電能, 由於廣播及音樂用電量非常低, 燈光也只是幾粒LED, 所以車廂行駛一天, 就可儲存一星期的電力. 就算放在車庫一星期, 或7天都沒有太陽, 也不成問題. 7. 整個行車統系, 可以倒行嗎? 原則上可以, 因為車廂出庫時, 都要倒行一段長時間, 讓所有車廂出來後才順著原有方向行駛, 但如非必要, 都不會這樣做.

"踏"上參觀之旅

第一次踏足這個禁區

上方纜索是軌道(有輪子), 下方纜索才是動力(有鉗子)

這個紅色的東西俗稱龍舟, 兩端扁, 中間高, 車廂通過時, 車廂頂部的鋏子慢慢打開, 通過後, 鋏子把移動中的鋼索鋏住, 為車廂提供了動力. 如果鋏子沒有鋏好, 行車系統就會即時停止, 以免車廂駛離車站, 發生危險.

過馬路要小心, 車廂行駛時非常寧靜, 撞到人也不會停下來的

除了車頂的鋏子, 車門上方也有感應器, 車廂沒有通過車門已關好這一關, 行車系統會即時停止, 以免車廂駛離車站.

這是進入車庫 / 調頭的"道岔"

一起進入車庫

當有車廂需要返回車庫時, 月台這個位置會自動降下

看得出這個"道岔"怎樣轉嗎?

一列長長的"昂坪列車"

就地控制板

車庫共有4行, 每行可以停放約30個車廂, 我們參觀這天是平日, 所以最右邊的一行車沒有外出

金車廂, 由著名水晶店斯華洛世奇聯手打造, 每程要$2700多, 求婚結婚坐這車最適合. (需要事前預約, 不設即場購票)

金車廂內

進入車庫後的3個"道岔"

給工程人員乘坐的專用車廂, 我也想坐, 風光比水晶車廂更好

嚴格來講, 車庫內應該有5行, 第5行只可停放兩個車廂, 就是金車廂及工程車

後備組件

由於控制中心內不可以拍照, 所以只在門外拍一下.

東涌控制中心外, 其實這裏是個對外開放的公園

車牌 NP 360

行程結束, 大開眼界

全帖完, 謝謝觀看.

[ 本帖最後由前KMB員工家屬於 2011-8-29 12:31 編輯 ]

作者: arriva-eric 時間: 2011-8-29 03:20
沒控制中心的圖片, 可惜....其實機場島的控制中心的的主控制室面積有多大呢? 內裡的東西能不能用文字描述一下呢?

作者: 前KMB員工家屬 時間: 2011-8-29 03:31

原帖由 arriva-eric 於 2011-8-29 03:20 發表
沒控制中心的圖片, 可惜....其實機場島的控制中心的的主控制室面積有多大呢? 內裡的東西能不能用文字描述一下呢?

這次沒有去機場島那邊的控制室, 只在東涌的控制中心參觀, 那裏面積不太大

只有2-3個人坐在panel前, 大約400呎左右, 但控制中心旁另有其他細房間, 應該

就是operation以外的部門的office. 東涌控制中心內裏有好多mon, 看到車站,

轉向塔及中途一些裝有閉路電視的支架地方. 另有一些看到風速, 車速, 負重等

數據的mon, 不少得就是行廂運行分佈圖, 看到那個車廂在那裏, 還有幾部電話,

跟其他鐵路的occ大同少異, 但地方及人數就少得多.

作者: D201 時間: 2011-8-29 07:03

原帖由 前KMB員工家屬 於 2011-8-29 02:51 發表
上月中獲安排到昂坪360位於東涌的車庫及控制中心參觀, 由於時間有限, 是次參觀並無安排乘坐, 只是由導賞員的安排下, 帶領我們參觀者到車庫及控制中心參觀. 當日導賞員的講解重點如下:

1. 平日及假日有多少個廂行駛 ...

師兄你好似攪錯D野
上面個條rope 係承受住部車的重量；下面的rope係拉部車行ge。咁如果照你講法咪上面條拉纜車lo？但係部車無鉗鉗實上面條纜bo.........

[ 本帖最後由 D201 於 2011-8-29 07:05 編輯 ]

作者: kei_hk 時間: 2011-8-29 11:25

原帖由 前KMB員工家屬 於 2011-8-29 02:51 AM 發表
2. 車廂每天都會返回車庫嗎?
由於車廂進出車庫需要幾個小時及行車系統需要倒行, 所以車廂不會每天返回車庫, 在營業時間之後, 就這樣掛在半空, 需要增加或減少車廂數量時, 才會安排車廂返回車庫. 另外, 車廂在平日的非高峰日子, 也會輪留作息, 所以大約每星期才會安排一次車廂返會車庫及按排車廂由車庫出來行駛.

