為什麼地鐵要將其線路稱作XX綫？

港鐵（前地下鐵路）將其鐵路稱作如「觀塘綫」、「荃灣綫」等，但九鐵將其鐵路稱作「九廣東鐵」、「九廣西鐵」及「馬鞍山鐵路」。我感覺中九鐵的稱呼能強調每一條鐵路都是一條獨立運作，服務不同地區的鐵路，就像一個獨立的品牌一樣（例如東鐵是服務新界東的鐵路、西鐵是服務新界西的鐵路，而馬鐵則是服務馬鞍山的鐵路）。另外，九鐵車站的列車標誌更使用不同底色代表其不同的「鐵路」，相反，港鐵（前地鐵）一味使用相同的M-Train標誌作為市區線閘區9條鐵路的標誌，重鐵之中只有機場快綫使用不同標誌，不能突顯其個別鐵路都是獨立，不同的鐵路。

舉例，如果現時港鐵所有鐵路都以九鐵方式命名，則會變成以下情況（純屬虛構）：
觀鐵 Kwun Tong Rail （綠底配C-Train標誌）
荃鐵 Tsuen Wan Rail （紅底配M-Train標誌）
島鐵 Island Rail （深藍底配M-Train標誌）
將鐵 Tseung Kwan O Rail （紫底配K-Train標誌）
機鐵 Airport Rail （湖水綠底配A-Train標誌）
嶼鐵 Lantau Rail （橙底配K-Train標誌）
迪鐵 Disneyland Rail （粉紅底配迪士尼M-Train標誌）
東鐵 East Rail （天藍底配SP1900標誌）
西鐵 West Rail （紫紅底配SP1900標誌）
馬鐵 Ma On Shan Rail （啡底配SP1900標誌）
輕鐵 Light Rail （橙黃底配輕鐵標誌）

這樣的話，口語上來例如以前「火車轉馬鐵」等等閘內轉乘則會順口很多，例如樂富去尖沙咀，就可以講成由樂富搭「觀鐵轉荃鐵」去尖沙咀五個字，而不用講到由樂富「觀塘綫轉荃灣綫」去尖沙咀。再誇張的例子，由堅尼地城搭「港島綫轉荃灣綫轉西鐵綫轉東鐵綫轉馬鞍山綫」去烏溪沙就可以變成搭「島鐵轉荃鐵轉西鐵轉東鐵轉馬鐵」，短幾多呀。

標誌方面，九鐵的做法更能在入閘前已經很清晰地表示是入哪條鐵路的閘區。舉個例說，如果旺角站採用紅底M-Train（荃鐵）標誌及綠底C-Train（觀鐵）標誌，而旺角東站使用天藍底SP1900（東鐵）標誌，這樣遊客入錯閘（例如以為旺角東站是「地鐵站」，入閘後才發現為什麼會見到火車）的機會就會微乎其微，因為標誌不同，遊客就不會認為是同一個鐵路系統，而只會是能互相轉乘的獨立鐵路。

為什麼港鐵要刻意將不同鐵路的形象統一化，而不是像九鐵一樣，每條鐵路都是以不同的方式示眾？

東西係方位

乜觀,荃,島,將,嶼,迪係方位?

統一左堆標示唔係應該更清晰咩

進入左市區綫既系統

輕鐵鐵巴都有自己個標誌

「觀鐵轉荃鐵」= 綠線轉紅線「港島綫轉荃灣綫轉西鐵綫轉東鐵綫轉馬鞍山綫」= 藍色轉紅色,轉粉紅, 轉粉藍, 再轉啡色


對於遊客，或者唔熟悉0既乘客，顏色係最好

nwfb23 發表於 2016-6-25 00:22
「觀鐵轉荃鐵」= 綠線轉紅線「港島綫轉荃灣綫轉西鐵綫轉東鐵綫轉馬鞍山綫」= 藍色轉紅色,轉粉紅, 轉粉藍,  ...

的確，我認識既市區同學，多數係講藍色線轉紅色線，更加易明

KTL叫觀鐵嘅話就好似官鐵,姐係相當於國鐵,唔係MTR嘅,好容易令人誤會

其實好簡單
地鐵市區線, 市民印象係同一個system,
東西鐵係以前根本係兩個完全唔通的system
火車存在的大半個世紀馬鐵唔存在, 所以馬鐵出現當係完全係新野, even係大圍站轉車你可以話佢點解唔係同一個system, 但市民唔係咁諗
同樣地, 東涌線同機場線, 一來後期出現, 二來印象係一條全新ge野入大嶼山, 三來車都豪華d, 四又特別貴, 好難唔想像當佢唔屬於地鐵一部份
但點解將軍澳線咁後期起, 但冇人會否認佢係地鐵一部份...well.... common sense. 真係冇人會否認佢係地鐵市區網路一部份.
要區分, 最多係講 藍色線觀塘線荃灣線etc

叫得乜鐵乜鐵, , 一般人logic係根本屬於兩樣野/兩個system. 等如東鐵(火車)/西鐵, 市民本來就覺得佢係兩種交通工具

除左呢個年代小朋友會比MTR洗腦全個網路叫做港鐵之外
我覺得絕大部份香港居民都慣左叫市區線做地鐵, 東鐵叫火車/東鐵, 西鐵就西鐵, 馬鐵就馬鐵, 東涌線/機場快線叫番做自己個名
日常生活應該甚少有人講坐"港鐵入新界", 亦唔會有人講"坐地鐵入機場"

我敢講, 東西南北線通左之後, 一般人都會繼續講: 坐火車(東鐵)過海落金鐘/ 坐西鐵去馬鞍山 / 坐沙中線落啟德 (我知係東西線一部份, 但一般人我唔覺得佢識分)....

cn2661_2d32 發表於 2016-6-25 13:42
其實好簡單
地鐵市區線, 市民印象係同一個system,
東西鐵係以前根本係兩個完全唔通的system

但我聽見人地話屯門地鐵站
不過都有唔少人用火車同地鐵來分旺角站,而不用正名嘅

cn2661_2d32 發表於 2016-6-25 13:42
其實好簡單
地鐵市區線, 市民印象係同一個system,
東西鐵係以前根本係兩個完全唔通的system

其實觀荃島將當係同一個system問題唔大，但係我認為將東鐵（火車）當係同一個system個問題就大啦，即使而家可以互通都好（反而機鐵一直都無人當地鐵，因為唔能夠互通同有獨立品牌），因為性質實在太大分別啦，好似啲遊客喺旺角東站見到個標誌都會以為自己可以搭「地鐵」，結果入錯閘。

不過話時話，以前尖東站暫借東鐵嘅年代我都聽聞有遊客入啱都懷疑自己入錯閘（以為自己入錯地鐵個站），原因係尖東站跟足西鐵特別新穎，同東鐵其餘沿線露天車站又殘又舊又簡陋嘅近郊形象格格不入。

其實.......點解唔編數字？？