[NM, US] 乘坐報告：NM Rail Runner Express Santa Fe -> Albuquerque (多圖)

9/6/2016

New Mexico Rail Runner Express #511
Santa Fe Depot -> Downtown Albuquerque
13:02 - 14:37, 1 h 35 m

今天因事要到 Albuquerque，要在這兒過夜，這次選擇了慢（但便宜）的方法，
先從住處坐 commuter bus 到 Santa Fe，順便輕鬆處理一些私人事務，然後坐火車到距離 Santa Fe 約 63 miles (100 km) 的 Albuquerque。

NM Rail Runner Express 2006 年通車，2008 年延長到新墨西哥州首府 Santa Fe，
收費相當廉宜，從 Santa Fe 到 Albuquerque 一百公里的路程，單程只需 USD 9，即日來回只需 USD 10，
但近年經常聽到批評指這條鐵路是大白象，乘載率差，每年要政府補貼一千萬美金。
當然，對於我這些因為種種原因到今天還沒有考到車牌，就算考到車牌也沒有膽子開長途的人來說，這簡直是恩物。








雖然一點才開車，但因為提早辦完事，十一點半就到了火車站










火車站後面，停泊著 Santa Fe Southern Railway 的 EMD GP7 拖頭和兩卡載客車廂，
似乎是 SFSR 2014 年關門大吉後的長期安排


南行路軌，慢慢匯合


NMRX 的 MPI MP36PH-3C 油渣、電動混能拖頭






Bombardier BiLevel 雙層載客車廂




路軌盡頭的街道


一點才開車，先到附近的一家泰國餐廳，吃個青咖喱，然後返回火車站登車




下層內籠


車門


通往閣樓和上層的樓梯，閣樓層設有垃圾筒


閣樓和通往相連車廂的手拉門


閣樓往上層的樓梯


上層內籠




面對面座椅排列，每組座椅梅花間竹設有座枱


前方設有大型 LCD 屏幕，顯示車站資訊及廣告


電源插頭，方便工作


下層的「關愛座」（？）及後面的多用途空間，還有右邊的輪椅人士登車專用設備


車門控制裝置

可能因為新的緣故（其實也不算新了，已經十年歷史），內籠整體保養質素遠勝於 Amtrak 的列車。


一點零二分準時開出




離開 Santa Fe Depot，緊接車站南面的 Santa Fe Railyard 廣場有 Farmers' market


平交道


第一個車站 South Capitol，還在 Santa Fe 巿內，只有一條路軌，但有兩個月台。大部份路段均為單軌運作。


沿途民居


車票收據。車票可以預先上網購買，亦可向車上售票員購買。可能因為是中段班次的緣故，乘載率大概只有兩成多。






NM599 Station，位處高速公路兩個方向的行車線中間，主要供乘客於繁忙時間轉駁前往 Santa Fe 巿郊的巴士




頭卡載客車卡設有洗手間




沿途經過 San Felipe 自然保護區，景色怡人


大概是這個位置開始，有一段路段可以雙向行車，不過不平排，可能是遷就自然保護區佈局的緣故


正在覓食的野馬


Kewa 曾經是印第安人商販聚集地






宏偉的 Sandia Mountains，最高點逾一萬呎


停泊在 Bernalillo 的貨卡




到達 Montano 車站，意味著已經進入新墨西哥州最大城巿 Albuquerque 範圍






沿途塗鴉


Albuquerque 巿中心在望


兩點三十五分，列車準時駛入 Downtown Albuquerque 車站


月台上的牌匾，NMRX 啟用後第一、二、三週年均有標示




列車在月台上停了幾分鐘，上落乘客


遠處休息中的 NMRX 載客車卡




車站連接 Alvarado Transportation Center，是巿內最大巴士總站，持火車票乘客可以免費轉乘任何巴士路線


幾分鐘後，剛才乘坐的列車徐徐遠去，完成餘下的行程，前往 38 分鐘以外的南端終點站 Belen




列車離開後，空空如也的 Downtown Albuquerque 車站月台


離開車站的通道




Alvarado Transportation Center 主建築


車站內冷氣候車室

今次是第一次在美國坐 Amtrak 以外的長途火車，印象甚佳。車廂明亮整潔，行車平穩，
而且可能因為只有兩成上座率，感覺相當舒適。
一百公里路程，才收九美金，簡直超值。只是他們這盤數，不知道可以如何維持下去。
前幾次來往 Albuquerque 機場，坐 shuttle，已經聽過有司機覺得應該整條線執笠。