在惡劣天氣而停駛﹐又會唔會把所有車收回車庫?

例如 8號風球﹐有強風吹襲的時間(發烈季候風訊號)﹐狂風暴雨

作者: 前KMB員工家屬 時間: 2011-8-29 12:30

原帖由 D201 於 2011-8-29 07:03 發表

師兄你好似攪錯D野
上面個條rope 係承受住部車的重量；下面的rope係拉部車行ge。咁如果照你講法咪上面條拉纜車lo？但係部車無鉗鉗實上面條纜bo......... ...

謝謝提點, 是我寫錯, 上方纜索是軌道(有輪子), 下方纜索才是動力(有鉗子)

作者: hello 時間: 2011-8-30 00:09
師兄你話呢車廂有廣播系統啦,咁控制中心如果要傳廣播比d乘客咁係點運作架?

作者: 240SX 時間: 2011-8-31 22:37

原帖由 hello 於 2011-8-30 00:09 發表
師兄你話呢車廂有廣播系統啦,咁控制中心如果要傳廣播比d乘客咁係點運作架?

將信號打入條haul rope度, 每架車都有天線由haul rope接收信號, 再經過塊電子板轉返做車廂PA

理論上3號風球已經會將所有車收返哂入車庫

而職員去中途轉向站落車基本上係唔會停車

[ 本帖最後由 240SX 於 2011-8-31 22:39 編輯 ]

作者: 前KMB員工家屬 時間: 2011-8-31 23:34
而職員去中途轉向站落車基本上係唔會停車 ... [/quote]

當天導賞員指在中途轉向站上下車, 是會停車的, 如果不停, 對上下車的人會非常危險

而且機場島轉向站是實際控制快慢, 開啟, 停頓, 電力的地方, 基本上那裏24小時有人

駐守, 要在那裏上下車, 車外一定有人幫手開關門, 不坐車, 步行前往都是另一個途徑

作者: 240SX 時間: 2011-8-31 23:42

原帖由 前KMB員工家屬 於 2011-8-31 23:34 發表

當天導賞員指在中途轉向站上下車, 是會停車的, 如果不停, 對上下車的人會非常危險

而且機場島轉向站是實際控制快慢, 開啟, 停頓, 電力的地方, 基本上那裏24 ...

導賞員對visitor講係咁講, 但實際係另一回事...

其實如果有十字匙的話, 車內係可以自己開門的

作者: kei_hk 時間: 2011-9-1 10:22

原帖由 240SX 於 2011-8-31 11:42 PM 發表

導賞員對visitor講係咁講, 但實際係另一回事...
其實如果有十字匙的話, 車內係可以自己開門的

真係要中途上落﹐真係要停車的﹐最基本相關部車要停或極緩慢才可安全上落。

如果真係要停車﹐又未必全線即刻停晒。

因為﹐每部車前後都有空間﹐中轉站的車係行路軌沒有接上纜的﹐中轉站所有的車車可以講係獨立自己行(與其他外面運作中的車來說)。

透過控制車間距離﹐令到入中轉站前的車及車站內的車的距離慢慢收短﹐便可以唔影響整條線下停車。不過﹐只可以很短的時間要重新開車﹐否則接下來要入站的車真係到站時﹐便會撞到前車﹐那時便必須全線停車。

而中轉站內﹐也有一定的緩衝位﹐可以在此給一定數目的車在此跟軌道行前﹐再接上前一段纜。靠這一個緩沖區便可以慢慢調整番正常的行車間距。

簡單講﹐上落停車時間而又不影響全線行車﹐時間只有2部車之間的距離。
如果2車有5秒的時間﹐便可以在5秒內停車而不影響全線運作﹐多過5秒便會影響全線停車。所以﹐中轉站停車上落﹐未必會影響全線運作﹐乘客未必會受影響。
全線出車總數越少﹐可停車的時間越長﹐總出車量越多﹐2車間距越短﹐可停車的時間便越短。

當有短暫停車﹐相關車便會與之前一部車的間距會比正常多﹐去到另一邊總站﹐便會調整番。而後車會按番正常的安全距離放車﹐而之前的總站便會因為中間(中轉站及總站之間)的車行慢了﹐間距短了而減慢放車速度。

