香港快運航空 UO820/821 香港<>沖繩(那霸) 體驗 - hkitalk.net 香港交通資訊網

(, 下載次數: 673)

上傳

點擊文件名下載附件

*我黃境澤就算餓死都唔會坐廉航，真香.gif

日期：17APR2023

時間：07:00(07:17)-10:30(10:19)

航班：UO820

機型：Airbus A321 B-LEF

事源係疫情期間各界為咗谷針就推出各種抽獎活動，其中機管局向國泰及香港快運購買數萬張機票作抽獎用，其中一部份機票預留予機場員工抽獎，不幸地抽中咗香港快運沖繩來回機票，等待多時終於成功兌換，喺國泰全資擁有之下香港快運究竟會變成點樣？

廉價航空機票平，但計上稅項、機場服務費、燃油附加費等就未必真係比傳統航空公司多好多，是次費用除咗機票免費外，包含各種必須繳付費用、行李及預先揀位共$1912。如果扣除預先揀位(前排/特闊)費用都好，如非必要我都係盡量坐返傳統航空公司為大原則。

(, 下載次數: 692)

上傳

點擊文件名下載附件

首先係出發日，按一般做法提早2小時到機場報到，07:00嘅航班05:00左右已經排滿托運行李嘅旅客，幸好有買U-First得以安心食埋早餐先出境。

(, 下載次數: 647)

上傳

點擊文件名下載附件

當日坐UO820喺26號閘登機，又再一次無得行接駁客運大樓同北衞星客運廊條天橋。

(, 下載次數: 614)

上傳

點擊文件名下載附件

買得U-First當然包括埋優先登機，對於廉航嚟講都幾有用，可以優先放行李喺頭頂行李櫃。

(, 下載次數: 754)

上傳

點擊文件名下載附件

今次坐12F屬於加錢先有嘅特闊座位，錯就錯在呢個位又係面對空姐會有少少尷尬。

(, 下載次數: 691)

上傳

點擊文件名下載附件

座位右方放埋前面2個位嘅安全資訊卡以及機上免稅品雜誌，亦啱啱好可以放得落11吋iPad及一本書。

(, 下載次數: 709)

上傳

點擊文件名下載附件

(, 下載次數: 713)

上傳

點擊文件名下載附件

首次坐香港快運就無法同過往香港航空年代作比較，就咁睇餐單感覺上選擇不多，飲品選擇都係合理嘅，現場有幾多人買我無留意，但全機上可能有10個左右預先訂餐，呢部份留待回程再講。

(, 下載次數: 788)

上傳

點擊文件名下載附件

週不時都會睇下有冇航空公司自家精品，今次買咗香港快運A321neo鎖匙扣，但感覺上都唔係好見到空中服務員們積極推銷，例如今次買滿超過$100就送舊塗裝機尾型USB手指，是好是壞不評論。

(, 下載次數: 692)

上傳

點擊文件名下載附件

準時降落沖繩，特別鳴謝機上放聲喊嘅小朋友提醒各位乘客起飛及降落。

日期：21APR2023

時間：11:25(11:38)-13:05(12:56)

航班：UO821

機型：Airbus A321 B-LED

(, 下載次數: 711)

上傳

點擊文件名下載附件

離開沖繩嘅呢一日，喺牧志站乘搭單軌電車到機場，抵達機場時會喺JAL及ANA兩大陣營之間，往ANA方向走就會喺國際線客運大樓。

(, 下載次數: 654)

上傳

點擊文件名下載附件

香港快運喺安排喺C區辦理登機手續，呢日比原定時間遲咗咗15分鐘到機場，主要係單軌乘客太多上唔到即班，好彩回程有加購U-First可以優先辦理登機手續節省排隊時間，行李買咗20公斤限額但寄艙行李只係10kg出頭，地勤姐姐問會唔會仲有寄艙行李用埋個限額，我就得返手提行李所以地勤姐姐就“檢查”過後貼上可以上機嘅標籤帶。

(, 下載次數: 643)

上傳

點擊文件名下載附件

呢一日安排喺43A閘口登機，地勤姐姐有特別提示要盡早做安檢，那霸機場安檢絕對係我目前遇到最慢嘅一個機場，國際線得1個入口2部X光機，機場亦有特別要求乘客取出電池及充電線過X光機，就當日所見並非每位旅客都有跟指示做，亦因為有多件手提行李需要重新覆檢所以令人潮難以散去，保安亦需要不停調整排隊位置維持秩序。

(, 下載次數: 706)

上傳

點擊文件名下載附件

喺那霸機場地勤安排分4組乘客登機，除U-Frist外係以最尾數排為先，1-10行安排喺最後登機。另外由於A321客機行李櫃空間有限，地勤會安排部份𢹂帶登機箱嘅乘客免費改為寄艙，但仍無阻手提行李櫃爆滿。

(, 下載次數: 703)