還有，Albuquerque 這個城巿給我的感覺，和 Santa Fe 還有我住的地方相比，簡直天淵之別。
只說 Albuquerque 與火車站相連的巴士總站，已經很多 random people，感覺不太安全，還是萬事小心為妙。

（全文完）

雖然列車都係一貫美國重口味工業風格，但以一條每日只有幾千客量的長途通勤鐵路，列車塗裝同車站設計都算有心思，每個車站都有自己的community theme，接駁配套都好似好考慮周全，仲專登花錢去拉直路軌提速去同私家車競爭，原來美國都有有心人搞公共交通

Kaix 發表於 2016-9-8 00:53
雖然列車都係一貫美國重口味工業風格，但以一條每日只有幾千客量的長途通勤鐵路，列車塗裝同車站設計都算有 ...

都要要多得前州長 Bill Richardson 的視野同願景，想大搞 intermodal transport
而你講得岩，呢條線的車站同列車塗裝都設計得好有心思，整體質素亦好過 Amtrak 唔少

不過真係太倚賴政府補貼，一直都有聲音認為唔應該再倒錢落呢個無底深潭，
甚至有班不顧民眾死活的右派，話班人 Santa Fe 返工，住 Albuquerque，係佢地既選擇，
政府唔應該用納稅人既錢，補貼佢地自由意志既選擇

尤其是條線係 Santa Fe 其中一座州政府大樓隔離有站，自然有人質疑利益輸送

但實情係，Santa Fe 生活成本唔係好平，唔少人係住唔起先要住平好多（但唔見得好住，而且罪案率高企）的州入面最大城巿 Albuquerque

呢個州係全美國第八最窮的州，超過兩成人生活貧窮線以下。
雖然我住的小鎮係全美國人均收入最高的小鎮之一，仲要係全美國人均教育程度最高的城巿，
而 Santa Fe 又有唔少有錢人，又係全美國第二 art capital，但反映唔到整個州的實況，Albuquerque 已經係第二個世界

不過呢點又帶出一個問題，就係一條咁長既鐵路，應該收幾多錢？
Santa Fe 去 Albuquerque，一百公里收 USD 9，就算用香港標準都係平到爛，如果係 Amtrak，同樣路段分分鐘要收 $25-$30。
但呢個價錢根本好難回本。但如果再收返正常價錢，就算收 $20，已經唔會比起渣車有咩優勢，如果超過兩人同行更甚，
而有需要既人又負擔唔起…

亦有聲音認為，應該用巴士取代，但實情係唔係慳到好多成本

而呢個州人口係全美國第六最稀疏，人口不到香港 1/3，本身經營環境就唔係好容易

雖然如此，我都係覺得呢條連接州首府同州最大城巿的鐵路係有需要起，唔係班右派話無需要就無需要，就可以不顧民眾死活。
右派就係好鍾意用大白象、唔夠錢為由，反對搞好公共交通。而美國又有幾多個 Bill Richardson？

S3BL100 發表於 2016-9-8 12:47
都要要多得前州長 Bill Richardson 的視野同願景，想大搞 intermodal transport
而你講得岩，呢 ...

多謝你詳盡嘅介紹!

睇返條鐵路嘅時間表，唔單止班次疏 (對美國以外嘅人來講)，
而且單程由ABQ 去SF 要成一個半鐘，
真係有人一日花上四個鐘 (加上接駁車程) 來通勤嗎?

不過喺咁惡劣嘅環境下 (人口少、公路多)，仲咁有心搞鐵路都算難得了！

PS,
三年前去美國東西兩岸都因火車車程唔理想而無搭到:
ACELA 太貴 (最後屋企人開車);
Coast Starlight (OREGON 去CA) 太慢, 搭左飛機;
連由MONTEREY 去SF 嘅車都係疏嘅, 結果都係要開車

leochill 發表於 2016-9-9 09:39
多謝你詳盡嘅介紹!

睇返條鐵路嘅時間表，唔單止班次疏 (對美國以外嘅人來講)，

遊客去到美國想搭市際鐵路，大概都要當火車本身係景點行程 for the experience of it 咁去搭。

leochill 發表於 2016-9-9 09:39
多謝你詳盡嘅介紹!