相反﹐有輪椅客上落﹐又係要按制停定部車﹐成個總站內的車都會停晒﹐而且時間相對地用的長﹐便真係有機會令全線停車。

[ 本帖最後由 kei_hk 於 2011-9-1 10:27 編輯 ]

作者: 前KMB員工家屬 時間: 2011-9-1 21:36

原帖由 kei_hk 於 2011-9-1 10:22 發表

真係要中途上落﹐真係要停車的﹐最基本相關部車要停或極緩慢才可安全上落。

如果真係要停車﹐又未必全線即刻停晒。

因為﹐每部車前後都有空間﹐中轉站的車係行路軌沒有接上纜的﹐中轉站所有的車車可以講係獨立自己行(與其他 ...

兩端總站有輪椅客上落, 就會全線停車, 另外, 正常來講, 車站 / 轉向塔的車廂停頓時,

外面的動力段應該也會停, 否則前後車相距就會相差好大, 在車站 / 轉向塔內的5秒,

與在纜索上的5秒相比, 差別好大, 雖然在兩端車站 / 轉向塔會再重新調節車距.

作者: 240SX 時間: 2011-9-1 22:10
站入面係有好多感應器check住每架車之間的車距，稍為近少少已經即刻會令全個系統停車。而係正常運作模式下站入面的動力(車輪皮帶)係由牽引䌫帶，所以全條line的運作速度係一樣，師兄講的基本上係做唔到。
小弟宜家係三六零做緊的，平時係中途站落車係唔會停車(以維修部職員計)，除非有特別情況先會停

作者: 240SX 時間: 2011-9-1 22:52
其實只要是但一架車係站入面停左或行得慢左 (例如跣tie), 都會因為車距太近而出fault停車
所以係無可能做到出面條line行緊而站入面額外減速或停車,,
每個站出入口都係最高速的位置( 理論上係同條line一樣)
而每架車入到站都已經甩開左條纜, 透過站上面的皮帶車輪就可以做到減速效果
所以當架車入到站係會慢慢減速, 而唔需要減慢條line的速度黎令站入面的車減速

作者: D201 時間: 2011-9-1 23:03

原帖由 kei_hk 於 2011-9-1 10:22 發表

透過控制車間距離﹐令到入中轉站前的車及車站內的車的距離慢慢收短﹐便可以唔影響整條線下停車。不過﹐只可以很短的時間要重新開車﹐否則接下來要入站的車真係到站時﹐便會撞到前車﹐那時便必須全線停車。

乜料？成個logic亂龍

你要知道個3組纜ge速度係要一樣，如果唔係就會攪到D車一舊舊舊，咁就會車輛不不均分佈，咁會出事ga bo 專家

作者: 前KMB員工家屬 時間: 2011-9-1 23:08

原帖由 240SX 於 2011-9-1 22:52 發表
其實只要是但一架車係站入面停左或行得慢左 (例如跣tie), 都會因為車距太近而出fault停車
所以係無可能做到出面條line行緊而站入面額外減速或停車,,
每個站出入口都係最高速的位置( 理論上係同條line一樣)
而每架車 ...

這個我明白, 我對導賞員所講的都有點保留, 曾講過車內的人是無法自己打開車門

但我始終覺得懂得開門的人(例如維修/技術員等), 一定有他們的方法

作者: 240SX 時間: 2011-9-1 23:18

原帖由 D201 於 2011-9-1 23:03 發表

乜料？成個logic亂龍

你要知道個3組纜ge速度係要一樣，如果唔係就會攪到D車一舊舊舊，咁就會車輛不不均分佈，咁會出事ga bo 專家

對了! 是但一邊速度快左或慢左都好大件事
不過以haul rope(下面帶動纜車行果條)黎講其實只有兩組, 東涌至機場島一組, 機場島至昂坪一組(中間經彌勒山)

作者: kei_hk 時間: 2011-9-14 18:30
今天有幸坐 360﹐影了幾張相﹐獻醜了

先來﹐成個 NP360 收費最貴的車廂

車站內 :

行駛中 :

再送上﹐一部唔收錢的吊車﹐坐上客仲會有錢收﹐由NP360提供。
不過﹐只限指定人事坐。所謂有錢收﹐只是他們的薪酬。

如果他們肯提供安全設備情況下如我坐﹐我一定上車

PS. 今天我坐NP360的費用係....... 來回只需 HK$0.00

作者: lrv1092 時間: 2011-9-14 19:38

原帖由 kei_hk 於 2011-9-14 18:30 發表
今天有幸坐 360﹐影了幾張相﹐獻醜了

先來﹐成個 NP360 收費最貴的車廂

車站內 :

http://i76.photobucket.com/albums/j33/kei_hk/NP360/IMG_2874.j ...

