hkitalk.net 香港交通資訊網

 找回密碼
 會員申請加入


(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 [熱門] [精華] (B3)巴士攝影作品貼圖區 [熱門] [精華] (B3i)即拍即貼 -手機相&翻拍Mon相 (B4)兩岸三地巴士討論 [精華] (B5)外地巴士討論 [精華]

Advertisement


(B6)旅遊巴士及過境巴士 [精華] (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛 [精華]
(A6)相片及短片分享/攝影技術 (A10)香港地方討論 [精華] (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 [精華] (C3)海上交通及船隻 [精華] (D1)公共交通有關商品 [精華]   (Y)hkitalk.net會員福利部 (Z)站務資源中心
(R1)香港鐵路 [精華] (R2)香港電車 [精華] (R3)港外鐵路 [精華]   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表        
 

Advertisement

 

hkitalk.net 香港交通資訊網»論壇 (A) Life 生活討論區 其他討論題目 (N) Donald Trump 於 2016 美國總統大選勝出
開啟左側

Donald Trump 於 2016 美國總統大選勝出

  [複製鏈接]
AVD1 發表於 2016-11-9 15:45 | 顯示全部樓層 |閱讀模式

                                    Advertisement



本帖最後由 AVD1 於 2016-11-9 16:12 編輯

Donald Trump 到最後真係嬴了,唔知對美國甚至對全球有咩影響?
老實講,今次我係支持 Donald Trump 多過 Clinton Hillary。

Hillary 成日話 Trump 侮辱女性,起小弟眼中其實只係犯了美國大多數男人 o既病;
反之,Hillary 自己 E-mail 單野真係點解釋都解釋唔到。

當然,每個人有唔同睇法,但今次 Trump 嬴真係 …… 我都唔識講,
不過而家呢個世界真係越黎越多「強人」上位,睇黎未來幾年世畀真係會大亂,
但係我始終認為選舉期間太多花巧野,到最後可能全部都係得個吹字而已 ……
LJ7006 = MF5119 = AVD1
OTIS401 發表於 2016-11-9 19:31 | 顯示全部樓層
最少已經跌爛晒全世界嘅眼鏡
S3BL100 發表於 2016-11-10 02:02 | 顯示全部樓層
本帖最後由 S3BL100 於 2016-11-10 02:06 編輯

我真係笑唔出⋯
今日我返工的地方,氣氛簡直同靈堂無分別,老細取消晒本來要開既會議,大家都唔知道會對我地的機構甚至成個行頭有咩影響

但幾乎可以肯定:

1. 影響最深遠的係佢可以提名最高法院法官,填補 Antonin Scalia 二月逝世後的空缺,影響長達幾十年,
如果佢在位期間再有多一兩個法官退休或者唔做,成個最高法院的 makeup 會變得極保守,剝削民權,美國人好自為之

2. 佢好大機會會拉倒奧巴馬的行政指令,俾美國人隨便買槍,製造恐怖

3. 奧巴馬的醫療改革應該都會凍過水,二千萬人重新跌入水深火熱之中,有病無得睇醫生

4. 佢會直接或簡接縱容俄羅斯,甚至中国、北韓的獨裁政權搞搞震,世界從此永無寧日;
佢支持俄羅斯吞併克里米亞,意味佢好有機會縱容中国吞併台灣

5. 佢會任由空氣污染同溫室氣體排放,FB 見到有個 hashtag 「X 球剷」(因為係粗口唔出得),
但今次應該唔止係人類遭殃,而係整個地球遭殃

6. 呢樣亦係我做野的機構最驚的(之前幾個月,茶水間講到政治,成班人包括部門高層已經粗口橫飛),
就係佢有權動用核武,而無人可以阻止到佢,佢又唔明白亂用核武的禍害,大家即管睇下幾時佢會同唔知邊個掟原子彈

我老細直頭叫我,為自己打算,謀定後路,試去其他地方搵工,因為我份約完左之後,有無得續約係未知之數,亦唔係佢控制範圍內(我份約最多可以玩多年半)
如果搵到其他好工,就約未滿都最好走先,保障自己咁喎。
fb.com/scientisthk2usa/
peterkwan 發表於 2016-11-10 10:57 | 顯示全部樓層

                                    Advertisement



希拉莉輸, 其實好大程度上係受電郵門事件所累。西方從政者最大忌就是缺乏誠信,希拉莉正正給人覺得她缺乏誠信。

特朗普雖然係隨口亂吠,但至少某部分人係 buy ,同埋就算依家唔認同他的想法,他上場之後究竟會有
幾多承諾可以做到也是未知之數。他的黑材料 (e.g. 侵犯女性)也只是小事一樁, 煲水新聞而已.  