睇返條鐵路嘅時間表，唔單止班次疏 (對美國以外嘅人來講)，

其實係真係有人花單程個半到兩小時通勤。
雖然未必好多人咁做，但就算係我工作既地方，都有人日日渣至少個半鐘車由 Albuquerque 上來返工

條鐵路既時間表，對於通勤人士，尤其是 Santa Fe 返工的，未必好差，最多咪好似香港坐繁忙時間特別巴士線返工。
反正最緊要的都係 rail-bus connection 夾唔夾到時間，而以我所知其他 transit agency 係有同呢條鐵路夾時間的，
萬一鐵路遲到都會等埋落客先開車。

反而最大問題係日間中段班次太疏，唔方便非繁需要來往兩地的乘客。
尤其是好似我呢D落 Santa Fe 仲要駁多程車的，Santa Fe 落 Albuquerque 朝早尾班七點零已經開，
於是要六點幾出門口先趕得切。如果要即日來回 Albuquerque，回程返到屋企已經夜晚八點幾。

當然，非繁有幾多客都係另一個問題。但有時候，開得太疏，都會趕客自己渣車，只係開多幾班會蝕仲多

同埋以今時今日政治環境，呢條鐵路應該無可能起

反而你提到 Acela，佢（同埋平少少的慢車 Northeast Regional）貴得來真係有唔少人搭，
Northeast Corridor 係 Amtrak 唯一有錢賺載客路段，加上 I-95 塞車家常便飯，
坐飛機又要預時間通過機場安檢，搭火車其實有一定優勢。（兩年前坐過）

DIH 發表於 2016-9-9 10:52
遊客去到美國想搭市際鐵路，大概都要當火車本身係景點行程 for the experience of it 咁去搭。  ...

咁美國巿際鐵路唔少路段又真係景色怡人既

好似舊年仲住加州既時候，坐過上面 leochill 兄提到的 Coast Starlight，洛杉磯去 Santa Barbara 中間一小段，
臨入 Santa Barbara 前一段，直頭係同海岸平排，近距離接觸太平洋，列車仲要設有觀光車卡

不過記憶中當時都要收廿幾蚊一位，如果係其他班次的 Pacific Surfliner 仲要三十幾蚊，
但坐 Greyhound 只需要 $15，渣車更加有機會平過坐火車，真係會咁搭的，可能都係遊客居多

於是又返到應該點訂價的問題

講返呢條鐵路，其實 Santa Fe 係遊客區而 Albuquerque 唔係，但州入面最大機場係 Albuquerque。
佢地好似的確諗過吸遊客，Albuquerque 車站仲有條 250 不停站巴士線，時間表同火車夾過，免費接駁，由車站前往機場只需約 15 分鐘。
但似乎就唔係太成功，據我所知大部分遊客唔係租車就係坐 shuttle，shuttle 車費大約 $30-$40，仲可以送到酒店門口

「NMRX 的 MPI MP36PH-3C 油渣、電動混能拖頭」

佢應該只係 diesel-electric locomotive「柴電機車」而已。
即係用柴油發電機產生電能驅動車軸，沒有儲電、純電動功能。

柴油、電動雙制式機頭稱為 electro-diesel locomotive，例如英國的 Class 73。

真正的混能鐵路車輛我暫時只諗到 JR 東日本的 HB-E210、HB-E300。

leochill 發表於 2016-9-8 17:39
多謝你詳盡嘅介紹!

睇返條鐵路嘅時間表，唔單止班次疏 (對美國以外嘅人來講)，

我就係其中一個，返工就八個鐘，來回四個鐘，仲要自己揸，仲慘過返十二個鐘其實向bay area 三個鐘係極平常，四個鐘亦不少，甚至再誇張都有，因為d樓真係太貴，唔單只買，連租都係

AV385 發表於 2016-9-12 08:53
我就係其中一個，返工就八個鐘，來回四個鐘，仲要自己揸，仲慘過返十二個鐘其實向bay area 三個鐘係極平 ...

呢個係我舊年 decline 左 Bay Area 的 job offer 的原因之一

人工比起我而家低 25%，但屋租係我而家既三倍，數學上根本唔 work...

btw 似乎唔少大城巿都有人要來回花 3-4 小時通勤，只係如果搭火車會好少少，因為可以車上面訓覺或者做其他野