9月生日

?
但你的圖全部都是交叉呢.....

作者: kei_hk 時間: 2011-9-14 20:40

原帖由 lrv1092 於 2011-9-14 07:38 PM 發表

9月生日 ?
但你的圖全部都是交叉呢.....

奇怪~~

我自己LOG OFF 了"相片籃" 都可以看到上面的相。

作者: 240SX 時間: 2011-9-14 23:07
架1號車... 算吧啦, 完全唔值呢個價錢
反而work car就真係好多人想坐但無得坐

作者: kei_hk 時間: 2011-9-15 11:06

原帖由 240SX 於 2011-9-14 11:07 PM 發表
架1號車... 算吧啦, 完全唔值呢個價錢
反而work car就真係好多人想坐但無得坐

叫你迫8個人入去(最多載8人)﹐絕對是一件受苦的事。

作者: doraemonpaul 時間: 2011-9-28 08:39
昂坪360的車廠是否只在東涌纜車站而不在昂坪纜車站？

你是如何得悉和參加這個參觀活動？

作者: 240SX 時間: 2011-9-29 22:49

原帖由 doraemonpaul 於 2011-9-28 08:39 發表
昂坪360的車廠是否只在東涌纜車站而不在昂坪纜車站？

你是如何得悉和參加這個參觀活動？

昂坪都有個較小型的車庫, 主要做車廂大修

作者: D201 時間: 2011-9-29 23:58

原帖由 240SX 於 2011-9-29 22:49 發表

昂坪都有個較小型的車庫, 主要做車廂大修

應該咁講，東涌站係放車為主，同做日常簡單維修

昂坪係工場，會將架車落纜拆散部車之後大修。

作者: 虎贲雪豹 時間: 2011-10-4 17:11
提示: 作者被禁止或刪除內容自動屏蔽

作者: doraemonpaul 時間: 2011-10-10 05:01

原帖由 前KMB員工家屬 於 2011-8-29 02:51 發表

......

這是進入車庫 / 調頭的"道岔"

......

看得出這個"道岔"怎樣轉嗎?

......

仲係睇唔明這個道岔點轉？

作者: kei_hk 時間: 2011-10-10 09:48

原帖由 doraemonpaul 於 2011-10-10 05:01 AM 發表

仲係睇唔明這個道岔點轉？

條軌是銀色一條﹐而家是向內行(即圖片上方)。

當有需要轉軌﹐便把圖中中間一段轉動﹐下面有馬達的部份(大約180度)﹐便會接上外方(即圖片的下方)﹐軌道便轉變了方向。

作者: 240SX 時間: 2011-10-10 11:29

原帖由 doraemonpaul 於 2011-10-10 05:01 發表

仲係睇唔明這個道岔點轉？

中間一段向逆時針方向轉

作者: D201 時間: 2011-10-10 17:17

原帖由 240SX 於 2011-10-10 11:29 發表

中間一段向逆時針方向轉

似乎仲要將前後兩支油壓唧收埋先轉到wo

作者: 240SX 時間: 2011-10-11 13:45

原帖由 D201 於 2011-10-10 17:17 發表

似乎仲要將前後兩支油壓唧收埋先轉到wo

這個當然啦, 唔須要多講

作者: doraemonpaul 時間: 2011-10-12 12:01
當這個道岔被撥向車廠方向時，纜車如何在這兩條纜之間轉夾？

別忘記今次沒有「龍舟」！

作者: 240SX 時間: 2011-10-12 13:03

原帖由 doraemonpaul 於 2011-10-12 12:01 發表
當這個道岔被撥向車廠方向時，纜車如何在這兩條纜之間轉夾？

別忘記今次沒有「龍舟」！

唔駛轉夾, 因為係站入面纜車唔係靠條纜黎帶動, 係靠站上面的車輪推郁架車
而進入車庫一段路程係靠一d推桿去推動, 所以纜車根本唔須要打開個夾

作者: doraemonpaul 時間: 2011-10-14 09:39

原帖由 前KMB員工家屬 於 2011-8-29 02:51 發表

......

一列長長的"昂坪列車"

......

纜車入到停泊位置之後點樣可以做到泊到咁密ge呢？

歡迎光臨 hkitalk.net 香港交通資訊網 (https://www.hkitalk.net/HKiTalk2/)