當然,投票者當中有多少係兩個都唔 buy (個人相信佔不少比例), 只是含淚投票給某一候選人就很難説。

GU9338 發表於 2016-11-10 11:25 | 顯示全部樓層
本帖最後由 GU9338 於 2016-11-10 11:30 編輯
S3BL100 發表於 2016-11-10 02:02
我真係笑唔出⋯
今日我返工的地方,氣氛簡直同靈堂無分別,老細取消晒本來要開既會議,大家都唔知道會對我 ...

唔知 S3BL 兄你間公司點睇英國脫歐成功 ?

有呢件前例 , 其實我覺得 Trump 贏唔算太意外
Hillary 俾人一個大政治家既形象 , 上任後離唔開同權貴合作、私下交易等等,我諗好多美國人唔會睇到有乜改變
而 Trump 雖然口出狂言 , 但可能就係因為佢無乜包袱 , 真係可以向美國人開好多聽得入耳既支票 (找唔找數係另一回事)
不過都驚奇佢係人權方面得罪咗唔少人 , 但到頭來對佢既影響比想像中細

反而眾議院參議院都係共和黨繼續控制就幾令我意外 ,
奧巴馬後期雖然無乜野可以做 , 但佢本身民望唔差理應幫到民主黨一把 ,
點知最後個黨係渣都無得淨 , 黎緊民主黨以至奧巴馬留低既野應該差唔多一局清袋
請用文明來說服我。
 樓主| AVD1 發表於 2016-11-10 12:24 | 顯示全部樓層
GU9338 發表於 2016-11-10 11:25
唔知 S3BL 兄你間公司點睇英國脫歐成功 ?

有呢件前例 , 其實我覺得 Trump 贏唔算太意外

問題係而家係美國人自己選總統又唔係美國以外 o既人去選總統,人權又何需睇得太重要。
就算墨西哥、穆斯林幾唔妥 Trump,都唔關佢地事,頂多未表下態咁又可以做得啲咩呢。

起我眼中,呢次選舉根本就係一班精英、中產以上階層同一班中下、低學歷 o既藍領 o既一場鬥爭,
同香港建制同本土派真係有點相似。

起香港,中產以上 o既緊係唔想香港變,因為改變唔一定會變好,但係唔變就肯定可以「安居樂業」,
反之揀本土派根本就係一大班人頂唔順中共 o既高壓,認定香港冇左中共靠自己都唔會死,自然就想反建制自行搵出路。

起美國黎講,而家本土經濟根本就唔係好,
Trump 個移民政策同埋搞復蘇製造業呢下就已經收買到一大堆人心。
當然佢係唔係真係做到,冇人知,但我只係認為如果揀 Hillary 根本就係同 Obama 一樣乜野改變都唔會有。

至於 S3BL 講到中美關係,
係,Trump 話美國唔應該做世界警察,起地緣政治黎講中共或者係會幾高興 Trump 當選,
但係經濟黎講,如果 Trump 真係玩野玩到將中國列為滙率操控國,又搞保護主義的話,
我相信大陸經濟都應該好快玩完 - 即係香港人經常講到話支爆真係有望。

美國佬唔玩政治玩經濟戰,中共真係冇得點防,
何況中共本身個條數都係吹出黎,入面究竟有幾多斤量真係心照,
雖然美國都唔係好得去邊,但係慘得過美金有大把人信。

不過最後都係個句,Trump 係唔係真係可以玩到咁大係一個問題,
選舉講到自己幾巴閉,到最後可能做到總統之後咩都做唔到 ……
LJ7006 = MF5119 = AVD1
S3BL100 發表於 2016-11-10 12:59 | 顯示全部樓層

                                    Advertisement



peterkwan 發表於 2016-11-10 10:57
希拉莉輸, 其實好大程度上係受電郵門事件所累。西方從政者最大忌就是缺乏誠信,希拉莉正正給人覺得她缺乏誠 ...

