梁議員向局長要求收回九記天水圍廠改建公營街市

今日突然見到梁議員FB出現咗呢個請求：




唔知梁議員有無見過B1運作情況呢？
收咗方圓接近十里唯一一個車場，你叫九巴同司機點放車呢？
況且要公營街市，收番唔係最快最直接咩？

Source：
https://www.facebook.com/leungch ... ?type=3&theater

羊毛出自羊身上，咁邊到搵到泊巴士？係咪要所有天水圍路線大大大減班你先肯收手？

仲有，領錢係禮義廉投贊成票搞出黎，點解要巴士公司埋單？


PS，識睇一定睇梁議員 FB page，俾人插到體無完膚

梁議員呢啲除咗係選舉工程外仲係身體力行支持巴士泊街唔泊廠，禮義廉區議員又可以拉banner做政績"成功爭取取締巴士違泊"，一舉多得

雖然咁樣建議係好無稽，但係我想問呢類牽涉到巴士等公共運輸的野，會果頭講果頭落實嗎？按照樓上的道理的話九巴舊元朗廠話起居屋都搞左幾多年同準備左幾耐先開始起，咁當年三三代元廠起樓後有無發生個唔夠地方泊車呢個問題先？起公共設施而希望到現有公共設施當然會有安排，假若真係好似樓主咁巴士廠用法唔準發展的話，咁元朗廣場，元朗雞地，元朗居屋應該通通都唔駛起，仲有，邊一次發展巴士廠用地後政府唔補償返另一塊地先，最近舊元廠發展後政府都變返塊地元朗工業邨地俾返佢泊車啦，泥頭山果邊咁多荒地點解唔善用
PS ：我唔係太鍾意建制派

hadboy5 發表於 2016-5-29 15:57
雖然咁樣建議係好無稽，但係我想問呢類牽涉到巴士等公共運輸的野，會果頭講果頭落實嗎？按照樓上的道理的話 ...

係呀係呀，所以你見到議員嘅fb post前幾日出，但幅圖係上年八月（區議會選舉前？），所以我可以話政府否決左，亦可以話政府密謀緊用咩理由收地，不過就唔會係呢頭講嗰頭落實嘅，城規會雖則冇牙但名義上都係一隻老虎。

當年係收左好多車廠地發展，但變左好多都係泊街，閣下用元朗做例子我都試下：元朗東夜晚十一點至第朝五點例必泊爆，元朗廠搬上工業邨前永遠同貨櫃車一齊爭位泊車，雖然亦係善用土地嘅好方法，但見慈雲山縱火案等事件我未有信心支持泊街泊爆總站。另外城巴火炭廠收三塊地還一塊，新巴將廠面積大減又點計？

所以唔係話車廠地唔可以發展，搬遷到一個適合嘅地方都可以，但我暫未覺得部份車廠地咁值錢一定要收（都唔係用嚟起街市啦），相信要講收回棕地嘅次序，巴士廠只係因為容易搞（同埋係租緊唔係擁有緊），有心嘅元朗南都有棕地。冇計啦唔通好似阿邊個咁，起完車廠上蓋仲可以起商場起樓咩...btw個幾月冇睇新聞想問泥頭山係咪政府地？因為似乎嗰邊做車廠又唔算太差。

JH_LE4612 發表於 2016-5-30 08:03
係呀係呀，所以你見到議員嘅fb post前幾日出，但幅圖係上年八月（區議會選舉前？），所以我可以話政府否 ...

元東又未搬車廠都係會泊滿巴啦，以前天未光經過都見佢泊滿曬巴士，不過九巴近對車廠的投資少左係事實，起碼近十年越縮越細兼無起過有樓層的車廠先啦，同埋好積極咁將車廠用地做零售，盲搶地無做好後著功夫係事實，選址差亦都係事實，但而家天水圍都無乜地方可以或適合起街市，你試下住合益就知道公營街市附近果種痛苦，起係邊都有反對，唔信你諮詢下

hadboy5 發表於 2016-5-30 08:29
元東又未搬車廠都係會泊滿巴啦，以前天未光經過都見佢泊滿曬巴士，不過九巴近對車廠的投資少左係事實，起 ...

其實元東個例子係想講話收哂嗰堆元朗廣場嗰堆地之後搞到巴士要泊總站姐，當然我未夠年紀大唔清楚廿年前嘅元東係咪都係通宵停車場。

依閣下所言其實衛星廠亦有需要向上發展，不過似乎九巴覺得巴士總之可以喺指定時間內返到廠入油月檢就得，就毋需再建多層停車場，呢層係好多年前已經有嘅現象，出租下寶輪街賺下租金咁仲好過，似乎都係冇誘因做（其實呢句就係保九保龍保城保新保嶼嘅萬能key嚟嘅，不過呢度都啱用），當然將來車隊規模縮減只會令對車廠嘅態度十年不變。

合益兩三年冇去過，嗰時嘅印象係由門口邊嘅魚檔逼到出錶位（私家車貨車爭位），而對天水圍人踩單車/K73落合益亦略有所聞，根本天水圍大把街市，只係...回購算啦唉。天光墟同個露天市場相信係防線，天水圍嘅空地的確唔多，又冇新發展，等得洪水橋嚟（有的話）都慣哂現有買餸模式，似乎唔回購係死症。天廠個位都靚嘅（坦白講車廠喺天水圍外圍，即泥頭山一帶，同街市喺天水圍入面亦係比較合適嘅分配，要圍人出圍買餸感覺始終較差，雖然只需出圍一分鐘，但若果街市放泥頭山又比較接近圍中央，又唔係唔得），但有得用行政手法處置又何必搶地呢，可能我較保守希望可以保持原狀啦。

szeto993 發表於 2016-5-29 15:54
梁議員呢啲除咗係選舉工程外仲係身體力行支持巴士泊街唔泊廠，禮義廉區議員又可以拉banner做政績"成功爭取 ...

一到垃圾會選擇期就有人無所不用其極為自己做勢，
不過無論佢做乜都好，都會有一大班港豬仆去投佢地一票

AVD1 發表於 2016-5-30 09:16
一到垃圾會選擇期就有人無所不用其極為自己做勢，
不過無論佢做乜都好，都會有一大班港豬仆去投佢地一票  ...

無錯啦，淨係有班港豬支持者根本佢哋做得幾差都會含淚支持

如果呢個建議唔係由建制議員提出,就唔會有d反共反上腦既人出黎反對