係…

當初如果係 Bernie Sanders 取得民主黨提名,幾乎肯定係佢做總統,
點知俾我老細不幸言中,希拉莉吸引唔到年青選民投佢票,投票率低,於是特朗普當選

特朗普的得票總數,比起四年前 Mitt Romney 輸俾奧巴馬果次,仲少二百萬票

不過講到誠信,有樣野好好笑,
特朗普誠信仲差好多倍,出爾反爾不在話下,成堆傳媒的 fact checkers 發現佢七成時間講緊大話,班友又唔理

當然,支持佢既人,對於佢連串醜聞都必然會視若無睹,
尤其是投票俾佢班所謂保守基督徒,根本心入面淨係諗住最高法院保住保守派佔多數的問題,
淨係關心法院禁唔禁止墮胎,不過任由民眾無醫療福利自生自滅,又覺得民眾持搶權利高於生存權利,係咪合乎基督教精神,就唔提

fb.com/scientisthk2usa/
GU9338 發表於 2016-11-10 13:14 | 顯示全部樓層
AVD1 發表於 2016-11-10 12:24
問題係而家係美國人自己選總統又唔係美國以外 o既人去選總統,人權又何需睇得太重要。
就算墨西哥、穆斯林 ...

奧巴馬早幾年面對重重反對聲音推動 obamacare ,
仲以為會吸到基層支持添 , 點知最後票都係投對家

我唔清楚美國年輕人點睇 Hillary ,
不過觀乎世界政治 , 呢個年代再同年輕人講「大局為重」根本就晒氣 ,
無論香港選舉、brexit 以至呢次大選都睇得出世代矛盾越益對立
如果好似 Hillary 仍然淨係講頭痛醫頭、腳痛醫腳 , 年輕人根本唔會見到有乜希望而唔撐你 ...

不過 Hillary 對少數群體有關心就真既 , 呢樣野不遜於 obama
咩種族平等、同志平權等等事項,睇怕 Trump 呢幾年都停滯不前甚至倒退
請用文明來說服我。
S3BL100 發表於 2016-11-10 13:15 | 顯示全部樓層
GU9338 發表於 2016-11-10 11:25
唔知 S3BL 兄你間公司點睇英國脫歐成功 ?

有呢件前例 , 其實我覺得 Trump 贏唔算太意外

英國脫歐反而對我地無咩影響(按:我唔係做私人機構)

不過今次特朗普當選,就真係燒到埋身。
換轉係第二個共和黨人,就算再差都好,都起碼估到佢會點做,可以諗應變方法,但今次係完全無得估

完全唔知道會點樣影響各相關政府部門,同埋我做野地方的大方向、運作經費等等,
但相信整個機構以至整個科研界都會受到打擊

而我部門幾肯定有一 team 做有關氣候變化既野既人,好可能會遭殃

經過英國脫歐後,特朗普贏選舉,其實唔係太大意外,雖然係滿地眼鏡碎,
但其實就算係上次大選預測最準確的 Nate Silver,選舉前一日都係估緊特朗普有不能忽視的 30% 機會勝出,唔似四年前估奧巴馬九成機會贏

而今次特朗普做美國總統,影響比起英國脫歐大好多好多,
因為真係會影響世界穩定同地緣政治,甚至增加爆發核戰的可能性

參議院維持共和黨控制,我覺得係有少少意外,但亦顯示關鍵州份總統同參議院 split ticket 投票並唔普遍,
之前係成班共和黨人驚特朗普出位言論會影響選情,而家似係特朗普反而增加左低下層白人投票意欲,幫左佢地一把

正如我上幾層所言,奧巴馬的醫療改革應該都凍過水,分分鐘多二千萬人失去醫療,
仲未計氣候變化、伊朗核協議

fb.com/scientisthk2usa/
S3BL100 發表於 2016-11-10 13:25 | 顯示全部樓層

                                    Advertisement



GU9338 發表於 2016-11-10 13:14
奧巴馬早幾年面對重重反對聲音推動 obamacare ,
仲以為會吸到基層支持添 , 點知最後票都係投對家

因為共和黨當時即刻開動宣傳機器抹黑醫療改革,令到班低下層白人信以為真,走去投票損害自己的利益

其他族裔低下層傾向大比數支持民主黨,但白人低下層唔係…

美國的年青人大比數反對特朗普,但希拉莉代表的建制派同華爾街關係太密切,又唔能夠有效吸引佢地走出來投票。
正如我上面所講,如果係 Bernie Sanders 代表民主黨,分分鐘已經打到特朗普一敗塗地

fb.com/scientisthk2usa/
您需要登錄後才可以回帖 登錄 | 會員申請加入

本版積分規則

Advertisement

Advertisement

Advertisement

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2024-3-29 18:15

Powered by Discuz! X3.4

Copyright © 2001-2020, Tencent Cloud.

快速回復 返回頂部 返回列表